патот кичево-охрид – Kurir.mk

Повремени прекини во сообраќајот на патот Кичево-Охрид

Дарко Андоновски — Tue, 15 Feb 2022 07:39:37 +0000

На патниот правец Кичево – Охрид, на делницата Пресека – Песочан, денеска помеѓу 11:00 и 14:00 часот сообраќајот ќе биде во прекин во времетраење од 10 до 15 минути поради изведување градежни работи на пат (минирање), информираат од АМСМ. Сообраќајот на државните патишта се одвивa непречено по претежно суви коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Утре времен прекин на сообраќајот на патот Кичево – Охрид, ова мора да го имате на ум доколку патот ве води натаму

Дарко Андоновски — Mon, 13 Sep 2021 06:54:45 +0000

Поради изведување градежни работи на пат – минирање и дупчење на косини во двата правци, ќе има прекин во сообраќајот на патниот правец Кичево – Охрид, на делницата Пресека – Песочан. Како што информира ЈП „Македонија пат“, прекинот на сообраќајот ќе биде во времетраење од 15 до 20 минути во периодот помеѓу 11 и 14 часот.

Повреден работник ангажиран на автопатот Кичево- Охрид

Дарко Андоновски — Fri, 24 Jul 2020 12:19:15 +0000

Педесет и пет годишниот Г.Т. од Кичево, вработен во ГП „Гранит“, вчера се здобил со повреди вршејќи градежни активности на автопатот во изградба Кичево-Охрид, кај мостот во атарот на село Добреноец, информира денеска портпаролот на СВР Охрид Стефан Димоски По дадената неопходна медицинска помош во Општата болница во Кичево, соопшти Димовски, работникот е пуштен на домашно лекување. Случајот е пријавен во Полициската станица Кичево вчера околу 14 часот. Димовски инфорормираше и дека според статистичките податоци на МВР, во изминатото деноноќие, на подрачјето на ОВР Кичево, полициските службеници констатирале пет прекршоци за неносење лична заштита на лицето .Ним им се издадени прекршочни платни налози за сторен прекршок по член 6 став 1 од Уредбата со законска сила за носење лична заштита на лицето заради спречување на ширење на заразната болест Ковид 19.

СТРАОТНА НЕСРЕЌА: Шлепер излета од патот Кичево-Охрид, се трага по возачот (ФОТО)

Дарко Андоновски — Mon, 08 Jul 2019 11:17:52 +0000

Камион шлепер излетал и се превртел крај патот на патниот правец Кичево-Охрид. Сѐ уште не е познато дали возачот претрпел повреди бидејќи него го немало ниту во кабината ниту крај возилото. На местото на несреќата се собрани случајни минувачи и полициски екипи. Повеќе детали се очекуваат подоцна во тек на денов. ИЗВОР: АЛСАТ-М

Пуштен за сообраќај патот Кичево-Охрид кај Другово

Дарко Андоновски — Thu, 23 May 2019 14:36:55 +0000

Од 14:30 часот попладне е пуштен за сообраќај патниот правец Кичево-Охрид кај село Другово што беше во прекин поради сообраќајка, соопшти Автомотосојузот на Македонија. Во сообраќајната незгода помеѓу мотор и камион почина мотоциклистот.