патријархот Порфириј – Kurir.mk

Подгорица потврди: Патријархот Порфириј беше во опасност во Цетиње

Ивана Ефремовски — Tue, 07 Sep 2021 13:21:39 +0000

Потпретседателот на црногорската Влада, Дритан Абазовиќ, изјави дека постои голема безбедносна закана за патријархот. -Истрагата ќе ги утврди деталите и фактите за безбедносните закани за време на устоличувањето на митрополитот Јоаники во Цетиње, изјави Абазовиќ, додавајќи дека постоела голема безбедносна закана за поглаварот на СПЦ, што и самиот патријарх го потврдил со својата изјава. Абазовиќ изјавил дека нема случаи на непослушност во безбедносниот сектор, но дека има случаи на одредени емоционални флуктуации кај некои луѓе. Безбедносниот сектор функционираше беспрекорно, тврди вицепремиерот на Црна Гора. -Не дозволувам никој да обвинува луѓе за нешто што не им припаѓа. Секој што ќе одбие каква било задача ќе биде суспендиран, рече Абазовиќ. Тој посочи дека патријархот на Српската православна црква, Порфириј, е заштитена личност и обврска на полицијата е да го држи што подалеку од опасностите. -Не сме горди на употребата на солзавец, но недостига дијалог и политичка култура, рече Абазовиќ. Тој, исто така, рече дека државата не е таму за да утврди во која црква некој може да изврши верски обред, туку дека нејзината задача е да ги заштити уставните права. Говорејќи за односите меѓу Црна Гора и Србија, Абазовиќ рече дека нивната заложба е да имаат многу поголема доверба, соработка и порелаксирани односи со Србија отколку што се сега.

ПАТРИЈАРХОТ ПОРФИРИЈ ВО САМОИЗОЛАЦИЈА – еве ги деталите

Магдалена Андонова — Wed, 03 Mar 2021 12:02:11 +0000

Српскиот патријарх Порфириј е во самоизолација, затоа што бил во контакт со лице заболно од коронавирусот - Имајќи предвид дека тој бил во контакт со свештеник за кој се испоставило дека имал благ и асимптоматски облик на коронавирусот, Неговата Светост Патријарх на Србија, г. Порфириј, по совет на лекар, наредните денови ќе биде во самоизолација, се вели во соопштението. СПЦ. Неговите контакти ќе бидат сведени на минимум во наредниот период. .

Прва беседа на српскиот патријарх Порфириј: Хрватска е мојата втора татковина, мојата грижа ја заслужуваат и во Македонија

Ивана Ефремовски — Fri, 19 Feb 2021 13:18:25 +0000

Во првата беседа по интронизацијата во Соборната црква во Белград, новиот поглавар на Српската православна црква, патријархот Порфириј, кажа дека неговата патријархална служба нема да оди по патиштата на парцијални интереси, ниту пак ќе содржи елементи на современa партизација и парцијалното бавење со политиката, туку ќе настојува да го негува соборниот дух, јави дописникот на МИА од Белград. Тој вети дека ќе продолжи да му служи на својот народ и во Хрватска. -Хрватска стана моја втора татковина, а народот што го сретнав таму ќе останат пример за мене во години што престојат. Истото важи и за Словенија. Истата моја грижа и од сите нас ја заслужуваат и сите во Македонија, кои ги чуваат големите светилишта со векови, кажа патријархот на СПЦ. „Косово е за нас завет, кој е врзан за Новиот завет, кажа Порфириј. -Затоа Косово е нишка за нас, папочна врвца што нè поврзува со нашата духовна историска колевка, суштината на нашиот идентитет, Косово е во нас, во нашите светилишта, во кирилицата, порача патријархот Порфириј. На почетокот на беседата тој кажа дека со длабока смиреност и чувство на стравопочит го прифатил фактот дека е воздигнат на светиот престол на Свети кир Сава, на престолот на големото архиерејство. -Назначен сум да го зачувувам и обновувам споменот за делото, жртвата и мачеништвото на Црквата Божја, што го претрпеа моите свети претходници, рече новоизбраниот патријарх. Порфириј кажа дека сака евангелските вредности да бидат секојдневие на сите православни луѓе. -Современата политика често носи многу непријатности и борба на групите што се обединуваат заради понекогаш меѓусебното ривалство, а јас тоа не го гледам како политика во изворното значење на тој збор, кажа Порфириј. Зборувајќи за пандемијата на коронавирусот, тој ги повика граѓаните да бидат силни и трезвени, да не дозволуваат да преовладува стравот и оцени дека „секоја здрава личност може да биде многу полош вирус“. (МИА)