Мартенс: 75 отсто од германските фирми во Македонија повторно би инвестирале тука

Тале Кристо — Wed, 02 Nov 2022 15:16:55 +0000

Мартенс: 75 отсто од германските фирми во Северна Македонија повторно би инвестирале тука Вкупно 75 отсто од германските фирми во земјава, повторно би инвестирале тука, покажуваат најновите анализи на Делегацијата на германското стопанство. Според директорот на Делегацијата, Патрик Мартенс, шансите за Македонија се во металната, дрвната и прехранбената индустрија, во земјоделството, текстилот и чевларската индустрија, како и во ИТ секторот. -Најголемиот дел од германските фирми се лоцирани во слободните зони и според анкетите, 75 отсто од нив повторно би инвестирале тука. Значи се задоволни, истакна Мартенс на Македонско-германскиот форум што го организираа денеска Фондацијата Конрад Аденауер, Делегацијата на германското стопанство и Институтот за демократија. Мартенс се осврна и на предизвиците, напоменувајќи дека и натаму, клучни се корупцијата, како и бавните административни постапки, но и правните реформи, дополни, се важни. -Во последните 10 години, Северна Македонија има изгубено и многу луѓе. Сите тука што инвестираат може да бидат успешни само ако има луѓе, рече директорот на Делегацијата. Сепак, во моментов, заклучи, енергетската криза е најголемиот ризик за стопанството. -Фирмите, за разлика од граѓаните, ќе мора да ги добијат цените на енергијата на слободниот пазар, тоа се однесува и на Европа и на Германија. Тоа е огромен проблем. Се уште не знаеме како фирмите ќе ја поминат оваа зима, подвлече Мартенс. Тој во обраќањето на форумот ја потенцира и потребата од забрзување на процесот на декарбонизација.

Патрик Мартенс: Македонија влегува во енергетска криза, црпи струја од европската мрежа за да ги задоволи дневните потреби

Ивона Петрова — Thu, 11 Nov 2021 09:12:20 +0000

Директорот на Делегацијата на германското стопанство во Македонија, Патрик Мартенс вели дека Македонија влегува во енергетска криза. МЕПСО досега има четири предупредувања за ненајавен упад во европската мрежа. -Северна Македонија влегува во енергетска криза. Земјата во моментов троши двојно повеќе електрична енергија отколку што произведува и црпи струја од европската мрежа за да ги задоволи дневните потреби. Државниот оператор за пренос на електрична енергија, МЕПСО, досега доби четири предупредувања за ненајавен упад во европската мрежа. Поради тоа Владата во вторникот прогласи кризна состојба во енергетскиот сектор во траење од 30 дена. Македонските производни компании се загрижени поради претстојната енергетска криза, но и поради последиците кои ќе ги предизвика недостигот на струја, пишува Мартенс во утринската телеграма на Делегацијата. Во вторникот ја седница, Владата донесе одлука за прогласување на кризна состојба во енергетскиот сектор во траење од 30 дена на барање на Комисија за следење на состојбите со снабдување со електрична енергија формирана од Министерството за економија.

Патрик Мартенс – Kurir.mk

Мартенс: 75 отсто од германските фирми во Македонија повторно би инвестирале тука

Патрик Мартенс: Македонија влегува во енергетска криза, црпи струја од европската мрежа за да ги задоволи дневните потреби