патрис евра – Kurir.mk

Евра: Префрлањето на Роналдо во резерва е многу силна одлука

Ивона Петрова — Sun, 25 Sep 2022 10:20:47 +0000

Поранешниот фудбалер на Манчестер јунајтед, Патрис Евра, откри што мисли за ситуацијата на напаѓачот Кристијано Роналдо во клубот од „Олд Трафорд“. – Да се префрли Роналдо во резерва е многу силна одлука. Можеби ова него му изгледа неправедно, бидејќи минатата сезона постигна околу 18 гола. Но, тимот има главен тренер кој ја носи конечната одлука. Мислам дека тренерот треба да разговара со Роналдо, изјави Евра за „Сан“. Триесет и седумгодишниот Португалец одигра шест натпревари оваа сезона во Премиер лигата и нема постигнат гол. Во летниот трансфер период фудбалерот сакаше да го напушти Манчестер јунајтед, но неговиот менаџер не најде поволна понуда

Шок исповед на Патрис Евра: Ме зл*ставуваа кога имав 13 години

Ивона Петрова — Sun, 24 Oct 2021 09:29:52 +0000

Поранешниот француски репрезентативец, дефанзивецот на Манчестер Јунајтед и ПСЖ, Патрис Евра открил дека бил зл*ставуван кога имал 13 години. Евра за време на школувањето бил далеку од своето семејство, а на 13 години во својот дом го примил директорот на училиштето кое го посетувал. Весникот Тајмс, објави неколку делови од автобиографијата „Ја сакам оваа игра“ на познатиот фудбалер. -Ми беше срам да признаам дека сум се*суално зл*ставуван. Не сакам и други деца тоа да го доживеат, напиша Евра. Фудбалерот престојувал три ноќи неделно во домот на својот наставник. Евра успеал да ја убеди мајка му да го држи што подалеку од наставникот, не објаснувајќи и зошто, а и признал што точно се случувало пред неколку дена. -Тоа беше тешко време за мене. Се уште не сум им кажал на сите и не сакам луѓето да ме жалат. Ниеднамајка не сака да слушне вакво нешто од своето дете. За неа беше шок. Ми беше срам од реакцијата на луѓето и се плашев што ќе кажат. Не сакам децата да бидат во мојата ситуација, да се срамат самите од себе и да сметаат дека не се храбри. Не е работата во храброста, туку во психилошката подготвеност да се зборува за тоа. Секогаш себеси се обвинував за тоа. Не се срамам да кажам дека со години се однесував како кукавица бидејќи не зборував за тоа. Сега ова не го правам поради себе, туку поради другите деца, вели Евра. Фудбалерот открива дека кога имал 24 години бил контактиран од страна на полицијата во врска со овој случај, но одлучил ништо да не зборува за тоа да не се одрази на неговата кариера.

Поради хомофобични реплики, Евра може да заврши во затвор

Дарко Андоновски — Tue, 26 Mar 2019 18:58:51 +0000

Поранешниот француски репрезентативец, Патрис Евра може да добие сериозна казна поради своите хомофобични реплики кои ги употреби при радоста по победата на Манчестер Јунајтед над ПСЖ на „Парк де Пренс“ минатиот месец. Легендата на „црвените ѓаволи“ го проследи триумфот со 3:0 во ВИП-ложата и се израдува доста невоздржано по последниот судиски сигнал во осмнафиналниот реванш дуел. Однесувањето на 37-годишниот Евра беше документирано во видео кое брзо стекна популарност во социјалните мрежи. Во него се слуша како тој го користи зборот „pede“, кој има јасна анти-хомосексуална конотација. Сега организацијата „Роуг Дајрект“ иницира тужба за случајот. – Ние не сакаме навредите на еден поранешен капитен на Франција да се занемарат туку така. Многу луѓе го слушаат тоа, особено тинејџерите. Санкции и вонредни казни треба да им се наметнат на оние кои мислат дека можат да ги навредуваат луѓето врз основа на нивната сексуална ориентација. Ова е неприфатливо и казниво со закон. Ако г-дин Евра не сфати колку се сериозни неговите зборови, сакаме судијата да го потсети, изјави Жулиен Понтес, портпарол на „Роуг Дајрект“ Ако Патрис Евра е прогласен за виновен, тој може да заврши во затвор како и да биде глобен со парична казна до 40.000 евра.

Евра кариерата ја продолжува во Вест Хем

Ивона Петрова — Wed, 07 Feb 2018 08:34:33 +0000

По тримесечна пауза без клупски обврски, Патрис Евра ќе продолжи со натпревари како фудбалер на Вест Хем, објавија британските медиуми. Французинот последен ангажман имаше во Олимпик Марсеј, но по инцидентот со еден навивач кого Евра физички го нападна пред натпревар од Лига Европа со Виторија Гимараеш, доби раскин на договорот. УЕФА го суспендира Евра до крајот на сезоната, но тоа не го спречува Евра да игра за лондонскиот клуб во Премиер лигата. Како фудбалер најголем успех доживеа со Манчестер Јунајтед со кого освои девет титули. Беше член и на Монако, Јувентус, Ница и Монца.