пау гасол – Kurir.mk

Новицки, Гасол и Паркер и официјално ќе бидат нови членови на Куќата на славните на НБА

Бошко Тасиќ — Sun, 02 Apr 2023 06:27:54 +0000

Легендарните европски кошаркари, Дирк Новицки, Пау Гасол и Тони Паркер и официјално ќе бидат дел од класата 2023 која ќе биде примена во Куќата на славните на НБА лигата во Спрингфилд. Покрај Гасол, Паркер и Новицки, во класата 2023 се уште и легендарниот тренер на Сан Антонио спарс, Грег Попович и поранешната ѕвезда на Мајами хит, Двејн Вејд. Свечената церемонија на која легендарните кошаркари и тренери ќе бидат и официјално примени во Куќата на славните ќе се одржи на 11. и 12. август.

Лејкерси ја повлекоа 16-ката со која Пау Гасол играше за клубот

Ивана Ефремовски — Wed, 08 Mar 2023 07:43:37 +0000

Лос Анџелес лејкерс го повлече бројот 16 со кој за тимот настапуваше познатиот шпански центар Пау Гасол. Церемонијата се одржа за време на паузата на домашниот меч на Лејкерси против Мемфис (112:103). Дресот со број 16 со презиме Гасол беше обесен во арената на Лејкерс покрај дресовите со број 8 и 24 на Коби Брајант. Пау Гасол играше за Лејкерс од 2008 до 2014 година. Заедно со тимот двапати стана шампион во НБА (2009, 2010). Шпанецот стана 12. играч на клубот, чиј број е повлечен од оптек. (МИА)

Пау Гасол: Шпанија и САД најголеми фаворити на Светското првенство во 2023 година

Катерина Бојаџиева — Thu, 09 Feb 2023 13:07:50 +0000

Поранешниот шпански репрезентативец и НБА- ѕвезда Пау Гасол ги именува своите фаворити за освојување на Светското првенство во 2023 година. -Мислам дека треба да почнеме со актуелниот шампион, шпанската репрезентација, која исто така е на врвот на ранг-листата на ФИБА. Следни се САД, тие се број два. Потоа број три. Тука треба да изберете помеѓу Франција и Словенија. Ова се моите прогнози околу трофејот. Но се зависи од тоа во каков состав ќе настапа репрезентациите, изјави Гасол. Светското кошаркарско првенство годинава ќе се одржи од 25 август до 10 септември во Јапонија, Индонезија и Филипини.

„Лејкерси“ ја повлекуваат „16-ката“ на Гасол

Тале Кристо — Wed, 06 Oct 2021 17:39:28 +0000

Лос Анџелес лејкерс планира да го повлече дресот со бројот 16, кој го носеше легендарниот шпански кошаркар Пау Гасол. Шпанецот вчера соопшти дека ја завршува кошаркарската кариера во рамки на која шест и пол години го носеше дресот на „Лејкерси“, освојувајќи со тимот од Лос Анџелес две шампионски титули во НБА лигата. Гасол во НБА лигата настапуваше и за Мемфис, Чикаго, Сан Антонио и Милвоки и на 429 натпревари имаше просек од 17.7 поени, 10 скокови и три и пол асистенции. Крајот на кариерата го објави како член на Барселона, тимот во кој и ја почна својата блескава кариера.

Гасол објави крај на кариерата и емотивно се сруши кога го спомна името на Коби (Видео)

Ристе Здравков — Tue, 05 Oct 2021 16:40:43 +0000

По 21 година професионална кариера, Пау Гасол ова попладне објави дека се повлекува од активното играње кошарка на 41 година, нагласувајќи дека е посебно горд што тоа го направил на највисоко ниво и комплетно здрав во ситуација кога е влезен во петтата деценија од својот живот. Легендарниот шпански центар имаше свое обраќање од театарот во Барселона, а на свечената церемонија беа присутни голем дел негови соиграчи од репрезентацијата, неговото семејство и најголем дел од новинарите кои ја следеа цела негова играчка кариера во изминатите две децении. – Во 2019-та година морав да се оперирам и тогаш лекарите не ми предвидоа дека ќе се вратам на 39 години. Со Портланд се договоривме дека ќе почекаме шест месеци, а потоа морав да имам алтернативен третман на стапалото. Јас не се откажав и си го остварив сонот, се вратив да играм за Барселона и благодарам за укажаната шанса. Една од моите цели беше да играм пред мојата ќерка, таа ме виде како играм на професионално ниво. – Тука сум за да соопштам дека се повлекувам од професионалното играње кошарка, ова е многу тешка одлука, но долго размислував за неа и мислам дека е најисправна. Сакав да завршам уживајќи на теренот, а не со патерици. Многу сум благодарен што завршив како играч на Барселона и такашто ги одиграв моите петти Олимписки игри претставувајќи го дресот на Шпанија, – изјави Гасол. Искусниот Пау не заборави никого во своето обраќање и им се заблагодари на сите тренери, актуелни и поранешни соиграчи, на докторите, на физиотерапевтите, на ривалите и своето семејство, но емотивно се сруши кога проговори за својот легендарен соиграч Коби Брајант. – Сакам специјално да споменам и еден мој сакан соиграч…. Коби Брајант….. Таков е животот за жал….. Понекогаш, животот е многу неправеден. Сакав да биде тука. Многу ни недостасува, тој и неговата ќерка Џиџи. Ме научи како да бидам подобар лидер, подобар победник и секогаш ќе го сметам за постар брат. Ти благодарам Коби, – порача емотивниот Пау на денот кога се збогуваше со кошарката. Гасол ја завршува својата кариера како играч кој настапуваше за Барселона, Мемфис, Лос Анџелес Лејкерс, Чикаго, Сан Антонио, Мемфис и Портланд, освои две НБА титули со „езерџиите“, a како лидер на Шпанија, освои три Европски првенства и едно Светско првенство.

Пау Гасол избран во Комисијата за спортисти на МОК

Тале Кристо — Wed, 04 Aug 2021 07:34:31 +0000

Центарот на Шпанија, Пау Гасол стана еден од четворицата нови членови на Комисијата за спортисти на Меѓународниот олимписки комитет (ИОК), се вели на официјалната веб-страница на Игрите. Заедно со Газол, во комисијата беа избрани полската велосипедистка Маја Влошчовска, италијанската пливачка Федерика Пелегрини и јапонскиот мечувалец Јуки Ота. Гасол е петкратен учесник на Олимпијадите, сребрен медалист во Пекинг 2008 и Лондон 2012 година, бронзен медалист во Рио 2016, светски шампион во 2006 година и трикратен европски шампион. Шпанецот објави крај на своите настапи за националниот тим, откако неговата репрезентација вчера беше поразена од САД (81:95) во четвртфиналето на Олимпијадата во Токио.

Пау Гасол ја заврши репрезентативната кариера

Тале Кристо — Tue, 03 Aug 2021 08:45:36 +0000

Центарот Пау Гасол објави дека се повлекува од репрезентацијата на Шпанија, откако денес беше поразен од САД (81:95) во четвртфиналето на Олимпијадата во Токио. – Го одиграв мојот последен натпревар за репрезентацијата. Се обидов да направам се за да му помогнам на тимот. Денес би сакал да играм повеќе, но ги доживувам сите подеми и падови со репрезентацијата веќе 20 години. Благодарен сум на овој тим за поминатите моменти со него. Фактот што дојдов тука да играм веќе е успех. Би сакал нешто да биде поинаку, но ждрепката не ги донесе САД во четвртфиналето, изјави Гасол за „ОК Диарио“. Како дел од шпанската репрезентација, 41-годишниот Гасол стана светски шампион и трикратен европски шампион. Исто така, заедно со националниот тим, тој двапати освои сребрени медали на Олимписките игри и еднаш стана бронзен медалист.

Шпанија со Пау Гасол ќе го нападне оимпиското злато во Токио

Бошко Тасиќ — Sat, 19 Jun 2021 13:26:47 +0000

Кошаркарот Пау Гасол се најде на списокот играчи на шпанската кошаркарска репрезентација која ќе патува во Токио за Олимписките игри во претстојното лето. Кошаркарскиот турнир е предвиден да се игра од 24 јули до 8 август, дотогаш Гасол ќе има полни 41 година. Гасол се враќа во селекцијата со цел да го освои златниот медал од ОИ, што му недостасува во богатата колекција. Во Токио ќе се појави како двократен НБА првак, трикратен европски првак и златен медал од СП 2006 година кое се одигра токму во Токио. Се очекува по планетарниот спортски собир Пау да ја заврши кариерата. Од тимот кој пред две години ја освои титулата на Мундобаскетот во Кина, на списокот се најдоа уште Рики Рубио, братот на Пау, Марк Гасол, Пјер Ориола, Руди Фернандес, Серхио Љуљ, Виктор Клавер и браќата Вили и Хуанчо Ернангомес. Шпанија во групната фазана ОИ ќе се сретне со домаќинот Јапонија, светскиот вицешампион Аргентина и победникот од квалификацискиот турнир во Каунас, кој ќе се одлучува меѓу Литванија, Венецуела и Јужна Кореја.

ОФИЦИЈАЛНО: Пау Гасол се врати во Барселона

Бошко Тасиќ — Tue, 23 Feb 2021 17:47:17 +0000

Каталонскиот кошаркарски гигант Барселона официјално денеска го официјализираше трансферот на Пау Гасол. Искусниот 40-годишен кошаркар во последната година често беше поврзуван со враќање во поранешниот клуб, договор кој ќе биде со важност до 30 јуни годинава. Тој настапуваше во дресот на Барселона од 1999 до 2001 година, по што се пресели во НБА-лигата, каде имаше успешна кариера.

Пау Гасол ќе потпише со Барселона

Бошко Тасиќ — Sun, 21 Feb 2021 07:34:12 +0000

Кошаркарскиот репрезентативец и легенда на Шпанија, Пау Гасол ќе се врати во редовите на Барселона, од каде во 2000 година замина во НБА лигата. Потписот ќе биде наредната седмица, а ќе добие договор до крајот на оваа сезона. Гасол се очекува да биде искусно засилување за клучниот дел од сезоната, па иако нема да биде стандарден во првиот тим, ќе биде од огромна помош на тимот од Каталонија. Гасол од Барселона замина во Мемфис Гризлис, од каде во 2008 година премина во редовите на Лејкерси и заедно со Коби Брајант стигна до двете титули во НБА лигата. Калифорнија ја напушти во 2014 година, замина во Чикаго Булс каде се задржа две сезони пред да дојде во Сан Антонио и Милвоки.