паул гасол – Kurir.mk

„Лејкерси“ ја повлекуваат „16-та“ на Гасол

Дарко Андоновски — Wed, 06 Oct 2021 17:04:04 +0000

Лос Анџелес лејкерс планира да го повлече дресот со бројот 16, кој го носеше легендарниот шпански кошаркар Пау Гасол. Шпанецот вчера соопшти дека ја завршува кошаркарската кариера во рамки на која шест и пол години го носеше дресот на „Лејкерси“, освојувајќи со тимот од Лос Анџелес две шампионски титули во НБА лигата. Гасол во НБА лигата настапуваше и за Мемфис, Чикаго, Сан Антонио и Милвоки и на 429 натпревари имаше просек од 17.7 поени, 10 скокови и три и пол асистенции. Крајот на кариерата го објави како член на Барселона, тимот во кој и ја почна својата блескава кариера.

Ќе ви се насолзат очите кога ќе дознаете што направи Пау Гасол во чест на Коби Брајант

Магдалена Андонова — Mon, 14 Sep 2020 10:50:51 +0000

Поранешниот кошаркар на ЛА Лејкерс, Пау Гасол, направи голем гест во чест на својот поранешен пријател кој настрада во хеликоптерска несреќа во јануари, Коби Брајант. Гасол доби ќеркичка која ја крсти Елизабет Џијана Гасол. Пристигна нашата ќеркичка, породувањето помина во најдобар ред и сме прерсеќни. Елизабет Џијана Гасол, многу важно име за нашата преубава ќерка, стои во објавата на шпансиот кошаркар. Средното име Гасол на својата ќерка го даде во сеќавање на ќерката на Коби, Џијана, која заедно со својот татко загина во несреќата во Калифорнија.

Пау Гасол е близу до враќање во Барселона

Магдалена Андонова — Wed, 08 Jul 2020 07:11:31 +0000

Двократниот шампион во НБА, Пау Гасол, може да се врати во Барселона, пренесува „ Eurohoops“. Според изворот, 40-годишниот Шпанец е близу до потпишување на двегодишен договор со каталонскиот клуб. Последниот пат кога Гасол беше на теренот е пролетта 2019 година како дел од Милвоки. Потоа, поради повреда на левиот глужд и последователната операција, играчот не се појави на паркетот. Гасол е „дете“ на Барселона, тој играше за тимот од 1998 до 2001 година, по што замина да игра во НБА. (МИА)