Паулињо – Kurir.mk

Паулињо: Поразот од Белгија е потежок од оној против Германија пред четири години

Даниел Василев — Sat, 07 Jul 2018 13:25:58 +0000

Репрезентативецот на Бразил, Паулињо по поразот со 1:2 од Белгија во четвртфиналето на Мундијалот 2018, изјави дека поразот е потежок од оној против Германија пред четири години. Тогаш „селесао“ отстапи со 1:7 пред Бундестимот во полуфиналето на домашното Светско првенство. - По поразот од Германија во 2014 година се чувствував ужасно, но да го прифатам поразот од Белгија ми е дури потешко. До последната секунда се боревме, бевме подобриот тим и е ужасно дека изгубивме, рече Паулињо по средбата. МИА

Паулињо го пропушти тренингот

Катерина Бојаџиева — Thu, 05 Jul 2018 08:05:33 +0000

Селекторот на бразилската фудбалска репрезентација Тите, повторно ги немаше сите играчи на располагање на вчерашниот тренинг, иако беше најавено комплетирање на тимот со враќањето на Даглас Коста и на Марсело кои закрепнаа од повредите. Овој пат отсуствуваше Паулињо кој е неизвесен за четвртфиналето. Сепак, во стручниот штаб на „кариоките“ се уверени дека со него се ќе биде во ред до следниот натпревар. - Отсуството на Паулињо не се должи на болката во грбот од која се пожали по натпреварот од осминафиналето со Мексико, туку од потребата на време да закрепне, соопштија од бразилскиот национален тим. Во четвртфиналето, Бразилците утревечер од 20 часот во Сочи ќе играат со Белгија.

Јувентус спрема нова трансфер бомба: Покрај Роналдо, торинскиот клуб ја плаќа и клаузулата за големата ѕвезда на Барса

Матеја Петровски — Tue, 03 Jul 2018 14:49:12 +0000

Јувентус денеска стана главна тема во светскиот фудбал, откако по се изгледа во текот на овие денови најдобриот фудбалер за минатата година, Кристијано Роналдо, ќе стане фудбалер на торинскиот великан, клубот во исто време спрема нова трансфер бомба. Според весникот „Ас“ Јувентус е спремен да го донесе Паулињо во своите редови. Како што објавува шпански „Ас“ Јувентус е дури спремен да ја плати и клаузулата од договорот на Паулињо со Барселона, која 40 милиони евра, иако намера е оваа сума да биде намалена.

Паулињо: Бразил е подобро подготвен отколку во 2014-та

Даниел Василев — Fri, 15 Jun 2018 11:07:47 +0000

Фудбалерот на бразилската репрезентација, Паулињо смета дека тимот е многу поподготвен за напад на Светскиот куп сега, отколку што беше пред четири години на домашниот Мундијал. На домашен терен, „селесао“ дојде во полуфиналето, каде што претрпе историски дебакл против Германија од 1:7. Домаќините тогаш загубија и во борбата за третото место против Холандија. Дваесетидеветгодишниот Паулињо тогаш беше дел од клубот, чиј тренер беше Луис Фелипе Сколари. Во несреќниот натпревар против Германија, тој се појави како замена. Сега тој е еден од само четворицата играчи кои играле таа ноќ, а денес повторно се дел од тимот кој е веќе под раководство на Тите. - Сега нашата доверба е поголема. Како што се одвиваат работите за Бразил во моментот, очигледно е дека нашата самодоверба е подобра. Бразил е подобро подготвен на повеќе начини. Тоа е дел од фудбалот - ќе научите многу четири години, изјави Паулињо пред мечот со Швајцарија во понеделник, 17-ти јуни. Тој порача дека тоа што се случило во минатото сега е зад нив и имаат уште една можност да покажат што знаат. - Тоа е убавото во фудбалот, постојано се појавуваат нови можности, додаде Паулињо. Покрај Бразил и Швајцарија во групата „Е“ се уште Србија и Костарика. МИА