Пауло Фонсека – Kurir.mk

Португалец ќе седне на клупата на најбогатиот клуб на светот?

Ристе Здравков — Fri, 22 Oct 2021 05:30:37 +0000

Фудбалската легенда на Англија, Стив Брус, издржа само неколку седмици на чело на Њукасл, откако клубот од „Сент Џејмс Парк“ заврши во рацете на саудискиот принц. Искусниот стратег по поразот од Тотенхем заработи отказ од менаџерската функција на „страчките“, а тамошните медиуми веќе започнаа со шпекулациите кој ќе биде неговиот наследник. Се споменуваат многу имиња, меѓу кои Зинедин Зидан и Антонио Конте, но последните информации од Островот велат дека најблиску до клупата на најбогатиот клуб на светот е португалски стручњак Пауло Фонсека. Наводно нему му е понудена соработка вредна шест милиони фунти по сезона, и наскоро треба да донесе одлука дали ќе ја прифати истата и ќе седне на клупата на англискиот великан. Фонсека во претходните две сезони ја водеше екипата на Рома, а пред тоа бележеше одлични успеси со Шахтјор Доњецк. Уште беше на чело на Порто и Спортинг Брага, а минатото лето се поврзуваше со доаѓање на клупата на Тотенхем.

Пауло Фонсека кандидат за клупата на Њукасл

Ристе Здравков — Wed, 20 Oct 2021 12:56:36 +0000

Пауло Фонсека, некогашниот тренер на Рома и Шахтјор, кандидат е да седне на клупата на Њукасл доколку Стив Брус добие отказ. Во текот на летото Португалецот беше поврзуван со Тотенхем, но тоа место го доби неговиот сонародник Нуно Еспирито Санто. Моментално Фонсека е без работа и заинтересираните клубови не би морале да плаќаат отштета. Најголемиот успех Фонсека го имаше со Шахтјор. Од 2016-та до 2019-та со тимот од Доњецк три пати дојде од двојната круна во Украина. После тоа замина во Рома, каде минатата сезона стигна до полуфиналето на Лигата на Европа. Во Калчото заврши седми. Тоа е причината поради која доби отказ, а на негово место беше доведен Жозе Мурињо.

Фонсека ќе ја напушти Рома по завршување на сезоната

Дарко Андоновски — Tue, 04 May 2021 11:26:38 +0000

Тренерот Пауло Фонсека ќе си замине од Рома по крајот на сезоната 2020/21. Клубот од Рим ја потврди оваа информација преку соопштение. – Во име на сите во Рома, би сакале да му се заблагодариме на Пауло Фонсека за напорната работа и лидерството покажано во текот на овие две години. Пауло го водеше тимот низ низа предизвици, вклучувајќи ја пандемијата „Ковид-19“ и промената на сопственоста, и тоа го стори со дарежливост, правичност и одлучност. Му посакуваме се најдобро во неговите идни ангажмани, изјави Дан Фридкин, претседател на УО на клубот. Во италијанските медиуми се појавија шпекулации дека Маурицио Сари ќе го замени Португалецот на тренерската позиција.

Џеко ја напушта Рома поради конфликт со тренерот

Ивона Петрова — Tue, 26 Jan 2021 08:42:12 +0000

Напаѓачот на Рома, Един Џеко одлучи да го напушти римскиот клуб, тврди „Calciomercato.com“. Според изворот, 34-годишниот фудбалер сака да го менува тим поради конфликт со тренерот Пауло Фонсека. Засега за играчот е заинтересиран само Вест Хем, но напаѓачот не сака да се пресели во лондонскиот клуб. Во моментот, според одлуката на Фонсека, играчот тренира одделно од главниот состав на Рома. Тренерот исто така му ја одзеде капитенската лента на фудбалерот. Џеко игра во Рома од 2015 година. Во сезоната 2016/2017, тој стана најдобар стрелец во Серија А со 29 погодоци. Во тековната лига, Босанецот постигна седум гола на 15 натпревари.