Павел Адамович – Kurir.mk

Последно збогум за убиениот градоначалник: Десетици илјади Полјаци дојдоа на погребот

Ивана Ефремовски — Sat, 19 Jan 2019 12:52:34 +0000

Десетици илјади Полјаци се собраа во Гдањск за да му оддадат почит на убиениот градоначалник на овој град, Павел Адамович. -Погребното возило што го носело ковчегот на Адамович го следеле униформирани припадници на полската морнарица, објави агенцијата АП. На чело на колоната бил надбискупот на Гдањск, Лешек Славој Глоџ, придружуван од други истакнати јавни личности. Претходно околу 300 полски градоначалници и други политичари се собраа низ Полска за да му оддадат почит на Адамович. Адамович беше прободен во неделата вечерта, а почина во болница. Напаѓачот беше уапсен.

Повици за нови ликвидирања, по убиството на градоначалникот на Гдањск

Катерина Бојаџиева — Tue, 15 Jan 2019 19:46:54 +0000

По убиството на градоначалникот на Гдањск, Павел Адамович, полицијата уапсила три лица зошто на социјалните мрежи повикувале на нови убиства. Министерот Јоахим Бруџински изјавил дека се работи за „интернет тролови“ и „неурамнотежени“ лица. Адамович беше либерален градоначалник, избран дури шест пати. Почина еден ден откако со нож го нападна поранешен осуденик. Напаѓачот го избоде со нож Адамович на бината за време на голем хуманитарен собир, по што извикал дека со тоа ѝ се одмаздува на поранешната владеачка партија, зашто, како што рекол, невин бил во затвор.

Протести во Полска по убиството на градоначалникот на Гдањск

Ивона Петрова — Tue, 15 Jan 2019 08:38:03 +0000

Во Полска синоќа се одржаа протести против омразата и насилството, како одговор на убиството на градоначалникот на Гдањск, Павел Адамович. Адамович почина вчера откако завчера беше прободен со нож на хуманитарен настан на невладина организација. Во Варшава се собраа илјадници луѓе под слоганот „Стоп за омразата“, а слични протести се одржаа и во другите градови на Полска. Претседателот на Европскиот совет и поранешен полски премиер Доналд Туск пред насобраните граѓани во Гдањск рече дека ќе го ослободат градот од омразата. – Ти ветувам драги Павел дека за тебе ќе го ослободиме од омразата нашиот Гдањск, нашата Полска и нашата Европа, рече Туск. Полскиот министер за здравство Лукаш Шумовски изјави дека Адамович им подлегнал на повредите и покрај напорите на лекарите кои го оперираа пет часа. Напаѓачот, пред да биде уапсен, на бината ја обвини партијата на градоначалникот, позициската Граѓанска платформа (ПО), дека го сместила во затвор каде што бил малтретиран. МИА

Градоначалник во Полска избоден со нож: Адамовиќ се бори за живот (ВИДЕО)

Ивана Ефремовски — Mon, 14 Jan 2019 07:38:48 +0000

Градоначалникот на полскиот град Гдањск, Павел Адамовиќ, кој синоќа е избоден додека стоеше на бина за време на хуманитарен собир, е во тешка здравствена состојба. Полскиот претседател Анджеј Дуда изјави дека „лекарите успеале да го реанимираат срцето на тешко повредениот градоначалник Адамович и оти постои надеж, но оти неговата состојба е многу тешка“. Според полската телевизија ТВН, 27-годишниот маж кој е осомничен за нападот од бината извикал дека невин лежел во затворт додека на власт била партијата Граѓанска платформа, чиј член претходно беше Адамович. Адамович (53) е градоначалник на Гдањск од 1998 година.