павле богоевски – Kurir.mk

Латас до Павле Богоевски: Ти и Апасиев бевте Шарена револуција, сакавте власт без избори и лажевте дека ќе ја кажете вистината за убиството кај Смилковско и Никола Младенов

Ивана Ефремовски — Tue, 27 Sep 2022 19:02:08 +0000

Во жестока дебата во вечерашното гостување во емисијата „Само вистина“ на Канал 5 телевизија, новинарот Драган Павловиќ Латас на Павле Богоевски од СДСМ му порача дека тој и неговиот партнер Димитар Апасиев од Левица преку Шарена револуција сакале да добијат власт без избори кажувајќи дека знаеле кои се убијците на Смилоковско езеро, како и кој стои позади убиството на новинарот Никола Младенов. -Вие и вашиот партнер кој денеска ја предводи Левица пропагиравте и се обидувавте да добиете власт со тоа што знаете кој се убијците на Смилковско езеро, кој го убил Никола Младенов, итн. Промовиравте цела една политика со која се судривте во собрание и кој тоа вас сакал да ве убие. И кој тоа вас сакал да ве убие? Дали има некој осуден за убиство, освен во еден случај за обид за убиство, и не правите филмови од Шарена Револуција која го направи тоа што го направи, му порача Латас на Богоевски. Богоевски на ова одговори дека со оваа изјава Латас го навредува на лична основа како и дека Апасиев не му бил партнер. -Не можете да ме обвините мене дека одам на лична основа, откако ги изговоривте зборовите мојот партнер кој денес ја предводи Левица, значи по чудна констелација на зборови од тоа Димитар Апасиев да биде наречен мојот партнер немам слушнато. Сме биле на една страна, но партнер далеку од тоа, одговори Богоев, на што Латас додаде дека не мислел на сексуални партнери, туку партнери во политиката. -Па на говорница бевте заедно, ве има на видео, на говорница заедно. Не мислев партнери во сексуална смисла, мислев партнери во политика, му рече Латас на Богоевски.

Екс пратеникот на СДСМ „распали“ по институциите и сопственикот на „Беса Транс“

Ристе Здравков — Sun, 28 Nov 2021 10:55:11 +0000

Не дечко, не е ова тест на Алах, ова беше тест на нашите инспекциски, управни, царински и гранични служби, вели денеска Павле Богоевски поранешниот пратеник, откако со фејсбук статус се јави Беким Хаџиу, сопственикот на превозникот Беса Транс. Хаџиу рече дека несреќата била божја волја и дека со патниците биле како семејство. „Пет дена по трагедијата, газдата на БЕСА Транс, Беким Хаџиу конечно излезе од дупка и преку фб изрази сочуство на семејствата на загинатите, а несреќата ја опиша како "тест на Алах". Не, дечко. Ова беше тест на нашите инспекциски, управни, царински и гранични служби. Сите тие паднаа на тестот, давајќи ти на тебе и сличните криминалци да печалите пари на сметка на безбедноста на патниците кои се дрзнуваш да ги наречеш "семејство". Подобро да останеше во дупката. Срамота, напиша Богоевски.

По објавата на Мицкоски за ново мнозинство, се разбуди „Шарената револуција“?!

Ристе Здравков — Fri, 05 Nov 2021 20:02:20 +0000

Откако лидерот на ВМРО-ДПМНЕ, Христијан Мицкоски објави дека ги имаат потребните потписи за ново парламентарно мнозинство, се огласи граѓанскиот активист и поранешен пратеник, Павле Богоевски. Тој кратко прокоментира дека „борбата продолжува“ -Пак ќе ве бутнеме, (не)драги националистчиња. Борбата продолжува, друштво!!!, стои во објавата. Христијан Мицкоски објави фотографија, на која може да се види дека кон досега опозицискиот блок се приклучува и Беса, со тројца пратеници.

Богоевски за случајот со Рашковски: Власта има сериозен проблем со обезбедување на присуство на осомничените во постапките, особено во случаите со висока корупција

Катерина Бојаџиева — Thu, 18 Mar 2021 18:14:29 +0000

Вечерва во емисијата „Само вистина“ гостуваше Павле Богоевски кој што во своето гостување посочи дека не очекува, но се надева дека Рашковски побргу ќе се врати во Македонија и да се разреши скандалот за софтверите. -Очигледно е дека по другите случаи имаме сериозен проблем со обезбедување на присуство на осомничените во постапките, поготово во случаите со висока корупција. Не очекувам дека Рашковски ќе го прекине 14-дневниот одмор за да се врати, но се надевам. За очекување не би сакал да преудицирам, но се надевам дека што е можно побргу ќе се врати и да биде расположлив за органите на правдата. И мислам дека ова ќе биде уште еден многу добар тест за нашите институции, нагласи Богоевски. Богоевски додаде дека треба многу внимателно да се следат институциите како ќе постапат во односот на висок корупција со колкава темелност и ефикасност ќе ја водат целата постапка.

Богоевски призна: Со СДСМ на власт криминалот цвета, а тоа го потврди и Извештајот на Транспаренси Интернешнл

Магдалена Андонова — Mon, 01 Feb 2021 18:13:51 +0000

Павле Богоевски при своето гостување во „Само Вистина“ посочи дека резултатите од Извештајот на Транспаренси Интернешнл се разочарувачки, особено на полето на борба со висока корупција. - Треба да бидеме многу внимателни при заклучоците во кој дел од системот треба да се припише услугата за таквата состојба во која денес се наоѓа државата. Дали тоа се припишува на коруптивни практики на самата власт, дали тоа се припишува на немање на политичка волја кај самата власт ефективно гонење на таквиот тип на случаи или пак се припишува кај одредени недостатоци кај самите институции кои што се задолжени да се борат со оваа појава и недостатоци кои не можат да се припишат само на извршната власт односно на министерствата, на премиерот, дури ни на пратениците, појасни Богоевски. Богоевски додаде дека кога станува збор за Извештајот на Транспаренси Интернешнл, ние сме за жал на 111 место. - За помалку од две години ние имаме застарени преку 3.300 предмети во судовите. Кај починат курир беа пронајдени 100-тици, ако не и илјадници писмени акти кои што не беа доставени. Ниту тие акти, ниту тие пресуди не се започнати во овие четири години, нагласи Богоевски.

За вакво пpизнaниe се оди во затвop: Пaвлe глacал за измени во Кpивичниот зaкoник за да ocлободи син на пpaтеничка за таа да глaca за Ceверна

Дарко Андоновски — Wed, 09 Sep 2020 13:47:09 +0000

За скандалозно признание какво што имаше Павле Богоевски пред само неколку дена во затвор оди пола државен врв и пратенички состав, објавува Инфомакс. Екс пратеникот на СДСМ, Богоевски во гостувањето во емисијата „Само Вистина“ на Канал 5 телевизија пред целата македонска јавност потврди дека пратениците на опозицијата биле уценувани од страна на на власта со затворски казни за нив и нивните блиски доколку својот глас не го дадат за промена на името. Имено синот на Владанка Авировиќ, Василие Авровиќ беше осуден во случајот „Труст“ каде првообвинет беше бизнисменот Сеад Кочан. За случајот Василие доби 3 години затвор која со понатамошни измени во Кривичниот законик беше ослободен од затвор. Ваквото однесување е криминално од секој аспект особено ако земеме во предвид дека Владата на СДСМ спроведе велепредавство, предавајќи ги македонските национални и државни интереси менувајќи го името спротивно на референдумската воља на граѓаните. Погледнете го ова ШОКАНТНО и дрско признание на Богоевски ТУКА.

Тасевски: Павле призна дека е горд што се тргувало со гласовите и амнестијата на Крсто Вратарот и пријателите

Љупчо Цветаноски — Thu, 23 Jul 2020 10:23:36 +0000

И така Павле Богоевски Полчето призна дека е горд што дал придонес во промената на името, така што се тргувало со гласовите и амнестијата на Крсто Вратарот и пријателите. Тој се гордее уште. Иако народот не донел одлука на референдум, според Павле, тој со бендот си решиле да одлучат во име на народот и да го сменат името. Ете тоа е се што треба да знаете за СДСМ, а не сте смееле да прашате. Тоа е се што треба да знаете и за шареноликите кои како награда направија политички кариери во СДСМ Аууу за ова во нормална држава се оди пред кадија – напиша на Фејсбук, актерот Сашо Тасевски.

Павле Богоевски поднесе оставка на пратеничката функција

Катерина Бојаџиева — Tue, 11 Jun 2019 10:03:30 +0000

По аферата со аудио снимката, пратеникот Павле Богоевски претпладнево до собраниските служби ја достави оставката, која ја најави на седницата на Комисијата за деловничко-мандатно и имунитетни прашања пред отворањето на точката на дневен ред за одземање на мандатот на пратеникот и поранешниот премиер Никола Груевски, кој доби политички азил во Унгарија. За Богоевски, кој е претседател на Комисијата, беше објавен компромитирачки телефонски разговор, за што од опозицијата беше обвинет дека го крши етичкиот кодекс и е недостоен за вршење на пратеничката функција. Независниот пратеник, кој е дел од пратеничката група на СДСМ, по ова најави дека ќе поднесе оставка, но откако ќе гласа за одземање на мандатот на поранешниот премиер Груевски. Богоевски за МИА потврди дека веќе поднел оставка, без разлика дали на седницата која требаше веќе да започне само ќе се констатира оставката на Груевски или ќе се гласа за одземање на мандатот, како што предложи Комисијата. Тој за напладне најави прес-конференција во Собранието. Инаку, Богоевски беше снимен во такси како нарачува дрога.

Пратениците на ВМРО-ДПМНЕ бараа да се гласа за промена на Павле Богоевски

Ивана Ефремовски — Wed, 29 May 2019 12:40:20 +0000

Пратеничката група на ВМРО-ДПМНЕ и коалицијата „За подобра Македонија“ на денешната седница на Комисијата за деловнички и мандатно-имунитетни прашања имаше низа на забелешки во однос на текот и дневниот ред на седницата. Владејачкото мнозинство предводено од СДСМ не дозволи на дневен ред да се постави точката која беше формално поднесена од страна на пратениците на ВМРО-ДПМНЕ и Коалицијата „За подобра Македонија“, а која се однесуваше за барање за разгледување на прекршувањето на членови од етичкиот кодекс од страна на пратеникот Павле Богоевски кој е носител на функцијата претседател на деловнички и мандатно-имунитетната комисија. Ова барање беше формално поставено од страна на пратениците на ВМРО-ДПМНЕ и Коалицијата „За подобра Македонија“ на претходната седница на Комисијата. Пратеничката Невенка Стаменковска истакна дека Богоевски сторил кривично дело и токму поради тоа мора да биде променет од позицијата претседател на Комисијата за деловнички и мандатно-имунитетни прашања поради кршење на етичкиот кодекс на Собранието. -Во поглед на дополнување на точката на дневниот ред, ВМРО-ДПМНЕ и Коалицијата „За подобра Македонија“ го побара тоа од вас, но одлуката што е морално и што е етички после јавното признавање на пратеникот Павле Богоевски за сторени кривични дела и посебно нарушување на угледот на Собранието на Република Македонија и кршењето на етичкиот кодекс, одлуката треба да биде ваша, вели пратеничката Невенка Стаменковска. Пратениците на ВМРО-ДПМНЕ побараа на дневен ред да биде ставена промената на претседателот на Комисијата поради морални и етички причини, поточно Етичкиот кодекс кој е потпишан од пратениците на СДСМ и лично од се уште актуелните претседател на комисијата Павле Богоевски. -Очекував дека ваш предлог ќе биде промена на претседателот на Комисијата за деловнички и мандатно-имунитетни прашања, вели координаторот на пратеничката група на ВМРО-ДПМНЕ, Никола Мицевски. „Според информациите кои што ги имам вие како пратеничка група го имате потпишано тој етички кодекс, колегата Павле Богоевски го има потпишано тој етички кодекс и повикувајќи се на изјавите кои што сам ги даде колегата, почитувајќи ја презумцијата на невиност очекував од морални причини да вие како пратеничка група истиот го повлечете од претседател, а вие бидете претседател на таа комисија“, додаде тој.

Нелоски: До каде е кривичната одговорност за Павле Богоевски?

Предраг Кукиќ — Tue, 28 May 2019 19:04:25 +0000

Владимир Нелоски, член на Извршниот комитет на ВМРО-ДПМНЕ, во денешното негово гостување во емисијата Само Вистина на емисијата Канал 5, запраша до каде е кривичната одговорност на пратеникот од СДСМ Павле Богоевски кој што најави оставка поради скандалот со недозволиво тргување и конзумирање на наркотични супстанци. Каде е кривичната одговорност во случајот на Павле Богоевски. Ние имаме човек кој е фатен во криминално дело кое што го признава пред целата јавност. но ниту еден од владата, од министерството за внатрешни работи не кажува збор за тоа, запраша Нелоски. Според него Богоевски мора да одговара пред законот исто како секој граѓанин во Република Македонија кој се огрешил пред законот. Павле Богоевски треба да одговара како што одговараат сите граѓани кои ќе се огрешат пред законот, вели Нелоски.