павлина црвенковска – Kurir.mk

Црвенковска поднесе неотповиклива оставка од позицијата претседател на Судски совет

Катерина Бојаџиева — Tue, 29 Nov 2022 09:51:12 +0000

Павлина Црвенковска поднесе неотповиклива оставка од позицијата претседател на Судски совет. Оставката ја поднесе пред почетокот на денешната 421 седница на Советот. – Поднесувам неотповиклива оставка од функцијата претседател на Судски совет. За причините ќе бидете информирани преку соопштение, изјави Црвенковска на почетокот на денешната седница. Заменик претседателот на Судскиот совет Селим Адеми, рече дека не бил запознаен со оваа одлука и ја прекина седницата. Веднаш потоа во соопштение до медиумите, Црвенковска извести дека поднесува оставка од позицијата претседател на Судскиот совет на Република Северна Македонија. – Веднаш по мојот избор на функцијата започна медиумска хајка со крајна цел да дадам оставка затоа што мојот избор за претседател не одговараше на група од судската – бизнис елита. До ден денешен хајката не престана преку пласирање лажни информации до новинари, а во континуитет се опструираа и намерно се одолговлекуваа внатрешните процеси во Советот, кои се од клучно значење за успешно завршени задачи и за функционирањето на судството, наведува таа во оставката. Како што наведува Црвенковска, станало жално што, како што вели, „наместо да се посветиме заеднички на активностите и реформите и да ја унапредиме состојбата во судството, некому стана поважно како да ме нападне и како да им наштети на проектите“. -Последен пример со лажно брифирање на новинарите беше околу тоа дека е моја незаконската одлука за избор на член во Управниот одбор на Академијата за судии и јавни обвинители, иако јас ниту го предложив, ниту го гласав членот на Судскиот совет, Зоран Герасимоски. Се надевам дека идниот претседател ќе биде подобен за оваа судско – бизнис елита. Благодарна сум на оние колеги кои покажуваа почит и ме подржуваа во намерите нешто да промениме, но сепак Советот како колективно тело одлучува по која патека ќе се движи судството, наведува Црвенковска во оставката. Црвенковска останува член на Судскиот совет.

ВМРО-ДПМНЕ: Црвенковска без ден судски стаж не е компетентна да именува, оценува и разрешува судии

Ивона Петрова — Thu, 06 May 2021 06:53:05 +0000

Од ВМРО-ДПМНЕ велат дека Павлина Црвенковска за претседател на Судскиот совет е предложена од страна на Собранието, таа е предлог и кадар на Зоран Заев и СДСМ и како претседател на Судски совет ќе избира и разрешува судии, ќе ја оценува нивната работа, ќе одлучува за престанок на судска функција, а притоа таа нема ниту еден ден работен стаж како судија. -Павлина Црвенковска е некомпетентна да одлучува за судиите и судското работење, таа нема минат труд, а уште помалку е компетентна да оценува работа на Врховен суд, што исто така спаѓа во нејзин делокруг на работа како претседател на Судскиот совет. Единствен критериум за Црвенковска да биде избрана за претседател на Судскиот совет е очигледно нејзината партиска активност. Таа била шеф на кабинет на Бучковски, функционер во владите на СДСМ и очигледно човек од најголема доверба на Заев. Заев и Црвенковска ги поврзува и пропаѓањето на Еуростандард банка, сопругот на Црвенковска исто како и Заеви земал кредит без покритие од Еуростандард банка, и со 400.000 евра покритие земал 1.6 милиони евра кои не ги вратил, објавија оштетените штедачи, се наведува во соопштението на партијата. Од ВМРО-ДПМНЕ прашуваат како успеала Црвенковска исто како и Заев да стигне до милионски кредит без покритие? Која е шемата на кој е ограбувана банката и дали таква личност има кредибилитет да води и тело како Судскиот совет? Кредибилитет нема, а другите прашања очекуваме да ги одговори Црвенковска, но и ЈО.

Милошоски: Изборот на Павлина Црвенковска за претседател на Судскиот совет претставува деградација на мнозинството на судии во Македонија

Магдалена Андонова — Wed, 05 May 2021 10:47:40 +0000

Денес при посетата на општина Свети Николе, пратеникот Антонијо Милошоски беше прашан од страна на медиумите за коментар по изборот на Павлина Црвенковска за нов претседател на Судскиот совет. - Коментар за изборот на Павлина Црвенковска за претседател на Републичкиот судски совет е дека таа е се она што беше спротивно на препораките на европскиот стручњак Прибе. Прибе препорача во Судскиот совет да нема политички фигури, а Павлина Црвенковска е класична политичка фигура на Зоран Заев и на Бучковски во Судскиот совет, рече Милошоски. Милошоски додаде дека наместо стручност, нејзиниот избор претставува деградација на мнозинството на судии во Македонија. И ваквата политизација дополнително ќе ја турне Македонија пониско на листата на земји со висока корупција. - Гледаме дека семејството на госпоѓата Павлина Црвенковска заеднички со Заев имаат тоа што и двајцата и двете семејства навремено веројатно превремено знаеле што ќе се случува со Еуростандард банка, и се правеле одредени малверзации на штета на штедачите, а во корист на одреден тесен круг на фирми блиски до Заеви, појасни Милошоски.

ВМРО-ДПМНЕ: Црвенковска со образ ѓон како Заев, освен СДСМ ги поврзува и пропаѓањето на Еуростандард, оставка веднаш!

Магдалена Андонова — Wed, 05 May 2021 06:50:59 +0000

Павлина Црвенковска, новата претседателка на Судски совет со образ ѓон исто како Заев. Фатена е во иста шема како Заеви, преку фирмата на нејзиниот сопруг земале кредит од Еуростандард банка од 1.6 милиони евра со покриетие за 400.000 евра, објавија оштетените штедачи. Кредитот како што информираат не е вратен, а банката е пропадната. Црвенковска освен СДСМ со Заев ги сврзува пропаѓањето на Еуростандард банка. Фирмата на нејзиниот сопруг исто земала кредит како и фирмите на Заеви и ним блиски фирми, стои во соопштението на ВМРО-ДПМНЕ. - Како фирмата на сопругот на Црвенковска го земала кредитот и има ли поврзаност со начинот на кој фирмите блиски до Заеви земале? Јавноста бара оставка од Црвенковска, а оштетените штедачи бараат фирмата на нејзиниот сопруг да ги врати парите. Стотина фирми кои земале кредити без покритие и не ги вратиле ја пропаднаа банката, меѓу нив покрај фирми поврзани со Заеви е и фирмата на сопругот на Црвенковска, велат од партијата. ВМРО-ДПМНЕ тврди дека Заев и Црвенковска ги поврзува и партијата. Црвенковска била шеф на кабинет на Бучковски и висок државен функционер во време на СДСМ. Црвенковска е партиски обоена, таа не може да одлучува за судии, посочуваат. - Судскиот совет е надлежен да ги избира и разрешува судиите и судиите поротници, како и да ги разрешува претседателите на судовите, да утврдува престанок на судиската функција, да ја следи и оценува работата на судиите и да одлучува за нивна дисциплинска одговорност. Советот исто така утврдува нестручно и несовесно вршење на судиската функција, но и одлучува за одземање на имунитет на судија, како и по барање за одобрување на притвор на судија. Советот предлага и двајца судии на Уставниот суд на Република Македонија од редот на судиите, а ја оценува и работата на Врховниот суд. Советот е тој кој е на врвот на власта во судството. И сета оваа моќ и е дадена на Црвенковска. Дали можете да замислите како би изгледало судството? Црвенковска е се само независна не. Оставка веднаш, додаваат од партијата.

Арсовски: Црвенковска е донесена да го чисти криминалот на Заев, очигледна е нејзината поврзаност и на нејзиното семејство со СДСМ

Катерина Бојаџиева — Tue, 04 May 2021 18:28:41 +0000

Во врска со назначувањето на Павлина Црвенковска како Претседател на Судскиот совет, портпаролот на ВМРО-ДПМНЕ, Димче Арсовски посочи дека блискоста со Зоран Заев и поддршката на нејзиното семејство кон СДСМ се очигледни, а таа како човек е донесена за да го штити криминалот на Зоран Заев. Истражните органи не се занимават со случаите на криминал, затоа што се блиски до власта, дали зборуваме за Иван Џолев, за Кацарска којашто е блиска до Зоран Заев, дали за Русковска, дали за Јовевски кој слуша насоки од Заев, заклучно со Павлинка Црвенковска, која што била шеф на кабинет на актуелен поранешен премиер којшто бил од СДСМ сегашен преговарач во процесот со Бугарија, ако се погледнат само фотографии на потесното семејство на Павлинка Црвенковска, се гледа дека тие се подржувачи на СДСМ, појасни Арсовски. Тој е човек кој што е донесен да го чисти криминалот на СДСМ, вклучително и оние луѓе кои се избрани од Академијата за судии и јавни обвинители кои не би требало да бидат таму доколку не би бил Рашковски со софтверот, вели Арсовски.

ВМРО-ДПМНЕ: Црвенковска да си поднесе оставка, нема кредибилитет да оценува судии

Тале Кристо — Tue, 04 May 2021 06:42:45 +0000

Павлина Црвенковска треба да си поднесе оставка, таа нема кредибилитет да оценува судии. Нејзиниот интегритет е нарушен, велат во партиското соопштение ос ВМРО-ДПМНЕ. Сопругот на Црвенковска земал кредит во висина од 1.7 милиони евра, со покритие од само 400.000 евра, објавија оштетените штедачи од Еуростандард банка. Тој исто како и Заеви и нивните партнери не го вратил кредитот. Црвенковска покрај тоа што е поврзана со Еуростандард исто како Заеви, таа била и функционер на СДСМ долги години. Црвенковска нема ниту еден ден судиски стаж, а треба да оценува судии. Каде плови овој брод?! Црвенковска да си поднесе оставка. Никој нема да верува во нејзината непристрасност, и ќе ја девалвира институцијата во целост, се вели восоопштението на ВМРО-ДПМНЕ.

Оштените штедачи објавуваат шема по која се одвивал грабежот на Еуростандард во кој учествувал сопругот на Павлина Црвенковска

Дарко Андоновски — Mon, 03 May 2021 09:29:01 +0000

Дали постои надеж за расчистување со криминалот и корупцијата во земја каде Павлина Црвенковска е претседател на Судскиот совет? Оштетените штедачи на Еуростандард банка објавуваат шема по која се одвивал грабежот на Еуростандард банка, во кој учествувал сопругот на претседателката на Судскиот совет Павлина Црвенковска, Зоран Црвенковски. Според нив, Црвенковски е дел од криминалната мрежа за грабеш на Еуростандард бакнка и еден од позначајните должници во банката. Освен што „позајмил“ и должи 1.600.000 евра, свесно ја однел неговата фирма должник Екопласт Рисајклинг во стечај. Од друга страна, обезбедувањето за кредитот со проценета вредност од 460.000 евра, сега е всушност амортизирана, стара опрема од фирмата, којашто е практично неупотреблива. Таа е сега „старо железо“ кое лежи под отворено небо и продолжува да се обезвреднува и чијашто моментална вредност е речиси четири пати помала од моментот кога била заложена, а заинтересираноста за купување на таквата опрема практично ја нема. -Историјата на работењето на Зоран Црвенковски покажува и дека тој навистина добро се снаоѓа во ликвидација на фирми. Имено, во октомври 2012 година, Зоран Црвенковски ја ликвидирал и неговата претходна фирма Енерготрејд МТ доо од Скопје. Во оваа фирма, косопственик заедно со Зоран Црвенковски бил и Венко Петровски. -Кој е пак Венко Петровски? Тој е косопственик и управител на фирмата Маријатреид од Велес, којашто сега се јавува како фирма должник кон Еуростандард банка. Според извештајот за банката од стечајниот управник Душко Тодевски, оваа фирма должи околу 325.000 евра и нема платено ниту една рата 377 дена. Како обезбедување на земениот кредит се води единствено обична меница. Во 2019 година, од тогаш кога се води долгот, според билансите, фирмата имала загуби од 1.400.000 евра, долгови над 4.000.000 евра и негативен капитал од 600.000 евра. Задолженост од 118 отсто! Во Управата за јавни приходи фирмата должи и околу 15.000 евра. Ова е само еден од примерите како се делени ненаплатливи кредити на фирми со големи долгови и загуби и со цел да никогаш не се вратат. Тие се сомневаат дека Павлина Црвенковска е избрана за член на Судскиот совет и потоа, за кусо време, и за претседател, за да ги брани интересите на нејзиниот сопруг и слични измамници, меѓу кои и пријатели на Зоран Црвенковски. -Ја повикуваме Државната комисија за спречување на корупцијата во предметот што го отвори да испита што поседува Павлина Црвенковска и дали го прикрива имотот на нејзиното семејство, вклучително и 1.600.000 евра, коишто нејзиниот сопруг преку неговата фирма ги „позајмил“, но не ги вратил. Во нејзиниот јавно достапен анкетен лист (на линкот подолу) се води само станбен простор од 20 метри квадратни стекнат со наследство. Се сомневаме дека таа и нејзиниот сопруг го имаат препишано добар дел од имотот на нивни блиски лица. Во анкетниот лист има наведено личен имот, заедно со имотот на нејзиниот сопруг, во вкупна вредност од околу 65.000 евра, но без да го наведе и сопствеништвото на сопругот од 40 отсто удел во фирмата Екопласт Рисајклинг. Сегашната тековна состојба од Централниот регистар (Во прилог на маилов) покажува дека фирмата има активен стечај, каде Зоран Црвенковски е основач и косопственик. Дали со непријавување на овие податоци во анкетниот лист, Павлина Црвенковска имала намера да ја сокрие и трагата на украдените пари од нејзиниот сопруг од нас ограбените физички и правни лица депоненти на Еуростандард банка?.Се прашуваме, освен ова дали има и нешто друго што Павлина Црвенковска случајно „заборавила“ да го пријави во анкетниот лист. Тоа ќе го оставиме на Државната комисија за спречување на корупцијата да детално го провери, испита и објави. Оштетените штедачи бараат итна оставка од Павлина Црвенковска. Останатото ќе го кажат судовите, преку транспарентен судски процес за нејзиниот сопруг Зоран Црвенковски и слични сопственици на фирми должници кон Еуростандард банка, но без скриени интервенции и ургенции од Павлина Црвенковска. Од неа очекуваме да јавно одговори кога нејзиниот сопруг Зоран Црвенковски ќе ги врати нашите украдени лични средства. Тековна ЕКОПЛАСТ РИСАЈКЛИНГ ДОО

ВМРО-ДПМНЕ: Заев и Црвенковска освен партијата СДСМ, ги поврзува и замешеталството во пропаѓањето на Еуростандард

Дарко Андоновски — Mon, 03 May 2021 07:07:56 +0000

Сопругот на Павлина Црвенковска ново назначената претседателка на Судски совет, исто како и Заеви преку неговата фирма земал кредит од Еуростандард банка, и не го вратил, ова денеска преку соопштение до јавноста го истакнуваат од ВМРО-ДПМНЕ.

-Покрај тоа што истата била шеф на кабинет на Бучковски и функционер во владите ма СДСМ, Црвенковска има уште една поврзаност со врвот на СДСМ. Црвенковска не е и не може да биде непристрасна затоа што е партиски функционер од СДСМ кој низ годините била на високи позиции. Црвенковска никогаш не била судија, а треба да оценува судии. Небулозите на СДСМ немаат граници, велат од партијата.

Од таму додаваат дека ја повикуваме ДКСК да го забрза случајот со Црвенковска, а ЈО да отвори случај за можни злоупотреби.

-Црвенковска да си даде оставка. Нејзиниот кредибилитет е нарушен, а со тоа и се доведуваат под знак прашалник сите нејзини одлуки, стои во партиското соопштение на ВМРО-ДПМНЕ.

Стоилковски: Скандалот со Црвенковска само ја надополни сликата за состојбите во правосудниот систем во пупка на режимот на власта

Тале Кристо — Sat, 01 May 2021 10:01:32 +0000

Портпаролот на ВМРО-ДПМНЕ Наум Стоилковски на денешната прес конференција на прашање од новинар околу скандалот со новата претседателка на Судскиот совет, Павлина Црвенковска посочи дека тој случај само ја надополнил сликата за состојбите во правосудниот систем. Тој рече дека Судскиот совет мора да го преиспита својот едногласен избор, а Црвенковска да покаже доблест и да се повлече од функцијата. -Овој скандал отвора и два многу сериозни аспекти, прво за вмешаноста на режимот во Еуростандард банка, но и како показател за какви судски реформи се залага режимот на мафијата при оние закани за смена на судии и ламентирањата за испитување на нивниот имот, истакна Стоилковски. Според него, случајот со Павлина Црвенковска само ја надополнува сликата за состојбите во правосудниот систем во пупка на режимот. Изборот и однесувањето на Црвенковска само ќе ја зајакне недовербата на граѓаните кон правосудниот систем, вели Стоилковски. -По скандал во кој што сопругот- бизнисмен не враќал пари за кредитот, од банка во чијшто кредитен одбор работела ќерката, а банката пропаѓа со заштедите на граѓаните, Црвенковска застанува на чело на судскиот совет, откако скандалот одекна во јавноста, изјави Стоилковски. Црвенковска доколку сама не покаже трошка доблест и не се повлече од функцијата, рече тој судскиот совет мора да си го преиспита својот едногласен избор, затоа што се друго понатаму во себе ќе содржи политичка мотивирана пристрасност и од советот и од Црвенковска, дециден е Стоилковски.

„И ова е можно – Судскиот совет се партизира, Црвенковска од шеф на кабинет на Бучковски до надзор над судството“

Дарко Андоновски — Thu, 29 Apr 2021 06:55:30 +0000

Власта го партизира и Судскиот совет, назначувањето на Павлина Црвенковска за претседател на Судски совет е ставање целосно рака над судството, ова денеска преку соопштение до јавноста го истакнаа од ВМРО-ДПМНЕ.

-Црвенковска е своевремено шеф на кабинет на Бучковски и функционер во владите на СДСМ. Заев и СДСМ функционираат по систем на партизација, тоа го гледаме и во судството, назначувањето на Црвенковска е само продолжување на низата партизации, како назначувањето на Кацарска за Уставен судија. СДСМ целосно го контролира судството, преку Кацарска Уставен, преку Црвенковска Судскиот совет, преку Русковска обвинителството. Заради ваквата партизираноста немаме предмет за Зоран Заев, за кого слушнавме лично од Боки 13 дека парите од „Рекет“ завршиле кај него и брат му Вице. Заради ваквата партизираност немаме одговорност за Мафија 1 и 2, велат од партијата.

Од таму додаваат дека заев го окупира судството, со надеж дека откако ќе падне од власт неговите инсталации во судството ќе може да го штитат од правдата. Тој филм нема да го гледа, правдата наскоро доаѓа, без разлика колку послушници до тогаш ќе постави на функции во правосудните инстанци.