пазарење – Kurir.mk

Има некој слободен министер или премиерот да им испазари од КАМ?

Ристе Здравков — Tue, 28 Mar 2023 09:57:48 +0000

Има некој слободен министер да ми испазари нешто од КАМ? Ете и премиер нека е, не ми менува.

Има некој слободен министер да ми испазари нешто од КАМ?
Ете и премиер нека е, не ми менува.
— 🇲🇰 Букет 🇲🇰 (@Bouqet100) March 28, 2023

ВИДЕО: Цела влада отиде во маркет со Ковачевски да купува јајца

Ристе Здравков — Tue, 28 Mar 2023 08:37:43 +0000

Премиерот Димитар Ковачевски по третпат е на пазарење во скопските маркети. Тој и овојпат е со камери, но и претходна најава. Заедно со премиерот Ковачевски ќе бидат министерот за економија Крешник Бектеши и директорот на Државниот пазарен инспекторат Горан Трајковски. Претходно, Ковачевски проверуваше цена на лебот, како и цена на тестенините и млечните производи. Во маркетот каде се наоѓаше денеска, знаеја за посетата на Ковачевски најмалку еден ден однапред, како и медиумите.

СРАМОТА: Вработена во болница одзела картичка од пациент и си пазарела со неа

Ивана Ефремовски — Wed, 16 Nov 2022 14:37:02 +0000

Денеска (16.11.2022), полициски службеници од Единицата за внатрешни работи Карпош во полициска станица извршиле службен разговор со С.С.(53) од скопско село, вработена во Градската општа болница „8-ми Септември“. Таа се сомничи дека од С.М., додека бил на лекување во болницата, одзела платежна картичка и пазарела во повеќе продажни објекти, по што ја вратила картичката. Во службениот разговор таа го признала делото. По целосно документирање на случајот против неа ќе биде поднесена соодветна кривична пријава.

Бугарите одат да пазарат во Македонија заради пониските цени на храната

Дарко Андоновски — Thu, 27 Oct 2022 13:31:20 +0000

Со укинувањето на рестрикциите поради коронавирусот, голем број жители на Благоевград и луѓе од регионот повторно излегоа на пазарите во околните градови во Република Македонија. Секој викенд стотици Бугари од регионот на Благоевград, Петрич и Ќустендил патуваат во Македонија, комбинирајќи кратко семејно патување и шопинг. Иако цените на основните прехранбени производи и таму значително пораснаа во последните месеци, тие сепак остануваат поевтини од стоките на бугарскиот пазар, пишува Бугарската национална телевизија (БНТ). Леб и јогурт најчесто купуваат пензионерите во еден од дуќаните во благоевградското село Селиште. Цените на сите производи се зголемени за 10, 20, па и 40 отсто, а платите и пензиите воопшто не растат со овие стапки, стои во текстот. -Килограм кашкавал чини повеќе од 20 лева во продавницата во Селиште. Неговата цена е за околу 3 лева пониска во продавниците во градот Делчево, во соседна Македонија. Борис Руснеов често патува од Благоевград кај нашиот западен сосед за да шета и да пазарува. Отидов на стоматолог таму и додека бев пробав некои од македонските производи. Да, тие се многу поевтини од нашите, но најмногу ме импресионираше квалитетот – вистинско месо, вистинско сирење. Имам и мало дете, кое исто така кога одам таму, а патувам речиси секоја недела. Јас и сопругата одиме во Македонија на вечера, просто го сакаме квалитетот на храната, објаснил тој, пишува БНТ. Делчево е на 40 км од Благоевград. Потребно е помалку од еден час за да се стигне до таму, но во последните недели во сабота имаше голем сообраќаен метеж на границата. Иако и таму се зголемени цените на основните производи, сепак тие се за 10-20% поевтини од овде, се потенцира во текстот. -Таму купувам и ориз, леќа, грав. На син ми му купувам месо, кашкавал, кашкавал, шунка, бидејќи е, велам, од вистинско месо. Таму генерално се нуди сирење, но има неколку видови кои можеш да бираш. Кашкавалот им е многу убав. Ние правиме пица, на пример, со нашето сирење што го купивме овде и со сирење од Македонија, а одозгора се гледа мрсноста, изјавил Руснеов за БНТ. Се додава и дека дел од бугарските туроператори, покрај кратки тури до интересни места и знаменитости во соседните земји како Македонија, нудат и шопинг патувања.

Од денес забрана за пластични кеси, достапни само биоразградливи за 15 денари

Ивона Петрова — Wed, 01 Dec 2021 06:24:07 +0000

Од денеска стапува на сила забраната за пластични кеси. За граѓаните ќе бидат достапни само биоразградливи кеси за кои ќе се наплатува надомест од 15 денари, средства што ќе бидат наменети за специјалниот фонд за животна средина. Според Министерството за животна средина и просторно планирање, граѓаните лесно ќе се адаптираат на промената, што е од големо значење за животната средина. – На долг рок оваа одлука ќе придонесе кон решавање на низа прашања во однос на животната средина, од причина што собраните средства ќе се користат за инвестирање во животната средина, бидејќи ќе одат на посебна сметка за таа намена. Тоа би значело инвестирање во иновативни, чисти технологии, во системот за управување со отпад, садови за селектирање, намалување на притисокот врз животната средина и слично, наведоа за МИА од Министерството за животна средина и просторно планирање. Во однос на тоа каков фидбек очекуваат од граѓаните, од МЖСПП нагласија дека очекуваат промената да биде лесно прифатена. – Да, очекуваме дека ќе биде прифатено. Се уште е живо колективното сеќавање кога пазеревме со торби на пазар. Сега има многу стимулативни алатки како што се вендинг машините и слично. Нашите сознанија се дека и луѓето се свесни дека тоа не е голем напор, само е добра навика, нагласија од МЖСПП. Околу забраната за достапност на пластични кеси, Давор Пехчевски, проект-координатор во Еко-свест, за МИА изјави дека како организација ја поддржуваат одлуката да се преземат мерки за да се намали употребата на пластични кеси. – Очекуваме со правилно спроведување таа да има позитивно влијание врз намалувањето на отпад од пластика и микропластика. Исто така, ова би требало да повлече и понатамошен развој на циркуларната економија и да стимулира селекција на отпад кога ќе се создаде инфраструктура за тоа. Сепак, ова е само првиот чекор во борбата со пластичното загадување, па очекуваме во блиска иднина да се пристапи и кон регулирање на другите производи од пластика за еднократна употреба, како цевки, чаши или прибор за јадење, нагласи Пехчевски. Имено, како што соопштија од МЖСПП од денеска, 1 декември, стапува на сила обврската за наплата на кесите за носење стоки од новиот Закон за управување со пакување и отпад од пакување. Со Законот се забранува пуштање на пластични кеси за носење на стоки на пазарот во Република Северна Македонија, се забранува пуштање на пластично пакување за еднократна употреба во угостителските објекти на територијата на заштитените подрачја во земјата, а по исклучок од ставот (1) на овој член, со плаќање на надоместок од страна на крајните корисници, дозволено е пуштање на пазарот во Република Северна Македонија биоразградливи кеси за носење на стоки кои се произведени согласно пропишаните стандарди за биоразградливост, освен многу лесните пластични кеси за носење на стоки (чијшто дебелина е пониска од 15 микрони). Надоместокот, како што информираа од МЖСПП, кој треба да го плаќаат крајните корисници за биоразградливите кеси за носење на стоки изнесува 15 денари за парче и истиот се плаќа на трговецот на местото на продажба. – Целта на овој Закон е да ги одврати корисниците од употреба на кеси за еднократна употреба и да ја стимулира употребата на торби за повеќекратна употреба, а засновано врз принципот „загадувачот плаќа“, потенцираа од МЖСПП. Од Министерството наведуваат дека производителите на пластични кеси и понатаму можат да продолжат со работа, но со почитување на пропишаниот стандард за биоразградливост. – Напоменуваме дека стандардите за биоразградливост беа воведени уште во претходниот Закон, а пропишани во 2013 година. Новиот правилник за стандардите за биоразградливост е донесен и се очекува неговото објавување во наредниот број на Службен весник на Република Северна Македонија. До неговото стапување на сила важи постојниот Правилник, посочија од МЖСПП. Откако минатиот месец беше донесена одлуката за забрана за употреба на пластични кеси, министерот за животна средина и просторно планирање Насер Нуредини истакна дека идејата за цената на пластичните кеси е за да се намали употребата на пластиката. – Фондот што ќе се создаде од овие 15 денари за секое купување на пластично кесе ќе отиде на посебен фонд којшто ќе се инвестира во животната средина, но и ќе се инвестира во совеста на граѓаните како да менаџираме со отпадот во нашата држава. Идејата е тој што загадува тој и да плати, и на тој начин производителите коишто ќе донесат производи во нашата држава треба да контрибуираат и во тоа, и со ова ќе се натера да придонесат за инфраструктурата со различни контејнери во нашата држава каде што ние како граѓани ќе ги селектираме отпадите и со ова ќе креираме систем којшто самите граѓани ќе го селектираат отпадот, појасни тогаш Нуредини.

Лепа Брена уловена несредена на пазар: Еве како изгледа фолк дивата без шминка и фризура (ВИДЕО)

Дарко Андоновски — Thu, 14 Jan 2021 12:15:20 +0000

Познатата српска дива Лепа Брена важи за жена која е секогаш средена од глава до пети. Ситуацијата во која се наоѓа целиот свет како на сите така и на познатите ѕвезди им наложи да не настапуваат па така некои од нив имаат повеќе време за семејството, а некои и за егзотични патувања. Помеѓу овие вторите е токму и Лепа Брена која времето максимално го користи за уживање на некои од земјите надвор од Србија. Но, ова се и времиња кога таа не посветува толку големо внимание на својот изглед па папараците низ Србија уловија и еден многу интересен момент кој сите би сакале да го видат, Брена без шминка и без средена коса на пазар.

Пејачката прво го посетила делот за млечни производи, па купила јужно овошје, евтини шминки, но и цвеќиња во разни бои. Ретко може да ја видиме во вакво издание, а пејачката во една прилика истакна дека во својот дом имаат автомобили за секоја прилика, па и за на пазар.

Како изгледа Брена додека пазарува погледнете во видеото подолу.

Внимавајте кога пазарите- купила карфиол, а во него го нашла својот најголем кошмар (ФОТО)

Катерина Бојаџиева — Wed, 22 Aug 2018 20:59:18 +0000

Една жена отишла на пазар да си купи карфиол. Но, освен зеленчукот дома си донела и нешто друго- тоа било нејзиниот кошмар. Кога сакала да го измие карфиолот и да го подготви за спремање, се соочила со нешто страшно. Имено, во карфиолот нашла змија. Фотографиите ги сподели на Фејсбук со предупредување до сите, да внимаваат кога купуваат вакви производи.

Ова се вашите права: Што треба да знаете доколку не сте задоволни од купениот производ?

Катерина Бојаџиева — Mon, 20 Aug 2018 20:23:40 +0000

Граѓаните купуваат различни видови производи, без разлика дали станува збор за прехранбени производи или пак примамени како резултат на попустите најчесто купуваат технички производи или облека. Но, што треба да знаат потрошувачите доколку се измамени од страна на трговците или не се задоволни со купениот производ. Еве што советуваат надлежните лица: Потрошувачите треба да внимаваат што купуваат, дали има упатство за употреба и да ја прочитаат декларацијата. Kога купуватe производи потрошувачите треба да видат дали има гаранција, дали тоа е преведено на македонски јазик, дали ги содржи сите технички упатства. Пред се и кај техничките производи гледаме дека и рекламирањето на попустите дека е големо и се промовира постојано и дали е тоа така навистина треба да се провери, дали на пример е 50% намалување и дали се однесува на сите артикли треба добро да се провери . Можеби се однесува само на мал број артикли и сепак треба да се следат оние насоки кои ние постојано ги даваме- од купувањето на производот заедно со фискалната сметка , да го проверат на лице место, потоа доколку не е исправен да го проверат таму, а ако не можат таму да го проверат дома и да не го оштетуваат производот и да видат дали перформансите му се во ред и доколку нешто не е во ред да го вратат во разумен рок или ако се расипал, односно го купиле со некаков недостаток имаат временски период да го вратат кај трговецот , потоа трговецот да го рекламира да оди на сервисирање. Вообичаено дека не прифаќаат замена на нов производ иако тоа би било реално. Каде потрошувачите можат да се пожалат? Незадоволните потрошувачи можат да се обратат на официјалниот број во Организацијата на потрошувачи во Македонија или во зависност од тоа за каков производ се работи, можат да поднесат жалба и во Државниот пазарен инспекторат или Агенцијата за храна и ветеринарство доколку забележат одредени недостатоци во однос на безбедноста на храната. Потрошувачите исто така треба да внимаваат кога купуваат во огромните супермаркети дали е истакната цената на рафтот со онаа која што ја плаќаат кога доаѓаат на каса.