пазарна инспекција – Kurir.mk

Симеска-Димоска: Нема потреба од паника дека има или дека ќе има недостаток на производи

Катерина Бојаџиева — Thu, 17 Mar 2022 16:39:20 +0000

Нема потреба од паника дека има недостаток на производи или дека ќе има недостаток. Она што ние го имаме утврдено преку документација е дека има доволно масло на залиха и нема потреба од купување на огромни количини. Сметам дека во најбрз можен рок ќе се воспостави редовно снабдување на трговските објекти и редовна продажба, порача денеска директорката на Пазарната инспекција, Анета Симеска-Димоска. Како што кажа на прес-конференција, денеска се вршат надзори кај производителите на масло. -Само кај еден од производителите каде е завршена контролата има рафинирано масло кое е спремно за пакување во количини доволни за три месеци согласно претходната потрошувачка и динамика која ја имал производителот. Има дополнително и суровина доволна за три месеци што значи дека во овој момент немаме проблем дека ќе има недостаток на масло за јадење, рече Симеска-Димоска и посочи дека има залиха од над 100.000 литри кои ќе се дистрибуираат кај трговците, согласно побарувачката. По однос на цената на маслото рече дека е во рамките на очекуваното со минимални зголемени трошоци во однос на тоа како се продаваше маслото во изминатиот период и е околу стотина денари, а согласно одлуката во маркетите би се продавало до 104 денари. Ќе се контролира, потенцира, и како производителите ги калкулираат трошоците и дали се тие согласно одлуката. За недостатокот на масло во некои градови рече дека верува оти е предизвикано од зголемената потрошувачка во изминатите денови и дека можеби не е навреме дистрибуирано во сите градови и маркети. На денешната прес-конференција истакна дека инспекторите на Пазарната инспекција од понеделникот заклучно со вчера извршиле 200 надзори кај трговците на мало, а дел и кај трговците на големо каде контролирале цени на производи и залихи, како и почитување на законските прописи и владини одлуки. -При тоа кај 41 субјект утврдени се прекршоци по основ на Закон за трговија и Закон за потрошувачи заради непочитување на одлуката за посебни услови за трговијата, кај 19 субјекти се констатирани прекршоци и веќе се издадени платни налози. Од нив 10 се големи трговци и платните налози им се по 7.000 евра во денарска противвредност и 350 евра во денарска противвредност за одговорното лице. Кај три субјекти се изречени платни налози по 3.000 евра за правното лице и 200 евра за одговорното лице, а кај 18 трговци издадени се прекршочни платни налози за непочитување на Законот за трговија заради немање евиденција во трговскиот објект што е основ за да се види дали се почитува или не одлуката за ограничени маржи што ја донесе Владата, рече Симеска-Димоска. За еден субјект, додаде, издадени се прекршочни платни налози заради нечесно пазарно однесување бидејќи била констатирана залиха на масло во магацинот кое не било изложено на рафтовите на денот на контролата. Издадени се и прекршочни платни налози во три трговски објекти по Закон за заштита на потрошувачи заради условување за купување на едни производи со купување на други производи или друг начин на условување. Казната за нив е 4.000 евра во денарска противвредност за правното лице и 1.200 евра во денарска против вредност за одговорното лице. Симеска-Димоска порача дека казните не се мерило дека Пазарната инспекција си ја работи работата или дека имаме ефикасност во работењето. -Со самото наше појавување на терен трговците веднаш ги менуваат и усогласуваат цените. Тоа што сме постојано присутни на терен дава резултати и во овој момент имаме се помалку и помалку пријави каде има реакции дека нема одредени производи во маркетите, рече Симеска-Димоска и додаде дека најголем број на контролите биле за масло, брашно и леб, а почнале и контроли за проверка дали се почитуваат ограничените маржи на производите кај трговците на мало и на големо. Инспекторите при контролите откриле и трговец кој набавил масло по стара пониска цена, а ја продавал по нова и поголема цена. Таму биле вратени цените според набавната цена.вј/лв/

МВР и Пазарна инспекција влегоа во 347 угостителски објекти: Приведени три лица поради дрога, констатирани повеќе прекршоци (ВИДЕО)

Ивона Петрова — Sat, 29 Jan 2022 11:41:37 +0000

Во периодот од 00.00 до 04.00 часот полициски службеници од сите сектори за внатрешни работи во рамки на Бирото за јавна безбедност, во координација со инспектори од Државниот пазарен инспекторат спроведоа акциска контрола во угостителски објекти на целата територија на државата, во која биле исконтролирани 347 угостителски објекти. При контролата во повеќе угостителски објекти после полноќ констатирано е присуство на 56 малолетници, спротивно на законот, а на подрачјето на СВР Велес утврдено е кривично дело „точење на алкохол на малолетно лице“, казниво по член 204 од Кривичниот законик и сите се соодветно санкционирани. На подрачјето на СВР Скопје откриени се кривични дела по член 215 од Кривичниот законик, кој се однесува на „неовластено производство и пуштање во промет на наркотични дроги, психотропни супстанци и прекусори“, при што лишени од слобода се 3 лица, две на подрачјето на Центар и едно на Карпош. При преглед кај нив се пронајдени и одземени ќеси со бела прашкаста материја, грутчеста материја и марихуана. Во угостителски објект на подрачјето на Центар во Скопје, затекнати биле лица без вакцинален сертификат, на кои ќе им бидат поднесени пријави согласно член 206 од Кривичниот законик, а од страна на ДПИ објектот е запечатен и ќе следи соодветна прекршочна санкција. При спроведената акциска контрола покрената е соодветна постапка против две лица кои се однесувале агресивно и спречувале полициски службеници во вршење на службени дејства. Откриени се 3 прекршоци од Законот за заштита од пушење, 3 по член 8 од Законот за прекршоците против за јавниот ред и мир и еден од Законот за странци. Против сите лица кои сториле прекршок или кривично дело ќе биде поднесен соодветен поднесок.

Имало жива музика и не се почитувале здравствените мерки – затворен угостителски објект во Гостивар

Магдалена Андонова — Wed, 10 Feb 2021 09:36:20 +0000

На 09.02.2021 во 20.00 часот, полициски службеници од Полициската станица Гостивар во содејство со инспектори од Пазарна инспекција во Гостивар извршиле контрола во угостителски објект во трговски центар на ул.„Илинденска“ во Гостивар. При контролата во објектот биле затекнати околу 10 лица – гости, сопственикот, а имало и музика во живо. Објектот бил затворен, а сопственикот Ф.Б.(45) од с.Добридол, гостиварско, бил лишен од слобода и по целосно документирање на случајот против него ќе биде поднесена пријава по член 206 од Кривичниот законик за „непостапување според здравствени прописи за време на епидемија“.

Продановска од Одделението за инспекциски надзор Скопје држеше вонредни прес-конференции за „Боемска улица“, а сега нигде ја нема во Чаир

Тале Кристо — Sun, 07 Jun 2020 17:53:35 +0000

Отворена продавница во Чаир, луѓето си пазаруваат, а само на неколку метри од нив полиција која ги проверува само дозволите за движење на оние кои се со возила. Во репортажата на Телма од денешниот карантински ден во Скопје, покажува дека и во населбата Даме Груев одвреме навреме поминува полициска патрола, но граѓаните не се многу исплашени, а полицијата само ги предупредува да се вратат дома. „Додека полицијата стои на крстосница и бара дозволи од возачите, на само неколку метри од нив – отворена продавница. Позачудувачки е редицата граѓани коишто мирно чекаа ред за да испаразат на сред полициски час. Движење регистриравме и во други населени места во скопско. Казни нема, само остри усни опомени за луѓето кои опуштено се движат надвор иако тоа не смеат да го прават“, се вели во репортажата. Од друга страна пак нигде ја нема државната пазарна инспекција да излезе на терен во скопски Чаир и да провери дали се почитуваат мерките на надлежните. За разлика од претходната недела, од инспекторатот на пазарната инспекција ја нема ниту раководителката на Одделението за инспекциски надзор Скопје, Мери Продановска да одржи прес-конференција и да објасни што навистина се случува во во овој дел од градот и дали се почитуваат мерките кои што ги донесе Владата. Инаку, Мери Продановска која што е раководител на Одделението за инспекциски надзор Скопје, важи за блиска до владеачката СДСМ, а претходната недела истата направи вистинска драма во ресторан на „Боемска улица“ каде што ручал лидерот на опозицијата. За ситуацијава да биде уште подраматична истата се погрижи да држи вонредни прес-конференции за медиумите, како небарем во кафеаната да се организира најголемиот криминал, додека за денешниве случувања во Чаир и тоа за време на целосен карантин истата нигде ја немама да се појави на терен за да провери што се случува.

Раководителката од Пазарна која вчера држеше вонредна прес-конференција е активна само во служба на СДСМ

Ивана Ефремовски — Thu, 04 Jun 2020 08:04:51 +0000

Раководителката на Одделението за инспекциски надзор Скопје, Мери Продановска синоќа одржа вонредна прес-конференција. Таа изјави дека инспектори биле спречени да извршат контрола во угостителски објект на „Боемска улица“. Според неа, додека инспекторите чекале да влезат, од објектот излегол претседател на политичка партија, но не прецираше за кого станува збор. -Вечерва, Државниот пазарен инспекторат во редовни надзори, односно вонредни надзори на територија на Скопје околу 18:15 часот беше спречен да изврши увид во еден угостителски објект со образложение дека угостителскиот објект е од зтворен тип и дека нема гости внатре. Колегите продолжија во другите усготителски објекти, но сепак се вратија кај истиот угостителски објект со уште една замолица да им се отвори објектот да извршат надзор. По два и пол часа успеавме да влеземе во објектот, но пред тоа имаше други дејствија, од објектот излегоа луѓе кои инспекторите не можеа да ги легитимираат, но препознаен е претседател на политичка паритја, рече Продановска. Запрашана кој бил лидерот на партија, што бил во објектот, таа рече дека не може да каже, бидејќи не била таму. Продановска е член и симпатизер на СДСМ и досега ја немаме видено вака “брзо и вонредно“ да излезе на прес-конференција и да се пофали дека сработила нешто. Не е активна во својата функција за која е платена од џебот на граѓаните, но затоа е многу активна на својот Фејсбук профил каде постојано споделува партиски фотографии и настани од СДСМ.