пчела – Kurir.mk

Одбележување на светскиот ден на пчелата

Ивона Петрова — Fri, 19 May 2023 05:45:44 +0000

Амбасадата на Република Словенија и Земјоделскиот Институт-Скопје во соработка со Општина Гази Баба и Организацијата за храна и земјоделство при Обединетите нации денеска ќе го одбележат Светскиот ден на пчелата 2023 година Настанот се одржува по шести пат, во просториите на Земјоделскиот Институт-Скопје. Целта на настанот е да се подигне свеста кај младите и јавноста за важноста на пчелите и другите опрашувачи за човештвото, во поглед на обезбеденоста со храна и искоренување на гладот на глобално ниво, како и грижата за животната средина и биодиверзитетот. Словенија, заедно со ФАО, беше клучна во воспоставувањето на Светскиот ден на пчелата како светски ден преку резолуцијата на Генералното собрание на ОН усвоена во 2017 година. Официјалната церемонија за првиот Светски ден на пчелата се одржа во 2018 година во словенечкото село Брезница, родното место на Антон Јанша, пчелар и пионер на модерното пчеларство. Неговиот роденден, 20 мај, беше избран да се одбележува секоја година како Светски ден на пчелите.

Совети од пчелар: Ако ве касне оса или пчела – ова ќе ве спаси од болка и отоци!

Ивана Ефремовски — Mon, 27 Jun 2022 09:00:54 +0000

Со доаѓањето на летото пристигна и сезоната на убоди од различни инсекти меѓу кои најголема опасност шират осите и стршлените. Следниот совет го проширил еден пчелар, а кој го пробал ги знае резултатите. Според советите кои ги даваат пчеларите, може да си помогнете многу лесно ако имате андол или аспирин во таблета. Едноставно навлажнете ја таблетата и ставете ја на местото на убодот. Држете ја така една минута, а потоа отстранете ја. На тој начин ќе спречите оток. Убодот брзо ќе стане минато, а трагата која останува е незабележителна.

Важен совет: Ако ве касне оса или пчела – ова ќе ве спаси од болка и отоци!

Ивана Ефремовски — Mon, 30 May 2022 13:37:08 +0000

Со доаѓањето на летото пристигна и сезоната на убоди од различни инсекти меѓу кои најголема опасност шират осите и стршните. Следниот совет го проширил еден пчелар, а кој го пробал ги знае резултатите. Според советите кои ги даваат пчеларите, може да си помогнете многу лесно ако имате андол или аспирин во таблета. Едноставно навлажнете ја таблетата и ставете ја на местото на убодот. Држете ја така една минута, а потоа отстранете ја. На тој начин ќе спречите оток. Убодот брзо ќе стане минато, а трагата која останува е незабележителна.

Можете ли да ја забележите пчелата за помалку од 13 секунди: Ширум отворете ги очите

Ристе Здравков — Fri, 15 Apr 2022 08:31:25 +0000

Добро фокусирајте се на илустрацијата пред вас Пристигна долгоочекуваната пролет, а со неа и топлото време, па луѓето се почесто се надвор, во природа. Во согласност со сезоната, зелените листови и шарените цветови, решивме да ве израдуваме со една пролетна загатка. Овој пат, унгарскиот уметник Џерџели Дудас нацрта зелено поле полно со жолти цветови во кои уживаат различни животни, а ваша задача е да пронајдете една мала пчела. Џердели се потруди да нацрта многу детали за да ви го привлече вниманието, па затоа ве советуваме добро да се фокусирате. За работите да бидат уште полоши, цвеќињата и пеперутките се жолти, исто како пчелата што треба да ја најдете. Дали ја најдовте? За да ви помогнеме – пчелата е во горниот десен агол на илустрацијата. Ако не ја забележавте досега, погледнете го решението подолу.

Тестирајте го вашиот вид: Само една пчела е кралица, ќе ја пронајдете ли?

Ивана Ефремовски — Sat, 05 Mar 2022 19:45:04 +0000

Загатка кружи низ социјалните мрежи и ги предизвикува луѓето да ја пронајдат пчелата кралица која се крие помеѓу нејзината колонија. Многумина не можеа да ја пронајдат пчелата, а вие дали ќе успеете? ПОМОШ: Барајте во десната страна на сликата. Ако сè уште не можете да ја решите загатката, погледнете го решението. . . . . . . . . . . . . . . . . .

Американската пчела исчезнува

Ивона Петрова — Thu, 14 Oct 2021 07:20:48 +0000

Неверојатен пад на популацијата на тн. американски пчели е забележан последниве две десетлетија. Губењето на живеалиштето, болестите и пестицидите се главни причини за исчезнување на овие инсекти, а тие се главни опрашувачи за домати, дињи, пиперки, јагоди и други битни култури. Истражувачите неодамна открија дека популацијата на овие пчели се намалила за 89 отсто за 20 години и тие се на работ на истребување. Тоа би можело значително да влијае врз земјоделството и целиот екосистем. Американските власти сега размислуваат да го класифицираат инсектот како „загрозен вид“, првпат во историјата на САД. Официјално позната како Bombus pensylvanicus, американската пчела исчезна целосно од осум американски држави: Мејн, Њу Хемпшир, Род Ајленд, Вермонт, Ајдахо, Северна Дакота, Орегон и Вајоминг. Во Њујорк падот изнесува 99 отсто. Кај 19 други подвидови исто така има пад од над 50 отсто.

Прва помош за каснување од инсекти: Како да се намали отокот од комарци, пчели, оси, стршлени и пајаци

Магдалена Андонова — Tue, 17 Aug 2021 07:33:05 +0000

Сите сакаме пролет и лето, но уживањето во убавото време често ни се расипува од „блискиот контакт“ со инсектите како што се пчелите, комарци, оси, пајаци а неретко и стршлени. Се сретнуваме со нив во природата, но и во дворот, терасите и становите. Убодите од овие инсекти се доста непријатни, особено доколку сте алергични на нивните отрови, па постои ризик од бурна алергиска реакција. Уште поголем проблем е доколку дојде до напад на рој пчели, оси, комарци или стршлени - тоа може да доведе до тешко труење, а во најтешките случаи до фатален исход. Интензивна болка, црвенило, оток и чешање се симптоми кои се јавуваат по каснување од комарец, пчела, оса, стршлен или пајак. Анафилактичен шок може да се појави и кај преосетливи луѓе. Во галеријата, погледнете кои лекови што сите ги имаме во куќата може да ни помогнат откако ќе ве касне пчела, оса, стршлен, комарец и пајак.

За некого е привремена болка, за други е опасно по живот: Што треба да знаете за убодите од пчела?

Ивана Ефремовски — Mon, 01 Mar 2021 21:22:18 +0000

За повеќето луѓе убодот од пчела предизвикува само привремена болка и иритација на местото каде што е испуштено осилото. За други, убодот од пчела може да предизвика алергиска реакција која може да се манифестира со различен тип на симптоми што варираат од слаби до тешки. Во екстремни случаи, осилото од пчела може да предизвика анафилакса – состојба којашто е опасна по живот. Според „Journal of Asthma and Allergy“, околу 5 до 7,5 отсто од луѓето ќе доживеат тешка алергиска реакција на убод од инсект во своите животи. Кај пчеларите овој ризик се зголемува до 32 отсто. Кај многумина убодите од инсекти може да предизвикаат блага до умерена алергиска реакција во форма на локализирано црвенило и оток. За мал дел од луѓето алергиската реакција може да биде многу потешка и да бара итна медицинска помош. Фаталните реакции од убод од инсекти се поретки. Сепак, отровот на пчелите, осите и стршените има тенденција да предизвика тешки реакции кај оние коишто се алергични. Пчелите и осите може да предизвикаат системски алергиски реакции кои се шират низ целото тело, вклучувајќи ја и кожата и респираторниот систем. Алергиите на убод од пчела може да варираат од благи до тешки. Во помалку тешки случаи, алергиската реакција се јавува околу местото на осилото. Во потешки случаи, реакцијата влијае на другите делови од телото. Кога пчелата каснува нејзиното осило се откинува од телото и останува во кожата. Отровот што се наоѓа во осилото се ослободува до една минута откако пчелата го забодува осилото. Пчелниот отров содржи протеини кои влијаат на клетките на кожата и имунолошкиот систем што резултираат со локализирана реакција – болка и оток на местото на каснување, дури и ако лицето не е алергично на отровот. Кај лицата со алергија, убодот од пчела предизвикува имунолошкиот систем да произведува антитела наречени Имуноглобулин Е (IgE). Обично IgE го штитат телото од опасни материи, како што се вирусите и паразитите. Сепак, како одговор на осилото, телото произведува IgE што предизвикува имунолошки одговор, како што е осипот, отокот и проблеми со респираторниот систем. Симптомите на алергија на пчелин отров е различен во зависност од степенот на алергија кај лицето. Едно лице може да има блага, умерена или тешка реакција по кратко време откако ќе го касне пчела.

Важни совети за алергијата на убод од пчела и симптомите кои мора да знаете да ги препознаете

Ивана Ефремовски — Mon, 01 Jul 2019 18:38:47 +0000

Ако ве касне оса или пчела – ова ќе ве спаси од болка и отоци!

Ивана Ефремовски — Mon, 10 Jun 2019 12:52:44 +0000