пчиња – Kurir.mk

Зголемено нивото на реките Вардар и Пчиња

Катерина Бојаџиева — Wed, 19 Apr 2023 08:54:54 +0000

Зголемено ниво на реките во однос на просекот за април се бележи денеска на реката Вардар кај Јегуновце, кај Скопје, кај Велес и кај Демир Капија, како и на Пчиња кај Пелинце и кај Катлановска Бања. Податоците на Управата за хидрометеоролошки работи покажуваат дека намалени водостои има на реката Струмица кај Ново Село, на Црна Река кај Новаци, како и на Сатеска кај Ботун. Водостоите на Охридското и Препанското и на Дојранското Езеро според денешните мерења, се во рамки на просекот.

За 121 сантиметар зголемен водостојот на Пчиња, а еве каква е состојбата со останатите реки во Македонија

Магдалена Андонова — Mon, 13 Dec 2021 10:04:26 +0000

За 121 сантиметар утринава е повисок водостојот на реката Пчиња кај Катланово, а за 60 сантиметри на Вардар кај Демир Капија, покажуваат денешните мерења на Управата за хидрометеоролошки работи. За 20 сантиметри е повисоко нивото на реката Струмица кај Ново Село, за 16 сантиметри на Црна Река кај Новаци и за 12 сантиметри повисок е водостојот на Брегалница кај Штип. Кај езерата, водостојот на Преспанското Езеро е шест сантиметри под апсолутниот минимум. (МИА)

Запрена експлоатацијата на чакал на реката Пчиња кај Средно Коњари

Тале Кристо — Fri, 19 Mar 2021 07:14:00 +0000

Владата синоќа на седница донесе одлука за привремено запирање на експлоатацијата на чакал на реката Пчиња во атарот на село Средно Коњари. Како што соопшти владината прес-служба, привременото запирање на експлоатацијата е додека трае увидот на Државниот инспекторат за животна средина заради укажувањата на населението дека ископот на чакал се врши надвор од пропишаното со концесијата и додека не биде донесена нова одлука согласно наодите на надлежниот инспекторат.

Локални излевања на Вардар, Крива Река и Пчиња, се очекува натамошно зголемување на водостоите

Тале Кристо — Mon, 11 Jan 2021 10:12:32 +0000

Врнежите предизвикаа локални излевања на реката Вардар кај Рашче, на Крива Река и на Пчиња во кумановскиот регион, како и на водотеци во охридскиот и битолскиот регион, соопшти УХМР. Поради заситената почва со влага има и појава на заезерување во одредени рамници и делови на Пелагонија, Полог,… Поради временската состојба, како што наведува УХМР, се очекува сите водостои кај водотеците и езерата да бидат во покачување, а како најкритични се посочуваат горниот и средниот тек на Вардар, Треска, Лепенец, Пчиња, Крива, Црна, Радика, Сатеска и нивните притоки. Во текот на денот дококу има појава на интензивни врнежи на југот и југоистокот, се очекува продолжен пораст на водостојот и на водотеците од овој дел на државата и тоа на реките Брегалница, Струмица, Анска, Тркајна,… -Предупредуваме на внимателно движење покрај водотеците, суводолиците и во клисурите, поради можност од појава на големи води, излевања, свлечишта и одрони. Врнежите кои паднаа во изминативе 24 часа дополнително ги зголемија нивоата на сите водотеци и езера низ државата. На сите хидролошки станици од националната хидролошка мрежа има пораст на водостоите, а особени покачувања бележиме кај Вардар – горен тек, каде на Јегуновце во однос на вчерашните податоци бележиме покачување од 114 сантиметри, Лепенец кај Скопје 45 cантиметри, Вардар во Скопје 45 сантиметри, Треска кај Македонски Брод 87 cантиметри, Црна кај Новаци 100 сантиметри, Радика кај Бошков Мост 66 cантиметри. Кај езерата во однос на минатиот понеделник бележиме покачувања, кај Охрид од девет сантиметри, кај Преспа четири и кај Дојран еден сантиметар, информира УХМР. Според утринската синоптичка информација, најмнугу дожд има: 48 литри на метар квадратен во Пожаране, 39 Тетово, 36 Виница, 34 Крушево, 26 Скопје-З.Рид, Охрид, Гевгелија, Ѓуриште, 25 Битола, 23 Д.Капија, 22 Скопје-Петровец, Прилеп, 21 Куманово, 20 Штип, Струмица, Дојран, 16 Крива Паланка, Берово, 12 Претор. Се очекува врнежите да продолжат, но посилен интензитет на југот и југоистокот од земјата.

Водостојот на Пчиња двојно повисок од просечниот

Ивона Петрова — Wed, 30 Sep 2020 09:49:38 +0000

За речиси една третина е намален водостојот на Пчиња на мерното место кај Пелинце во однос на вчера, додека кај Катлановска Бања нивото на реката е за една четвртина повисоко од вчерашното, покажуваат резултатите од последните мерења направени од Управата за хидрометеоролошки работи (УХМР). Сепак, и во двата случаја водостојот на Пчиња е двојно повисок од просечниот за овој период од годината. Повисок водостој од вообичаениот за септември имаат и поголем број од останатите реки во земјава, како и Дојранското Езеро. Нивоата на другите две природни езера се пониски од просечните и тоа за еден метар кај Преспанското и за 18 сантиметри кај Охридското Езеро.

Мисајловски пред жителите на Пчиња ги претстави проектите кои ќе донесат обнова на Македонија по 15 јули (ФОТО)

Дарко Андоновски — Tue, 30 Jun 2020 18:01:37 +0000

Носителот на Изборната единица 2 Владо Мисајловски попладневно е во посета на населеното место Пчиња во Куманово. Тој пред жителите на ова населено место ги претстави своите проекти кои ќе ги реализираат во наредните четири години. Нивната програма како што вели Мисајловски има опфатено над 1.000 проекти за граѓаните на нашата земја почнувајќи од економски, инфраструктурни, па се до спорт и забава за најмладите.

Двојно намален водостојот на Пчиња

Ивона Петрова — Mon, 10 Sep 2018 08:51:18 +0000

Двојно е намален водостојот на Пчиња во однос на септемврискиот просек, а намалени се и нивоата на Вардар кај Јегуновце, Крива Река и Брегалница кај Берово, покажуваат денешните хидролошки мерења на Управата за хидрометеоролошки работи. Околу септемврискиот просек, но со благо зголемување, се водостоите на реките Вардар кај Зајчев Рид, Велес и Демир Капија, како и на Црна Река и на Црн Дрим, кaј кого се забележува најголемо зголемување на нивото од 24 сантиметри во споредба со просекот за септември. Кај езерата нема поголеми промени во споредба со септемврискиот просек.

Нивото на Пчиња двојно зголемено

Дарко Андоновски — Wed, 20 Jun 2018 08:33:42 +0000

Нивото на Охридско Езеро е пет сантиметри над дозволениот максимален водостој, додека на Дојранското десет сантиметри над договорениот максимален водостој. Според денешните хидролошки мерења на УХМР, нивоата на реките се во рамки на просекот за јуни, со исклучок на Пчиња кај Катлановска Бања која покажува двојно зголемување.