ПЦР тестови – Kurir.mk

Наместо ПЦР, да се користат брзите антигенски тестови пред некои операции – препорачува Комисијата за заразни болести

Дарко Андоновски — Wed, 25 May 2022 12:30:50 +0000

Комисијата за заразни болести препорачува да се укинат задолжителните ПЦР тестови пред одредени видови операвии во јавните здравствени установи. Наместо нив, според КЗБ, може да се користат брзите антигенски тестови – информираше денеска портпаролот, д-р Злате Мехмедовиќ. „Комисијата даде препорака да се користат брзите антигенски тестови коишто веќе им се достапни на поголемиот дел од институциите, без дополнително да се изложуваат на трошок граѓаните или институциите за да може да се прават оние ПЦР тестови коишто досега се побаруваа. Исто се задолжени комисиите за интрахоспитални инфекции да изготват протоколи согласно препораките на Комисијата за заразни болести за евентуално ваквиот начин на употреба на брзите тестови, во насока на тоа да се контролира начинот на којшто се движат пациентите во болниците“, објасни Мехмедовиќ. Тој рече дека на секоја јавно-здравствена институција ѝ се достапни околу 1000 антигенски тестови и граѓаните нема да има потреба да ги купуваат. „Прво треба да се земе предвид користењето на антигенските тестови, а вториот дел од препораката е комисиите да изготват протокол како може да се користат тестовите“, додаде д-р Мехмедовиќ. На денешниот состанок, Комисијата за заразни болести заклучила дека состојбата со коронавирусот е стабилна и дека има намалување на неделната инциденца, поради што не се потребни дополнителни мерки за заштита.

Франција го укинува задолжителното тестирање за вакцинирани патници од земјите надвор од ЕУ

Дарко Андоновски — Tue, 08 Feb 2022 18:26:00 +0000

Франција ќе ја укине обврската за тестирање на коронавирус за вакцинираните патници од земјите надвор од Европската унија, изјави државниот секретар за европски прашања Клемент Бон. „Во Франција додадовме тестови со бранот омикрон во декември. Во наредните денови ќе објавиме укинување на тестовите за вакцини“, изјави Бон за Франс 2, пренесе Дејли Меил. Сите патници кои влегуваат на француска територија од земјите кои што не се членки на ЕУ, вклучително и Британија, во моментов мора да имаат негативен ПЦР или антигенски тест за коронавирус не постар од 48 часа, се наведува на веб-страницата на француското Министерство за надворешни работи. „Несомнено, оваа недела ќе биде усвоена нова европска практика, што ќе овозможи вакцинираните лица кои доаѓаат од земји надвор од Европската унија да бидат предмет на поблаги мерки“, додаде Бон. Веќе на 25 јануари, земјите-членки на ЕУ се согласија подобро да ги координираат правилата што важат за движењата во ЕУ и да избегнат наметнување ограничувања за оние кои поседуваат европски сертификат за ковид. Италија ги олесни ограничувањата за сите посетители од Европската унија од 1 февруари. Министерот за здравство Роберто Сперанца потпиша одлука со која се бара од патниците од ЕУ да влезат во Италија со потврда со која се докажува дека или биле вакцинирани против коронавирусот, дали се заразиле со него или биле негативни на тестот. Италија на 14 декември воведе правило според кое сите посетители од ЕУ мора да имаат негативен тест за коронавирус поради страв од ширење на омикрон варијантата на вирусот. На 1 февруари, Данска ги укина речиси сите мерки за Ковид. Единственото правило кое остана на сила е дека патниците мора да покажат доказ за вакцинација при влез во државата.

Струмичанка заработи кривична пријава – изработувала фалсификувани ПЦР тестови

Тале Кристо — Sun, 06 Feb 2022 14:00:43 +0000

жСВР Куманово поднесе кривични пријави против В.М.(51) од Струмица, поради постоење основи на сомнение за сторено кривично дело „фалсификување исправа” и против С.Ј.(25) од Радовиш, Р.М.(24) од Струмица, О.Ј.(23) од Радовиш, Џ.С.(43) од Радовиш, М.Р.(25) од Радовиш, С.С.(18) од Радовиш, Е.С.(47) од Радовиш, Е.Д.(65) од Радовиш, К.Р.(23) од Радовиш, С.Д.(67) од Радовиш и А.М.(24) од Струмица, поради постоење основи на сомнение за сторено кривично дело „употреба на исправа со невистинита содржина”. Првопријавената, во текот на 2021 година изготвувала фалсификувани ПЦР тестови за Ковид-19 и ги продавала на лица кои имале потреба да патуваат во европските земји. Меѓу нив биле и останатите пријавени, кои на 09.10.2021 ги приложиле фалсификуваните тестови на Граничен премин „Табановце“.

Овие девет македонски државјани се фатени со фалсификувани ПЦР тестови

Ивана Ефремовски — Wed, 08 Dec 2021 16:59:41 +0000

Регионалниот центар за гранични работи Север поднесе кривични пријави против К.Л.(53) од Гевгелија, К.А.Р.(45) од Тетово, Џ.К.(56), Г.Ц.(46), В.Н.(36), Д.Н.(65), А.М.(27), И.Р.(46) и А.Р.(20), сите македонски државјани, поради постоење основи на сомнение за сторени кривични дела „фалсификување исправа” и „непостапување според здравствени прописи за време на епидемија”. На 18.11. и 06.12.2021 на Граничен премин „Табановце“, пријавените при влез во Република Македонија приложиле фалсификувани ПЦР тестови.

Две лица кривично ќе одговараат, приложиле фалсификувани ПЦР тестови

Ивана Ефремовски — Mon, 06 Dec 2021 15:27:10 +0000

Одделението за прекуграничен криминал Куманово поднесе кривични пријави против А.Р.(45) од Боговиње, тетовско и К.Л.(53) од Гевгелија поради постоење основи на сомнение за сторени кривични дела „фалсификување исправа” и „непостапување според здравствени прописи за време на епидемија”. На 20.10. и 23.10.2021 на Граничен премин Табановце, пријавените приложиле фалсификувани ПЦР тестови.

ОРМ: Неприфатливо е трошокот за ПЦР тестовите на оние што не сакаат да се вакцинираат да го платат работодавачите

Катерина Бојаџиева — Tue, 23 Nov 2021 11:36:16 +0000

Во услови кога вакцинирањето против КОВИД е бесплатно, а одредени работници сепак не ја користат оваа поволност, донесувањето евентуална одлука од страна на Владата со која работодавачите би ги покривале трошоците за ПЦР тестовите за работниците кои не сакаат да се вакцинираат би била целосно нелогична, неоправдана и неприфатлива, смета Организацијата на работодавачите на Македонија (ОРМ). Според ОРМ, неприфатлив е и предлогот за платени два слободни дена за вакцинација на работниците, бидејќи со ова би се довеле во нерамноправна состојба оние работници кои веќе се вакцинирани, а за кои претходно не важела оваа поволност. -Во време кога компаниите се соочуваат со голема неизвесност и се обидуваат да се обезбедат работа и опстанок на што поголем број работни места, предлогот со кој трошокот за тестирање на работниците кои не сакаат да се вакцинираат да падне на товар на работодавачите би претставувал големо и неоправдано дополнително финансиско оптоварување за компаниите, наведува ОРМ во врска со најавата за новите предлог мерки за невакцинираните работници предложени од страна на Комисијата за заразни болести кои треба да ги разгледува Владата. ОРМ предлага Владата да преземе други мерки со кои би се стимулирала имунизацијата на населението, а не целокупниот товар да се префрла на компаниите кои досега доследно ги спроведуваа сите одлуки на надлежните државни органи и во целост обезбедуваат примена на протоколите и превентивните мерки за заштита од КОВИД во текот на работниот процес. -За да го поттикне вакцинирањето Владата би можела на пример да воведе различен износ за боледување за вакцинирани и невакцинирани работници, во случај тие да се разболат од КОВИД; сугерира ОРМ и додава дека најголемиот дел од компаниите и досега практикуваа мерки со кои го стимулираа вакцинирањето против КОВИД како што се: исплата на еднократна парична награда за вакцинираните работници, слободен ден за секој вакциниран, бесплатен превоз за вакцинација во Србија, на вакцинираните не им се одбива награда или бонус за отсуство во случај да заболат, како и други стимулативни мерки.

Во автобус од Македонија кон Германија: Од 50 патници, 19 имале фалсификувани ПЦР тестови

Ивана Ефремовски — Sat, 09 Oct 2021 17:39:32 +0000

Денеска (09.10.2021) од страна на полициски службеници од СВР Куманово-Одделение за криминалистичка полиција-Отсек за економски криминалитет, извршена е контрола на автобус на туристичка агенција кој патува на релација од Република Македонија кон С.Р.Германија, при што од вкупно 50 патници кои се превезувале, кај 19 од нив откриени се 19 фалсификувани ПЦР тестови. По извршени проверки на тестовите било констатирано дека станува збор за фалсификувани тестови, кои биле набавени од едно лице од Струмица, по цена од 1.000 денари по тест. По комплетно расчистување и документирање на случајот ќе бидат поднесени соодветни пријави.

Доктор Лазаров алармира: Нема доволно ПЦР тестови на државните клиники, за крвна слика се чека 16 дена

Ивана Ефремовски — Thu, 07 Oct 2021 14:18:41 +0000

Нема доволно ПЦР тестови за тестирање на државно, алармира матичниот доктор Ненад Лазаров преку својот профил на Фејсбук. „Немањето ни приближно доволно PCR тестови на државно е директен атак врз здравјето на народот и флагрантно кршење на човековите права! Ниту може рано да дијагностицираме ниту пак да изолираме, со тоа свесно и намерно се пушта цел народ низ вода, да го цитирам Ф: ‘да изгори епидемијата’. Што да правам со симптоматски пациенти во тие неколку дена па и недела додека чекаат термин за тест? Молкот на фелата е недозволив“, напиша Лазаров. „Вчера 6-ти октомври, праќам ковид пациенти со ковид упат за крвни анализи во поликлиника Јане Сандански. Им закажале боцкање на 22 октомври!“

Приложиле фалсификувани негативни ПЦР тестови, сега кривично ќе одговараат

Ивана Ефремовски — Wed, 22 Sep 2021 17:40:56 +0000

СВР Куманово поднесе кривична пријава против Ф.Б. (32) од с.Отља, општина Липково и Л.Ш.(30) од Скопје поради постоење основи на сомнение за сторено кривично дело „фалсификување исправа”. Пријавените, на 01.09.2021 на граничен премин Табановце, при пасошка контрола, приложиле фалсификувани негативни ПЦР тестови.

Скопјани фатени со фалсификувани негативни ПЦР тестови

Ивана Ефремовски — Tue, 21 Sep 2021 14:58:57 +0000

СВР Куманово поднесе три кривични пријави против Ј.С.(19), С.Ј., Н.С.(55) и И.С.(54), сите од Скопје, поради постоње основи на сомнение за сторени кривични дела „фалсификување исправа“. Пријавените, на 08.09.2021 на граничен премин Табановце приложиле фалсификувани негативни ПЦР тестови.