Пеце Милевски – Kurir.mk

Милевски: Владата под итно да помогне на јавните претпријатија, за да не дојде во иднина до зголемување на цените на јавните комунални услуги

Ивана Ефремовски — Sat, 27 Aug 2022 18:39:53 +0000

„Проблемите во јавните претпријатија се однесуваат повеќе на зголемените трошоци за електричната енергија. И покрај ако ги поделиме предизвиците со кои што се соочуваме и имаме предизвици на долг рок и на краток рок, на долг рок се инфраструктурата и наталожените работи кои што долги години не се вложувало или пак се вложувало премалку во водоснабдителниот систем т.е. во инфраструктурата. А, пак на краток рок се соочуваме сега со електрична енергија, цената на електрична енергија односно проблемот не е така брз одсега туку како АДКОМ сме се обраќале за дијалог, за разговор уште во јануари месец, декември месец 2021 година и јануари оваа година“, истакна Пеце Милевски, претседател на АДКОМ во Тема на денот на Сител телевизија. Милевски додаде дека како АДКОМ бараат дијалог, бараат начин да не дојде во иднина на зголемување на цените на јавните комунални услуги. „Токму затоа потребна е некаква интервенција од страна на Владата нормално. Затоа што нивните средства и Буџетот со кој што располагаат можат да помогнат со евентулани субвенции. Односно разликата помеѓу планираните трошоци за електрична енергија во нашите бизнис планови или плановите кои што ги правиме на почетокот на годината, на пример во ЈКП Водовод Битола јулската сметка за електрична енергија била 2 ипол милиони, но овој месец е 12 милиони денари. А, тоа значи 5 пати повеќе ќе се плати за оваа сметка“, појасни Милевски. Тој посочи дека сака да каже дека и покрај целата сила и знаење кое што се вложува од страна на сите директори од сите јавни претпријатија не е доволна. Рационализацијата на средствата и на трошоците не им дава можност да ги надоместат односно надокнадат трошоците за електрична енергија. „И покрај нашето вложување со цел човечки потенцијал ние нема да успееме да ги надоместиме трошоците за електрична енергија“, нагласи претседателот на АДКОМ. „Регулаторната комисија која што ја регулира и цената и е владино тело може да помогне, еве пред некое време имавме формирање на нови тарифи, можеби е добро да се размисли за регулирање на една тарифа за јавните претпријатија кои што вршат водоснабдување и одведување на отпадни води односно прочистелните станици, да одредена тарифа која што би била да речеме од Блок 3 да се вратиме во универзалниот снабдувач. Така би било најдобро за сите и на долг рок би се решил овој проблем“, рече Милевски. Милевски истакна дека сега јавните претпријатија набавуваат струја на либерален пазар со јавни набавки, оператори кои што си надаваат.

Милевски: Оваа власт во заминување ги живее последните денови, нивната неспособност, криминал и одмазништво мора да бидат поразени

Дарко Андоновски — Thu, 28 Oct 2021 14:50:30 +0000

Демократска и космополитска Битола досега не памети вакви избори во кои на секој чекор нашите активисти и приврзаници секојдневно се следени и легитимирани при извршувањето на редовните изборни активности. Не памети притисоци и поткуп од вакви размери. Неколку денови наназад зборуваме за притисоците на кои се жртви битолчани, а по налог на Христо Кондовски и Љупчо Николовски генералниот секретар, а сега и стечаен управник на битолската СДСМ, ова денеска преку прес-конференција го истакна Пеце Милевски претседател на ОК ВМРО-ДПМНЕ Битола. -Почитувани мои битолчани, ве охрабрувам да не подлегнувате на притисоците, заканите и уцените. Јасно им порачуваме ваквите притисоци не не плашат и ни даваат уште поголем мотив и сила. Не ги плашат ниту граѓаните, кои се мудри, достоинствени и пркосни. Оваа власт во заминување ги живее последните денови. Нивната неспособност, криминал, одмазништво и предавство мора сега да бидат поразени! Во текот на вчерашниот ден, при реализирањето редовните средби со граѓаните, бевме застанати од страна на неуниформирани полициски службени лица со необележано полициско возило - MERCEDES S класа со пуштени флешери, како најголеми криминалци и ни беше извршен личен претрест и преглед на возилото во населбата Долно Оризари, вели Милевски. Тој додава дека во рок од 24 часа беа, исто така, легитимирани нашиот кандидат за градоначалник кој беше во исто возило со потпретседателот на ВМРО-ДПМНЕ, Александар Николовски -За сите овие притисоци веднаш ги информиравме сите релевантни домашни и меѓународни институции и амбасади. Затоа почитувани граѓани на општина Битола, ЗАЕДНО на 31 октомври во недела да им го дадеме одговорот кој го заслужуваат, истакна Милевски.

Милевски: Кондовски да каже дали тој даде налог на директорите на ЈП да вршат притисок врз вработените и дали се познати лицата кои даваа поткуп во Баир?

Ивана Ефремовски — Tue, 19 Oct 2021 13:58:26 +0000

Промените почнаа, ВМРО ДПМНЕ освои 22 градоначалници уште во првиот круг наспроти само 9 на СДСМ. ВМРО ДПМНЕ е победник и во Битола! Кандидатот за градоначалник на СДСМ, Христо Кондовски на првото појавување после големиот пораз во првиот изборен круг, им кажува на граѓаните дека ќе продолжел со позитивна и скапо платена кампања, вели Пеце Милевски, претседател на ОК на ВМРО-ДПМНЕ Битола. -Денес го прашувам Христо Кондовски дали во неговата позитивна и скапо платена кампања со СДСМ се опфатени и притисоците, заканите, уценитеи малтретирањата од страна на овластени службени лица блиски до СДСМ врз граѓани на денот на гласањето? Дали тој даде налог за вакви притисоци токму во местата каде знаеше дека ја нема поддршката од граѓаните пример во Д. Оризари, Јени Маале? Христо треба да одговори, дали му се познати луѓето на кои главна задача им беше поткупот на битолски Баир? Христо Кондовски треба да одговори дали дал налог на директорите на јавните претпријатија, кадри на неговата партија СДСМ да вршат притисоци врз вработените и да бараат списоци со граѓани кои ќе го дадат гласот за него? Почитувани битолчани, ве охрабруваме да не потпаѓате под притисоците, уцените и заканите, слушајте го својот глас кој ве води кон подобро утре, истакна тој. Милевски порачува дека ниту една изборна математика не може да ја смени слободната волја на граѓаните. -Не постои притисок кој може да ги натера битолчани да не го дадат својот глас за оној кој победува. Почитувани, нашиот кандидат д-р Тони Коњановски е човек кој цел свој живот го помина работејќи во и за Битола. Така ќе биде и од 31 октомври, бидејќи Тони Коњановски ќе биде новиот градоначалник на Битола, бидејќи тоа е гласот на битолчани! Тоа е гласот за победа на Битола, вели тој.

Милевски: Дали АД „М-НАВ“ кое е во државна сопственост е дел од буџетот народни пари за кампањата на Христо Кондовски ?

Магдалена Андонова — Wed, 13 Oct 2021 14:36:28 +0000

Менаџерот за живот на рати Христо Кондовски постојано кажува дека никогаш не располагал со државни пари добиени од државни тендери, така изјавува на дебатни емисии, очигледно дрско лажејќи ги граѓаните! Затоа, денес повторно го прашуваме, дали е тоа вистина или преку договори за услуги склучени со државни компании стекнал вистинско богатство на маката на граѓаните, праша на денешната прес конференција Пеце Милевски носител на листата за советници за општина Битола. - Денес го презентираме, Договорот склучен помеѓу една од фирмите на Христо Кондовски, потпишан лично од самиот Кондовски со АД во државна сопственост за вршење дејност давање услуги во воздухопловната навигација “М-НАВ”. Овој договор е потпишан и заверен на 22.02.2021 година, а неговата вкупна вредност е 1 милион денари, кои ги исплаќа договорниот орган АД во државна сопственост за вршење дејност давање услуги во воздухопловната навигација “М-НАВ”. Христо Кондовски, треба да одговори, дали овој договор, склучен со едно од најбогатите државни претпријатија, заедно со договорот склучен со АД ЕЛЕМ и тендерите добиени на конто на другите фирми од кои Кондовски е дел,се буџетот народни пари со кои ја финансира неговата скапа кампања? Христо Кондовски, треба да одговори, дали овие договори се уште на сила и дали се активни ? Време е Христо Кондовски да одговори дали неговата единствена амбиција е узурпација на Општина Битола и од неа да направи град-фирма, рече Милевски. Тој посочи дека менаџерот за живот на рати, не сака да работи, туку сака само да заработи!

Милевски: Гарантираме безрезервна поддршка за СИТЕ бизниси, затоа што тие се едни од најважните катализатори на развојот на општината!

Магдалена Андонова — Thu, 07 Oct 2021 14:48:33 +0000

Локалните бизнисмени како никаде на друго место јасно кажуваат дека изминатите 4 години беа закочени да инвестираат и тоа токму од локалната самоуправа водена од СДСМ. 4 години не можеа да добијат никаков документ за нови градби или оптимизација на постоечките. Развојот на Битола 4 години го кочеше СДСМ со добо позната политика на неработење и губење време заради задкулисни калкулации за тесни бизнис интереси, изјави денеска за медиумите, носителот на листата Пеце Милевски на средба со стопанствениците во Битола. Тој истакна дека од денешната средба со претставници на стопанството, малостопанственици, претставници од претприемништвото, може да гарантираат безрезервна поддршка на СИТЕ бизниси како нова локална самоуправа, затоа што тие се едни од најважните катализатори на развојот на општината! - Ние гарантираме општина – креатор и поттикнувач, партнер на стопанството и целата бизнис заедница. Ние, како нова локална самоуправа гарантираме услови и за поддршка на малите бизниси, поддршка за дуќанџиите, кои се најдоа страшно погодени од досега најголемата здравствена и економска криза предизвикана од пандемијата КОВИД 19. Ние гарантираме поддршка и подготвеност, ефикасно, ефективно и брзо општината да ги сервисира нивните барања, ние гарантираме услови тие да можат можат да ги развиваат своите бизниси, а со тоа директно да влијаат врз локалниот економски развој на Општината, посочи Милевски. Тој додаде дека како дел од општинскиот Совет во изминатиот период континуирано предлагале економски мерки на локално ниво, кои барем делумно требаше да ги олеснат и залечат последиците на бизнисот и занаетите во Битола но како и секогаш СДСМ остана слепа и глува на сите тие предлози. - СДСМ едноставно не сакаат да работат затоа и предложија кандидат со кој сакаат да заработат, дециден е Милевски.

Милевски: За Христо Кондовски нема потреба да се фабрикуваат муабети и скандали, ги има толку многу

Дарко Андоновски — Tue, 05 Oct 2021 14:20:48 +0000

За Христо Кондовски нема потреба да се фабрикуваат муабети и скандали. Ги има толку многу, за што и две кампањи не се доволно само да ги наброиме, ова денеска преку прес-конференција го истакнува носителот на советничката листа на ВМРО-ДПМНЕ за Битола, Пеце Милевски. -За менаџерот за живот на рати, Христо Кондовски нема потреба да се фабрикуваат муабети и скандали. Ги има толку многу, за што и две кампањи не се доволно само да ги наброиме. Од каде побрзо да почнеме? Дали од тоа дека живее луксузно на грбот на земјоделците? Им ги наплаќа оддеднаш сите пари, а им ги исплаќа на рати? За него и за неговите “другари” луксузен живот, за сите други живот на рати, вели Милевски. Тој прашува дали да го повториме прашањето дека неговиот бизнис, кој постои само заради “другарите” од Струмица, вреди само 10% во реалниот живот? -"Менаџерот" фалбаџија, не одговори дали е точно дека издал обврзница а од вистинските бизнисмени, успеал да собере помалку од 10 проценти, тие јасно му кажаа дека не му веруваат за да вложат во неговата обврзница. Треба ли да потсетуваме дека само пред некој ден грубо го прекрши Законот? Отиде во Домот Сју Рајдер за да се слика со старите и изнемоштени лица, иако тоа е строго забрането со Изборниот Законик. Почитувани битолчани, Христо Кондовски прави се за својата лична корист. Не му значи ништо вистината и прави последни панични обиди да го оттргне вниманието од неговите скандали со ширење лаги за нашиот кандидат и иден Градоначалник , Тони Коњановски. Повели Христо информирај се кај вашата министерка Шеќеринска, дали некогаш нешто е направено противзаконско, а во корист на нашиот кандидат и таа е дел од твоето “ново друштво” струмичко-арамиска дружина и другарот од ЕЛЕМ. Го прашуваме Христо, дали веќе се потрошија парите од тендерите со ЕЛЕМ ? Дали планира Битола да ја претвори во град - фирма за делење проценти за него и неговите другари од Струмица? Почитувани, како што и сам кажа во едно телевизиско интервју, за него не се воопшто важни Битола и битолчани, туку парцелите, бизнис - партнерите, и општинската каса. Дали заедно со своите бизнис другари планира од Битола да прави Стентоград?, прашува Милевски.

Милевски: Откако сами признаа дека овие 4 години згрешиле, покажаа дека не знаат да работат, сега го нудат менаџерот за живот на рати- Христо Кондовски

Катерина Бојаџиева — Sat, 02 Oct 2021 14:38:24 +0000

Почитувани битолчани, сакам да упатам огромна благодарност, до сите кои беа дел од синоќешниот голем митинг на плоштадот Магнолија, со нашиот кандидат за градоначалник д-р Тони Коњановски и претседателот на ВМРО ДПМНЕ професор доктор Христијан Мицкоски. Сакам да го изразам задоволството од вашата одважност, храброста и решеноста Битола да зачекори напред! Доста е назадување, доста е манипулирање, истакна Пеце Милевски, носител на листата на кандидати за советници на ВМРО ДПМНЕ и коалицијата за обнова на Македонија во општина Битола. -Преку реализација на проекти, идеи, преку решавање на проблемите, но и планирање на иднината - Битола мора да биде развиена и да биде дом за сите граѓани. Почитувани граѓани, како предводник на победничката советничка листа, се обврзувам дека Советот ќе биде првиот тим на градоначалникот, но и неговиот коректив, се обврзувам дека сите ние чесно, посветено и одговорно ќе работиме и ќе реализираме проекти кои и се неопходни на Битола, кои ќе го подобрат квалитетот на животот на секого од вас поединечно! Откако сами признаа дека овие четири години згрешиле, признаа дека немаат ниту проекти, ниту план и визија, покажаа дека не знаат да работат, сега го нудат менаџерот за живот на рати - Христо Кондовски. Сакам да порачам дека Битола, Битола не е приватна фирма, ниту робусна коцка или некаков тренинг полигон! Битола нема време за експерименти, кои најскапо ве чинат вас почитувани битолчани! Оправдан е вашиот страв дека Христо Кондовски и неговото струмичко друштво ќе и се настрват на Општина Битола и ќе ја претворат во приватна фирма за склучување на зделки и богатење на нивните бизнис партнери на грбот и маката на битолчани! Тоа ние сите заедно нема да го дозволиме! Битола е ваша почитувани граѓани, Битола е на битолчани и овој пат за тоа ЗАЕДНО ќе се избориме!

Милевски: За Битола, традицијата, фолклорот и културата, само лицемерие од власта

Катерина Бојаџиева — Tue, 27 Jul 2021 19:19:06 +0000

За Битола, традицијата, фолклорот и културата, само лицемерие од власта. Денес на отворањето на илинденски денови фестивал со огромна традиција во очи на најголемиот празник ИЛИНДЕН на свеченото отворање ја немаше градската маќеа на градот Наташа Петровска која сега е во улога на градоначалник на општина Битола. Високите партиски функционери на СДСМ никаде ги немаше исто како градоначалничката. Па и директорите на државни компании не им е фолклорот така мил како фотељата. На функционерите на СДСМ колку им значи традицијата, фолклорот и културата можи да се види од нивниот однос кон овој фестивал. Толку да не се почитува своето толку да се биде арогантен, тоа значи дека немате почит ниту кон својата држава, историја ниту кон жртвата која за Илинден многумина ја дадоа и го положија својот живот. За оваа Македонија со која вие привремено управувате и ги користите сите благодети на власта ! Срам и арам да ви е ! На сите МАКЕДОНЦИ ! За многу години ИЛИНДЕН ! Нека се множат годините кога го славиме непокорот на македонскиот народ !, пишува претседателот на ОК ВМРО ДПМНЕ Битола, Пеце Милевски.

Милевски: Менде Синдикалецот се уште молчи за бројните афери, ЈО да постапи по допрен глас и да ги истражи криминалите во РЕК Битола

Дарко Андоновски — Tue, 06 Jul 2021 08:10:29 +0000

Tаканаречен синдикален лидер, нема ниту збор за бројните афери поврзани со РЕК Битола, ниту збор за уништувањето на компанијата и за туркањето во загуба,. Нема ниту збор за потенцијалното затвворање на работните места во ЕЛЕМ, а нема ниту да изусти затоа што РЕК Битола златна кокошка, ова денеска претседателот на ВМРО-ДПМНЕ ОК Битола Пеце Милевски. -Менде Фидановски откако е главен синдикалец има 1.131.380 евра од РЕК Битола на име тендери, преку сопствената семејна компанија со еден вработен. Тој еден вработен беше неговата сопруга која ги потпишувала документите во фирмата која што само за година ипол има наплатено еден милион евра. И тоа не е доволно, па Летка од лани на почетокот на годината е вработена во РЕК Битола. Вработена е во службата за деловно техничка апликација како организатор на обработка и откако таа работи таму, во РЕК Битола, заедно со сопругот Менде Синдикалецот нивната семејна фирма заработува над милион евра од тендерите од загубарот РЕК Битола. Сега семејната фирма со еден вработен КОМПАКТ МСФ Дооел Битола, ја води нивниот син Мартин Фидановски. Така доаѓа до чудесна ситуација потписникот на тендерската во случајот Летка да си ја пречекува испораката испораката од нејзиниот тендерот во име на другата страна, компанијата која го распишала тендерот! Сама си пушта сама си пречекува, вели Милевски. Тој додава и уште почудесна ситуација- синот на Менде потпишува договори во име на КОМПАКТ МСФ дооел Битола, фирмата на Менде, а сопругата на Менде Синдикалецот, до вчера управител на истата фирма, сега ја пречекува стоката од сопствената семејна фирма!? -Заради вакви РЕК Битола пропаѓа затоа што овие слуги на режимот, комбинатот го користат како златна кокошка од која мора да се дрпа безмилосно. За крај порака до сите, а посебно до истражните органи ова е допрен глас за лица кои ги крадат нашите пари, парите на нашите деца во моментот се пустат и парите на нашите внуци и ова не се само пари на обичните граѓани, тоа се и ваши пари почитувани инспектори, обвинители, судии и останати, потенцираше Милевски.

Милевски: На Менде Синдикалецот малку му се милион евра од тендери, во РЕК Битола ја вработиле жена му

Ивана Ефремовски — Sat, 03 Jul 2021 08:05:08 +0000

На Менде Синдикалецот од РЕК Битола воден од СДСМ, малку му се милион евра за семејната фирма, додека е вработен во РЕК Битола, па морал да ја вработи и жена си, во загубарот РЕК Битола на Васко Ковачевски. Да потсетам Менде Синдикалецот, само лани и годинава, има добиено тендери за неговата фирма вредни еден милион евра! Милион евра од РЕК Битола! Од 2017-та година оваа мала компанија, „КОМПАКТ МСФ“ ДООЕЛ Битола, редовно добива тендери од загубарот РЕК Битола, толку редовно што само лани и годинава се 20 на број! 20 тендери за година ипол, обвинува Пеце Милевски, претседател на ОК на ВМРО-ДПМНЕ Битола. -Но, тоа е малку за синдикалците и функционерите на СДСМ во РЕК Битола, па при она цунами на партиски вработувања 2019/2020 година, меѓу заслужните роднини на функционери на СДСМ се најде и сопругата на Менде, Летка Фидановска, која е вработена во службата за деловно техничка апликација како организатор на обработка. Малку е што сопругата е управител на фирмата што зела милион евра само од лани до сега, малку е што е потписник на договорите меѓу РЕК Битола и фирмата „КОМПАКТ МСФ“, морала да биде вработена како сопруга на заслужниот Синдикалец на СДСМ? Ова е срамно и се коси со сите морални норми. Синдикалниот лидер откако е тоа има земено тендери во висина од 1.131.380 евра од РЕК Битола, каде што и сам работи! Згора на тоа во РЕК Битола ја вработува и неговата сопруга, инаку потписник на фирмата која што ги добива тендерите, обвинува тој. Милевски потенцира: „РЕК Битола тоне, ЕЛЕМ е во загуба од 47 милиони евра, по еден цел милион секој месец, а од Менде нема ни збор за тоа. Од Синдикатот нема збор ниту за скандали за рекети, за дрпање пари од ископ. Ваква спрега на мафијата со Синдикатот немало од ерата на Ал Капоне! СДСМ ги потона РЕК-от и ЕЛЕМ во долгови, се најавуваат отпуштања и затворања, а одбрани фирми вртат милионски тендери! СДСМ е најлошото за Битола, најлошото за загубарот РЕК Битола, СДСМ е најлошото за Македонија“.