печурки – Kurir.mk

Жена од охридско што се изгубила берејќи печурки, е пронајдена во раните утрински часови

Катерина Бојаџиева — Tue, 20 Jun 2023 07:46:10 +0000

Жена од охридското село Горно Среднорече, која вчера берејќи печурки се изгубила, е пронајдена во раните утрински часови. Регионалниот ЦУК Охрид, повикувајќи се на информации од СВР Охрид, денеска соопшти дека жената се изгубила околу 20:40 часот и дека по целовечерна потрага, таа е пронајдена во раните утрински часови во добра здравствена состојба. Исчезнувањето го пријавил сопругот, кој информирал дека биле задно да собираат печурки на различни локации низ шума. Кога требало да се сретнат на договореното место, кај нивниот автомобил, жената не се појавила. Во потрагата била вклучена и единицата за спасување на планина со куче обучено за пребарување, екипа на полицијата од СВР Охрид, мештани од селото и роднини.

Одлична идеја за лесен ручек: Печурки полнети со пилешко и спанаќ

Ристе Здравков — Sat, 29 Apr 2023 16:46:10 +0000

Вкусен оброк за 45 минути. Нема кој не ги сака полнетите печурки, а ние ќе ви предложиме одличен рецепт за вкусна пролетна варијација на ова јадење. Состојки: 300 гр. шампињони 150 гр. пилешко бело месо, сечено на ситно коцки 70 гр. рендан кашкавал 150 гр. спанаќ Мала главица црн лук, ситно исецкана Сол и бибер по вкус Две лажици масло Припрема: Измијте ги печурките и одвојте ги од рачката. Секоја печурка малку издлабете ја со лажица. Лукот, спанаќот и рачките на печурките ситно исечкајте ги, па пропржете ги на масло. Додајте го ситно исецканото бело пилешко месо, зачинете по вкус и оставете да динста. Со издинстаната смеса од спанаќ и месо пополнете ги капите на печурките и наредете ги во поголем плех или поширока тава во кој претходно сте ставиле хартија за печење. Печете во загреана рерна на 180 степени околу 25 минути, со тоа што на средина од печењето ќе ги посипете печурките со рендан кашкавал за да се направи „кора“ од него, и вратете ги во рерна да се допечат. Полужете ги топли.

ШПАГЕТИ со ПЕЧУРКИ и ГОРГОНЗОЛА! Брз пролетен оброк!

Ристе Здравков — Wed, 26 Apr 2023 07:49:53 +0000

Овој вкусен рецепт за шпагети со печурки и горгонзола лесно се подготвува и ќе го задоволи сечиј вкус. Горгонзолата му дава посебен шмек на ова јадење, затоа уживајте! Состојки: 400 гр шпагети главица кромид две чешниња лук 400 гр шампињони 600 гр пелат домати свеж босилек, оригано 125 гр горгонзола сол, бибер, масло Подготовка: Сварете ги шпагетите во солена зовриена вода, според упатството на пакувањето. Во поголема тава на врело масло пропржете го сечканиот кромид, па додадете го издробениот лук и мешајте уште една минута. Потоа додадете ги исечените шампињони, сол и бибер и мешајте додека не испари вишокот течност. Додадете го пелатот, ориганото и босилекот, варете додека не зоврие, па намалете ја топлината и крчкајте уште 20 минути. Додадете ги исцедените шпагети, посипете со изронета горгонзола и послужете додека е топло. Пријатно!

Пикантни грил печурки, гурмански оброк за сечиј вкус!

Ивона Петрова — Mon, 10 Apr 2023 20:09:16 +0000

Рецепт за лесна и брза вечера од зачинети печурки пржени на грил тава и послужени со ориз на пареа... Уживајте! Состојки: пакување на шампињони малку путер лута мелена пиперка соја сос сол, бибер маслиново масло Подготовка: Измијте ги печурките и исечете ги на дебели парчиња. Измешајте ги маслиновото масло и зачините, па во смесата ставете ги печурките. Оставете ги да се маринираат половина час, а потоа наредете ги како ражничи. Се печат на грил тава и се посипуваат со соја сос. Послужете со ориз на пареа.

ПОЛНЕТИ ПИПЕРКИ СО ПИЛЕШКО И ПЕЧУРКИ! Вкусна вечера за целото семејство (ВИДЕО)

Ристе Здравков — Mon, 13 Feb 2023 12:25:45 +0000

Доколку немате идеја што да подготвите за вашите најблиски, можете да направите полнети пиперки со пилешко и ќе имате вкусен оброк. Состојки: 3 големи пиперки 250-300 гр печурки 300 гр пилешко филе 1 лажичка зачин за пилешко 1 чешне лук 200 гр тврдо сирење 200 гр јогурт магдонос Подготовка: Исечете ги пиперките на половина по должина, па исчистете ги. Печурките и белото месо исечкајте ги на коцки. Ставете го месото во сад, зачинете со сол и бибер, посипете со зачинот за пилешко и прелијте со маслото. Измешајте, па додадете го сечканиот лук. Посолете ја и попбиберете секоја половина пиперка, па премачкајте ја со масло. Додадете малку печурки, па изрендано тврдо сирење, премачкајте со јогурт, а потоа додадете го белото месо. Повторно премачкајте со јогурт и посипете со сирење. Наредете ги пиперките во тепсија и печете ги на 180 степени околу 35-40 минути. Готовите пиперки посипете ги со сечкан магдонос.

Одлична идеја за викенд ручек, потпечено пилешко со печурки

Ивона Петрова — Fri, 03 Feb 2023 13:13:23 +0000

Одлична и вкусна комбинација на состојки во кои ќе уживате. Состојки: – 500 гр пилешко бело месо – 400 гр свежи печурки Бешамел сос: – 30 гр путер - презла - 1 1/2 лажица брашно – 300 мл млеко – 100 гр павлака - кашкавал за посипување Подготовка: Белото месо исецкајте го на тенки шницли и исчукајте го. Месото и печурките посолете ги малку пред да се пржат. Секој стек пропржете го на малку масло, колку да добие боја. Печурките се пржат посебно, во маслото во кое се пржело месото. Бешамел сосот се прави така што путерот се топи, во него се динста лажица ипол брашно, се додава млекото и кога ќе почне да врие, се промешува павлаката. Огроотпорен сад намрсете го и посипете со презла, па наредете ред бело месо, па ред шампињони, па прелијте со бешамел сос. Направете го тоа додека не се искористат сите состојки. На крај изрендајте го кашкавалот и ставете го во рерна да се пече околу 20 минути на умерена температура.

Две моќни намирници: Треба да ги јадете за здрави и цврсти коски

Ивана Ефремовски — Wed, 16 Nov 2022 19:07:44 +0000

Доколку сакате да ги зајакнете коските и мускулите тогаш треба да обрнете особено внимание на исхраната. Намирници кои се препорачуваат за оваа цел се: шампињоните и брокулата. Во печурките-шампињони, има голема количина на витаминот Д, кој ја зголемува работната способност и ги јакне коските. Се препорачува секојдневно да се конзумираат, како додаток во исхраната или како главен оброк. Брокулата изобилува со калциум, минерал кој е важен за здрави коски. Потребно е барем два пати неделно, во количина по 250 грама, да го внесуваме овој вкусен зеленчук.

БИДЕТЕ ВНИМАТЕЛНИ: Во сезоната за берење печурки, расте бројот на затруени пациенти на Токсикологија

Ивана Ефремовски — Fri, 07 Oct 2022 14:20:34 +0000

Најмалку седум граѓани во изминатиот период на клиниката за Токсикологија дошле со труење од печурки. „За среќа сите имаа полесно труење и симпотмите ги добиле два до три часа по труењето“, вели доктор Андон Чибишев. Канал 5 пренесува дека она што го загрижува докторот е тоа што во овој период сонце дожд е одличен за отровната печурка аманита фалоидес кој е смртоносна печурка и расте во Македонија. Чибишев вели дека токму од оваа печурка се затруле граѓаните од соседна Србија кои се во тешка состојба во болница. Последните двајца пациенти кои заминаа од клиниката се брачен пар од Кочани кои имале полесни знаци на труење но морале да бидат хоспитализирани заради по ручек од печурки. Чибиешв со апел има печурки кои имаат кратко дејство и само неколку часа по конзумирање човек има симптоми со болки во стомакот, повраќање. Но, оние кои се поопасни се печурки кои конзумирањето може да има симптоми и 72 часа по јадењето на печурките. Прилогот на Канал 5 погледнете го во продолжение:

Повеќекратната делотворност на печурките

Ивона Петрова — Mon, 03 Oct 2022 05:47:42 +0000

Печурките се многу корисни за човековото тело, бидејќи дејствуваат делотворно на здравјето поради нивната хранлива вредност. – Печурките се богати со витамин Д, кој е исклучително корисен. Недостатокот на овој витамин е поврзан со замор, нарушено здравје на коските, намалена функција на имунолошкиот систем и зголемена подложност на хронични болести, вклучително и одредени видови рак… Поради нивните лековити својства, печурките се користат во медицината повеќе од 2.000 години. Тие содржат соединенија коишто предизвикуваат имунолошки одговор на повеќе нивоа – слично како „група војници кои водат неколку битки истовремено во седум војни“. Печурките се познати и по својот широк спектар биоактивни состојки, пред сè по бета-глуканите кои го зајакнуваат имунитетот, појаснува нутриционистката Никол Стефанов. Истражување објавено во стручното списание „Фуд сајенс енд нутришн“ (Food Science & Nutrition) покажа дека со редовно консумирање печурки внесувате доволно количество микронутриенти во телото без зголемување на нивото калории, масти и натриум. Печурките се богати со селен – хранлива материја којашто има антиоксидантни својства што помагаат при намалување секаков вид воспаление. А, добро делуваат и на работата на цревата, односно на системот за варење. – Многу студии покажаа дека печурките дејствуваат како пробиотици. Не само што го подобруваат варењето, туку можат да бидат корисни и за луѓето со дијабетес. Имено, печурките имаат способност да менуваат одредени цревни бактерии и на тој начин ослободуваат инсулин од бета-клетката на панкреасот, додаде таа. Занимливо, луѓето кои јадат печурки имаат и помала веројатност да страдаат од депресија. Истражувачите го припишуваат ова на многуте биоактивни соединенија во печурките, вклучително и витаминот Б-12 и антиоксидансите.

ПЕЧУРКИ ПОЛНЕНИ СО ЗЕЛЕНЧУК! Вкусна вечера готова за само 20 минути (РЕЦЕПТ)

Ристе Здравков — Mon, 22 Aug 2022 14:16:21 +0000

Доколку сте расположени за лесен летен оброк, ви препорачуваме полнети печурки со зеленчук СОСТОЈКИ: 600 гр поголеми печурки главица кромид морков, тиквички црвена и жолта пиперка два домати маслиново масло половина чаша пармезан сирење половина шолја рендана гауда сол, бибер, зачини ПОДГОТОВКА: Печурките измијте ги, исушете ги, извадете ги дршките, па ситно исечкајте ги. Морковите, тиквичките, пиперките и доматите исечкајте ги на ситни коцки. Во тава на малку масло на кратко пропржете ситно сечканиот кромид и стебленцата од печурките, па додадете го преостанатиот зеленчук. Динстајте десет минути, додека зеленчукот не омекне, а вишокот течност не испари. Потоа додадете сол, бибер и пармезан, па тргнете го од оган. Наполнете ги печурките со подготвената смеса, ставете ги на плех обложен со хартија за печење, посипете со рендана гауда и печете во рерна на 200 степени околу 15-20 минути.