педијатри – Kurir.mk

Врие во детската болница Козле: Заразени и здрави деца во иста амбуланта, педијатрите бараат итно резрешување на директорот Андоновски

Ивана Ефремовски — Fri, 30 Oct 2020 14:07:21 +0000

Заразени и здрави деца во иста амбуланта. Мобинг врз вработените. Врие во детската болница Козле. Триесетина педијатри се дигнаа на нозе – против директорот на болницата д-р Ангелчо Андоновски, пренесе АЛФА. Тврдат дека освен што се жртви на мобинг, директорот создава раздор меѓу вработените. Велат, оставени сме сами на себе, немаме основни услови за работа, а најдраматично е што сме принудени да ги прегледуваме децата во црвената зона која е исклучиво наменета за пациенти позитивни на Ковид19, значи, во истата амбуланта прегледуваме и деца кои не мора да значи дека имаат Ковид. На сето тоа, униформите за работа многупати ги облекуваме и соблекуваме во сопствените автомобили, бидејќи наидувавме на заклучени ормани. Се соочуваме со промени без никакви најави, камери не снимаат 24/7- во вакви услови не можеме да работиме и многу од нас лекарите и медицинските сестри размислуваме за откази – доколку итно не се разреши директорот Андоновски, вака сведочи за Алфа еден од педијатрите за лошата ситуација во болницата. Целата вест прочитајте ја на АЛФА

Педијатри со совет до родителите: На децата до две години да не им подарувате дигитални играчки

Предраг Кукиќ — Wed, 05 Dec 2018 14:35:44 +0000

Интерактивни дигитални игри и мобилни апликации наменети за деца под две години се вид подароци кои родителите треба одлучно да ги тргнат од шопинг листата за Божик, нагласуваат од Американското здружение на педијатри (ААП). Кога ќе го сместите детето пред телевизор, му дадете во раце таблет, смартфон со игри или дигитални играчки, го намалувате или ценосно спречувате можноста за негов креативен развој, се нагласува во кличичка анализа објавена од ААП. – Класичните едукативни играчки и книги поттикнуваат вербално побогата интеракција и влијаат врз квалитетно време посветено на детето, истакнува Алан Менделсон, коавтор на извештајот од Универзитетот Њујорк и лекар во њујоршка болница. – Тоа не се однесува на дигиталните играчки кои попречуваат таква интеракција. Малку се докази или нема никакви докази дека дете помало од две години има каква било корист од време проведено пред екран од таблет, смартфон или телевизор, вели тој. Деца помали од две години не треба воопшто да минуваат време пред екран, без оглед дали се работи за ТВ или дигитални игри и играчки, предупредуваат од ААП.