педофили – Kurir.mk

Сексуални предатори: Поголема група педофили уапсена во Србија

Ивана Ефремовски — Wed, 20 Sep 2023 06:58:15 +0000

Во Србија е уапсена поголема група педофили, сексуални предатори кои злоупотребувале интернет и вршеле криминални дејствија врз девојчиња и момчиња, јавија белградските медиуми. Меѓу жртвите има и деца на возраст од три до 14 години. Акцијата ја спроведоа припадници на МВР, во соработка со Обвинителството за високотехнолошки криминал. (МИА)

Повеќе од 2.200 педофили откриени за неколку години преку операцијата „Нинџа желка“ на швајцарската полиција

Ивана Ефремовски — Wed, 31 May 2023 06:46:18 +0000

Повеќе од 2.200 педофили се разоткриени ширум светот во текот на неколку години благодарение на операцијата „Нинџа желка“. Швајцарската полиција вчера објави дека тајно ја започнала операцијата на Интернет во 2012 година. Полицијата потоа добила информација дека лице кое живее во кантонот Аргау дистрибуирало „нелегален порнографски материјал“ под псевдонимот „Нинџа желка“ преку платформата GigaTribe, која овозможува анонимна размена на податоци. Истата година истрагата доведе до апсење на човекот кој стои зад прекарот „Нинџа желка“. Станува збор за 62-годишен Германец кој бил осуден во 2015 година, се наведува во соопштението на кантоналната полиција Аргау. Швајцарската полиција тогаш решила да го искористи неговиот профил за да разоткрие други педофили. „Тајната операција спроведувана на Интернет неколку години заврши со успех“, разоткриени се повеќе од 2.200 педофили, соопшти полицијата во Аргау. Апсења се извршени во Швајцарија, Хрватска, Бразил, Франција, Перу, Романија и Шпанија, се додава во соопштението. (МИА)

ПАДНА ПЕДОФИЛСКА ГРУПА ОД СРБИЈА: Страшни детали – пронајдени порнографски видеа и фотографии со 5-годишни деца

Ивана Ефремовски — Tue, 08 Nov 2022 17:26:57 +0000

Уапсени се четири лица во Србија, а против петтиот ќе биде поднесена кривична пријава за прикажување, набавување и поседување порнографски материјал и искористување малолетници за порнографија! Припадниците на МВР, СБПОК, Одделот за сузбивање на високотехнолошки криминал во продолжение на акцијата „Армагедон“ уапсија четири лица поради постоење основи на сомнение дека сториле кривично дело прикажување, прибавување и поседување порнографски материјал и искористување на малолетник за порнографија, додека четириесет и тригодишен маж ќе одговара за истото кривично дело, во редовна постапка ќе биде поднесена кривична пријава. Уапсени се Г.С.(1983) од Белград, К.Т.(2002) од Ваљево, З.Б.(1967) од Суботица и В.М.(1983) од Нови Сад. Тие се обвинети за преземање, складирање на нивните уреди и споделување на содржини создадени со експлоатација на малолетници за порнографски цели преку Интернет, како и преку апликацијата Вибер. При претресот на становите на осомничените, полицијата најде вакви материјали во нивните компјутери. На осомничените Г.С., К.Т., З.Б и В.М им е одреден притвор до 48 часа, по што со кривична пријава ќе бидат изведени во надлежното обвинителство.

ВО БЕЛГРАД УАПСЕНИ 14 ПЕДОФИЛИ: Преку социјални мрежи разменувале експлицитни фотографии од деца

Магдалена Андонова — Wed, 02 Mar 2022 09:29:28 +0000

Во продолжение на акцијата „Армагедон“ уапсени се 14 лица осомничени дека сториле кривични дела во кои жртви се деца, пренесуваат српските медиуми. Станува збор за кривични дела прикажување, прибавување и поседување порнографски материјал и искористување на малолетно лице за порнографија, користење компјутерска мрежа или комуникација со други технички средства за извршување на кривични дела против сексуалната слобода врз малолетно лице и сексуално вознемирување. Во операцијата „Армагедон“ уапсени се повеќе лица. Тие се товарат за преземање, складирање на компјутерски хард дискови и споделување содржини создадени со експлоатација на деца во порнографски цели, во подолг временски период, преку интернет апликации и користење на прелистувачи кои овозможуваат прикривање на локацијата. Се осомничени дека преку социјалните мрежи контактирале со малолетници од нивните сметки, а преку тие мрежи испраќале и фотографии и видеа од порнографски содржини создадени со експлоатација на малолетници. При претресот, полициските службеници пронашле поголемо количество видео снимки и фотографии на малолетници искористени за порнографски цели, сексуална експлоатација на деца на возраст од 7-14 години, како и пораки со сексуална содржина со кои осомничените сексуално вознемирувале деца и малолетници. На осомничените им е одредена мерка притвор до 48 часа и со кривична пријава ќе бидат изведени до надлежното обвинителство, а против еден 36-годишник до надлежното обвинителство ќе биде поднесена кривична пријава за прикажување, прибавување и поседување порнографски материјал и искористување на малолетник за порнографија.

Русија усвои закон за доживотен затвор за педофили

Дарко Андоновски — Tue, 18 Jan 2022 14:29:06 +0000

Руската Државна Дума денеска на трето читање едногласно го усвои предлог-законот со кој се предвидува доживотен затвор за педофили на кои веќе им се судело за насилство врз малолетници, како и за првпат извршено насилство врз две или повеќе лица помлади од 18 години. Максималната казна предвидена во документот ќе биде изречена за повторени дела на сексуално насилство врз малолетници. Доживотни казни се предвидени и за лица кои за вакво дело првпат се гонети, а жртви им се две или повеќе лица, како и во случаи кога делото е придружено со друго тешко или особено тешко кривично дело. Со измените од второто читање пратениците прецизираа дека доживотен затвор ќе се изрече за особено тешки кривични дела против половиот интегритет на сите малолетни лица, а не само на лица помлади од 14 години, како што е сега. – Судот сега има можност засекогаш да изолира криминалец педофил од општеството, рече Ирина Панкина, прв заменик-претседател на парламентарна комисија.

Македонскиот образовен систем како „швајцарско сирење“

Ристе Здравков — Thu, 30 Dec 2021 10:25:57 +0000

Неколку години по ред македонскиот образовен систем наликува на „швајцарско сирење“. Реформи нема, дигитализацијата која ја ветуваа и со сила ја наметнува стана „мисловна именка“ за власта, а капак на целата ситуација е негрижата за децата. Сведоци сме изминатава година на неколку ситуации во кои педофили им се приближуваат на децата, професорите ги тепаат, а поради корона кризата децата ги изнесуваат во школските дворови на минусни температури. Јавноста сведочеше на неколку настани во кои учителите малтретираа-тепаа ученици, пред седум дена ваков инцидент се случи во гимназијата „Ибрахим Темо“ во Струга, каде професор со боксирач удирал ученик. Ученикот бил примен во болница со видни повреди на главата. Сличен ваков случај беше забележан и во основното училиште „Панајот Гиновски“ во скопски Бутел, каде учениците успеале да го снимат нивниот учител, а видеото стана вирално на социјалните мрежи. Но, ова не е се! Пред само неколку дена градоначалникот на општина Аеродром, Тимчо Муцунски, побара разрешување на директорот на основното училиште „Лазо Ангеловски“ во Ново Лисиче, поради како што кажа Муцунски, тој бил пријавен за сексуално вознемирување. -За актуелниот директор во заминување во изминатите години имаше огромен број поплаки, како од родители на ученици, така и од наставниот кадар на училиштето. Состојбите во училиштето беа повод и за сериозна грижа на општата јавност. За оваа моја одлука го информирав и Министерството за образование и наука и доколку тие не одлучат да ја преиначат мојата одлука, во најбрз рок во училиштето ќе именуваме в.д. Директор од редот на вработените. Во иднина нема да дозволам несоодветни кадри да бидат поставувани на високи позиции, особено кога станува збор за образовни институции, се вели во објавата на Муцунски. Случајот со директорот на ова училиште подолго време ја тресеше јавноста поради објавата на фотографии со експлицитна содржина и потресни сведоштва за непристојни предлози, закани и омаловажувања од страна на директорот кон неговите вработени. За неговото однесување алармираа повеќе вработени жени кои биле малтретирани и сексуално вознемирувани. Коалиција Маргини и Хелсиншкиот комитет за човекови права во 2019 објавија извештај во којшто побараа институциите да го истражат проблематичното однесување на директорот, но и покрај сите укажувања тој се уште го води најголемото училиште во државава. Повеќе од една деценија во училиштата во Македонија задолжително е ангажирано и приватно обезбедување по серијата тепачки и немили настани, но дали ова го реши проблемот? Ако се земе во предвид само изминатава година по се изгледа овој проблем не само што не е решен, туку ситуацијата е влошена. Па оттука родителите кои го плаќаат ова обезбедување се прашуваат дали вреди?

ФАТЕНИ ПО ГАЌИ: Српската полиција уапси 10 педофили, од малолетничка барале ужасни работи (ФОТО)

Ивана Ефремовски — Tue, 10 Aug 2021 13:56:51 +0000

Во продолжение на акцијата „Армагедон“ во Србија беа уапсени десет лица поради сомневање дека сториле кривични дела прикажување, набавување и поседување порнографски материјали, како и експлоатација на малолетници за порнографија! Според српското МВР, Т.Г. (1957) од Бор, Е.С. (1992) од Тутин, М.Р. (1993) од Нишка Бања, С.С. (1993) од Врање, Б.М. (1952) од Свилајнац, Д.Б. (1970) од Шабац се уапсени, како и М.Ф. (1970) од Смедерево, Р.Ч. (1959) од Бежеј, Д. М. (1961) од Ушице и З.Џ. (1965) од Аранџеловац, додека кривичната пријава ќе опфати и 57-годишен маж од Лозница. Се сомничат дека тие контактирале со малолетничка преку социјалната мрежа Фејсбук и побарале таа да се фотографира гола, а потоа да им проследи фотографии и снимки. Осомничените се обвинети и за испраќање на фотографии и видеа со порнографска содржина до малолетници и дека договориле состанок со неа со намера да имаат сексуални односи.

Португалија: Изречени највисоки казни за двајца педофили

Ивона Петрова — Tue, 24 Dec 2019 07:22:22 +0000

Двајца мажи обвинети за сексуално злоставување малолетници, се осудени во Португалија со максимална казна затвор од 25 години. Тоа е пресуда без преседан за педофилија во земјата, велат извори блиски до судот. „Тоа е реченица што ќе остане запаметена во историјата на судството во Португалија“, рече еден од адвокатите на обвинетите. Првообвинетиот, кој има 27 години и чие име не е објавено, е прогласен за виновен за сексуално злоставување осум малолетни лица, вклучително и бебиња. Обвинетиот е во притвор од 2017 година. Живеел со неговите родители и сестра во Агеда, на околу 200 километри северно од Лисабон. Тој е обвинет за злоставување на внуките, на кого му било доверено да ги чува кога родителите биле отсутни. Тој беше прогласен и за виновен за формирање меѓународна мрежа на педофилија што работи на „Даркнет“ со објавување фотографии и видеа за сексуална злоставување. Другиот обвинет е програмер кој живее во близина на Лисабон. Тој е обвинет за сексуална злоупотреба на својата ќерка. Тој, исто така, објавил фотографии и видеа на страници за детска порнографија.

Го искористи тоа што немав татко: Ова се потресни сведоштва на жртвите на 300 свештеници педофили (ВИДЕО)

Матеја Петровски — Thu, 16 Aug 2018 14:31:55 +0000

Си-Ен-Ен објави потресни исповеди од неколку жртви на стотината свештеници педофили, кои со децении силувале и злоставувале деца во Пенсилванија, а црквата тоа го криела. Минале 70 години откако свештеник педофил го нападнал Роберт Корби. Децении подоцна, неговата сопруга и семејството патат поради тој ден. Судот во Пенсилванија објави шокантен извештај каде се обвинуваат повеќе од 300 свештеници во Пенсилванија за силување и сексуално злоставување на деца од 1947 година. Во извештајот на поротата темелен на двегодишна истрага во шест бискупии, се наведува дека свештениците злоставувале повеќе од 1.000 деца, а меѓу обвинетите е и кардиналот Доналд Вуерл, надбискуп во Вашингтон. Некои од жртвите на свештениците педофили одлучија пред камерите да ги изнесат своите приказни. 83 годишниот Роберт Корби изјави: -Не можев да и покажувам нежност на својата сопруга. Не можев ниту да ги прегрнам моите деца. Роберт раскажува дека свештеникот почнал да го злоставува кога имал 13 години. Сметал дека никој нема да му верува ако на некого мукаже. -Кој би ми поверувал. Кој во 1947 или 1948 година би поверувал дека свештеник би направил такво нешто? Тогаш никој не слушнал за тоа, бидејќи сите сокриваа, вели тој. Роберт додава дека станал мета на свештениците затоа што немал татко. Својата приказна ја сподели на снимка прикажана на прес конференција за новинари во вторникот, во текот на објавувањето на извештајот на поротата. 37 годишната Каролин Фортни низ солзи раскажува како го запознала свештеникот кој ја силувал кога имала 18 месеци. -Имав пелени, истрчав од дома и потрчав право кај него. Кога бев малку постара, не ги тргаше рацете од мене, вели таа. Каролин вели дека на злоставувањето се присетува секогаш кога ќе го слушне зборот „Бог“. -Тој збор ме потсетува на него. Чувствувам како цел мој живот да е лага. Каролин исто така кажала дека е тешко да се проговори за злоставувањето: -Многу сте осамени. Посебно кога се работи за вашиот збор против божјиот. 48 годишниот Шон Доерти исто така бил жртва на педофилите во црквата во Пенсилванија. -Тоа никогаш не го заборавајте. Влијае на вас до крајот на животот, раскажува тој.

Фаќање педофили во живо: Монструми уапсени на автопат! (ВИДЕО)

Матеја Петровски — Sun, 01 Jul 2018 12:18:37 +0000

Локалните власти во еден град во Колумбија ги уапсија 30 годишниот Хуан Рикардо Карвахал Варгас и 22 годишната Лаура Марсела Гуарин Гомез, поради кривично дело педофилија. Во спектакуларната акција на полицијата, педофилите кои се наоѓаа во својот автомобил, биле застанати и уапсени на автопатот.