педофилија – Kurir.mk

Нов случај на педофилија го тресе Скопје: 78 годишен сосед обљубил малолетно момче

Ивона Петрова — Sun, 08 Oct 2023 15:20:48 +0000

Полицијата денеска информира за уште еден случај на обљуба на дете во Скопје. Имено, вчера попладне 56 годишен татко од Скопје пријавил дека соседот Д.П. (78) го обљубил неговиот малолетен син. Како што е наведено што пријава обљубата се случила во два наврати, на 25-ти и 30-ти септември оваа година. Од полицијата информираат дека се преземаат мерки за расчистување на случајот. Инаку, 30 дневен куќен притвор вчера му беше одреден на 81 годишен скопјанец од Кисела Вода кој во својот дом допирал по интимата 9 годишно девојче кое било негов сосед. Тој ја искористил приликата во момент кога девојчето побарало услуга од него. Полицијата вчера информираше и за уште еден случај во кој 77 годишна жена од Скопје пријавила дека била обљубена од нејзиниот сосед В.Д.

Претседателот на Француската ракометна федерација обвинет за педофилија

Ивона Петрова — Wed, 25 Jan 2023 17:39:18 +0000

Претседателот на Ракометната федерација на Франција (ФФХБ) и поранешен репрезентативец Бруно Мартини е соочен со обвинение за сексуално злоставување малолетници и снимање детска порнографија. Мартини, кој во текот на својата кариера како играч освои две титули светски првак како голман на Франција, беше испрашуван од полицијата во понеделникот и вторникот, по што му е дозволено да замине дома, бидејќи неговиот случај ќе се решава по итната постапка откако ги признал обвиненијата за кои се товари. Истрагата против Мартини почна уште во 2020 година кога тогаш 13-годишно момче го обвини за сексуално искористување, а првиот човек на францускиот ракомет се брани со тврдење оти верувал дека момчето е постаро од 15 години, што во Франција е гранична возраст на која лицата можат да дадат согласност да имаат сексуални односи. Од ФФХБ објавија дека оставката на Мартини е „веројатна и посакувана“. „Додека не биде соопштено поинаку Федерацијата ќе ја претставува потпретседателот Давид Тебиб“, објави ФФХБ.

Сараевo: Професор осуден за педофилија, вратен на работа во училиште

Ивона Петрова — Sat, 17 Dec 2022 13:34:34 +0000

Професор по физичко образование во ОУ Грбавица 1 во Сараево е вратен на работа иако е осуден на една година затвор за кривично дело блуд. Како што пишува Кликс, С.А. бил прогласен за виновен со првостепена пресуда во 2018 година, откако беше обвинет дека две години претходно разменувал пораки и фотографии со една ученичка. Случајот го пријавиле нејзините родители, по што тој бил приведен. Во тоа време бил наставник по физичко образование и тренер на Одбојкарскиот клуб ОРТ. По првостепената пресуда, Обвинителството не предложило никакви мерки, па можел непречено да работи како професор додека ја чека правосилната пресуда. По правосилната пресуда во ноември минатата година за една година затвор, како и една година забрана за работа како наставник, С.А. ништо не го спречило уредно да ја плати затворската казна и со тоа да биде ослободен без да оди зад решетки, а потоа да се врати на работа бидејќи законот не го спречува во тоа. Кликс пишува дека судот му издал и потврда за неспроведување на кривична постапка со која му се дадени сите услови непречено да ја врши поранешната работа. Инаку, во текот на судскиот процес С.А. бил на неплатено отсуство. Кликс посочува дека училиштето не можело да го спречи осудениот педофил да се врати во училницата бидејќи законот тоа не го регулира соодветно.

Папата увери дека Црквата работи на борбата против педофилијата

Катерина Бојаџиева — Mon, 07 Nov 2022 07:43:14 +0000

Поглаварот на Римокатоличката црква, папата Франциско изјави дека црквата работи на борба против педофилијата, но изрази жалење што некои во институцијата сè уште не го сфажаат тоа јасно. „За еден свештеник, (сексуалната) злоупотреба е како да се оди против природата на свештеникот и против својата социјална природа. Затоа тоа е трагична работа и не смееме да престанеме“ да се бориме против ова зло, изјави папата пред новинарите во авионот кој се враќаше од повеќедневна посета на Бахреин. Папата Франциск рече дека правиме најдобро што можеме, но додаде дека во Црквата има луѓе „кои тоа се уште не го разбираат“. – Тоа е тековен процес што го спроведуваме храбро, но не сите ја имаат таа храброст. Некои работи беа скриени, а пред скандалот во Бостон, свештениците беа префрлени во други парохии. Сега се е јасно и ние одиме напред по ова прашање, рече папата, алудирајќи на серијата скандали со педофилија во САД на почетокот на 21 век. Папата Франциск додаде дека волјата на Црквата е сè да се разјасни и додаде дека Црквата мора „да се срами од лошите работи и да му благодари на Бога за добрите работи што ги направила“.

Франција ужасната од педофилијата во Католичката црква, папата тажен за жртвите на сексуалното насилство

Ивона Петрова — Wed, 06 Oct 2021 05:37:00 +0000

Франција е шокирана, ужасната и во неверување од наодите на Независната комисија за сексуална злоупотреба во француската католичка црква (ЦИАСЕ), која работеше 2,5 години и вчера во јавноста излезе со извештај долг 2.500 страници, од кој се заклучува дека цели 70 годинио, од 1950 година до денеска, во француската Католичка црква биле изборени „меѓу 2.900 и 3.200 свештениоци педофили“. Извештајот беше претставен на Конференција на бискупите на Франција (ЦЕФ) и на Конференција на религиозни институти и конгрегации (Кореф). По објавувањето на скандалозните наоди на независната комисија, веднаш со првична реакција излезе и папата Франциск, кој преку портпаролот на Ватикан, ја изрази својата „голема тага“ за жртвите на сексуално насилство од страна на француското католичко свештенство. Според комисијата, станува збор за минимална проценка, добиена врз основа на пописот и испитувањата на архивите ( на црквата, Министерството за правда, судската полиција и печатот) и врз основа на сведочења добиени во ова тело. Претседателот на Комисијата, Жан -Марк Сове, оцени дека бројката треба да се спореди со општа популација од вкупно 115.000 свештеници во текот на изминатиот анализиран 70-годишен период. Портпаролот на понтифот изјави дека тој „со болка“ ги слушнал „ужасните“ резултати од независната истрага, која покажала дека француското католичко свештенство во изминатите седум децении сексуално нападнало околу 216.000 малолетници и сето тоа го прекрило со „превез на тишината“. -Неговите мисли се фокусирани прво кон жртвите, со голема тага за нивните рани и благодарност за нивната храброст да прозборат, изјави портпаролот Матео Бруни, во изјавата дадена на италијански и француски јазик. „Тие, исто така, се свртени кон црквата во Франција, која, откако ќе ја сфати оваа застрашувачка реалност … ќе може да тргне по патот на искупувањето“. -Ова ќе биде експлозија, уверуваше вчера анонимен член на истражната комисија- Циасе. „Ова ќе има ефект на бомба“, додаде Оливие Савињак, од „Парлер и Ревивре“. Бискупот Ерик де Мулин-Бофор, претседателот на ЦЕФ, за време на средба со неговите парохјани реагираше дека се плаши дека извештајот „ќе покаже значителни, застрашувачки бројки“. -Неговото објавување ќе биде тест за вистината и тежок и сериозен момент, дали можеме да ја прочитаме и пораката испратена од епископијата до свештениците и парохиите за неделните миси. Порака која повикува на став на вистината и сочувство, рече Мулин-Буфон. ЦИАСЕ, исто така, ќе го процени бројот на жртви и ќе ја спореди распространетоста на сексуалното насилство во Црквата со онаа идентификувана во други институции (спортски здруженија, училиште, итн.) И во кругот на семејството. Тежина на клерикализмот, омертата (молчењето) за овие феномени на влијание, комисијата, исто така, ќе ги процени „механизмите, особено институционалните и културните“ што можеби го фаворизираа педофилскиот криминал. Откако ќе ја постави дијагнозата, Комисијата ќе даде 45 предлози што ќе допрат до неколку области: слушање на жртвите, превенција, обука на свештеници и верско, канонско право, трансформација на управувањето со Црквата … Исто така, ќе препорача и политика на препознавање и исправка. Жан-Марк Сове прецизираше дека ЦИАСЕ во својата работа зборовите на жртвите ги претвори во „матрица на својата работа“. Прво со повикот за сведочења, што беше отворен 17 месеци, на кој беа собрани 6.500 повици или контакти од жртви или роднини. Потоа со спроведување на 250 долги сослушувања или истражувачки интервјуа. Комисијата, исто така, го продлабочи своето истражување влегувахќи во многу архиви (Црква, Министерство за правда, внатрешни работи, печатот). Во повеќето случаи, фактите сега се пропишани, извршителите се мртви, правејќи го прибегнувањето кон правдата невозможно. Канонските постапки (законот на црквата), кога се иницирани, се многу долги и не многу транспарентни. -Чекам да се соочиме со овој товар, колку и да е темно, за потоа да ги преземеме потребните мерки, потврдува Вероник Маргрон, претседателка на Кореф. Епископијата соопшти дека нема да има репарации, туку систем на финансиски „придонеси“, што од 2022 година ќе се плаќаат на жртвите, што не е едногласно примено од жртвите. Првите одговори се очекуваат во ноември. Извештајот ќе биде разгледан и во Рим, каде што прашањето го покренаа папата Франциск и некои француски бискупи кои го посетија Ватикан во септември. ЦИАСЕ беше создадена есента 2018 годинаи во неа има 22 члена, волонтери, со мултидисциплинарни вештини (правни, медицински, психолошки и психијатриски, социјални и образовни, заштита на децата, историја и општествени науки, теологија, итн.). Финансирана е од епископските и верските институти и собранија со три милиони евра.

Свештениците во Полска вмешани во една третина од случаите на педофилија од 2017 до 2020 година

Ивона Петрова — Wed, 28 Jul 2021 06:05:04 +0000

Свештеници биле вмешани во речиси третина од делата за педофилија пријавени во Полска од 2017 до 2020 година, соопшти државната комисија, по анализи на повеќе од 300 случаи во текот на тој период. – Државната комисија за истражување на педофилија истражи сто (од вкупно 345) случаи во кои свештеници се наведени како сексуални злоставувачи на деца на возраст под 15 години, се наведува во првиот извештај на Комисијата. Комисијата доставила 55 барања за истрага до Државното обвинителство, од кои 36 биле за непријавување на педофилија до надлежните органи. Во 35 проценти од случаите, сторителите се членови на семејството на жртвата. Комисијата, формирана во 2019 година, дава голем број законски препораки во извештајот за забрзување на постапките и за понатамошна заштита на жртвите од педофилија. Исто така Комисијата посочува дека и покрај барањата Католичката црква не доставила документација за случаите на педофилија. Во извештај на Католичката црква во Полска објавен во јуни се наведува дека од 2018 година добила стотици нови тужби за сексуално злоставување на малолетни лица од страна на свештениците. Во Католичката црква биле пријавени 368 случаи на сексуална злоупотреба извршени од 1958 до минатата година.

Татко на четири деца уапсен поради сомневање дека е дел од најголемата педофилска мрежа во светот (ФОТО)

Магдалена Андонова — Tue, 04 May 2021 13:40:51 +0000

Александар Г. (49) од Германија, беше уапсен под сомнение дека бил дел од криминална група што ширела педофилска содржина на „мрачниот мреж“ и формирала најголема педофилска мрежа во светот. Според германските медиуми, Александар е татко на четири деца и програмер, кој бил еден од трите главни оператори на darknet платформата „Boystown“, која имала околу 400.000 корисници. Осомничениот живеел во предградијата на Минхен, а неговите соседи велат дека тој бил „прекрасен татко и многу пријатен и љубезен човек“. Соседите велат дека тој им помагал на сите што имале проблеми со компјутерот, бидејќи тој е врвен ИТ-експерт. Пред околу десет години, тој се пресели со својата поранешна сопруга и четворицата синови во куќа во предградие на истокот на Минхен. Според РТЛ, неговата сопруга и тој подоцна се развеле, но останале да живеат во иста куќа. Александар останал да живее на приземјето, а неговата сопруга живеела со децата и новиот партнер на првиот кат од куќата. - Тие се многу пријатни луѓе, момците се прекрасни. Помладите имаат 11 и 14 години и тие се биолошки деца на Александар, додека другите двајца синови кои имаат 20 и 25 години се нејзини деца од првиот брак - тврдат соседите. Тие знаат дека тој работел за ИТ компанија и дека поправал компјутери, вклучително и многу од околината. Сепак, никој не знаел што прави Александар во неговите четири sида, до сега. Полицијата упадна во куќата на Александар кон средината на април, кога тој беше уапсен. За него се верува дека е еден од водачите на криминална организација што објавувала педофилска содржина на темната мрежа. Порталот Бојстаун, каде беа пронајдени ужасни снимки со злоупотреба на деца, имаше повеќе од 400.000 корисници. Покрај Александар, уапсен е и 40-годишен маж од Падерборн и Кристијан Манфред К. (58) од северот на Германија, кој последните години живее во Парагвај. Тие се сомничат дека биле администратори на порталот, а приведен е уште еден човек од Хамбург (64), за кого се вели дека е најчестиот посетител на „Бојстаун“. Полицијата верува дека порталот е основан во јуни 2019 година и дека може да се пристапи само преку darknet. Корисниците ширум светот ја разменуваа содржината на сексуална злоупотреба на момчиња таму. Според информациите, повеќето од снимките за злоупотреба покажуваат момчиња од различни возрасни групи, вклучувајќи ги и најтешките случаи на злоупотреба на мали деца. Платформата се состоеше од форум кој беше поделен на различни области каде што може да се чуваат и пребаруваат извештаи за злоупотреба. Покрај тоа, имаше две области за разговор каде што членовите можеа да комуницираат и да разменуваат материјал. Според истражителите, 64-годишниот Хамбург, кога се наведува дека бил особено активен, споделил околу 3.500 слики или видеа на платформата.

Голем педофилски скандал во извидничка организација, злоупотребени 90.000 деца (ВИДЕО)

Ивана Ефремовски — Tue, 17 Nov 2020 13:26:18 +0000

Речиси 90.000 жртви на сексуално злоставување во американска извидничка организација (Boy scouts of America) поднеле барање за отштета. Адвокатот на жртвите Мајкл Фау рече дека пристигнале 88.000 барања, а бидејќи можноста за поднесување е сè уште отворена, тој ги очекува сите 100.000, објави АФП. „Зачудени сме од тоа колку луѓе биле злоупотребени во извидувачите, но и од храброста на оние кои се подготвени да излезат и да разговараат за тоа. Нашите срца се скршени затоа што не можеме да ја вратиме нивната болка”, соопшти американската организација на извидници, пренесува „Спутник“. Тие додадоа дека намерно овозможиле процесот на поднесување на отштета да биде лесно достапен, за да им помогнат на жртвите да добијат надомест. Одговорот на жртвите што следуваше беше многу вознемирувачки. Ние длабоко се извинуваме”, се вели во соопштението на организацијата. Организацијата „Boy scouts of America“ постои 110 години и во моментов има 2,2 милиони членови на возраст од 5 до 21 година. Организацијата, по бројните обвинувања за сексуално злоставување, поднесе барање за банкрот со цел да избегне директно наплата на штета и истовремено да овозможи нејзина исплата од фондот за компензација. Вредноста на оваа организација во моментов се проценува на една милијарда долари, но не е познато колку се подготвени да одвојат во фондот за компензација.

Шокантна изјава на свештеник: Абортусот е полош од педофилија, педофилијата не убива

Ивана Ефремовски — Thu, 13 Feb 2020 08:17:57 +0000

Католички свештеник од Род Ајленд предизвика гнев во јавноста откако минатата недела забрани политичарите кои го поддржуваат правото на абортус да се причестуваат во неговата парохија. 72-годишниот Ричард Бучи на верниците од неговата парохија им поделил летоци со имињата на 44 функционери кои гласале за Законот за абортус. Во брошурата се вели дека на овие лица ќе им биде забрането да бидат кумови на свадби или крштевки. „Абортусот е полош од педофилија. Педофилијата не убива никого, а абортусот убива“, рекол свештеникот во изјава за WJAR, додавајќи дека повеќе деца се убиени со абортус отколку што биле жртви на педофилија. Тој исто така изјавил дека луѓето не треба да бидат изненадени од тоа што тој го зборува повикувајќи се на учењата на Католичката црква. „Нероденото дете е личност и има права како и секое лице“, додал Бучи. Неговото интервју сепак предизвика гнев во јавноста. „Апсурдно е да се каже дека педофилијата не убива никого. Очигледно овој свештеник не разбира што зборува. Педофилите го одземаат детството и душите на жртвите. Јас му препорачувам на Бучи да ги запознае жртвите и да ги сослуша нивните сведоштва“, изјави демократската претставничка од Род Ајленд, Керол Хаган Мекенти. Откако неговата изјава предизвика гнев во јавноста, свештеникот се обиде да се оправда во друго интервју, тврдејќи дека неговата одлука е само продолжение на католичкото учење што трае веќе 2000 години. „Ова не е нова идеја. Јас не разбирам зошто сите се шокирани“, истакна тој.

Here’s a photo of the notice received by lawmakers including @repmcentee33 pic.twitter.com/diBYuAVod9
— Ian Donnis (@IanDon) January 31, 2020

Таткото на злоставуваната и убиена Тијана Јуриќ ја шокираше јавноста: Имаме докази дека политичари и бизнисмени злоставуваат деца

Ивона Петрова — Wed, 22 Jan 2020 09:11:50 +0000

Таткото на Тијана Јуриќ која во 2014 година беше грабната, силувана и убиена, Игор ја шокираше српската јавноста објавувајќи дека поседува докази за злоставување на деца од страна на политичари и други моќници во Србија. -Доказите и фотографиите кои ги поседуваме, а се однесуваат на луѓе познати на јавноста кои злоставуваат деца, не се само кај мене. Ги имаат и двајца мои пријатели, па ако нешто ми се случи тие ќе ги пуштат во јавност, вели Игор Јуриќ основач на фондацијата „Тијана Јуриќ“, а кој неодамна објави дека пет моќници од Белград, Нови Сад и Суботица злоставуваат малолетници. Според него станува збор за „јавна тајна“ која досега никој немал храброст да ја објави. -Знаев дека тоа постои, поточно сите знаеме, па и вие новинарите посебно знаете дека е тоа „јавна тајна“. Првпат луѓе кои ни веруваат и ја почитуваат работата на Фондацијата ни доставија одредени докази. Конкретно работиме долго време на ова, тешко е да се дојде до овие луѓе, тешко ќе се докаже се’ што зборувам. Луѓето кои се вклучени во борбата против трговија со луѓе знаат за што зборувам. Пријавите ќе ги поднесеме само кога ќе имаме доволно докази за да ги пратиме таму каде им е местото. Имаме материјал јавно да ги објавиме, но тоа мене не ми е целта. Сакам да ги видам во затвор. Во разговор со нашиот правен тим, се согласивме дека треба да дојдеме до уште неколку клучни работи. Ова свесно го кажувам, за тие луѓе да знаат дека знаеме за нив. Им благодарам на сите што ризикуваат со тоа што ни помагаат, вели Игор. Дел од лицата се познати политичари во Србија, бизнисмени и моден креатор. Фондацијата „Тијана Јуриќ“ од своето основање се бори за безбедност децата.