педри – Kurir.mk

Педри надвор од терените шест недели поради повреда

Ивона Петрова — Thu, 24 Aug 2023 18:35:04 +0000

Фудбалерот од средниот ред на Барселона, Педри се повреди на тренинг и ќе пропушти шест недели, соопшти прес-службата на Каталонците. Дваесетгодишниот Шпанец се здоби со оштетување на десниот бутен мускул. Според „Football Espana“, играчот ќе закрепнува околу шест недели и ќе може да се врати на терените на почетокот на октомври. Така, Педри ќе ги пропушти натпреварите против Виљареал, Осасуна, Бетис, Селта, Мајорка, Севиља и Гранада во Примера, како и првите два меча во Лигата на шампионите. Педри поради повреда пропушти 300 дена од 2021 година. Во сезоната 2022/23, фудбалерот забележа 35 настапи во сите натпреварувања, постигнувајќи седум голови и една асистенција.

Педри сака да замине од Барселона

Бошко Тасиќ — Sat, 29 Jul 2023 06:21:24 +0000

Како што пренесуваат француските медиуми, во ПСЖ се помирија веќе со загубата на Марко Верати, но нема многу да жалат за него. Затоа што тренерот Луис Енрке веќе одлучи замена на Верати во клубот да биде младиот Педри од Барселона. Наводно ниту самиот Педри нема ништо против преселба во ПСЖ затоа што сака повторно соработка со Луис Енрике. Барселона не сака да го ослободи Педри и не планира воопшто да преговара со било кој клуб за негов трансфер. Но, проблем за Каталонците е тоа што Педри има откупна клаузула и ако ја активира лесно може да се случи да замине од клубот.

Педри ќе паузира еден месец

Бошко Тасиќ — Sat, 18 Feb 2023 04:53:59 +0000

Каталонскиот гигант Барселона извлече реми во дуелот со Манчестер Јунајтед, но остана без еден од своите најдобри играчи оваа сезона. Младиот Педри се повреди уште во првото полувреме по што мораше да замине во соблекувална, а денешните информации не се позитивни. Барселона објави дека тој доживеал повреда на бутниот мускул на десната нога и ќе мора да паузира околу еден месец. Неговата повреда доаѓа во исклучително незгоден период кога Барса ја очекуваат многу важни дуели во сите натпреварувања во кои учествува: домашното првенство, Копа дел Реј и Лигата Европа. Во клубот се надеваат дека ќе биде на располагање за лигашкото Ел Класико, на 19 март на камп Ноу.

Педри ставил „лајк“ на девојка, нејзиниот дечко го бара неговиот дрес (ФОТО)

Ристе Здравков — Thu, 26 Jan 2023 09:31:19 +0000

Фудбалските фанови се обидуваат на оригинални начини да се најде во фокусот на вниманието, а токму еден таков вечерва имаме на „Камп Ноу“ на дуелот меѓу Барселона и Реал Сосиедад во Купот на Шпанија. Навивач на каталонците се појави со натпис на кој пишуваше дека Педри и ставил „лајк“ на неговата девојка, па сега го бара неговиот дрес. Дали е тоа вистина останува дилема, меѓутоа овој фан дефинитивно заслужува дрес од младата ѕвезда на шпанскиот великан.

😱 ¿PERDÓN?

📺 @MovistarFutbol #LaCopaMola I #CopaDelRey pic.twitter.com/yJ1bbLPTai
— RFEF (@rfef) January 25, 2023

Искуството против младоста: Модриќ го седна Педри на тревникот на „Бернабеу“ (ВИДЕО)

Ристе Здравков — Mon, 17 Oct 2022 10:58:43 +0000

Реал Мадрид беше подобар во првото „Ел Класико“ во оваа натпреварувачка кампања. Домаќините славеа со 3-1 над Барселона, победа со која се издвоија на врвот со три бода повеќе во однос за лутиот ривал за кого ова воедно беше прв пораз во шампионатот. Карим Бензема, Федерико Валведе и Родриго ги постигнаа головите, но Лука Модриќ одново беше меѓу најдобрите на теренот со тоа што еден негов потег се издвои кога во вториот дел успеа да го седне на тревникот младиот Педри. Овојпат искуство ја победи младоста.

Педри се повреди ја заврши сезоната

Бошко Тасиќ — Sat, 16 Apr 2022 04:04:43 +0000

За ситуацијата да биде полоша за фудбалскиот клуб Барселона по елиминацијата во Лигата на Европа, тренерот на Каталонците Чави доби и лоши вести. На полувремето против германскиот ривал поради повреда мораше да биде заменет Педри, а на негово место влезе Френки Де Јонг. Според пишувањата на шпанските медиуми, ги пренесоа првичните прогнози кои се загрижувачки. Имено, голема е шансата Педри да има руптура на мускул, а поради тоа би можел да го пропушти крајот на сезоната. Во исчекување на официјална потврда, угледни каталонски медиуми пренесоа дека сезоната за Педри е готова.

Следува долга рехабилитација: Сезоната предвреме заврши за Педри

Ивана Ефремовски — Fri, 15 Apr 2022 14:47:45 +0000

Младата ѕвезда на Барселона, Педри, ја заврши сезоната поради повреда на бутниот мускул, а рехабилитацијата ќе трае повеќе од еден месец. Педри се повреди при крајот на првото полувреме на вчерашниот реванш четвртфинален натпревар во Лига Европа против Ајнтрахт Франкфурт, кој со вкупен резултат 4-3 ја елиминираше Барселона. Тренерот Чави во вториот дел го замени Педри со холандскиот играч за врска Френки де Јонг. -Утринските тестови покажаа дека Педри го истегнал бутниот мускул, соопшти попладнево каталонскиот клуб. Шпанските медиуми јавуваат дека 19-годишниот играч за врска ќе отсуствува од теренот најмалку еден месец. (МИА)

Чави: Педри е најголемиот талент во модерниот фудбал

Бошко Тасиќ — Mon, 21 Feb 2022 08:10:20 +0000

Според тренерот на Барселона, Чави Ернандез, Педри е најголемиот фудбалски талент на планетата, пред имиња како Килијан Мбапе и Ерлинг Халанд, откако постигна фантастичен гол против Валенсија при убедливата 1:4 победа. „Нема поголем талент на светот од Педри. Тој е фантастичен играч и мораме добро да го чуваме. Начинот на кој се движи на теренот, тајмингот кој го има… Просто фантастично. Тој е најдобриот играч на неговата позиција на 19 години, во тоа сум сигурен. Се надевам дека Нико, Педри и Гави ќе ни дадат големи радости во Барселона и ќе одат подалеку од достигнувањата кои ги имавме јас, Бускетс и Иниеста“, изјави Чави по победата.

„Златното момче“ на Барса: Реал Мадрид ми кажа дека не сум доволно добар

Ристе Здравков — Tue, 07 Dec 2021 08:33:04 +0000

Младата ѕвезда на Барселона, Педри открива дека бил на проба во Реал Мадрид, поминал една недела во школата по што му били кажано дека не е доволно добар. Барселона во 2019 го купи Педри за почетна сума од 5 милиони евра, Шпанецот остана уште една сезона во Лас Палмас и во 2020 пристигна на Камп Ноу. Тинејџерот веднаш се наметна и стана клучен играч во средниот ред на Барса но и на Шпанија. За одличните партии сега доби неколку признанија, во изборот на Тутоспорт беше прогласен за „Златно момче“ а Франс Фудбал му го додели „Копа трофеј“. Во разговор со Франс Фудбал, Педри сега открива дека неговата кариера можела да има поинаков пат. „Поминав една недела во Реал Мадрид, бев на тестирање, тренирав на ладното“ - со насмевка вели Педри кој доаѓа од топлото Тенерифе. „Но ми кажаа дека не сум доволно добар“.

Барса значително ослабена за неделното „Ел Класико“

Ристе Здравков — Thu, 21 Oct 2021 06:28:59 +0000

Барселона ќе биде значително ослабена за првото сезонско „Ел Класико“ овој викенд, кога ќе пречека Реал Мадрид на домашен терен. Каталонците немаат добар старт на новата сезона. Сега ќе мора да играат без Педри и Роналд Араухо на мечот против „кралевите“ на Карло Анчелоти. Младиот талентиран офанзивец е повреден и не работи со соиграчите одреден период. Така е случајот и оваа недела, па од Барса најавуваат дека нема да се случи чудо до крајот на викендот. Централниот дефанзивец, пак, би требало да се врати во тимот наредната недела. Тоа значи дека и одбраната на Роналд Куман нема да биде комплетна за големото дерби. Дуелот меѓу Барселона и Реал Мадрид се игра в недела со почеток од 16:15 часот.