Перуанскиот претседател си поднесе оставка

Ивона Петрова — Thu, 22 Mar 2018 07:30:10 +0000

Претседателот Перу, Педро Пабло Кучински поднесе оставка во Конгресот каде денеска ќе се гласа за процедура за негово отповикување. – Заради доброто на државата поднесувам оставка на функцијата претседател на републиката, нагласи Кучински истовремено негирајќи обвинувања за купување гласови што ја ослаби неговата влада. Кучински (79) во телевизиско обраќање вети дека транзицијата на власта ќе помине во согласност со Уставот и негираше обвинувања на опозицијата дека е корумпиран. Не е познато дали Конгресот што го контролира перуанската опозиција ќе ја прифати неговата оставка или како што претходно најавено, денеска да се гласа за негов импичмент со образложение дека е „морално неподобен“ да ја води државата.

Перуанскиот претседател обвинет дека примил пари од „Одебрехт“

Ивона Петрова — Thu, 01 Mar 2018 07:11:37 +0000

Перуанскиот претседател Педро Пабло Кучински повторно е обвинет во корупција, поради тврдења дека висок функционер на бразилската градежна компанија „Одебрехт“ изјавил оти претседателот прифатил финансирање за предизборната кампања во 2011 година. Обвиненијата против Кучински беа упатени синоќа од страна на адвокат на лидерката на опозицијата Кејко Фухимори, кој присуствуваше на сведочење на Хорхе Барата, поранешен директор на „Одебрехт“ во Перу. Адвокатот додаде дека Барата признал и за донации за членови на партијата на Фухимори. Засега не е јасно дали наводните донации биле незаконски. Во декември минатата година Кучински избегна импичмент поради обвинувања дека лажел за неговата претходна работа за „Одебрехт“. Тој тврди дека никогаш не добил донации од Адвокатската Комора.

Педро Пабло Кучински – Kurir.mk

Перуанскиот претседател си поднесе оставка

Перуанскиот претседател обвинет дека примил пари од „Одебрехт“