пехар – Kurir.mk

ФОТО: Пехарот пристигна во Скопје, Македонија се подготвува за Европско првенство

Ивона Петрова — Wed, 16 Aug 2023 07:36:27 +0000

Македонската одбојкарска репрезентација одбројува до настапот на Европкото првенство. За дополнителна подготовка за Европското првенство во Скопје, одбојкарите ќе го искористат интерконтиненталниот карактер на турнирот „Чајка“ кој ќе се одржи од петок до недела во салата "Борис Трајковски". Од 30-ти август до 6-ти септември во арената „Борис Трајковски“ вп Скопје, македонските одбојкари ќе играат за прво осминафинале во третото учество на европските првенства едноподруго. Противници на нашите одбојкари ќе бидат Данска, Црна Гора, Полска, Холандија и Чешка. Вчера, одбојкарската федерација го презентираше пехарот на 33-от Европски шампионат, трет со наше учество, но прв дома. Воедно претставени беа и дресовите со кои македонските одбојкари ќе настапуваат на континенталниот собир. Македонските одбојкари ја очекуваат поддршката од навивачите од трибите. Затоа навивајте за Македонија и купете билети https://www.cts.eventim.si/en/artist/cev/?affiliate=V82 и во продажните места на МК Тикетс. Европското првенство, на кое Скопје е коорганизатор, ќе се емитува и на програмата на МРТ во периодот од 28-ми август до 16-ти септември.

Американската новинарка му го реши проблемот на Јокиќ

Ристе Здравков — Thu, 15 Jun 2023 11:39:58 +0000

Откако Никола Јокиќ изјави дека нема поим каде е неговиот МВП трофеј, стигна информација дека пехарот е пронајден. Впрочем, тој не ни бил изгубен, само што најдобриот кошаркар во НБА бил помалку заинтересиран за пехарот од другите лауреати пред него. Во интервју со новинарката Малика Ендрјус на ЕСПН, Јокиќ рече дека не знае каде е му е трофејот и дека би сакал да му биде вратен. – Навистина не знам каде е пехарот – изјави Јокиќ на прашањето од новинарката зошто со себе не го носи вредниот трофеј. Сепак, „мистеријата“ за МВП пехарот набрзо беше решена, а среќната вест на Јокиќ, колку и да не се потресуваше за трофеите, му ја соопшти токму новинарката на ЕСПН. -Бидете сигурни, долгогодишниот економски гуру на Нагетс, Спарки Гонзалес, го исчисти трофејот и го подготви за парадата во четврток – објави Малика Ендрјус.

ПСЖ во тесно: Ако го прифати барањето на Меси, Париз и Франција ќе „горат“

Ристе Здравков — Thu, 22 Dec 2022 11:42:07 +0000

Лео Меси наводно побарал од ПСЖ да го покаже трофејот од Светското првенство на „Паркот на принцовите“, лидерите на клубот се плашат дека еден ваков потег ќе има многу негативни импликации. По триумфот на мундијалот во Катар, Лео Меси сега ќе одлучи за својата иднина и вчера се појавија информации дека начелно е договорено тој да продолжи со ПСЖ. Но „светците“ се ставено во тесно, Аргентинецот наводно побарал да го покаже трофејот од Светското првенство на „Паркот на принцовите“. Лидерите на клубот не сакаат да ја разочараат својата ѕвезда но во исто време се плашат дека еден ваков потег ќе има негативни импликации. Аргентина во финалето триумфираше токму над Франција, па Лео Меси како гордо го покажува трофејот среде Париз сигурно нема да им се допадне на луѓето ширум земјата. Исто така, може да биде повредено и егото на Килијан Мбапе, кој не само што остана разочаран по хет-трикот во финалето, посојано беше навредуван при прославата на „гаучосите“.

Меси почна и да спие со „Златната Божица“ (ФОТО)

Ристе Здравков — Tue, 20 Dec 2022 11:28:08 +0000

Аргентина денеска ќе ја слави освоената светска титула, а во пресрет на главната забава Лео Меси и компанија добија можност малку да се одморат, соберат сили пред заедно со своите сонародници да слават низ Буенос Аирес. Токму капитенот Лионел Меси ги искористи социјалните мрежи да посака добар ден, добро утро и тоа со фотографии на кои се гледа и дека спиел со освоениот пехар од Катар, односно „Златната Божица“. Овој трофеј за Лео беше голем сон, трофеј кој го бркаше на пет првенства и на крајот успеа да го грабне и со тоа ја комплетира колекцијата на пехари, успеси.

Претставена и маскотата за Мундијалот во Катар

Ристе Здравков — Fri, 01 Apr 2022 16:31:28 +0000

Мундијалот во Катар е се поблиску денес се добиваат и групите, а на церемонијата на која се влечеа групите беше претставена и официјалната маскота на турнирот. Светското првенство во Катар започнуван 21. ноември и ќе се трае до 18. декември.

The Final Draw will set the scene for the @FIFAWorldCup Qatar 2022™️.

The show will embrace and highlight Qatari culture, the unveiling of the Official Mascot, and much much more... #FinalDraw pic.twitter.com/2Vlp8er66a
— Road to 2022 (@roadto2022en) April 1, 2022

Денес беа познати и термините за натпреварите. Првите две кола на Мундијалот ќе донесат натпревари од 11:00, 14:00, 17:00 и 20:00 часот по средноевропско време. Во третото коло од групната фаза и нокаут фазата натпревари ќе има од 16:00 и 20:00 часот. Закажан е и терминот за финалето кое ќе се игра во попладневен термин од 16:00 часот, вакво нешто е невообичаено со оглед на тоа што досега „нормален“ термин за финале на СП бил вечерен.

Фудбалот во Франција се врати со пехар за ПСЖ и повреда на Мбапе

Дарко Андоновски — Sat, 25 Jul 2020 07:28:36 +0000

Бразилската sвезда Нејмар го постигна единствениот гол во финалето на Купот на Франција, во кој Пари Сен Жермен победи против Сен-Етјен со 1:0. Напаѓачот постигна гол во 14. минута и им помогна на Парижаните да направат дабл на домашната сцена, но нивните амбиции не запираат тука, затоа што за една недела доаѓа финалето на Лига купот против Лион, а екипата на Томас Тухел е и во 1/4-финалето на ЛШ. После 4 месеци пауза, ПСЖ не го покажа максимумот на своите можности, а Сен-Етјен сериозно го попречуваше гигантот од главниот град, иако играше со човек помалку скоро еден час заради црвениот картон на Лоик Перин. Искусниот дефанзивец го повреди Килијан Мбапе и заслужено доби исклучување, а Мбапе останува во прашање за првиот меч со Аталанта на 12 август. Ова беше 103-то издание на натпреварувањето, а ПСЖ го крена трофејот за рекорден 13-ти пат. Сен-Етјен остана со 6 трофеи, од кои последниот датира од 1977 година. Претходниот настап на „зелените“ во финалето беше во 1982 година, кога повторно загубија од ПСЖ.

Роналдо го удри синот со пехар (ВИДЕО)

Дарко Андоновски — Mon, 20 May 2019 11:21:32 +0000

Ѕвездата на Јувентус, Кристијано Роналдо за време на церемонијата на доделување на наградата во Серија А од невнимание го удри својот син Кристијано Роналдо Јуниор со трофејот кој го држеше во раце. Ова се случи синоќа по натпреварот од 37. коло од шампионатот на Италија, на кој „бјанко-нерите“ одиграа 1:1 со Аталанта. Јувентус од поодамна стана шампион на Сериа А, осми пат по ред. Клубот во пресрет на последното коло е убедливо прв со 90 бода.

ВИДЕО: Пехарот на Атланта Јунајтед заврши во стриптиз клуб покрај гола стриптизета

Дарко Андоновски — Thu, 13 Dec 2018 22:15:47 +0000

Атланта Јунајтед прв пат во историјата стана шампион на МЛС лигата со победата од 2-0 над Портланд во финалето на плејофот. Фудбалерите на Атланта по триумфот имаа официјална прослава, а дел од екипата потоа продолжи да слави. Тие го понесоа пехарот во ноќен живот, па трофејот заврши на бина во стриптиз клуб.

??? After winning the MLS Cup, Atlanta United brought the trophy to a strip club...
?Insta: evanrosenbergatl#ATLUTD pic.twitter.com/VYRZYBNK4Q — The Sportsman (@TheSportsman) December 11, 2018

Скромниот Канте последен го зема во раце пехарот- се срамеше да праша дали може да се фотографира со него (ВИДЕО)

Дарко Андоновски — Tue, 17 Jul 2018 06:36:28 +0000

Канте е докажан тимски играч кога е на терен, а со тоа и многу скромен како човек, тоа се докажа и на завчерашната прослава со пехарот. Доколку Стивен Нзонзи не се присетил дека Нголо Канте се уште не се фотографирал со пехарот и не го допрел откако им беше врачен, веројатно Канте и немаше да се фотографира со него. Тој е играч кој не влетува во преден план пред останатите и секогаш е во сенка на оние главни играчи како во својот тим, така и во репрезентацијата. Во моментите кога трофејот бил во рацете на Флориан Таувин, Нзонзи едноставно го зграбил и му го врачил на скромниот Канте да се фотографира со него, погледнете.

Nzonzi telling the players to give kanté the trophy, then giving the trophy to him before getting a photo for himself. What a nice guy! pic.twitter.com/wjdtz0B5e7
— - (@HazardThings) July 15, 2018

Украден пехарот од Лига Европа

Ристе Здравков — Sat, 21 Apr 2018 13:10:09 +0000

Пехарот наменет за победникот во Лига Европа бил украден во мексиканскиот град Леон. Трофејот, кој е на светска трунеја со цел љубителите на фудбалот од повеќе земји да имаат можност да го видат во живо и да се фотографираат со него, бил украден од возилото со кое е превезуван низ Мексико. Мексиканската полиција соопшти дека возилото било нападнато, но дека успеала да го пронајде пехарот, без притоа да наведе повеќе детали. Властите само објавија фотографија со текст дека пехарот повторно е во сигурни раце. Мексико е една од најнебезбедните земји во светот, поради високата стапка на криминал особено во некои делови на земјата. Трофејот на 16 мај во Лион ќе му биде доделен на победникот во ова натпреварување.