пејачи – Kurir.mk

НЕ Е САМО ШАКИРА: Еден ден по неа и оваа пејачка се прости од сопругот, објави песна на денот на неговиот роденден – еве уште кои други пејачи го направиле истото!

Дарко Андоновски — Tue, 17 Jan 2023 10:52:38 +0000

Има многу парови кои по раскинувањето со партнерот сакаат да имаат само уште пет минути за да му кажат се она што во тој момент го заборавиле. Сепак таа привилегија ја имаат само пејачите кои преку песна им го кажуваат сето тоа што не успеале на своите партнери. Меѓу нив се следниве славни пејачи: Шакира Поп песната „Out of your League“, (надвор од твојата лига) го сруши интернетот, па така до сега песната ја имаат слушнато повеќе од 133 милиони луѓе са само неколку дена. Мајли Сајрус Само еден ден по објавувањето на песната на Шакира своја песна со посвета објави и пејачката Мајли која му ја посвети на поранешниот сопруг Лијам Хемсворт кој во 2019 година од никаде поднел барање за развод. Песната пејачката ја објавила симболично на неговиот роденден. Во дел од стиховите таа пее дека „изградиле дом и гледаат како гори“, алудирајќи сигурно на куќата од 2,5 милиони долари во која живееја заедно и изгорела во 2018 година. Тејлор Свифт Иако никогаш не е потврдено светот е сигурен дека песната „All too well“ пејачката му ја посветила на актерот Џеки Џиленхол. Песната трае 10 минути и настанала во време кога таа била тажна и вознемирена од нејзиниот живот. Џастин Тимберлејк Песната „Cry me a river“ е објавена во 2002 година, а е посветена на неговата голема љубов, поп принцезата Бритни Спирс. -Бев скршен и изневерен. Чувствував како носев во себе голема болка и морав да ја пренесам преку песна, напишал пејачот во својата книга. Селена Гомез Пејачката песната „Lose you to love me“ му ја посветила на Џастин Бибер со кој беше во турбулентна врска од 2011 година до 2017. Во стиховите од песната Селена пее: „Ми вети цел свет и паднав на тоа, те ставив на прво место и го обожуваше тоа“, а особено стихот „за два месеци не замени како да тоа беше лесно“ предизвика лавина коментари со оглед на тоа дека тој само по два месеци од нивното раскинување започнал врска со новата девојка.

За “најлудата ноќ“ ќе заработат цело богатство: Откриени цените за настап на пејачите, ТАА е рекордерка

Ивана Ефремовски — Wed, 21 Sep 2022 11:37:12 +0000

Заврши летната сезона за естрадата, а многу пејачи веќе побрзаа и закажаа новогодишни настапи или моментално работат на тоа. Цената за прославата на 2023 година, сепак, значително ќе се разликува од претходната. Како што се пишуваше неодамна, значително пораснаа цените на „обичните“ тезги, а со тоа и новогодишните, кои обично се неколкукратно повисоки. Неколку извори блиски до забавната индустрија ја потврдија оваа информација за медиумите, а она што сите тие го велат е дека побарувачката е голема без разлика на цената. Така, српските медиуми истражуваа колку пари ќе земат пејачите поединечно на 31 декември, а нивните хонорари ќе ве шокираат. Саша Матиќ договорил новогодишна тезга во Виена со брзина на светлината, но нема да наплати 50.000 евра како лани, туку десет илјади повеќе. Аца Лукас до крајот на годината ќе има бројни настапи меѓу кои и концерт во Белградска Арена, а годината успешно ќе ја заокружи со новогодишен концерт во луксузен хотел во главниот град на Србија за 80.000 евра. Ацо Пејовиќ е во завршна фаза од преговорите за дочекот кој годинава ќе го наплати 80.000 евра. Наташа Беквалац пред четири дена се врати од американската турнеја и веројатно затоа се уште не го прецизирала местото на настапот, но како што дознаваат медиумите, по 31 декември таа ќе биде потешка за 40.000 евра. Трендот со цените го следи и Александра Пријовиќ, па вредноста на нејзиниот настап во празничната ноќ годинава скокна на 40.000 евра. Милица Тодоровиќ резервирала место во познат клуб во Штутгарт, а за вечерта ќе заработи 25.000 евра. И покрај тоа, Светлана Цеца Ражнатовиќ и понатаму е рекордерка. Како што е познато, пејачката и годинава ќе наплати настап од 100.000 евра.

За нив нема КРИЗА: Овие пејачи заработуваат вртоглави суми за една ноќ – откриени цените за нивните настапи

Ивана Ефремовски — Tue, 13 Sep 2022 18:12:16 +0000

Цените на настапите се зголемени за многу српски забавувачи, а причините, според тамошните медиуми, се различни - поголема популарност, снимени нови песни или едноставно нема причина туку ценовникот е различен. Извор од естрадата, близок до бројни пејачи, откри како се движат бројките за настапи. Имено, Слоба Радановиќ со еден снимен албум во последната година успеа да достигне цена од дури 12.000 евра по концерт, од досегашните 5.000 до 7.000 евра колку што варирала неговата цена. Она што е големо изненадување е Михајло Веруовиќ - Војаж, по кој младите девојки се како маѓепсани. Неодамна наплатил дури 11.000 евра за неговото појавување пред публиката околу два часа на сцената, а причината поради која успева да заработи голема сума е што младите лудуваат по него. Изворот додава дека цените најмногу скокаат кај пејачите кога ќе издадат добар хит. Ацо Пејовиќ до пред една година по настап ја зголемува сметката за 10.000 евра, но сега неговата редовна цена отиде на 12.000. Во претходните три години, кога се во прашање отворените настапи, Јелена Розга, Бајага и бендот Лексингтон ја задржаа цената - 10.000 евра. Од друга страна, пејачките Јелена Томашевиќ и Анџелина пеат за 6.000 евра, додека цената на Сара Јо од 4.000 скокнала на 6.000 евра.

Балканот се уште тагува по нив: Легенди кои заминаа во 2020 година

Ивона Петрова — Sun, 27 Dec 2020 11:26:25 +0000

Поминуваат и последните денови од 2020 година, која освен по коронавирусот, ќе се памети и по големиот број јавни личности од Балканот кои го загубија животот. Долга е листата на оние по кои целиот Балкан тагува. Рајко Дујмиќ Некогашниот член на групата Нови фосили почина на 4 август на 65 годишна возраст, неколку дена откако со автомобил слетал во провалија од 11 метри. Мустафа Надаревиќ На 22 ноември легендарниот актер почина по долга борба со ракот на белите дробови на 77 години. Во јануари ја изненади јавноста со искрено интервју во кое проговори за прв пат за својата болест. Иван Бекјарев Познатиот актер Иван Бекјарев, почина на 16 ноември на 75 годишна возраст како последница од коронавирус. Џеј Рамадановски Легендата на народната музика Џеј Рамадановски почина ненадејно на 56 годишна возраст на 6 декември откако во сон му застанало срцето. Во неговиот дом лекарска екипа се обидела да го реанимира, но не успеала. Крунослав Кичо Слабинац Пејачот Кичо Слабинац (76) почина на 13 ноември во болница во Загреб каде бил хоспитализиран три месеци. Исидора Бјелица Писателката почина на 5 август во домот на своите родители на 53 години. Таа го години храбро и со насмевка на лицето се бореше со карцином на јајниците, кој се смета за еден од најопасните видови рак. Мирослав Миша Алексиќ Последнот збогум оваа година љубителите на „Рибља чорба“ му кажаа на басистот на групата кој почина на 29 ноември од последици од коронавирусот. Тој почина на 68 годишна возраст, а неговото тело беше кремирано. Тихомир Тика Арсиќ Актерот почина на 64 години. Случајно, на детален преглед, дознал дека има рак на главата на панкреасот. Во тоа време се подготвувал за филмска улога на човек кој умира од рак, па размислувал дали прво да го сними филмот и да оди на операција или да се откаже од улогата поради здравјето. Бојан Златановиќ Токан Музиката остана и без тапанарот на „Амадеус Бенд“ кој на 45 годишна возраст ја загуби битката со коронавирус. Почина на 24 ноември. Мирко Бабиќ Актерот почина на 73 годишна возраст. Беше познат кај широката народна маса, особено кај оние кои ја гледаа серијата „Село гори, а баба се чешла“. Борислав Бора Дрљача Пејачот на народна музика на 11 октомври ја загуби битката со опасната болест. Бора имаше 80 години, а неколку пати беше хоспитаизиран и опериран.

Пејачите кои ќе настапуваат утре изманипулирани: Не знаеле дека Владата ги прави носители на политичка кампања!

Ивана Ефремовски — Fri, 13 Jul 2018 07:21:48 +0000

Под мотото „Голема граѓанска прослава Македонија во НАТО и ЕУ" владата објави дека ќе прославува утре во 15 градови. На социјалните мрежи и во контактните емисии се разви огромно незадоволство бидејќи Владата со ова прави евтин ПР, со оглед на тоа дека државава не доби ниту чиста покана за НАТО ниту датум за преговори. -Дури и мотото под кое се настапува е лажно, се вели граѓанска прослава за Македонија, а не кажуваат дека бараат од граѓаните да си го сменат името, нема друга влада која слави порази, вели студентот Христијан Ментрунковси кој коментираше со други десетици на социјалните медиуми. На удар на критика се најдоа и пејачите кои ќе настапуваат со оглед на тоа што претходно дел од нив се изјаснија дека се против договорот со Грција, а добар дел од нивниот репертоар исто така изобилува со песни каде се содржи зборот Македонија за кој сега владата води кампања да се промени. 40 изведувачи меѓу кои Кирил Џајковски, Архангел, Лозано, Љубојна, Нокаут, Владо Јаневски, ДНК, Елена Ристеска, Ерик Фокс и други ќе настапуваат како дел од подготвителните активности на Владата кои се дел од поширока кампања која треба да резултира со успешен рефрендум за промена на името и прифаќање на договорот со Грција. Откако исконтактиравме со дел од пејачите дознаваме дека Владата претходно, пред речиси еден месец склучила рамковни договори за ангажман, чии суми остануваат тајна. Пејачите добар дел од нив и незнаат за која цел ќе пејат ниту дека стануваат предводници на една кампања за промена на името, која се наоѓа на удар на јавноста. - Не знаев дека ќе пејам на настанов, имаме договор со владата уште пред да се случи ваквиот расплет на настаните, никогаш не сум бил вовлечен во политика, вели еден од пејачите за Курир. Го баравме и Ристо Вртев од Архангел кој кусо ни потврди дека ваквата работа била договарана пред извесен период и дека не од сега. Инаку Архагел по повеќе години пауза има нов сингл „Пинокио“ со кој ги исмева актуелните општествени случувања.

Правото име на Бекута не е Ана: За некои пејачи не можете ни да замислите како се викаат

Дарко Андоновски — Wed, 02 May 2018 15:39:21 +0000

Дел од пејачите на естрадата ги знаеме под уметничките имиња, а за некои не сте ни претпоставиле какво им е правото име. правото име на Ана Бекута, легендарната српска пејачка е Гордана Надежда Полиќ. Исто така, српската пејачка Нада Топчагиќ се вика Сенада Топчагиќ, а Лепа Лукиќ, Лепава Мушовиќ, а правото име на фолк пејачката Јана е Драгана.