пекара – Kurir.mk

ФОТО: Фрлена бомба во пекара во Нов Белград

Ивона Петрова — Thu, 19 May 2022 06:59:28 +0000

Непознато лице синоќа околу 3 часот фрлило бомба во пекара во Нов Белград, јавуваат српските медиуми. Во нападот нема повредени, а причинета е материјална штета поради експлозијата. Дел од локалните медиуми јавуваат дека напаѓачот бил снимен од камери поставени за видео надзор. Од снимките се гледало дека тој прво со камен ја скршил стаклената врата, а потоа внатре ја фрлил бомбата. Инаку, оваа пекара била многу позната и посетувана во овој дел од градот, а постои повеќе од 20 години.

ПЕКАРИТЕ АЛАРМИРААТ: Работиме со загуба, се плашиме од целосен колапс на индустријата

Ристе Здравков — Tue, 01 Feb 2022 13:27:30 +0000

Горан Малишиќ од мелничко-пекарската индустрија во вечерашното гостување на ТВ24 рече дека во изминатите два месеца работат без заработка, на нула или во загуба. Тој вели дека како индустрија „ќе издржат додека можат“. – Ѝ го објаснивме тоа на Владата. Во индустриска пекарница што произведува од 15.000 до 100.000 лебови дневно, загубите се од 30.000 до 350.000 евра во зависност од големината на компанијата. Таа може да издржи два, три месеци… После тоа што правиме? Енормни се загубите“, појаснува Малишиќ, кој доаѓа од Групацијата Агроглобал. Според него, мелничката индустрија ја поддржува мерката за замрзнување на цените на основните производи, но бараат поголема помош од Владата. -Се плашам од тотален колапс на индустријата, вели Малишиќ. Мелничарите и пекарите очекувале нивните аргументи да бидат слушнати во Владата, откако ја предупредиле дека ќе дојде до пореметување на пазарот. – Не добивме ништо, туку само забрана за цените. Но, тука има и една несоодветна ситуација, се замрзнуваат цените на само десет производи, а се качува цената на струјата, која исто така е основна за граѓаните. Тука има дволичен однос кон целата индустрија. Ја информиравме Владата дека очекуваме и зголемување на цената на гасот кој нашата индустрија го користи и тоа се случи. Гасот се покачи и тоа се големи трошоци кои компаниите не можат да ги издржат, вели Малишиќ.

Се расправале пред пекара во Центар, па се степале

Ивана Ефремовски — Mon, 31 May 2021 15:01:34 +0000

На 29.05.2021 околу 23:30 часот во СВР Скопје било пријавено дека во близина на пекара на подрачје на Центар, по претходна расправија, бил нарушен јавниот ред и мир со физичка пресметка помеѓу Д.С.(21) од Куманово и С.Џ.В.(29). Сочинет бил записник за констатиран прекршок по член 11 од Законот за прекршоците против јавниот ред и мир.

Кафеаните се затворени, но пекарниците работат: Славниот пејач се распеа и ги расположи сите (ВИДЕО)

Ивана Ефремовски — Wed, 02 Dec 2020 17:05:45 +0000

Фолк пејачот Халид Бешлиќ ги воодушеви вработените во една пекарница пеејќи го хитот „Романија”. На Фејсбук се појави видео на кое се гледа како пејачот ја вади маската во пекарницата и пее дел од песната. Судејќи според снимката, тој бил расположен, па ги крена рацете додека ја пее познатата песна. Кафеаните и концертните сали се затворени, но затоа пекарите се отворени, се вели со видеото, кое брзо започна да се споделува на социјалните мрежи.

МВР за нападот врз семејната пекара на Мисајловски

Ивона Петрова — Sun, 21 Jun 2020 09:33:39 +0000

Министерството за внатрешни работи информира дека денеска во 03.40 часот било пријавено дека на ул.“Ѓорче Петров“ излегува чад од пекара сопственост на Б.М. (62), а претходно се слушнало детонација. -По пристигнување на полициските службеници на местото на настанот забележано е дека влезната врата е целосно извадена од лежиштето и причинета е материјална штета, па постои основано сомнение дека се работи за подметната експлозивна направа. Повредени нема, информираат од МВР. Се работи на расчистување на случајот.

ВИДЕО: Фрлена експлозивна направа на семејната продавница на Мисајловски во Ѓорче

Ивона Петрова — Sun, 21 Jun 2020 07:47:19 +0000

Околу 3 часот наутро во малата продавница на главната улица во Ѓорче Петров која што моето семејство ја работи со децении, фрлена е експлозивна направа и причинета е материјална штета, напиша на фејсбук потпретседателот на ВМРО-ДПМНЕ и носител на листата во Изборната единица 2, Владо Мисајловски. Од власта велат "можеме" , дека сме на "прав пат", и дека било " нормално", но на терен се е поинаку. Околу 3 часот наутро во малата продавница на главната улица во Ѓорче Петров која што моето семејство ја работи со децении, фрлена е експлозивна направа и причинета е материјална штета. Фала му на Бога нема човечки жртви ниту некој е повреден. На свовиден начин се продолжува пироманската традиција откако претходно во текот на изборите 2017та година имаше пожар во мојот дом. Нема да навлегувам што и како, кој е и каква е нарачката. Пораката која ја праќаат до мене пред стартот на кампањата сама си се испишува, ама одговорот е дека нема да ме поколебате, ниту исплашите! Нема потреба од нервоза, промените се незапирливи. Македонија е мојот дом, и јас од него не се откажувам и огромен мотив плус да се сменат работите. И да на крај ќе додадам, Македонија ќе победи, напиша Мисајловски.

Кражба во пекара во Скопје: Едно лице разгледувало што да купи, другото одзело пари од касата

Катерина Бојаџиева — Mon, 15 Apr 2019 14:12:33 +0000

Утрово околу 03,15 часот во СВР Скопје било пријавено дека во пекара на улица „Московска“ две лица извршиле кражба. Според пријавеното, додека едното лице разгледувало што да купи, другото одзело пари од касата. СВР Скопје презема мерки за расчистување на случајот.

Во експлозијата во Париз повредени се 36 луѓе, 12 во критична состојба

Ивона Петрова — Sat, 12 Jan 2019 12:27:48 +0000

Во големата експлозија во Париз повреднеи се 36 луѓе од кои 12 се во критична состојба, изјави портпарол на пожарникарската служба. Министерот за внатрешни работи, Кристоф Кастане изјави дека „ситуацијата сега е под контрола“. Експлозијата се случи во 9. париски арондисман во пекара, а според првични проценки е предизвикана од истекување гас. Оштетени се и објекти на стотина метри од местото на експлозијата. Во спасувачките операции учествувале речиси 200 пожарникари. МИА

Го потиснала количка со леб: Повредено момче во пекара во Скопје

Ивана Ефремовски — Sun, 09 Sep 2018 09:45:54 +0000

Дваесет и едногодишниот Б.И. е повреден еден час по полноќ откако количката со која влегол во лифт во пекарата на „Груица Војвода“ во Скопје, а во која имало леб, од непознати причини се превртела и го потиснала. МВР информира дека повредениот е пренесен во комплексот клиники „Мајка Тереза“ за укажување лекарска помош. Се преземаат мерки за расчистување на случајот.