Пекинг 2022 – Kurir.mk

Словенечка доминација во ски-скокови во Пекинг

Бошко Тасиќ — Sun, 06 Feb 2022 07:49:55 +0000

Холанѓанката Ирене Шутен е го освои првиот златен медал во брзо лизгање. Таа во трката на 3000 метри триумфираше со време од 3 минути 56 секунди и 93 стотинки што е нов олимписки рекорд. Среброто и припадна на Франческа Лолобриџида од Италија, а со бронзата се закити Изабел Вајдман од Канада. Словенката, Урша Богатај го освои златниот медал во ски скокови во женска конкуренција. Таа во двете серии имаше скокови од и за 2,2 поени имаше подобар скор од Катарина Алтхаус од Германија додека бронзата и припадна на нејзината сонародничка Ника Крижнар. Меѓу петте најдобри се пласираа уште Јапонката, Сара Таканаши и уште една Словенка, Ема Клинец.

Цветановска нема да настапи на утрешната трка во Пекинг

Ивона Петрова — Fri, 04 Feb 2022 14:10:52 +0000

Македонската олимпијка Ана Цветановска нема да настапи на утрешната трка како што претходно беше предвидено. Од МОК информираат дека заради моменталната ситуација со КОВИД-19 и големиот број на пријавени натпреварувачи на утрешната трка (жени) на 7,5+7,5 км - Скијатлон, ФИС-Меѓународната скијачка федерација, која е единствена одговорна за спортскиот дел од програмата на Олимписките игри, донесе конечна одлука дека само лимитиран број на спортисти во женска конкуренција ќе може да настапат на утрешната трка во оваа дисциплина. Заради исполнетоста на квотите од страна на подобро пласираните во оваа дисциплина, Цветановска нема да може да настапи на оваа трка. Таа со нетрпение ја очекува својата трка на 10 км-класично, која на програмата е на 10 Февруари, со почеток во 08:00 часот по македонско време, информираат од МОК.

ФОТО: Македонското знаме развиорено на ЗОИ во Пекинг

Ивона Петрова — Fri, 04 Feb 2022 13:06:35 +0000

Македонија претставена од тројца скијачи ќе партиципира на ЗОИ во Пекинг. На свеченото отворање проделифилира дел од нашата експецидија. Знаменосец беше Дардан Дехари, додека Савре Јада и Ана Цветановска поради изолација од Ковид-19 не беа на свеченото отворање. Нивниот тренер Борче Јовановски е позитивен па од истата причина отсуствуваше од дефилето. Распоред на натпревари на нашите олимпипјци во Пекинг: Ана Цветановска (крос-кантри) – ќе настапи на 7,5 км слободно + 7,5 км скијатлон (5 февруари) и 10 км класично (10 февруари). Ставре Јада (крос-кантри) – ќе настапи во спринт слободно 1,5 км (8 февруари) и 50 км слободно (19 февруари). Дардан Дехари (алпско скијање) – ќе настапи слалом/велеслалом (13 и 16 февруари).

ВО ЖИВО: Следете го свеченото отворање на Зимските олимписки игри

Ивона Петрова — Fri, 04 Feb 2022 12:03:52 +0000

Започна церемонијата на свеченото отворање на Зимските олимписки игри која се одржува на стадионот „Птичје гнездо“ на кој беше отворена и летната Олимпијада во 2008 година. Под строги протоколи и ограничен број само домашни гледачи поради пандемијата на коронавирус денеска во Пекинг официјално стартуваат Зимските олимписки игри (ЗОИ 2022) на кои до 20 февруари ќе настапат 2.900 спортисти од над 90 држави. И овој пат, како и тогаш, улогата на уметнички директор на церемонијата му е доделена на најпознатиот кинески режисер Жанг Јиму, кој најави спектакуларно отворање на олимписката манифестација. Следете во живо и уживајте.

Организаторите на Олимпијадата во Пекинг 2022 година ќе ги дисквалификуваат спортистите поради кршење антиковид мерки

Дарко Андоновски — Wed, 27 Oct 2021 18:48:00 +0000

Организаторите на Зимските олимписки игри 2022 година во Пекинг најавија дека ќе ги дисквалификуваат спортистите и ќе ги им ги одземаат акредитациите во случај да ги прекршат мерките за борба против Ковид-19. Ова го соопшти заменик-градоначалникот на Пекинг, заменик-шеф на Организацискиот одбор на Игрите-2022 Џан Џиандун. – Со Меѓународниот олимписки комитет разговараме за некои детали. Неуспехот да се почитуваат анти-епидемиолошките мерки наведени во прирачникот може да доведе до спречување, привремено или трајно одземање на акредитација или дисквалификација на учесник на Игрите, суспензија од учество на натпревари, лишување од соодветни квалификации и други прилично сериозни последици, соопшти Џиандун.

Олимпиското село Пекинг 2022 ќе биде отворено на 27 јануари

Ивона Петрова — Wed, 27 Oct 2021 06:45:27 +0000

Заменик-градоначалникот на Пекинг Џан Џиандун изјави дека отворањето на Олимпиското село за Игрите во 2022 година е закажано за 27 јануари 2022 година. – Официјалното отворање на Олимпиското село ќе се случи на 27 јануари следната година за да ги пречека спортистите од целиот свет. На 2 февруари ќе тргне штафетата на олимпискиот факел, изјави Џиандун. Зимските олимписки игри 2022 година во главниот град на Кина ќе се одржат од 4 до 20 февруари 2022 година. Организаторот на Олимпијадата, вчера го прикажа дизајнот на медалите кои ќе се доделат на најуспешните спортисти.