пелистер – Kurir.mk

МЗТ Скопје Аеродром го совлада Пелистер во македонската пресметка во АБА 2

Тале Кристо — Fri, 13 Oct 2023 18:03:45 +0000

МЗТ Скопје Аеродром го совлада попладнево Пелистер со 91-78 (45-40) во македонската пресметка во регионалната кошаркарска АБА 2 лига. Војдан Стојановски со 20 поени беше најефикасен во редовите на МЗТ Скопје, додека неговиот брат Дамјан, како и српскиот интернационалец Душан Танасковиќ придонесоа во триумфот со по 16 кошеви. Актуелниот македонски шампион ја забележа првата победа на воведниот „балон“ чиј домаќин е Суботица, откако во првото коло загуби од Цедевита јуниор со 79-92. Кошаркарите на Пелистер, пак, го претрпеа првиот пораз во новата сезона по стартната победа над Шенчур од 78-72 по продолжение. МЗТ Скопје, Пелистер, како и третиот македонски претставник ТФТ Мцарт натпреварите во АБА 2 лига ги продолжуваат во ноември.

Историско финале за Феникс

Ивона Петрова — Fri, 17 Feb 2023 21:01:20 +0000

Екипата на Феникс вечерва направи историски резултат со пласманот во финалето на Купот на Македонија кој го носи името „Благоја Георгиевски – Буштур“. Тимот кој последните неколку години бележи прогрес го победи Пелистер со 86:79. Иако на овој натпревар битолчани беа фаворити, младиот тим на Феникс предводен од искусните Бојан Трајковски со 18 поени и Ивица Димчевски со 13 заслужено се радуваа на триумфот. Андреј Митревски натпреварот го заврши со 16 поени, додека Амар Хот имаше 18 поени, но предвреме го заврши натпреварот поради повреда. Во поразениот тим најефикасен беше Сеад Хаџифејзовиќ со 25 поени. Противник на Феникс во финалето ќе биде МЗТ Скопје Аеродром. Овој натпревбар ќе се игра утревечер од 19:30 часот. Претходно, од 16:30 часот во женското финале ќе се соочат Баскет Кам 2011 и МЗТ Скопје Аеродром. Натпреварите ќе се играат во СРЦ „Кале“ во Скопје.

МЗТ Скопје подобар од Пелистер во дербито на 11. коло од кошаркарскиот шампионат

Тале Кристо — Tue, 27 Dec 2022 18:47:34 +0000

Кошаркарите на македонскиот шампион МЗТ Скопје Аеродром вечерва во Битола го совладаа Пелистер со во дербито на 11. коло со 83:79. Најзаслужни за победата на гостите беа Бојан Крстевски и Победникот беше решен по неизвесен финиш и Мајкл Кефи со по 22 поена, Александар Бурсаќ додаде 19. Кај битолчани, Сеад Хаџифејзовиќ и Донтај Карутерс беа најефикасни со по 20 поени. МЗТ Скопје со 10 победи и само еден пораз е лидер на табелата. Пелистер е на втората позиција со осум победи и три порази колку што има и третопласираниот Гостивар.

ФОТО: Падна снег во Македонија

Ивона Петрова — Sun, 06 Nov 2022 11:07:20 +0000

Викендов националниот парк Пелистер е соодветно место за уживање за сите љубители на снегот. На социјалните мрежи се објавија фотографиии од снегот, па погледнете и самите колку има и уживајте.

Илиевски: Подвиг е што остваривме две победи на стартот во АБА2-лигата

Тале Кристо — Thu, 20 Oct 2022 06:55:53 +0000

Кошаркарите на Пелистер ја остварија втората победа во регионалната АБА2-лига. Битолчани синоќа го победија Шенчур со 71:67 во натпревар со драматична завршница. Тренерот Илиевски е презадоволен од резултатите, бидејќи неговиот тим беше некомплетен поради повредени играчи. – Подвиг е што постигнавме две победи со оглед на проблемите со кои се соочивме пред доаѓањето во Златибор. Одигравме добра одбрана, играчите дадоа максимум, но заморот дојде во третата четвртина, а противникот тоа го искористи и не казни во транзиција. Сепак, на крајот победивме и среќен сум од исходот на натпреварот, изјави тренерот на Пелистер, Марјан Илиевски. Вториот македонски претставник во АБА2, тимот на ТФТ со два пораза го заврши првиот турнир. Во следното коло, Пелистер ќе игра со Широки Бријег, додека ТФТ ќе се сретне со Крка.

Од Пелистер во Осијек: Младиот македонски фудбалер се сели во хрватско првенство

Ивана Ефремовски — Tue, 02 Aug 2022 12:53:14 +0000

Михаил Талевски (2004) потпиша договор со екипата на Осијек од Хрватска, со траење од три години. 18-годишниот напаѓач е презадоволен од остварената соработка со хрватскиот клуб: „Ова е голем чекор за мене, остварување на моите фудбалски идеи. Ќе настапувам во лига која е силна и расадник на голем број фудбалски таленти. Хрватската репрезентација е финалист на последното светско првенство и мислам дека многу ќе напредувам во мојот нов клуб“ - се првите зборови на Талевски, по потпишувањето на договорот. Нашиот репрезентативец играше за екипата на Пелистер, а во хрватското првенство се сели веднаш. Отштетата на сметката на битолскиот клуб веќе е исплатена.

ТФТ го совлада Пелистер за смена на врвот во Суперлигата

Бошко Тасиќ — Thu, 12 May 2022 19:32:37 +0000

Кошаркарите на ТФТ го симнаа Пелистер од врвот на Суперлигата и му направија голема услуга на актуелниот првак МЗТ Скопје, кој сега има победа повеќе во трката за подобра стартна позиција пред плејофот во оваа сезона во кошаркарското првенство на Македонија, со триумфот со 89-78 вечерва во седмото коло од Суперлигата. Малешевиќ даде 29 поени со осум скока, а Кесар имаше 22 поени со 10 скока, но поддршка имаа само од Крстајиќ со десет поени и оваа тројка не можеше сама да им се спротивстави на рапсоложените кошаркари на ТФТ. Пелистер сега има скор од 24-5, додека МЗТ е пред нив со скор 25-4, додека ТФТ дојде до скор од 16-13 каков што има и Еуро Никел на третото место во трката за позициите за плејофот. фото: gol.mk

Штама во Битола, Дибиров ги расплака навивачите на Еурофарм Пелистер

Ристе Здравков — Wed, 15 Dec 2021 18:34:32 +0000

Големото дерби на македонскиот ракомет меѓу Еурофарм Пелистер и Вардар максимално ги оправда очекувањата, завршувајќи со нерешени 27-27, исход за кој можат да жалат и двата тима. „Вардарци“ бидејќи водеа речиси до самиот крај, а „пелистерци“ затоа што имаа „плус еден“ и напад на триесетина секунди до крајот, но со почетничка грешка ја загубија топката и му овозможија на Дибиров од пенал да донесе голем бод за „црвено-црните“. Обрадовиќ го отвори мечот со гол за водство на Еурофарм Пелистер, но Гаџа одговори со два погодоци на спротивната страна и прва предност за „вардарци“ (1-2). Двата тима се менуваа во водство, а голманите не беа премногу расположени во почетните десет минути, па со погодокот на Граџан Еурофарм Пелистер во 12. минута израмни на 6-6 на големото дерби. „Црвено-црните“ беа нешто посконцентрирани во нападот, па во 15. минута преку Тото поведоа со 7-9, негатива при која домашниот тренер Жељко Бабиќ веднаш побара тајмаут. При резултат 9-10 Бабиќ го уфрли и Кизиќ на голманската позиција на местото на индиспонираниот Секељи (една одбрана за 17 минути игра), но Талески набрзина даде два гола против својот поранешен соиграч, за најубедливи „плус три“ за Вардар (9-12). Гостите од Скопје продолжија да доминираат, имаа и уште поубедливи 10-14 додека битолчани се мачеа да најдат одговор за Гаџа, Талески и за Тото. Шоуто на „вардарци“ продолжи, па по украдената топка од Дибиров и голот од контранапад на Гаџа гостите поведоа со 12-17, принудувајќи го Бабиќ и на втор тајмаут, по што на одмор се замина со убедливи 13-17 за „црвено-црните“ од Скопје. Битолчани мотивирано влегоа во вториот дел, набрзина намалија на 15-17, но откако промашија напад за „минус еден“ Вардар набрзина се консолидираше, по што избраниците на Недановски рутински ја одржуваа предноста од четири гола (17-21 во 40. минута). Борко Ристовски блескаше кога беше значајно, му одбрани шут од крило на Маџовски, но Вардар не искористи напад за „плус пет“, по што Еурофарм повторно се приближи на два гола разлика (20-22). Во последните десет минути се влезе со резултат 22-25, резултат при кој Периќ не реализираше пенал за Еурофарм Пелистер. „Пелистерци“ заиграа далеку подобро во одбраната, Вардар четири минути не постигна гол, па домаќините преку Периќ намалија на само еден гол негатива (24-25). И повторно кога беше најважно за Вардар блесна Анте Гаџа, кој го постигна и осмиот гол за водство од 24-26. Стоилов заработи исклучување, Еурофарм намали на 25-26, за потоа по комплетирањето на гостите Граџан да реализира за израмнување на 26-26 и еуфорија меѓу домашните навивачи во салата „Боро Чурлевски“. Талески и Тото не реализираа, Периќ на спротивната страна изнуди пенал, по кој Мандалиниќ од седум метри донесе водство на Еурофарм Пелистер од 27-26. Вардар тргна во клучниот напад со „седум на шест“, но гостите направија почетничка грешка и ја загубија топката со пасивен напад. И кога победата требаше да биде рутина, „пелистерци“ почетнички ја загубија топката, а Вардар доби последна шанса за израмнување, згора на тоа со играч повеќе по исклучувањето на Маџовски. Гаџа тргна моќно и изнуди пенал, по што Дибиров стрелаше прецизно за реми од 27-27 и многу значаен бод во трката за титулата.

Пелистер го деклсира Гостивар

Бошко Тасиќ — Thu, 09 Dec 2021 20:37:27 +0000

Кошаркарите на Пелистер се наоѓаат на прагот на повторување на ланскиот есенски дел, во кој забележаа максимален број на победи. Во десеттиот дуел од шампионатот избраниците на Марјан Илиевски го декласираа Гостивар во „Боро Чурлевски“ во Битола со 101-76. Најефикасни во тимот на Пелистер беа Кесар со 33 и Караџовски со 22 поени, додека кај Гостивар се истакнаа Силаџи со 21 и Ефремовски со 17 поени. В сабота битолчани заминуваат на третиот „балон“ од АБА2 лигата, каде ќе одиграат три натпревари.

Пронајдени двете лица кои се изгубиле во близина на Пелистер

Магдалена Андонова — Sun, 05 Dec 2021 21:11:41 +0000

Вечерва се пронајдени двете лица кои се изгубиле во близина на Неолица (најблизок рид до Битола од планината Баба-Пелистер), информира Центарот за управување со кризи. Тимот на Горската служба ги пронашол двете изгубени лица и истите безбедно се донесени во Битола. Лицата се безбедни, без повреди и се малку исплашени. Претходно лицата телефонски пријавиле во СВР Битола дека се дезориентирани во просторот и залутале далеку од пешачката патека.