пенелопе круз – Kurir.mk

Никој не старее поубаво од оваа актерка: Никогаш не правела операции, а младоликоста ја одржува со помош на овие навики

Ристе Здравков — Thu, 18 May 2023 10:09:19 +0000

Пенелопе Круз ги открива своите најдобро чувани тајни на убавината и младоликиот изглед по кои е препознатлива. Пенелопе Круз со години важи за икона на убавината, а на свои 49 години таа и натаму изгледа гламурозно како и секогаш. Оваа актерка споделила мали тајни кои ѝ помагаат да старее грациозно, а со тоа го одржува и својот младолик изглед. Најважното во сето тоа е нејзината урамнотежена исхрана и редовните вежби. Можеби делува како невозможно да одолеете на вкусните колачи или вашата омилена крофна, но намалувањето на внесување на шеќерот може да биде од голема корист за вашата кожа. Актерката се обидува да избегнува храна која може да ѝ наштети на нејзината убавина. „Се обидувам да избегнувам млечни производи и шеќери. Јадам многу овошје, зеленчук и квалитетни протеини кои се природно одгледани. Пијам и многу вода“, изјавила актерката. Редовното вежбање ви помага да останете полни со енергија и влијае на вашето општо здравје. Секојдневното вежбање исто така може позитивно да влијае на вашата кожа, а Круз дава сè од себе да остане активна. „Се занимавам со јога која целосно го смени моето тело. Некогаш бев тромава, а сега нивото на енергија ми е на врвно ниво. Тоа е како магија, но таа магија мора да ја заработите“, изјавила актерката. Заборавањето да ја исчистите и хидрирате кожата пред спиење може да доведе до негативни последици, како што се затнати пори и прерана појава на брчки. Актерката е многу дисциплинирана во поглед на своите ноќни ритуали за убавина и никогаш не ја прескокнува својата редовна рутина за нега на кожа: „Секогаш ја чистам и хидрирам кожата“, изјавила таа. Користењето адекватни производи за нега на кожа може да е корисно и за вашиот тен, но здравјето на цревата и правилната исхрана исто така се од важно значење. „Јас сум страсна по повод на тоа. Навистина верувам дека вашиот стомак е вашиот втор мозок“, изјавила наградуваната актерка.

ФОТО: Пенелопе Круз го привлече внимание во Рим, длабоко деколте и цвет во косата

Ивона Петрова — Sat, 13 May 2023 14:56:27 +0000

Пенелопе Круз се погрижи сите очи да бидат вперени во неа на црвениот тепих на 68-то доделување на наградите Дејвид Ди Донатело во Рим. Актерката, која минатата година глумеше во филмот „L'immensità“, се појави во делумно провиден фустан од брендот Dolce & Gabbana. Пенелопе (49) исто така го покажа своето неверојатно деколте во фламенко модното издание кое го имаше. Црвениот цвет во косата многумина ги потсети на стилот на фламенко, а актерката го комплетираше изгледот со црни сандали на платформа и едноставна шминка.

„Не е нормално така да изгледа на 49 години“: Пенелопе Круз била главна атракција појавувајќи се во Париз во краток фустан

Ристе Здравков — Thu, 09 Mar 2023 12:09:08 +0000

Пенелопе Круз повторно е главна тема на социјалните мрежи. Шпанската актерка за кратко време ќе полни 49 години, а најверните фанови често истакнуваат дека годините не ѝ можат ништо. Таа овојпат се појавила во Париз во елегантно издание. Избрала да носи сако-фустан со интересни детали, ремен околу струкот и пердуви на колковите. Пенелопе со насмевка позирала пред фотографите, а славата повторно ѝ ја украле совршените нозе. Така на социјалните мрежи можат да се прочитаат коментари дека „не е нормално како изгледа“, но малкумина знаат дека актерката пред 23 години стана вегетаријанка. Таа се грижи за својот изглед, па на нејзиното секојдневно мени се наоѓаат овошје, зеленчук, јаткасти плодови, житарици, а сол избегнува. Таа се занимавала со балет и често истакнувала дека танцот ѝ ја овозможил витката фигура. Пенелопе не преферира јака шминка. Се труди минимално да користи производи кои ќе ѝ ги истакнат очите, па така било и овојпат. Фризурата ѝ била брановидна, а минувачите не ги тргале погледите од неа. Да ве потсетиме, Пенелопе на доделувањето на наградите „Goya Awards“ се појавила со сестрата Моника која има целосно поразличен стил од неа.

Пенелопе Круз покажа зошто уште е на листата на најпосакувани жени во светот (ФОТО)

Ивана Ефремовски — Mon, 15 Aug 2022 12:33:34 +0000

Актерката Пенелопе Круз ужива на одмор во Италија. Таа во моментов престојува во Модена, каде снима филм. Поради тоа што е природна на прагот на 50-те години, таа добива сè повеќе улоги во филмовите и е една од најбараните актерки на денешницата. Со години е на листите за најубави жени во светот, а кога ќе ги погледнете најновите фотографии, ќе се согласите дека уште ги заслужува низата комплименти.

Светската филмска елита доаѓа на фестивалот во Венеција, меѓу нив Кејт Бланшет и Пенелопе Круз

Магдалена Андонова — Tue, 26 Jul 2022 20:48:35 +0000

Овогодинешниот 79. филмски фестивал во Венеција од 31 август до 10 септември ќе биде домаќин на мноштво познати личности. Во трката за престижниот Златен лав за најдобар филм на овогодинешната Мостра, ќе се натпреваруваат 23 филма. Овогодинешниот фестивал е замислен како „прозорец отворен кон светот“, рече уметничкиот директор на Мостра, Алберто Барбера, во онлајн презентацијата, особено осудувајќи го притворот на тројца филмаџии во Иран. Во конкуренција ќе биде филмот на еден од нив, Џафар Панахи, кој мора да одлежи шестгодишна казна за „пропаганда против режимот“. Името на филмот е Kherst Nistu (Мечките не постојат). Франција годинава е особено добро застапена со дури пет филмови во конкуренција. Тие се Les enfants des autres (Деца на другите) од Ребека Злотовски со Вирџини Ефира во главната улога, Двојката од Фредерик Вајсман, Les Miens (Мојот), семеен филм на Рошди Зем, Атина на Ромен Гаврас за бунт во предградијата и Сент Омер Омер на Алис Диоп, првиот филм за чедоморство. Францускиот режисер и писател Флоријан Зелер им понуди улоги во неговиот филм Le fils (Синот) на актерите Хју Џекмен, Лора Дерн и Ентони Хопкинс. Ниту годинава нема да недостигаат ѕвезди на црвениот тепих на Лидо. Шпанската актерка Пенелопе Круз е протагонистка на италијанскиот филм The Immenity на Емануеле Криалезе, додека Австралијката Кејт Бланшет го игра диригентот на оркестарот во филмот TAR на Тод Филд. Овогодинешниот фестивал ќе го одбележи и враќањето на Дарен Аронофски со филмот Кит со Брендан Фрејзер во главната улога. Уште едно големо режисерско име - Мексиканецот Алехандро Инариту, на Мостра ќе биде претставено со „многу личен“ филм, како што го претстави Барбера: „Бардо, лажна хроника на некои вистини“. Долгоочекуваниот Bones and All на Италијанецот Лука Гвадањино има холивудска екипа, од Тимоти Шаламе до Клое Севињи. Британската актерка Тилда Свинтон се појавува во „Вечната ќерка“ на Џоан Хог, а Колин Фарел глуми во „Бенши на Инишерин“ на Мартин Мекдона. Филмот Русокоса на Ендрју Доминик, инспириран од животот на Мерлин Монро со Ана де Армас во насловната улога и Адриен Броди, несомнено ќе привлечат внимание, а честа да го отвори натпреварувачкиот дел ќе ја има филмот на Ноа Баумбах Бела врева со Адам Драјвер и Грета Гервиг..

Пенелопе Круз ја доби шпанската Национална филмска награда

Дарко Андоновски — Wed, 08 Jun 2022 07:14:20 +0000

Пенелопе Круз ја доби Националната филмска награда на Шпанија за 2022 година, соопшти тамошното Министерство за култура и спорт. Како што е наведено на официјалната интернет-страница, „жирито едногласно ја наградило глумицата за достигнувањата во 2021 година, кои се додадени на сѐ она што го постигнала во нејзината кариера“. Покрај тоа, Пенелопе Круз е првата Шпанка која ја добила наградата за најдобра женска улога на Филмскиот фестивал во Венеција за нејзината улога во филмот „Madres Paralelas“ на Педро Алмодовар. Номинирана е и за четири „Оскари“ низ годините досега. „Со својот огромен талент и извонредните изведби, Пенелопе Круз со десетлетија ја сместува нашата култура на врвот“, обави жирито на Твитер. Националната филмска награда на Шпанија се доделува секоја година за севкупен придонес во шпанската филмска индустрија.

Изненадени? Вака изгледа една од најубавите жени во светот без шминка

Даниел Василев — Fri, 11 May 2018 17:21:58 +0000

Четриесет и четиригодишната актерка Пенелопе круз ги полуде сите со една од последните фотографии која ја објави на својот профил на Инстаграм. Преубавата шпанска актерка, Пенелопе Круз е синоним за убавина и беспрекорна елеганција, па секое нејзино појавување во јавноста не може да помине без бројни пофалби кои ги добива за својот изглед. Сепак, ретка е приликата да ја видиме во тотално природно издание, за да можеме да се уверуваме во нејзината вистинска убавина.

Thank you #dubai ?Until next time! @carpisamiddleeast @carpisaofficial And thank you @mertalas, my magical friend. Gracias!!!???? Hasta pronto Dubai!! Gracias @carpisaofficial

A post shared by Penélope Cruz (@penelopecruzoficial) on May 5, 2018 at 4:24am PDT

Мајката на две деца овој пат реши сосема спонано да позира со шешир на глава. Лесно може да се забележи дека таа нема ниту грам шминка, како ни средена фризура, а нејзините следбеници оставаа голем број позитивни коментари во кои ја фалат нејзината убавина.

Пенелопе како вистинска заводничка, Хавиер во патики: Заљубениот пар блесна на црвениот килим (ФОТО)

Ивана Ефремовски — Thu, 08 Mar 2018 11:34:21 +0000

Тие се вљубија на снимањето на култниот филм „Vicky Cristina Barcelona“. Пенелопе Круз (43) и нејзиниот сопруг Хавиер Бардем (49), десет години подоцна изгледаат подеднакво заљубено. Парот блесна на премиерата на филмот „Loving Pablo“ во Мадрид. За оваа пригода Пенелопе облече светкав фустан со впечатлив крој, а Хавиер се појави во одело, кое го искомбинира со патики. Патики ретко гледаме на црвениот тепих, па ова беше интересен потег. Пенелопе откри дека снимањето на филмот со нејзиниот сопруг било вистински предизвик затоа што станувало збор за глумење на тешки ликови и сцени со многу голем психолошки и емоционален терор. „Loving Pablo“ е контроверзна романса базирана на вистински настани, која ја раскажува аферата помеѓу оженетиот нарко бос Пабло Ескобар и новинарката Вирџинија Ваљехо. Како изгледаа Пенелопе и Хавиер на шпанската премиера:

Пред неа клечеа најголемите заводници на Холивуд: Неверојатните трансформации на славната убава актерка

Ивана Ефремовски — Tue, 30 Jan 2018 17:32:37 +0000

Пенелопе Круз е една од најбараните актерки во светот. Таа прво се проби на домашниот, шпански филмски пазар. Потоа ја отвори вратата на Холивуд. Во секој филм игра тешка улога, изгледа различно и дава се од себе. Публиката долго ги помни нејзините трансформации и сите ги засакува уште на премиера. Најновата улога ја игра во филмот за Версаче каде доживеа најголема трансформација. Погледнете зошто таа е една од најпочитуваните актерки, во своите трансформации покажува дека може да изглуми секаков лик. Пенелопе е посакувана жена и меѓу најголемиот дел на холивудски заводници.