пенкало – Kurir.mk

Кинези направија ласерско пенкало кое пишува по воздух

Ристе Здравков — Mon, 25 Jul 2022 11:27:06 +0000

Холограмите, мета универзумот, проширената реланост и сл. се технологии кои некогаш беа само нечија имагинација, а сега активно се развиваат. Но, во сите тие технологии потребно е да има некаков екран за она што се прикажува навистина да се види. Но, кинески научници од Лабораторијата Хунгтуо во Вухан направија ласерско пенкало чии можности се неверојатни. Тие тврдат дека со нивното пенкало може да се пишува по воздух, што би било голем чекор напред во развојот на холограми. Како што пишуваат кинеските медиуми, пенкалото користи многу кратки ласерски пулсирања за да ги отстрани електроните од молекулите во воздухот и да ги претвори воо плазма која емитува светлина, а сето тоа овозможува напишаните зборови да се појават во воздухот. Водителот на истражувањето, Цао Џиангдонг, за медимуите истакна дека за цртање во воздухот со ова пенкало не им се потребни ниту хартија, ни плоча, ни екран. Тој појасни дека ова пенкало користи пулсирања од само неколку фемтосекунди (еден квадрилионити дел од секундата), на кои им се потребни милион мегавати енергија. Но, бидејќи тие пулсирања се кратки, потрошувачката на енергија и не е толку голема, а ласерското пенкало може безбедно да се користи. фото: Flickr

И научниците шокирани: Откриен нов вид на змија, мала е колку едно пенкало

Ивана Ефремовски — Sat, 02 Jan 2021 13:00:15 +0000

Ова се случило кога Џеф Вајнел, дипломиран истражувач на Институтот за биодиверзитет на Универзитетот во Канзас, открил дека три примероци змии зачувани во колекцијата на биодиверзитет на институтот, пронајдени во мисии на територијата помеѓу 2006 и 2012 година, биле единствените познати членови на новата раса змија наречена Левитониус и нов вид змија, наречен Левитониус мирус. Наодите на Вајнел и неговите колеги, засновани на методи кои вклучуваат ДНК анализа и КТ скенирање, беа објавени во средата во списанието Копеја, пишува Си-Ен-Ен. Новооткриената левитонис мирус, позната и како змија џуџеста вајра, потекнува од островите Самар и Лејте на Филипините, исклучително биодиверзиски архипелаг, кој вклучува најмалку 112 видови копнени змии. Според студијата, оваа змија има помалку пршлени од кој било вид змија во светот, има долг и тесен череп во однос на нејзината големина, објасни Вајнел во интервју за Си-Ен-Ен. Веројатно е дека нивната исхрана се базира на црви. Првично, Вајнел бил заинтересиран да дознае повеќе за група змии наречени Псевдорабдион. „Ја секвенционирав ДНК-то од еден куп примероци од таа група, и овој всушност беше погрешно идентификуван како член (Псевдорабдион)“, изјави Ванел за Си-Ен-Ен. „Кога ги добив резултатите од ДНК, најпрво помислив дека тоа е само моја вина или контаминација на примероците“, рече Ванел.

Никогаш не би погодиле за што служи малата дупка на врвот од капачето на пенкалото

Предраг Кукиќ — Thu, 13 Jun 2019 11:57:49 +0000

Дизајнерите го редизајнираа популарното пенкало Cristal Pen уште во 1991 година, но тоа помина незабележано во јавноста. Сепак, конкуренцијата со текот на времето го забележа овој детаљ, па редизајнот на BIC го ископираа и некои други големи производители. Станува збор за дупка во капачето на пенкалото, кое доколку дете или возрасен го проголта, овозможува да се дише ако остане заглавено во душникот и на тој начин да се преживее додека не дојде брзата помош. Ова мало, неугледно отворче годишно спасува стотина детски животи, бидејќи токму децата често проголтуваат капачиња од пенкала, како и други мали нешта кои сакаат да ги ставаат во устата. Возрасните се повеќе склони кон џвакање на капакот, па ненамерно може да им се лизне во грлото. Некои земји дури им препорачуваат на своите производители и тие, исто така, да ги дизајнираат хемиските пенкала.

„Владата има само едно пенкало“: Песната која громогласно беше поздравена од публиката на „Златна бубамара“ (ВИДЕО)

Ивана Ефремовски — Mon, 25 Feb 2019 07:30:30 +0000

Во Преспа се потпишуваше Договор, со едно пенкало цела делегација, рече Сашко Коцев на овогодинешната Буба Мара. Тој на оваа тема испеа и песна, по која публиката громогласно аплаудираше и скандираше. „Од Влада имаат само едно пенкало, сите нарачки тоа ги потпишало. Референдум, изборни кампањи, тендери, договори. За да може лесно да се дише, Устав се отвори.“ Песната можете да ја слушнете на видеото во продолжение, од минутажа 26:54.

ВИДЕО: Член на банда со пенкало се обиде да убие сведок среде судење

Ивона Петрова — Thu, 15 Mar 2018 21:09:38 +0000

Федералниот суд во Солт Лејк Сити објави застрашувачка снимка од 2014 година на која се гледа како член на банда со пенкало го напаѓа сведокот кој сведочел против него, пред да го убие чуварот. На шокантната снимка се гледа како обвинетиот Сиал Ангилау (25), член на бандата на кого му се суди за рекетирање, одеднаш станува, зима пенкало и го напаѓа сведокот кој бега од него. Во тој момент чуварот вади пиштол и испукува во Сиал четири куршуми. - Фрли го пенкалото, фрли го пенкалото, се слуша на снимката. Сведокот, кој исто така е член на бандата и кој сведочел против Ангилау, во моментот на нападот бил со лисици на рацете, но успеал да го избегне и остане неповреден. Видеото е објавено откако судот го отфрли обвинението на семејството на настраданиот за прекумерна употреба на сила. Сиал Ангилау починал во болница од здобиените повреди. Бил обвинет со уште 17 членови на бандата за завера, кражби и напади.