пенс – Kurir.mk

Трамп и Пенс првпат разговараа по упадот во Конгресот

Тале Кристо — Tue, 12 Jan 2021 09:57:29 +0000

Претседателот на САД, Доналд Трамп и потпретседателот Мајк Пенс синоќа имаа „добар разговор“ во Белата куќа, изјави неименуван претставник на американската администрација. Тоа беше прв нивни разговор откако Трамп го критикуваше Пенс на 6 јануари, бидејќи не се обидел да го спречи Конгресот да ја потврди победата на избраниот демократски претседател Џо Бајден. Тој наведе дека Трамп и Пенс разговарале за немирите и повторија дека тие што минатата недела го прекршија законот и упаднаа во Конгресот не ги претставуваат 75 милиони Американци. Тие исто така се обврзаа дека ќе продолжат да работат во интерес на земјата до крајот на својот мандат.

Помошник на потпретседателот Пенс позитивен на коронавирус

Тале Кристо — Fri, 08 May 2020 19:57:19 +0000

Тестирање покажало дека помошник на американскиот потпретседател Мајк Пенс се заразил од коронавирус. Информацијата беше потврдена денеска од сигурни, но анонимни извори, јавија дел од американските медиуми. Претставници на Белата куќа синоќа потврдија дека кај воено лице кое ивршува задачи на личен помошник на претседателот Доналд Трамп, исто така бил откриено присуство на коронавирус. Кејли Мекенани, портпарол на Белата куќа, изјави денеска на брифинг за новинарите дека се засилува безбедноста на раководството на земјата, истакнувајќи дека Белата куќа ги следи сите контакти на заразени соработници и дава препораки за слични случаи. -Ние ги преземаме сите неопходни мерки за да го заштитиме претседателот, изјави Мекенани.

Пенс го посети Ѕидот на плачот

Тале Кристо — Thu, 23 Jan 2020 21:12:49 +0000

Потпретседателот на САД Мајк Пенс денеска го посети Ѕидот на плачот во Ерусалим, најсвето молитвено место за Евреите. Пенс беше придружуван од израелскиот премиер Бенјамин Нетанјаху, американскиот амбасадор во Израел Дејвид Фридман и израелскиот амбасадор во Вашингтон Рон Дермер. По молитвата на главниот рабин на Ѕидот на плачот, носејќи традиционална еврејска капа, според обичаите, Пенс остави порака во пукнатина од ѕидот. Нетанјаху го стори истото подоцна. Тие се сликаа заедно, но не дадоа изјави за новинарите.

Пенс и Помпео со различни авиони одпатува во Турција

Ристе Здравков — Thu, 17 Oct 2019 08:55:42 +0000

Потпретседателот на САД, Мајк Пенс и американскиот државниот секретар Мајк Помпео ја посетуваат Турција за да обезбедат прекин на огнот во турската инвазија на северна Сирија. Помпео на пат кон Турција на новинарите во неговиот авион им рекол дека имаат мисија за видат дали може да постигнат прекин на огнот. Пенс и Помпео во Турција отпатуваа со различни авиони со намера да се сретнат со турскиот претседател Реџеп Таип Ердоган. Американскиот претседател Доналд Трамп рече дека верува оти Пенс и Помпео ќе имаат успешна средба во Турција. Турција една пред неколку денови започна офанзива во Сирија, велејќи дека сака да се справи со курдските сили и да воспостави тампон зона за преселување на сириските бегалци. Овој потег на Турција се случи по ненадејната одлука на Трамп минатата недела да ги повлече американските сили од североисточна Сирија. Американските сили ги поддржуваа курдските борци кои се борат со организацијата Исламска држава. Трамп рече дека ако разговорите за прекин на огнот не успеат, ќе следат санкции кои ќе бидат погубни за турската економија. Во меѓувреме беше објавено и писмо кои Трамп му го напишал на Ердоган на денот на офанзивата, во кое го советува да не биде будала. „Не саката да бидете одговорен за масакар на илјадници луѓе, а јас не сакам да бидам одговорен за уништувањето на турската економија, напишал американскиот претседател. Писмото е од 9 октомври, а агенцијата АФП добија потврда дека писмото е автентично.

Пенс: Администрацијата на Трамп ќе се фокусира на безбедноста во училиштата

Дарко Андоновски — Sat, 19 May 2018 10:44:47 +0000

Потпретседателот на САД, Мајк Пенс, неколку часа по нападот во училиште во Тексас, каде што беа убиени десет лица, рече дека претседателот Доналд Трамп работи на тоа да ги направи побезбедни американските училишта. Пенс нагласи дека администрацијата на Трамп ќе се фокусира на безбедноста во училиштата, а ќе биде потпишан и закон според кој на сојузните држави и локалните самоуправи ќе им се одобрат на располагање две милијарди долари за заштита на училиштата. Исто така, посочи дека се планира и носење закон со кој ќе се зајакнат контролите за сопствениците на оружјето. Американскиот потпретседател им порача на сите сојузни држави да го следат примерот на државата Индијана, која дозволи квалификувано лице во училиштето да носи оружје. Ова е втор најсмртоносен напад во училиште во САД годинава, по оној во февруари во сојузната држава Флорида, кога загинаа 17 лица. (МИА)