пензионирање – Kurir.mk

Бонучи ќе се пензионира во 2024 година

Дарко Андоновски — Wed, 17 May 2023 10:23:55 +0000

Фудбалерот на Јувентус, Леонардо Бонучи најави крај својата професионална кариера во 2024 година. - Кога ќе престанам да играм следната година, мислам дека ерата на италијанската дефанзивна игра ќе заврши. Тоа е причина да се гордееме што сте во врвот на великаните. Се надевам дека многу дефанзивци кои ќе пораснат ќе не сметаат за идоли нас четворицата (Буфон, Бонучи, Барзаљи, Киелини), како што ги сметавме за идолите на Барези, Малдини, Неста и Канаваро. Ова ќе значи дека постигнавме многу и оставивме белег во фудбалот, изјави Бонучи на Јутјуб каналот на Јувентус. Бонучи игра за Јувентус од 2010 до 2017 година. Триесет и шестгодишниот Италијанец осум пати стана италијански шампион, три пати го освојуваше Купот на Италија, а пет пати Суперкупот на Италија. Како дел од италијанската репрезентација, фудбалерот стана победник на Европското првенство 2020 година.

Борн: Нема преговори за старосната граница за пензионирање

Тале Кристо — Sun, 29 Jan 2023 15:00:30 +0000

Француската премиерка Елизабет Борн денеска изјави дека планот на Владата за зголемување на старосната граница за пензионирање од 62 на 64 години „повеќе не е предмет на преговори“. Како што пренесуваат агенциите, изјавата на премиерката дополнително ги „налути“ противниците и синдикатите кои планираат нови масовни протести и штрајкови оваа недела. Зголемувањето на старосната граница за пензионирање е дел од поширокиот закон што го спроведува францускиот претседател Емануел Макрон во неговиот втор мандат. Нацрт-законот наиде на широк отпор во јавноста, така што повеќе од милион луѓе протестираа против него на почетокот на овој месец, а незадоволството е поттикнато и од тоа што не е јасно што тој ќе им донесе на француските работници. Борн рече дека за возраста за пензионирање „повеќе не може да се преговара“ и дека пензионирањето ќе биде на 64 години, а продолжувањето на бројот на години потребни за да се заработи целосна пензија е „компромис предложен по разговорите со работодавачите и синдикатите“. По нејзината изјава, нагло се зголеми бројот на потписи на онлајн петиција на синдикатот кој се бори против планот за пензионирање. Пратеникот Мануел Бомпард, чија партија „Непокорена Франција“ го предводи парламентарниот притисок против реформите, повика на „најголем можен одѕив“ на претстојните штрајкови и протести.

Во Франција штрајк поради предлогот за зголемување на старосната граница за пензионирање

Тале Кристо — Thu, 19 Jan 2023 11:41:42 +0000

Француските синдикати денеска почнаа штрајк против плановите на претседателот Емануел Макрон да ја зголеми старосната граница за пензионирање. Во новиот Предлог-закон што ќе помине низ Парламентот, ќе пишува дека вработените се пензионираат на 64 години, наместо на 62, колку што е сегашната граница. Градскиот и меѓуградскиот железнички сообраќај е речиси во застој, а многу училишта и други јавни служби се затворени. На аеродромот „Орли“ во Париз во просек се откажува еден од пет лета. Во париското метро само една од двете линии со автоматизирани локомотиви без возачи работи нормално. Се очекува неколку десетици илјади луѓе да се најдат на улиците на Париз, но и во другите градови низ Франција, каде ќе биде присутна и полицијата во случај да се појават ултралевичарски саботери. Според предлогот што претходно овој месец го претстави премиерката Елизабет Борн, од 2027 година луѓето ќе треба да имаат 43 години стаж за да добијат целосна пензија, наместо досегашните 42 години.

СЕ НАОЃА НА БАЛКАНОТ: Најдоброто место за живеење по пензионирањето

Ивона Петрова — Thu, 30 Dec 2021 12:00:18 +0000

Германското списание „Фокус“ го прогласи Требиње во БиХ за најдобро место на светот за живеење по пензионирањето. „Фокус“ ја направи ранг листата споредувајќи 575 градови во светот, а како критериум, меѓу другото, ја зеде безбедносната состојба и квалитетот на здравствената заштита според мислењето на странците кои живеат таму. Изборот на најдоброто место за живеење по пензионирањето ја зеде предвид и просечната кирија и трошоците за живот во споредба со Берлин, добрата клима, квалитетот на воздухот и колку брзо и без стрес можете да поминете низ градот со автомобил или јавен превоз. Според „Фокус“, Требиње освои 81,9 поени од вкупно 100, со што годинава од врвот е симнат минатогодишниот победник, грузискиот град Батуми. Најмногу поени се поврзани со кириите, трошоците за живот и здравствената заштита, а секоја земја се појавува на листата само еднаш со својот најдобар град. Требиње годинава забележа напредок од 1,1 поен. Германскиот магазин пишува дека Требиње се наоѓа во најјужниот дел на Босна и Херцеговина и e блиску до морето и дека тоа е најмалото место на оваа листа. „Фокус“ посочува дека градот е историски интересен со католичка катедрала, српски православен манастир и џамија кои ги илустрираат разликите. Меѓу десетте најдобри места за „златното доба“ по Требиње се Анталија во Турција, Мангалор во Индија, Чингдао во Кина, Куенка во Еквадор, Сорокаба во Бразил, Коимбра во Португалија, Великo Трново во Бугарија, Темишвар во Романија и Осиек во Хрватска.

Валентино Роси најави пензионирање

Тале Кристо — Fri, 06 Aug 2021 13:53:09 +0000

Еден од најдобрите возачи во историјата на мотоциклизмот, Италијанецот Валентино Роси (42) најави дека заминува во спортска пензија на крајот на оваа сезона. – Одлучив да се повлечам. За жал ја почнувам последната половина од сезоната како возач во Мото ГП. Тоа е тежок момент и поприлично тажен, изјави Роси на средба со новинарите спроти трката во Австриј а. – Следните години мојот живот ќе се промени. Беше тоа многу долго патување, но исполнето со многу забава, додаде летендарниот италијански мотоциклист, кој освои вкупно девет светски титули во сите категории и забележа 115 победи. Оваа сезона, меѓутоа, Роси е далеку од самиот врв со само еден пласман меѓу најдобрите десет возачи.

Мамба аут: Денот кога Коби Брајант го одигра последниот натпревар во НБА (ВИДЕО)

Магдалена Андонова — Tue, 13 Apr 2021 13:34:05 +0000

Трагично загинатиот ас во НБА Коби Брајант, замина во спортската „пензија“ во 2016 година на 13 април, кога го одигра последниот натпревар за Лејкерси. Лејкерси играа против Јуте Џез и победија со 110: 96, а Брајант постигна 60 поени на збогувањето. Во поголемиот дел од својата 20-годишна кариера, Брајант ја постави границата толку високо што само неколкумина можеа да го достигнат неговото ниво. За неговиот последен натпревар, бр. 1.346, Брајант ја постави лентата малку пониска.

Комисиската расправа за задолжително пензионирање на 64-годишна возраст презакажана за 18 ноември

Ивона Петрова — Fri, 13 Nov 2020 10:29:45 +0000

Собраниската Комисија за труд и социјална политика на која требаше да бидат разгледани измените и дополнувањата на Законот за работни односи кои треба да овозможат задолжително пензионирање на 64 години и 15 години стаж, а се поднесени од група пратеници, и денеска не се одржа. Седницата на комисијата е презакажана за 18 ноември. Комисиската расправа за овие законски измени првично беше закажана за вчера, а потоа презакажана за денеска. Според анализите што ги направило Министерството за труд и социјална политика, до крајот на годинава возрасната граница за пензионирање со 64 години ќе ја достигнат околу 6.000 лица. Но, како што појасснуваат од Министерството, тоа не значи дека согласно предложените законски измени сите тие ќе одат во пензија, бидејќи дел од нив веќе имаат побарано барање за продолжување на работниот однос. Со овие измени се предвидува прекинување на договорите за работа со 64 години возраст и 15 години пензиски стаж, доколку во друг закон не е поинаку регулирано. -Според нашите анализи бројката на вработени како од јавен, така и од реален сектор збирно до крајот на 2020 година околу 6.000 вработени ќе наполнат 64 години. Но, тоа не значи дека сите овие граѓани ќе одат во пензија. Дел од нив поднеле барање согласно актуелното законско решение до крајот на 31 август за продолжување на работниот век и после продолжување на наполнување 64 години, а кој се однесува на следната календарска 2021 година, велат од Министерството. Законските измени во собраниска процедура ги поднесоа пратеници од СДСМ, во координација со Министерството за труд и социјална политика. Овие законски измени се предложени за дневен ред на 21. собраниска седница.

Исланд на прво место за живот по пензионирање

Дарко Андоновски — Fri, 02 Oct 2020 08:45:06 +0000

Исланд е на првото место на ранг листата на најдобрите земји за живот по пензионирањето, пренесува Блумберг. Според студијата на француската инвестициска банка Натиксис, Швајцарија е на второ место, а Норвешка на трето. Во првите пет се и Ирска и Холандија. Авторите на студијата го оценуваа нивото на благосостојба и финансиска сигурност на пензионерите во 44 земји, користејќи 18 различни индикатори, групирани во четири категории: здравство, финансии, материјална благосостојба и квалитет на живот. Експертите потенцираат дека довербата во мирниот живот на пензионерите е загрозена од пандемијата, бидејќи се зголемија социјалните, економските и финансиските ризици, како и здравствената несигурност.

Од јануари задолжително пензионирање на лицата над 64 години

Магдалена Андонова — Mon, 31 Aug 2020 14:10:37 +0000

Од наредниот месец треба да почне процесот за донесување нов закон за пензионирање согласно кој во пензија ќе мора задолжително да одат сите лица со навршени 64 години. Исклучок од ова се здравствените работници – лекари и медицински персонал, како и кадри од областа на високото образование. Како што најави денеска премиерот Зоран Заев, законот треба да почне да се применува од јануари наредната година. Според податоците кои ги добил од МИОА во моментов има околу 10.300 лица кои се на возраст над 64 години, а се уште се во работен однос. -Вака ќе отвориме простор за младите и перспективни кадри кои навистина ќе може да движат напред. Законот е замислен да биде задолжително пензионирањето на 64 години, односно 62 години за жените флесибилно, освен за вработените во здравство лекари и медицински персонал и за високото образование. Секако ова ќе помне во конуслтатиции со синдикатите и коморите, да видиме што правиме со одредени дефицитарни струки за да се се создаде недостиг на кадри, рече Заев одговарајќи на новинарско прашање по средбата со стопанските комори. Тој исткна дека пензискиот систем е стабилен и оти може да ги апсорбира еввентуалните идни пензионери. – Ова е процес кој ќе биде отворен од септември, да има конечна примена од 1 јануари а конечните цели ќе биде двање шанси на младите кадри и тоа не само за јавната администрација, туку и за прватниот ектор. Ова исто така, ќе овозможи и да се намали јавната администрација,секако и конечно да се подобри квалитетот каде се работи, рече премиерот Заев. Тој истакна дека дефицитарни кадри и натаму ќе можат да се ангажираат, исто како што ќе може да се ангажираат и искусни советници доколку е тоа потребно. (МИА)

Шурле го објави своето пензионирање на 29 години

Дарко Андоновски — Fri, 17 Jul 2020 15:06:53 +0000

Поранешниот напаѓач на Борусија во Дортмунд, Андре Шурле, го објави крајот на својата играчка кариера, пренесува „Дер Шпигел“. Германскиот репрезентативец реши да ја заврши кариерата на 29 години. Шурле играше за Мајнц, Баер, Челзи, Волфсбург, Борусија Дортмунд и Фулам и е шампион на Англија, двократен победник на германскиот куп и Суперкупот на земјата. Заедно со германската репрезентација, напаѓачот стана Светски шампион во 2014 година и бронзен медалист на ЕП 2012 и ЕП 2016. Минатата сезона, Германецот играше за Спартак Москва. На негова сметка се два гола и четири асистенции на 18 натпревари за рускиот тим.