Пеп Гвардиола – Kurir.mk

Гвардиола го советува Јунајтед: Задржете го Тен Хаг, дајте му време

Ивона Петрова — Sun, 29 Oct 2023 15:36:10 +0000

Тренерот на Манчестер сити, Пеп Гвардиола, му дал совет на Манчестер јунајтед по лошиот старт на „црвените ѓаволи“ во Премиер лигата под водство тренерот Ерик тен Хаг. -Јунајтед може да победи пет или шест натпревари по ред и ако го направи тоа ќе биде на врвот на табелата. Оставете го тренерот на место, како што ми направија во мојата прва сезона во Манчестер сити кога не победувавме. Имавме 10 или 11 играчи над 30 години, па требаше да донесеме енергија, квалитет и инвестиции, како и сите тимови. Тогаш бев поддржан, а сега треба да го сторат истото со Тен Хаг. Дајте им време на тренерите и тие ќе дадат резултати, изјави Гвардиола за „Goal“. Тен Хаг го презема Манчестер јунајтед во април 2022 година. Во моментов тимот под негово водство се наоѓа на 8. место во поредокот на англискиот шампионат со 15 бода од 9 кола. Денес Манчестер јунајтед игра против тимот на Гвардиола.

Пеп и Сити подготвуваат удар за Клоп и Ливерпул

Бошко Тасиќ — Tue, 24 Oct 2023 03:57:18 +0000

Во Англија полека се подготвуваат за јануарскиот преоден рок, а се чини дека еден фудбалер би можел да биде во центарот на вниманието. Тоа е 20-годишниот играч за врска на Баерн, Џамал Мусиала. Веќе се знае дека Мусиала е голема желба на Јирген Клоп. Тој го сака младиот ас на „Енфилд“, но Баерн ги одби понудите ова лето. Сепак, Баварците би можеле да бидат под добар притисок оваа зима не само од Ливерпул. Во целата приказна се вклучи и Манчестер Сити, бидејќи и Пеп Гвардиола го сака овој млад фудбалер во своите редови. Така, Гвардиола би можел да му зададе уште еден удар на Клоп, но секако и Баерн мора да се праша. Медиумите од Англија пишуваат дека Сити е подготвен да понуди повеќе од моменталната вредност на Мусиала, која изнесува 110 милиони евра. Баерн има добра заштита, бидејќи Мусиала има договор со Баварците до летото 2026 година. Затоа, кој го сака германскиот репрезентативец во своите редови, ќе мора добро да ја отвори касата.

Гвардиола: Халанд ја заслужува Златната топка

Тале Кристо — Fri, 20 Oct 2023 16:09:15 +0000

Тренерот на Манчестер сити, Пеп Гвардиола, рече денеска дека играчот на неговиот тим Ерлинг Халанд заслужува да ја освои наградата Златна топка за најдобар фудбалер во 2023 година. Халанд оваа година постигна 52 голови на 53 натпревари и му помогна на Сити да ја освои тројната круна. Норвешкиот голгетер е меѓу 30 кандидати за престижната награда која ќе биде врачена на 30 октомври. „Халанд би требало да ја освои – да. Освоивме тројна круна, а тој постигна 50 голови“, изјави Гвардиола. За најголем фаворит за освојување на Златната топка се смета фудбалерот на Интер Мајами, Лионел Меси, кој со Аргентина ја освои светската титула на Мундијалот во Катар. Гвардиола, кој во минатото му беше тренер на Меси во Барселона, наведе дека Аргентинецот заслужува индивидуална категорија, кога е во прашање Златната топка. „Златната топка мора да биде од два дела. Една за Меси, а другата за останатите. Најлошата сезона за Меси, е најдобра за другите“, наведе Гвардиола.

Гвардиола фасциниран: Ваков играч не сум имал досега!

Ристе Здравков — Thu, 05 Oct 2023 08:42:54 +0000

Пеп Гвардиола беше задоволен од победата на Манчестер сити кај Лајпциг со 3-1, секако, но издвои индивидуални пофалби за еден од младите фудбалери на Сити, кој доби шанса - Рико Луис. Станува збор за 18-годишно момче од школата на Сити, кое добиваше малку шанси да игра, главно од клупата, но синоќа во Германија беше стартер. Тој игра претежно како десен бек, во задната линија, но вчера Гвардиола го стави во улога на последен играч за врска и се фасцинира од него. „Каков играч! Како играч! Има 18 години. Јас сум тренер 15 години, сум тренирал неверојатни фудбалери, но да најдам играч како него... како се движи простор... уоу. Тој е еден од најдобрите кои сум ги тренирал досега“, изјави Пеп. Луис досега се појави само на три меча во Премиерлигата со вкупно 79 минути, а одигра 90 во Лига Купот, каде што Манчестер С. загуби од Њукасл со 1-0.

Гвардиола го надмина Фергусон по победи во натпреварите од ЛШ

Тале Кристо — Thu, 05 Oct 2023 06:23:17 +0000

Тренерот на Манчестер сити, Пеп Гвардиола го надмина легендарниот Алекс Фергусон по бројот на победи во натпреварите од Лигата на шампионите. Синоќа Манчестер сити го совлада Лајпциг (3:1) во натпреварот од 2. коло од групната фаза на Лигата на шампионите. По овој меч, Пеп Гвардиола, кој претходно работеше со Барселона и Баерн, стигна до 103 победи во натпреварите од Лигата на шампионите, надминувајќи го Алекс Фергусон (102 победи на 190 натпревари). На Гвардиола му беа потребни 161 натпревар за да ја достигне оваа граница. Лидер по бројот на победи во Лигата на шампионите е тренерот на Реал Мадрид, Карло Анчелоти - 109 (на 193 натпревари). Во топ 5 се и Арсен Венгер (82 на 178 меча) и Жозе Мурињо (77 на 145 меча).

Гвардиола за двата пораза по ред: Ова се случува, понекогаш губиме во текот на сезоната

Тале Кристо — Mon, 02 Oct 2023 08:33:38 +0000

Тренерот на Манчестер сити, Пеп Гвардиола не е загрижен за двата пораз во низ ана неговиот тим. „Граѓаните“ загубија од Њукасл (0:1) во натпреварот од англискиот Лига куп и од Вулверхемптон (1:2) во Премиер лигата. - Ова се случува - понекогаш губиме натпревари во текот на сезоната. Би рекол дека не губиме толку често, но тоа се случува, па сега само ќе закрепнеме од тоа, внимателно ќе анализираме што се случи. Покрај тоа, играчите кои недостасуваат ќе се вратат наскоро, изјави Гвардиола, цитиран од„ Beanyman Sports“. Манчестер Сити е на првото место во Премиер лигата со 18 бодови. Во следното коло Граѓаните ќе играат на гости со Арсенал. Средбата ќе се одржи на 8 октомври. Претходно, избраниците на Гвардиола на 4 октомври ќе играат против Лајпциг во 2. коло од групната фаза на Лигата на шампионите.

Гвардиола не е разочаран по елиминацијата на Сити од Лига купот

Ивона Петрова — Thu, 28 Sep 2023 06:44:38 +0000

Тренерот на Манчестер сити, Пеп Гвардиола не е вознемирен по елиминацијата на „Граѓаните“ од Лига купот. Манчестер сити синоќа загуби на гости од Њукасл со 1:0 и не успеа да се пласира во осминафиналето на ЕФЛ. - Дали мислите дека нашите цели беа четири титули. Тројна круна е повеќе од задоволителна за нас, изјави главниот тренер на Манчестер сити. „Граѓаните“ трет пат по ред не стигнаа ниту до полуфиналето на ова натпреварување. Минатата сезона, најуспешна во историјата на клубот, Манчестер сити ј аосвои Премиер лигата, Лигата на шампионите и ФА купот.

Гвардиола: Јас смеам да добијам црвен картон, Родри не

Бошко Тасиќ — Sun, 24 Sep 2023 05:34:45 +0000

По победата на Манчестер Сити од 2-0 над Нотингем Форест, Пеп Гвардиола најмногу зборуваше за црвениот картон што Родри го доби на стартот од вториот дел. Шпанскиот стратег упати критики до еден од неговите најважни играчи, кој го фати Гибс Вајт за врат и поради тоа автоматски беше исклучен.

„На полувремето им реков на играчите да бидат мирни и практично штом влеговме на теренот, Родри направи нешто глупаво. Можам да си дозволам јас да добијам картон, бидејќи не сум на теренот, тој не може. Мора да се контролира, без разлика на провокациите“, изјави Гвардиола.

Tренерот на Ѕвезда откри што разговарале со Пеп после натпреварот

Ристе Здравков — Wed, 20 Sep 2023 06:19:14 +0000

Вниманието на српските медиуми и навивачите на Црвена Ѕвезда го привлече тоа што по натпреварот Манчестер Сити – Звезда (3:1) во првото коло од Лигата на шампионите, тренерот на гостите Барак Бахар долго разговараше со Пеп Гвардиола. „По мечот зборувавме за добри ресторани во Манчестер, а потоа за вино во Белград, да пиеме добро вино во главниот град на Србија“, откри израелскиот стручњак.

Гвардиола на операција, Манчестер Сити без него во наредните натпревари

Ристе Здравков — Tue, 22 Aug 2023 12:50:43 +0000

Шпанскиот стратег Пеп Гвардиола бил подложен на рутинска операција во Барселона со цел да се ослободи од болки во грбот. Актуелниот англиски шампион објави дека Гвардиола имал успешна операција која била изведена во Барселона. Пеп ќе остане во Каталонија за подобра рехабилитација по оперативниот зафат. Поради тоа Манчестер Сити ќе биде без него на клупата во наредниот период, а тимот ќе го води Хунма Лињо, така ќе биде се до враќањето на Пеп. Според најавите Гвардиола на клупата би требало да се врати по репрезентативната пауза, односно некаде кон средината на септември.