Пеп Марија Бартомеу – Kurir.mk

Бартомеу останува на кормилото на Барселона

Магдалена Андонова — Mon, 26 Oct 2020 21:27:37 +0000

Пеп Марија Бартомеу, претседателот на Барселона, одлучи да не поднесе оставка пред истекот на мандатот, иако е под притисок на лоши резултати и војната со Лионел Меси. Бартомеу најави дека ќе го чека резултатот од гласањето за доверба на него и на бордот на директори, кој е закажан за 1 и 2 ноември, и сигурно е дека после тоа ќе мора да ја напушти функцијата претседател. Шпанските медиуми, исто така, напишаа дека првиот човек на Барселона веќе се обратил до каталонската влада, барајќи да се одложи референдумот за недоверба поради пандемијата на коронавирус, а доколку одговорот биде негативен, Бартомеу би можел да го напушти клубот во понеделник. Официјално, мандатот на Бартомеу трае до март следната година, кога треба да се одржат избори. Сепак, работите ескалираа во последната година, бидејќи тој и Ерик Абидал влегоа во отворен конфликт со играчи за многу прашања, вклучувајќи намалување на платите, а имаше и криза кога Лионел Меси објави дека сака да замине од клубот. (МИА)

Бартомеу по катастрофалниот пораз од Баерн: Веќе донесовме некои одлуки

Тале Кристо — Sat, 15 Aug 2020 09:01:00 +0000

Претседателот на Барселона, Пеп Марија Бартомеу најави промени во клубот по поразот од Баерн во четвртфиналето од Лигата на шампионите. Каталонскиот тим претрпе тежок пораз од минхенскиот гигант во борбата за полуфиналето на елитното натпреварување. Баерн славеше со убедливи 8:2. – Беше тешка ноќ. Жал ми е за навивачите, играчите, сите … Ние не бевме на ниво, можам само да се извинам. Има веќе донесени одлуки, други ќе ги донесеме во наредните неколку дена. Ние ќе објавиме сè следната недела, кога ситуацијата ќе се смири. Сега е време да сумираме сè. Ова е разочарувачки резултат, изјави Бартомеу по мечот. Фудбалската јавност очекува тренерот Кике Сетиен да биде отпуштен од работа. – Не сакам да разговарам за тренерот. Како што реков претходно, многу решенија се веќе донесени пред продолжението на Лигата на шампионите, но сега не е време да разговараме за нив, додаде шефот. Тимот од „Ноу Камп“ ја заврши сезоната без ниту еден трофеј.

Бартомеу: Меси ќе ја заврши кариерата во Барса за 3-4 години

Магдалена Андонова — Thu, 06 Aug 2020 14:23:43 +0000

Претседателот на Барселона, Пеп Марија Бартомеу уште еднаш изрази уверување дека големата sвезда на Каталонците Лионел Меси ќе ја заврши кариерата на „Камп Ноу“. Според него, ова ќе се случи во наредните 3-4 години. Во последните неколку месеци, Аргентинецот веќе неколку пати јавно изрази незадоволство од некои чекори преземени од раководството. И ова веднаш предизвика шпекулации за неговото заминување. Тековниот договор на Меси е до летото 2021 година, но минатиот месец Бартомеу објави дека се очекува повторно да се потпише многу брзо. – Не сум само јас што го тврдам тоа. Самиот Меси исто така неколкупати најави дека сака да стави крај на својата професионална кариера во Барселона и ова е единствениот клуб за него. Не се сомневам дека кога ќе ја заврши кариерата – за 3-4 години, тоа ќе биде во Барселона. Меси беше сосема јасен. Тој е овде уште од дете. Тој знае како е да се носат овие бои и да бидат дел од историјата на клубот, изјави Бартомеу за „БеИН Спортс“. (MИА)

Бартомеу: Сетиен ќе го предводи тимот во Лигата на шампионите следната сезона

Магдалена Андонова — Mon, 13 Jul 2020 18:41:30 +0000

Тренерот Кике Сетиен ќе биде на клупата на Барселона и следната сезона, изјави првиот човек на каталонскиот клуб, Пеп Марија Бартомеу. – Сетиен ќе го предводи тимот во Лигата на шампионите. Неговата намера е да остане тренер и следната сезона, а наша обврска е да се држиме до потпишаниот договор, изјави Бартомеу за шпанските медиуми. Сетиен го замени Ернесто Валверде на клупата на Барселона во јануари, но игрите и резултатите на тимот не ги исполнија очекувањата на навивачите. Барселона моментно е на втората позиција на табелата со еден бод помалку од најголемиот ривал, Реал Мадрид, кој има натпревар помалку, додека Каталонците во Лигата на шампионите очекуваат реванш од осминафиналето против Наполи.(МИА)

Претседателот на Барселона веќе го избрал заменикот на Валверде

Ивона Петрова — Fri, 10 Jan 2020 10:45:00 +0000

Претседателот на Барселона, Пеп Марија Бартомеу веќе одлучи кој е вистинскиот кандидат да го замени Ернесто Валверде како шеф на тимот. Бартомеу сака следната сезона тимот да го води актуелниот холандски тренер Роналд Куман. Минатата недела тој зборуваше повторно за можното разрешување на 55-годишниот шпански ментор. Барселона забележа реми 2-2 во градското дерби против Еспањол, а синоќа дозволи пораз од 2-3 против Атлетико Мадрид во полуфиналниот натпревар од шпанскиот Суперкуп. Во последните неколку месеци се шпекулира за различни имиња за тренерската позиција на „Камп Ноу“, но сега Бартомеу се чини дека се одлучи за Роналд Куман. Привлекувањето на Холанѓанецот во Барселона, сепак, нема да биде лесна задача, бидејќи Куман има договор со холандската репрезентација, откако претстои да го води тимот на Евро 2020.