Пепе Реина – Kurir.mk

Реина објасни зошто решил да му се придружи на Лацио

Дарко Андоновски — Fri, 28 Aug 2020 11:57:40 +0000

Голманот на Лацио, Пепе Реина ги сподели своите впечатоци за преселбата во римскиот клуб. – Го одбрав Лацио затоа што тие се важна компонента на нашиот фудбал. Ова е проект кој продолжува да расте со цел да освои нешто важно. Тимот работи заедно долго време, има автоматизам што треба да се искористи. Ние мора да бидеме подготвени на сè. Сакаме да направиме добро на секое натпреварување во кое учествуваме, вели Реина за „Style Challenge“. Триесет и седумгодишниот Шпанец се пресели во Лацио од Милан како слободен агент. Минатата сезона Реина ја помина на позајмица во Астон Вила, прими 20 гола на 12 натпревари во Премиер лигата.

Реина може да потпише двегодишен договор со Лацио

Магдалена Андонова — Sun, 23 Aug 2020 15:33:42 +0000

Голманот Пепе Реина наскоро ќе стане играч на Лацио, тврди „Скај Спорт Италија“. Голманот, кој на 31 август наполни 38 години, ќе потпише двегодишен договор со римјаните во понеделник или вторник. Реина е член на Милан, а неговиот договор со „росонерите“ е со важност до летото 2021 година. Изминатата сезона Реина ја мина на позајмица во Астон Вила. (MИА)

Реина сака да оди во ПСЖ

Дарко Андоновски — Thu, 14 May 2020 08:37:14 +0000

Шпанскиот голман Пепе Реина сака кариерата да ја продолжи во Пари Сен-Жермен. Според „Фут Меркато“, 37-годишниот Шпанец е подготвен да стане втор избор во тимот од Париз. Претходно се појавија информации дека Милан е подготвен да се раздели од Реина со цел да се растоварат трошоците за плата. Неговата плата сега е три милиони евра годишно. Од јануари, Реина е на позајмица за Астон Вила. На шест натпревари од шампионатот на Англија, Реина прими 13 голови.

Шпанскиот голман кој имаше коронавирус симптомите ги спореди со удар од камион

Дарко Андоновски — Tue, 24 Mar 2020 19:11:32 +0000

Шпанскиот голман Пепе Реина, како што самиот призна, имал симптоми на коронавирус, а во разговор за радио „Кадена Сер“ и ги опиша какви биле. -Ги имав сите симптоми – сува кашлица, температура и отежнато дишење. Се чувствував како да ме удрил камион, рече Реина. Шпанецот кој е на позајмица од Милан во Астин Вила истакна дека постапил одговорно во ситуацијата и ги презел сите мерки на самоизолација. -Бев одвоен од семејството, се изолирав во целост. Сега се чувствувам подобро, но тоа искуство беше навистина тешко. Не ми е важно кога ќе продолжи да се игра фудбал. Ова е тешко време и ние фудбвалерите немаме право да се жалиме. Ги имаме сите услови да останеме дома, а вистински херои се оние кои живеат во 70 квадрати со три деца и се соочуваат со финансиски проблеми“, додаде Реина.

Сериозни обвинувања: Реина и Канаваро соработувале со мафијата?

Даниел Василев — Tue, 22 May 2018 07:27:09 +0000

Шпанскиот голман Пепе Реина е еден од тројцата сегашни и бивши играчи на Наполи кои се обвинети дека имаат врски со мафијашката организација Комора. Реина е повикан на сослушување во Фудбалскиот сојуз на Италија заедно со Паоло Канаваро и Салваторе Ароника поради врски со браќата Габриел, Франческо и Џезепе Еспосто. Реина на крајот на сезоната ќе го напушти Наполи и ќе оди во Милан, а италијанските медиуми наведуваат дека ова е еден од причините поради кои Наполи се одлучи да не го продолжи договорот со пораншениот голман на Ливерпул. Покрај играчите, обвинети се и неколку клубови – Наполи, Сасуоло и Палермо. Канаваро играше за Наполи во два наврати, а минатата година во дресот на Сасуоло ја заврши кариерата. Ароника, исто така, помина неколку години во Наполи пред да премине во Палермо во 2013. година.

Милан го чека Реина на прегледи

Ивона Петрова — Mon, 12 Mar 2018 15:57:51 +0000

Голманот на Наполи, Пепе Реина, денеска ќе замине на прегледи во Милан. Според „Скај Спорт Италија“, Шпанецот ќе ја помине првата фаза од тестовите и неговиот договор со „росонерите“ ќе следи веднаш потоа. Шпанецот ќе стане слободен агент на крајот од сезоната, бидејќи има договор со Наполи за уште 6 месеци. Сепак, не е јасно дали Реина (34) сака да биде резерва на Џанлуиџи Донарума. Исто така, не недостасуваат гласини за трансфер на младото момче. За волја на вистината, пред неколку години Реина одигра слична улога во Баерн Минхен, каде што апсолутен бр.1 беше Мануел Ноер.