пепел – Kurir.mk

ВИДЕО: Вулканот Мерапи исфрла пепел и гас

Ивона Петрова — Tue, 14 Mar 2023 08:32:56 +0000

Мерапи, еден од најактивните вулкани во Индонезија, денеска исфрли врели облаци од пепел и гас, кои се протегаат два километри по неговата падина, јави ДПА. Според Центарот за вулканологија и ублажување на геолошките опасности, владина агенција која ја следи вулканската активност, ерупцијата траела 160 секунди, испраќајќи врели вулкански остатоци долж реката Красак. Нема информации за жртви или штети, но агенцијата ги предупреди жителите и туристите да се држат подалеку од опасната зона во радиус од 5 километри од врвот. Мерапи, што значи „Огнена планина“ на јавански, се наоѓа на границата со провинциите Централна Јава и покраината Јогјакарта, на околу 400 километри југоисточно од главниот град Џакарта. Вулканот еруптира со прекини од 2020 година, принудувајќи илјадници луѓе да ги напуштат своите домови. Последната голема ерупција на планината Мерапи се случи во 2010 година, кога загинаа повеќе од 350 луѓе, а околу 400.000 други беа раселени.

Не ја фрлајте пепелта ако се греете на дрва, дознајте колку таа може да ви биде корисна

Ивана Ефремовски — Wed, 23 Nov 2022 13:24:16 +0000

Пепелта од огревното дрво е многу корисна работа, која може да се употребува на разни начини. Земјоделците сигурно знаат дека пепелта може да биде одличен додаток на земјата, па често ја користат за прихранување на почвата, како и заради зголемувањето на нејзината киселост. Особено е погодна за растенија кои бараат повеќе калциум како доматот, спанаќот, белиот лук, но и розите. При садењето на овие растенија, добро е да додадете четвртина шолја од дрвена пепел во земјата. Исто така, доколку измешате пепел со вода и ја оставите таа мешавина да отстои неколку дена, после цедењето можете да ја употребувате како одлично средство за чистење подови и сребрени работи, но и за дамки од ᾽рѓа на мермерни површини. Со погуста смеса од пепел и вода, во вид на паста, можете да ги исчистите и дамките од мебелот. Пепелта ефикасно ги отстранува и непријатните миризби од домот, но и од фрижидерот, а дејствува слично како и белата киселина, која се користи за неутрализирање на миризби од мувлосани прехранбени производи. Определени штетници, како полжавите и разни инсекти, не ја поднесуваат пепелта, па лесно ќе се ослободите од нив со ова средство. Ова важи и за мравките. Корисно е и во визбата да ставите во секое ќоше по малку пепел, како заштита од глувци, бубашваби и други штетници.

НАШИТЕ БАБИ НЕ ЈА ФРЛАЛЕ ПЕПЕЛТА Не знаете колку може да биде корисна!

Ристе Здравков — Tue, 25 Oct 2022 15:37:17 +0000

Пепелта добро ги отстранува непријатните мириси во станот и во фрижидерот, а делува слично како и оцетот што го оставате да ја „отстрани“ аромата на некоја застоена храна. Кога дрвото ќе согори, многу луѓе веднаш ја фрлаат пепелта од шпоретот/печката, несфаќајќи колку всушност може да биде корисна во домаќинството. Земјоделците многу добро знаат колку пепелта од дрво може да биде добра за почвата, па често ја користат како ѓубриво и за зголемување на киселоста на почвата. Посебно е добра за растенијата кои сакаат калциум, како што се доматите, спанаќот, лукот и розите. Пред да ги засадите овие растенија, додадете четвртина чаша пепел од дрво во почвата. Исто така, кога ќе ја измешате пепелат со вода и ќе ја оставите да отстои неколку дена, а потоа ќе ја процедите, имате одлично средство за чистење. Одлично е за чистење облека, подови, сребрени садови, ‘рѓа од мермерни површини. Малку погуста верзија на пепел и вода во форма на паста може да ги отстрани дамките од мебелот. Исто така, сапунот од оваа течност е одличен за оние со мрсна коса. Пепелта добро ги отстранува непријатните мириси во станот, но и во фрижидерот, а делува слично како и оцетот што го оставате да ја „отстрани“ аромата на некоја застоена храна. Одредени штетници, како што се полжавите и разните инсекти, не поднесуваат пепел, па многу лесно ќе се ослободите од нив со помош на овој „отпад“. Истото важи и за мравките – посипете го мравјалникот со пепел и мравките веднаш ќе си заминат. Корисно е да посипете малку пепел во аглите на подрумот, бидејќи на тој начин ќе ги избркате глувците, бубашвабите и другите штетници. Пепелта исто така може да помогне во чистењето на вашите миленици од болви. Направете паста од пепел и оцет и намачкајте ги вашите животни. Сметајте дека ќе мора да ги капете по овој третман.

Етна повторно се активира: Од кратерот излегуваат лава, чад и пепел

Ивана Ефремовски — Mon, 05 Jul 2021 13:41:00 +0000

Повторно е активиран вулканот Етна, на јужниот италијански остров Сицилија, па вистинска „фонтана од лава“ се спушта на од неговата југо-источна страна, пренесуваат италијанскиите медиуми. На последната ерупција и претходеа неколку силни експлозии што се слушнаа далеку, додека од кратерот почна да излегува чад, а околните места набрзо беа прекриени со вулканска пепел. И покрај густиот чад и пепел, засега не е прекинат воздушниот сообраќај на аеродромот во Катанија, во централниот дел на Сицилија. Според Националниот институт за геофизика, изворот на лавата се наоѓа на 3.000 метри надморска височина. (МИА)

ВИДЕО: Се разбуди вулканот Етна, еруптира лава и пепел

Ивона Петрова — Wed, 20 Jan 2021 06:55:05 +0000

Се разбуди најголемиот и највисок активен вулкан во Европа, Етна, објавија италијанските медиуми. Лавата од Етна еруптираше во два крака, по што првата се упати кон долината Бове, а втората се излеа во северниот дел на кратерот на вулканот. Ерупцијата на лавата, проследена со облак пепел, кој достигна висина од неколку стотици метри, беше спектакуларна, изјавија очевидци, пишува британски Експрес. Вулканската пепел ги покри автомобилите во селата на Сицилија, откако југоисточниот кратер на вулканот исфрли вжарена лава. Локалните власти известија дека црн пепел е пронајден и на места на дваесетина километри од Етна. Ерупцијата беше видлива и од градот Таормина, оддалечен педесетина километри. Експрес потсетува дека на Бадник 2018 година, поради ерупцијата на Етна, во прекин беше воздушниот сообраќај, и дека четири дена после тоа, земјотрес со јачина од 4,9 степени, со епицентар во близина на градот Катанија, го потресе островот. Тогаш, четири лица беа повредени, а неколку згради беа оштетени. Првиот запишан доказ за ерупцијата на Етна, вулкан висок 3.300 метри, датира од 425 година п.н.е., и иако ерупциите се чести, тие ретко предизвикуваат голема штета.

Вулкан на Алеутските острови исфрли пепел

Дарко Андоновски — Sat, 04 Jan 2020 08:18:12 +0000

Вулканот Шишалдин на Алеутските острови денеска исфрли пепел во висина на околу седум километри, соопшти Опсерваторијата за вулкани на Aлјаска. Вулканот се наоѓа на околу илјада километри југозападно од Енкориџ, на островот Унимак, најголем на Алеутите, кој припаѓа на Алјаска. На падините е селото Фолс Пас, во кое живеат 40 луѓе. Научникот од Универзитетот во Алјаска, Дејвид Фи рече дека облакот од пепел исфрлен од вулканот не претставува опасност за селото. Ерупцијата на вулканот Шишалдин, висок 2.857 метри, ја снимиле сателити и неколку пилоти, а Националната метеоролошка служба издаде предупредување за летови над 7.300 метри, поради лошата видливост.

Ако се греете на дрва не ја фрлајте пепелта, многу е корисна: Дознајте што можете да правите со неа

Дарко Андоновски — Wed, 12 Dec 2018 14:51:17 +0000

Ако се греете на дрва, не ја фрлајте пепелта: Многу е корисна, дознајте што можете да правите со неа

Ивана Ефремовски — Tue, 11 Dec 2018 18:42:44 +0000