пепси – Kurir.mk

Пепси загуби околу 500 милиони долари поради ситуацијата во Украина

Катерина Бојаџиева — Tue, 26 Apr 2022 18:41:37 +0000

Американскиот производител на пијалаци Пепси (PepsiCo) загуби околу 500 милиони долари во Русија и во Украина поради руската инвазија, објави Фајненшл тајмс, повикувајќи се на претставници на компанијата. Компанијата ги информира своите инвеститори дека изгубила околу 241 милион долари како резултат на падот на вредноста на своите брендови и уште 241 милион долари поради принудниот отпис на доспеаните износи и падот на вредноста на резерви во регионот. Во март Пепси соопшти дека ги стопира продажбата на пијалаци, инвестициите и рекламирањето во Русија.

Леброн потпиша договор со „Пепси“ по 17 години партнерство со „Кока-Кола“

Дарко Андоновски — Thu, 18 Mar 2021 13:03:51 +0000

Првата ѕвезда на Лос Анџелес лејкерс, Леброн Џејмс, во средата официјално потпиша партнерство со „PepsiCo“. Претходните 17 години, еден од најдобрите кошаркари во историјата на НБА, беше заштитно лице на ривалскиот бренд „Coca-Cola“. Договорот заврши во септември минатата година кога страните не успеаја да се договорат за продолжување на соработката. Џејмс активно ќе ја промовира новата линија на пијалакот планинска роса наречена „MTN DEW RISE“. Марката е еден од главните спонзори на НБА откако „Пепсико“ стана партнер во лигата во 2015 година. – Ми раскажаа за овој пијалак – секој ден ќе даде можност на секој од нас да се крене. Тоа ми се допадна, изјави четирикратниот МВП на НБА-лигата. Џејмс ќе рекламира и други производи на „ПепсиКо“.

Леброн Џејмс ја замени „Кола-кола“ со „Пепси“

Магдалена Андонова — Sat, 16 Jan 2021 14:47:22 +0000

Американската кошаркарска суперѕвезда Леброн Џејмс ја прекина соработката со „Кока-кола“ по цели 17 години и станува ново заштитно лице на конкурентската компанија „Пепси“. Џејмс соработуваше со американската компанија „Кока – кола“ од своето доаѓање во НБА лигата во 2003 година, но одлучи да не го продолжи договорот што истече минатиот месец. Повеќе американски медиуми објавија дека кошаркарот на Лос Анџелес лејкерс договорил рекламирање на новиот енергетски напиток „Рајс енерџи“ (Rise Energy) на конкурентската компанија „Пепси“, додавајќи оти би можел да стане и нејзино заштитно лице. Се проценува дека Џејмс годишно од спонзорски договори заработува 60 милиони долари, со што го дели второто место на листата најплатени спортисти во светот, со голферот Тајгер Вудс. Најплатен светски спортист е швајцарскиот тенисер Роџер Федерер, чија годишна заработка од реклами се проценува на 100 милиони долари. (МИА)

МАКЕДОНИЈА- ОДБЕРИ ГО ТВОЈОТ ВКУС!

Катерина Бојаџиева — Mon, 08 Jul 2019 06:29:50 +0000

2019-та ја одбележува 40-годишнината на Пепси во Македонија. Оваа година, за прв пат во нашата земја ќе се организира PEPSI TASTE CHALLENGE. Pepsi Taste Challenge е една од најдолготрајните кампањи во светот. Започнува во 1975 година и претставува промоција преку тест на слепо, во која обичните луѓе ќе го одберат вкусот кој го преферираат пробувајќи од две чаши, едната наполнета со Пепси, а другата со најголемиот конкурентен кола пијалок. По пробувањето на двата пијалока, испитаниците одлучуваат кој вкус повеќе им се допаѓа! Интересно, Македонија е една од земјите во кои брендот Пепси е најзадоволен од производството. Можеби звучи неверојатно, но во градот под Марковите Кули се наоѓа еден од најнаградуваните регионални франшизни партнери на ПепсиКо. Тоа е сопственикот на лиценцата за полнење на Пепси во Македонија, Прилепска Пиварница, која во последните 8 години има добиено 7 од највисоките признанија во групацијата, меѓу кои и Chairman’s Circle of Champions за врвни перформанси во работењето. Награда која е толку ретка, што Прилепска Пиварница беше единствената фабрика во Европа која ја доби таа година и дел од само 0.25% од Пепси производителите во целиот свет. Значи, оваа година Pepsi Taste Challenge се организира за прв пат во Македонија. Ова лето, тимовите на Пепси ќе бидат присутни низ цела Македонија, претежно на места поврзани со забава и добро расположение како паркови, плажи, концерти, фестивали... Секој што ќе се најде на овие предизвици ќе има уникатна шанса да го ОДБЕРЕ СВОЈОТ ВКУС. Предизвикот започнува со тоа што посетителот добива две чаши, една е наполнета со Пепси, а друга со најпродаваниот кола пијалок. Посетителот одбира кој од двата вкуса повеќе му се допаѓа, по што следи најинтересниот момент, откривање дали всушност го одбрал Пепси или најголемиот конкурент. Звучи интересно, нели? Следи ги Пепси на фесјбук и инстаграм и ова лето, ОДБЕРИ ГО ТВОЈОТ ВКУС!

Почна наградната игра на Пепси: Секој ден 40.000 денари, на 1-ви јули дури 400.000 денари!

Ивана Ефремовски — Wed, 29 May 2019 05:44:08 +0000

Пепси означи почеток на нова, исклучително атрактивна наградна игра. Се што треба да направиш е да купиш било кое Пепси пакување и да одиш на www.40.pepsi.com.mk. Таму ќе го впишеш кодот од фискалната сметка заедно со датумот и часот на купување, а она што ќе преостане е да се освежиш со одличниот Пепси вкус и да ја чекаш својата награда. А наградите богами, се навистина примамливи. Почнувајќи од 1-ви јуни, ќе има по едно извлекување на 40.000 денари секој ден во месецот. Големото финале ќе дојде на 1-ви јули кога со извлекување во живо ќе се додели наградата од 400.000 денари! Но, што се крие зад 40-ката која се појавува секаде? Верувале или не, годинава се бележат точно 40 години од договорот со кој во Македонија пристигна еден од најголемите светски брендови. Во 1979-та, Прилепска Пиварница и PepsiCo ставија потпис на договорот кој е важечки до ден денеска, правејќи го еден од најдолготрајните активни франшизни договори на американскиот гигант било каде во светот, нешто на кое Македонија може да биде исклучително горда. Во тие години Прилепска Пиварница се закити со десетици врвни одличја за квалитет од PepsiCo и се докажа како еден од најуспешните соработници на компанијата во светски рамки. Круната на оваа соработка дојде во 2014-та година, кога PepsiCo одлучи да и ја додели на Прилепска Пиварница најголемата можна награда - Chairman’s Circle of Champions, награда која ја добија само 0.25% PepsiCo производители во светот... Прилепска Пиварница планира повеќе активности во склоп на прославата на 40 годишнината, а за македонските фанови на Пепси ја подготви оваа наградна игра во која учествуваат сите Пепси пијалоци, без разлика дали се купени во супермаркет, ресторан или кафуле. Затоа без губење време, трк до најблиското Пепси место, уживај во одличниот освежувачки вкус и освој топ парични награди.