Перица Голомеиќ – Kurir.mk

ТУК: На протест бараме спас за сите во секторот, остануваме на улица до исполнување на барањата

Ивона Петрова — Mon, 19 Apr 2021 10:41:03 +0000

Туристичко-угостителскиот сектор се наоѓа во исклучително тешка положба, а за негов спас е потребна сериозна и континуирана финансиска помош каква што не е обезбедена до сега. -Поради тоа утре 20.04.2021 година излегуваме на протест, точно на пладне пред Министерството за финансии, онаму од каде се управува со парите во државната каса и од каде најдобро треба да знаат колку помошта ни е потребна. Со протестот сакаме јавно да го покажеме незадоволството од ситуацијата во која се наоѓаме, но и гласно и јасно да предупредиме дека уништувањето на овој сектор треба да се гледа и низ призмата на загуба на сериозна бројка на работни места, како и затворање на многу деловни субјекти од кои егзистираат цели семејства, истакнаа на денешната прес-конференција претставниците на Туристичко-угостителскиот сектор. -Повеќе од една година чекавме надлежните институции да научат и да отпочнат добро да ја менаџираат корона кризата и да ги разберат нашите барања за поддршка на нашето „преживување”. Наместо тоа, навлегуваме во втора година, во која здравствената криза е полоша во однос на претходната, а полоша е и состојбата во која се наоѓа туристичко-угостителскиот секторот. Се поголем број на претпријатија се затвораат, а вработените остануваат без извор за егзистенција во време на криза и пандемија. Нема време за чекање, поддршка е потребна сега и веднаш за сите, затоа излегуваме на протест на кој ќе останеме се до исполнување на нашите барања. Поддршка ни дадоа сите оние кои на директен или индиректен начин се засегнати со состојбата, оние кои ја сфаќаат безизлезната ситуација во која се наоѓаме, изјави Перица Голомеиќ, од Туристичко-угостителската комора. Во организацијата на протестот се вклучени околу 6.000 правни субјекти од туристичко-угостителскиот сектор, најмногу угостителски објекти и туристички агенции од Туристичко угостителската комора, но поддршка има и од игротеките од Групацијата на забавни и рекреативни дејности, Асоцијацијата на туристички водичи, Движењето за социјална правда ,,Обединети работници" и многу други. За спас на угостителските дејности се бара еднократна финансиска помош за сите регистрирани угостителските објекти поделени во 3 категории врз основа на бројот на вработени во 2020 година, еднократна финансиска помош за регистрираните угостителски објекти на кои повеќе од една година им е забранета примарната дејност со уредба на Влада и кои со месеци немаат никаква помош како и утврдување на мораториум или репрограмирање со грејс период на кредитите од комерцијалните банки и кредитите од Развојната банка, се додека не ни дозволи Владата да работиме без рестрикции за нашиот сектор. Туристичките агенции истакнаа барања за еднократна неповратна финансиска помош како и продолжување на рокот на туристичките ваучери кои граѓаните не ги искористија до крајот на 2022 година, а ваучерите од владината мерка „Дома си е дома" да се реализираат исклучиво преку туристичките агенции за да можат да бидат опфатени хотелите, агенциите, водичите и превозниците.

Голомеиќ: Угостителите се единствени на кои им е забранета примарната дејност од првиот ден на пандемијата, од Владата не наидовме на слух

Магдалена Андонова — Fri, 19 Feb 2021 13:22:34 +0000

Денес сме на протест организиран од страна на Рестораните за организирани настани и ноќните клубови со цел да изразиме незадоволство од 5тиот пакет мерки во кој сме целосно заборавени и заедно со останатите комплементарни дејности - музичари, фотографи, студија за декорации, слаткарници, цвеќарници, шминкери и модни дизајнери, да испратиме апел до Владата, изјави на денешниот протест на угостителите во населбата Автокоманда, Перица Голомеиќ, сопственик на ресторанот Рагуза360. - Премиерот Заев, презентирајќи го 5тиот пакет мерки, во мерката број 8 презентираше помош во износ од 1,3 милиони евра за транспортни компании за патници кои имаат 50% пад од ланскиот промет затоа што како што кажа – го парафразирам, државата директно ја ограничи со мерки нивната дејност и работење. Па зарем кај нас ситуацијата е поинаква ? Ние немаме ограничување во дејноста, ние имаме забрана за вршење на нашата примарна дејност за која сме ги отвориле објектите и доколку работиме треба кривично да одговараме, н ие 5 месеци од сопствени средства пуштаме плати за нашите вработени ( државата ни помогна 6 месеци). 11 месеци од сопствени средства плаќаме камати на кредити, кирии, комунални трошоци, осигурување, обезбедување и останати режиски трошоци, посочи тој. - Бараме да работиме под најригорозни протоколи! Поради тоа Владата треба итно да го укине членот 14 од Уредбата излезена во Службен весник на 23.06.2020 со која цитирам “се забранува организирање на секаков вид настани ( свадби, крштевки, родендени), во отворен и затворен дел од објектот”. Ние сме категоризирани објекти за организирани настани, располагаме со големи капацитети и имаме можност да спроведеме организиран настан на кој што би се запазиле сите веќе усвоени протоколи според кои функционираат останатите A la carte ресторани, вели Голомеиќ. Апелираме на донесување на протокол со временска динамика кој е од исклучително значење за идните младоженци но и за нас и сите комплементарни дејности. Споредбено со регионот, ние сме единствена земја која не доби протокол за организирани настани цела година а поддршката субвенционирање на плати и придонеси, како и еднократниот грант е убедливо најниска директна помош во нашиот сектор во регионот. Бараме Владата за нас рестораните за организирани настани и ноќните клубови да направи посебен пакет на мерки и да не гледа како субјекти кои точно една година се 100% погодени од ковид пандемијата. Потенцирам, ние сме единствените субјекти на кои им е забранета примарната дејност од првиот ден на пандемијата и за жал покрај сите дописи и состаноци со Владата не наидовме на слух од другата страна. Делумната помош во плати и еднократниот грант со максимален износ од 10.000 евра не е ни приближно доволен за сервисирање на тековните комунални трошоци за нашите големи објекти како и за кириите и кредитите за истите.Почитувани, да повториме уште еднаш, ние не работиме затоа што Владата ни има дадено забрана за вршење на нашата примарна дејност и поради тоа треба да ни помогне финансиски да ја надминеме пандемијата се до моментот додека повторно не почнеме да работиме, дециден е Голомеиќ. Ние будно ја следиме епидемиолошката состојба во државата и сме свесни за моменталната состојба. Поради тоа во првата фаза не бараме да ни се дозволи да организираме “традиционална македонска свадба” и единствено бараме да можеме да работиме под истите услови и протоколи како и останатите a la carte ресторани. Овие барања се од суштинско значење за нашиот опстанок имајќи го сезонскиот карактер на нашата дејност. Бидејќи не добивме позитивен одговор и нашите барања искажани на минатонеделниот прес не се усвоени, денеска сме на протест овде и во Гостивар а веќе идната недела почнувајќи од понеделник 22.02.2021, ќе одржуваме протести во континуитет во Скопје и во други градови се додека не се усвојат нашите барања во целост, заврши тој.

Угостителите денеска на протест: Бараат од Владата протоколи за работа, загубите им се огромни

Ивона Петрова — Fri, 19 Feb 2021 07:03:34 +0000

Со почеток во 14 часот денеска угостителите излегуваат на протест. Според најавите протестот ќе се одржи во населбата Автокоманда на булеварот Александар Македонски од 14 до 17 часот. Угостителите од Владата бараат протоколи за да може да работат. Перица Голомеиќ, сопственик на угостителски објект и еден од организаторите на протестот вчера во емисија на ТВ 21, истакна дека нивниот сектор не бил опфатен како што очекувале со петтиот пакет владини мерки. -Од 26 јули ни е воведна забрана за вршење на нашата примарна дејност, забрана за крштевка, свадба, коорперативен настан. Поради тоа ќе ја блокираме раскрсницата булевар Александар Македонски во Автокоманда од 14 до 17 часот, со цел да испратиме апел до Владата да ни издаде протокол за работа. Првенствено да работиме. И да ни помогне финансиски, затоа што ние ги плаќаме нашите обврски и веќе не можеме да продолжиме со тој интензитет, вели Голомеиќ. На прашање колку помош добиле од државата и колкави се загубите, тој истакна дека добиле парцијална помош за плати. -Шест месеци државата, а пет месеци ние ги финансираме платите. Од тие причини ние излегуваме на протест, а излегуваат и од другите дејности како што сте музичари, фотографи, атељери за венчаница. Немаме делумна попреченост, ние сме 100% попречени, па загубите се огромни, неколку стотици илјади евра, рече Голомеиќ.

Угостителите на протест: Бараат од Владата да работат, имаат огромни загуби

Катерина Бојаџиева — Thu, 18 Feb 2021 20:28:38 +0000

Угостителите утре излегуваат на протест. Ќе ја блокираат раскрсницата на булеварот Александар Македонски во населбата Автокоманда од 14 до 17 часот. Од Владата бараат протоколи за да можат да работат. Ова за емисијата „10МИНУТИ“ во ТВ21 го изјави Перица Голомеиќ, сопственик на угостителски објект и еден од организаторите на утрешниот протест. „Не не опфатија во петтиот пакет на мерки како што очекувавме“, рече Голомеиќ. Тој објасни како ќе се одвива утрешниот протест. „Од 26 јули ни е воведна забрана за вршење на нашата примарна дејност, забрана за крштевка, свадба, коорперативен натан. Поради тоа ќе ја блокираме раскрсницата булевар Александар Македонски во Автокоманда од 14 до 17 часот, со цел да испратиме апел до Владата да ни издаде протокол за работа. Првенствено да работиме. И да ни помогне финансиски, затоа што ние ги плаќаме нашите обврски и веќе не можеме да продолжиме со тој интензтет.“, вели Голомеиќ. На прашање колку помош добиле од државата и колкави се загубите, тој одговори: „Добивме парцијална помош за плати. Шест месеци државата, а пет месеци ние ги финансираме платите. Од тие причини ние излегуваме на протест, а излегуваат и од другите дејности како што сте музичари, фотографи, атељери за венчаница. Немаме делумна попреченост, ние сме 100% попречени, па загубите се огромни, неколку стотици илјади евра“, рече Голомеиќ.