перм – Kurir.mk

Русија победи против Естонија,на ред се нашите кошаркари !!!

Бошко Тасиќ — Sun, 21 Feb 2021 16:57:27 +0000

Кошаркарската репрезентација на Русија во Перм славеше над Естонија со 75-52 во рамките на квалификациите за Европското првенство и во последното коло Естонците и Македонија ќе одлучат во директна пресметка за место ЕП. „Зборнаја“ доминираше во текот на целата средба и заслужено победи. Најдобри кај победникот беа Бабурин со 14, Воронцевич со 13 и Кулагин со 12 поени, додека кај Естонците, Јоесар имаше десет поени. Сега на Македонија да патува на ЕП, потребна е победа против Естонците од десет поени разлика.Првиот дуел кој во февруари 2020 година се одигра во Скопје заврши со висок триумф на Естонија 81-72.

Вајли : Мечот го добивме во одбраната

Бошко Тасиќ — Sun, 21 Feb 2021 15:33:38 +0000

Македонската машка кошаркарска репрезентација се надева на пласман на Европското првенство по дешениот триумф над Италија со 87-78, со што „црвено-жолтите“ стигнаа до првата победа во овие квалификации во Перм. Еден од подобрите кошаркари во нашиот состав е натурализираниот Македонец, Џејкоб Вајли кој овој натпревар го заврши со 13 поени и 7 скока, од кои четири во нападот.

„Одличен одговор во однос на претходниот меч со Италија и двата пораза во Перм. Противникот има одлични шутери, одличен тренер, ги знаевме тие работи, но се вративме во второто полувреме, подобро комунициравме меѓу себе, стегнавме во одбраната и тоа донесе резултат. Македонија има прекрасна група кошаркари кои сакаат да играат заедно и врвен стручен штаб кој одлично ни ги подготвува натпреварите. Сите добро знаеме што треба да правиме на теренот. Не е важно што немавме многу време заедно да тренираме, секој го прави она што му е задача и тоа придонесува за подобрување на атмосферата“ – изјави по мечот Вајли

ГОЛЕМ ПЕХ : Димитријевиќ нема да игра против Естонија

Бошко Тасиќ — Sun, 21 Feb 2021 14:43:41 +0000

Најдобрите кошаркари на нашата земја издвојуваа голема победа против Италија и ги сочуваа своите шанси за пласман на Европското првенство во 2022 година, но за клучниот натпревар против Естонија ќе настапиме без најдобриот. Ненад Димитријевиќ не го заврши мечот со „аѕурите“ затоа што во самиот финиш доби удар во коленото и беше приморан да се пресели на клупата поради повреда. Првичните информации кои доаѓаат од Перм велат дека за кошаркарот на шпански Хувентуд, квалификацискиот турнир е завршен. Тоа секако ќе биде голем удар за нашите амбиции, затоа што доколку вечерва Естонија загуби од домаќините, селекторот Тодоров нема да може да смета на својот најдобар кошаркар за мечот со Естонците.

Тодоров: Многу важна победа за нас,утре одиме на триумф и против Естонија

Бошко Тасиќ — Sun, 21 Feb 2021 14:37:57 +0000

Македонската машка кошаркарсска селекција стигна до првата победа во квалификациите на Евробаскетот, откако денес славеше против Италија со 87-78. . Селекторот Александар Тодоров по натпреварот изјави дека е среќен за победата, но за жал затоа дека Ненад Димитријевиќ нема да може да игра на последниот натпревар со Естонија. „Ова е многу поважна победа за нас. Ни дава шанса да веруваме и да сонуваме барем до утре. Останавме во игра за последното место на ЕП. Започнавме добро, но Италија имаше одличен шут за три поени, а тоа резултираше со предност за нив на полувреме. Знаевме дека кога ќе престанат да погодуваат, ќе се вратиме во натпреварот. Ги лимитиравме на одреден број поени, па така дојдовме во добра позиција. Одличен резултат за нас, особено за тим кој е во реконструкција и подмладување. Мораме да ја победиме и Естонија, инаку никој нема да ја памети победата. Голем проблем за нас е дека нема да игра Димитријевиќ утре, па тоа е дополнителен проблем. За утре нема да има премногу промени, мора ги лимитираме грешките и да го кренеме нивото на агресивност во одбрана против Естонија. Покажавме карактер со Италија, но утре пак мора да докажеме дека победата не е случајна. Без оглед на тоа што ќе направиме утре против Естонија, јас сум горд на оваа група играчи. “, изјави по мечот македонскиот селектор.

Дамјан Стојановски не е сериозно повреден, најверојатно ќе настапи на мечот со Италија

Бошко Тасиќ — Sun, 21 Feb 2021 08:00:02 +0000

Македонскиот кошарарски репрезентативец Дамјан Стојановски има повреда на скочниот зглоб на левата нога, но не е од посериозен карактер. По неколку третмани кои ги направи лекарскиот тим досега, а ќе ги има и до пред почетокот на следниот натпревар во „балонот“ во Перм, очекувањата се дека искусниот бек-шутер ќе биде подготвен за следниот меч. Дополнителните прегледи не покажале сериозно оштетување на лигаментите, па кошаркарот ќе му се стави на располагање на селекторот Александар Тодоров за мечот против Италија кој ќе се игра денес попладне, со почеток од 13:00 часот. Македонија во Перм доживеа два порази од Италија и Русија, па ќе мора да оди на победа на следните две средби доколку сака пласман на Евробаскетот наредната година.

Николов: Тежок меч, Русија имаше повеќе скокови од нас

Бошко Тасиќ — Fri, 19 Feb 2021 17:26:18 +0000

Македонија во квалификациите за пласман на Европското првенство наредата година во вториот меч загуби од Русија со 77-94, а во име на тимот на прес-конференцијата говореше Кристијан Николов. „Одигравме еден доста тежок натпревар. Бевме малку уморни, а Русија имаше повеќе скокови од нас. Тоа беше најголем проблем за нас. Сега имаме еден ден одмор, па ќе се подготвуваме за следниот меч со Италија. Ќе го дадеме максимумот, овој тим од 15 кошаркари верува во себе. Играме за националниот тим и ќе направиме се да одиме на ЕП“, изјави Николов. На Македонија за пласман на ЕП и се потребни две победи, но Естонија мора да загуби на мечот со Русија.

Тодоров: По поразот на Италија од Естонија беше тешко да се игра

Бошко Тасиќ — Fri, 19 Feb 2021 16:42:36 +0000

Македонската машка кошаркарска репрезентација го доживеа вториот пораз во „балонот“ во Перм. Денес славеше токму домаќинот Русија 94-77 и сега шансите за пласман на Евробаскетот се сведени на теорија. По натпреварот, селекторот Александар Тодоров истакна дека победата на Естонија над Италија сите ги изненадила и била шок за кошаркарите пред мешот со Русија. „Имавме еден тежок меч, посебно по она што се случи во првиот натпревар од денот и победата на Естонија над Италија. Очекувавме мечот со Естонија да биде клучен за нас, го гледавме дуелот со Италија во соблекувална и видовме што се случи. Ментално беше тешко да се игра по тој резултат, затоа што сега ни се потребни две победи. Исто така имавме проблем и со скоковите. За време на мечот загубивме и еден важен играч поради повреда. Ротиравме со три бека во наредните минути. Ако ги сумираме сите статистички категории, со исклучок на скоковите и тројките, ние бевме во егал со противникот. Мора да ги држиме главите горе и да се фокусираме на следните два меча, затоа што ќе ни бидат потребни две победи“, изјави Тодоров. Нашите кошаркари следниот натпревар го играат в недела, кога вторпат се среќаваат со селекцијата на Италија. На Македонија за пласман на ЕП сега и се потребни две победи, но Естонија мора да загуби во дуелот со Русија.

Македонија поразена од Русија

Бошко Тасиќ — Fri, 19 Feb 2021 16:26:34 +0000

Македонската машка кошаркарска репрезентација во Перм загуби од домашната Русија со 94-77 (26-21, 25-22, 21-21, 21-23). Веројатно и малку деморализирани од поразот на Италија од Естонија, но и уморни по вчерашниот натпревар, момците на Тодоров покажаа дека тешко можат да играат два физички напорни натпревари во два дена. Во македонската репрезентација најефикасни беа Војдан Стојановски со 18 и Вајли со 16 поени, а кај Русија се истакнаа Боломбој со 19 и Антонов со 13 поени. Утре нашите кошаркари имаат ден за одмор, а в недела од 13:00 часот пак ќе играат со Италија, а ако сакаат да се пласираат на Евробаскетот. .

Кошаркарската репрезентација со последни проверки пред премиерниот меч во Перм

Бошко Тасиќ — Wed, 17 Feb 2021 17:36:12 +0000

Македонската машка кошаркарска репрезентација го одработи и вториот денешен тренинг. Во салата „Молот“ во Перм, тренираа сите 15. кошаркари на кои смета селекторот Александар Тодоров за турнирот кој го стартуваме утре од 15.30 часот кога го играме првиот меч против селекцијата на Италија. Селекторот Тодоров ќе ги објави 12.кошаркарки кои ќе влезат во протоколот за овој натпревар по техничкиот состанок со официјалните лица на ФИБА, односно комесарите на „балонот“ во Перм, предвиден за доцна попладне.

Стручниот штба на нашата селекција во меѓувреме ќе одлучи дали ќе го искористи и терминот за тренинг предвиден на денот на одигрување на натпреварот со Италија.

Според распоредот одреден од ФИБА и од организаторот на „балонот“, Македонија може да тренира и во четврток, во периодот од 11.00 до 11.45 часот по локално време, односно 07.00-07.45 по македонско време.

Кошаркарите го одработија првиот тренинг во Перм

Бошко Тасиќ — Tue, 16 Feb 2021 18:33:52 +0000

Кошаркарската репрезентација, денес во Перм го одработе првиот тренинг пред четирите квалификациски натпревари за пласман на Европското првенство 2022 година. Селекторот Александар Тодоров за прв пат ги имаше сите кошаркари во Русија, а на располагање ги имаше сите 15 пријавени играчи. За прв пат со тимот тренираа Стојан Ѓуроски и Ненад Димитријевиќ, кои доцнеа на првиот собир поради клупски обврски. Мечевите ќе се играат во арената „Молот“ во Перм. За два дена прв ривал ќе биде Италија, а веќе следниот ден Македонија игра со Русија. Потоа ќе има дводневна пауза, па на 21 февруари ќе играат пак против Италија и ден подоцна со Естонија.. Македонија е последна во групата Б за пласман на Европското првенство, со два порази.