персонал – Kurir.mk

Вашингтон нареди евакуација на дел од персоналот на амбасадата во Ирак

Тале Кристо — Sun, 22 Oct 2023 20:51:21 +0000

САД денеска наредија евакуација на дел од персоналот од нивната амбасада во Багдад, главниот град на Ирак, и нивниот конзулат во Ербил, соопшти американскиот Стејт департмент. Наредбата, од петокот, но објавена денеска во соопштение, беше издадена „поради зголемена безбедносна закана за персоналот и интересите на САД“. Во соопштението, исто така, се повикани американските граѓани да не патуваат во Ирак.

Се зголемува проблемот со персонал во угостителските објекти во Прилеп

Тале Кристо — Tue, 07 Feb 2023 13:58:27 +0000

Се зголемува проблемот со недостиг од персонал во угостителските објекти во Прилеп. Најтешкиот месец за угостителите - февруари го продлабочи проблемот со недостигот од персонал, а сега и со преполовен број посетители во објектите. Ако лани, само преку летото, заминале над 7000 Македонци, главно во Хрватска, годинава и не може да се предвидат бројките. Особено што се заминува во приватна режија. Јорданчо Момироски, претседател на здружението за угостителство и туризам „Меанџии“ од Прилеп вели дека во 80-те угостителски објекти со околу 600 вработени, има потреба за барем уште 200 угостителски работници. - Зимата, особено февруари, е вообичаено тежок период за угостителството, а годинава уште повеќе. Проблемот е уште поизразен во хотелите и рестораните каде е неопходен попрофесионален кадар, отколку во кафулињата. На ова се додава проблемот со намалениот број гости. Мора да се признае, корона-пандемијата остави траги и намалено е дружењето во кафулињата, вели Момироски. Долгогодишниот угостителски работник Драги Петкоски вели дека од Прилеп, главно, се заминува во Хрватска на сезонска работа. Секој има своја причина, посебно младите. - Сезоната на заминување на келнери, готвачи и друг угостителски персонал почнува од април и е до септември. Се работи таму и до 14 часа да се заработи. Сметам дека и овде може да се заработи, јас сум долги години во угостителството. Но има и други причини, особено за младите кои сакаат да имаат подобар живот во европските земји, смета Петкоски. Никој од угостителството не може да каже како да се реши проблемот со недостигот од персонал кој станува уште поизразен. Угостителите, вели претседателот на здружението „Меанџии“, Јорданчо Момироски, се снаоѓаат како знаат и умеат. - Во сезонскиот период бараме и млади да работат, од учиишните клупи. Се користат некои програми од Агенцијата за вработување за преквалификација и обука, па така се снаоѓаме како знаеме и умееме. Никој не може да каже како да се најде конкретно решение. Има капацитети, некои наши колеги од земјава дури прават пренамена за да опстојуваат, а од друга страна,пак, тренд во последно време се маалските кафулиња. Сепак, проблемот со недостиг од персонал останува нерешен, вели Момироски.

Германските болници имаат недостиг на персонал поради коронавирусот

Ивона Петрова — Tue, 22 Mar 2022 09:48:38 +0000

Болниците во Германија се соочуваат со тоа што се поголем број персонал отсуствува поради зараза со коронавирус или поради потребата за престој во карантин. Претседателот на Здружението на болници, Гералд Гас за германските медиуми изјави дека болниците повеќе не се во можност да понудат целосна медицинска нега. Актуелните истражувања покажуваат дека 75 отсто од болниците веќе не се во можност да ги нудат своите вообичаени услуги, а причината е недостигот на персонал поради заразеност со коронавирус, карантин или поради контакт со пациенти. Истовремено, има рекордна пополнетост на болничките кревети со ковид пациенти на одделенијата. -Се предвидува дека ситуацијата нема да биде подобра во наредните недели. Единствено позитивно е што нема зголемување на бројот на пациенти на интензивна нега, објасни Гас.

ШМИНКАТА ЈА ТЕСТИРА НА СЛУГИНКИ КОИ РАБОТАТ ДЕНОНОЌНО ЗА НЕА: Вработените ја откриваат срамната вистина за познатата старлета!

Магдалена Андонова — Sun, 13 Mar 2022 21:10:35 +0000

Ким Кардашијан е една од најуспешните жени во Холивуд. Иако не влезе грациозно во светот на познатите, со оглед на тоа што на интернет се појави нејзиното домашно видео со тогашното момче Реј Џеј, Ким Кардашијан успеа да изгради империја во текот на сите овие години. Ким стана жената на која и се обраќаат за деловен совет, но никој не го очекуваше оној кој таа го даде. Имено, нејзината последна изјава за магазинот Variety ја разбесни јавноста. - Ги имам најдобриот совет за жените на работа. Станете го задникот и работете. Се чини дека никој не сака да работи денес, изјави Ким за новиот број на списанието Variety. Нејзината реченица предизвика лавина негативни коментари: „Самохраните мајки кои работат две работи само читаат како Ким им кажува дека треба да работат повеќе“, „Посакувам да сум родена толку богата да можев само да зборувам глупости“, „И да се родиш богат. Тој совет исто така помага“. „Треба да се опкружиш со семејство кое е веќе богато. Тоа е трикот „“ Океј, милијардерко „, Што може да каже самохрана мајка на две деца која работи 2 работи и го чита ова?" „Кога жена која стана позната по порно држи деловно предавање"," Да, Ким, луѓето се уморни од работа 40+ часа неделно за да заработувајте само 1 процент од тоа што ти го заработуваш“, се само дел од коментарите. Покрај револтираните корисници на социјалните мрежи, нејзината изјава ја коментираше и Џесика де Фино, девојка која порано работеше на развој на апликации за Ким Кардашијан. - Бев уредник во Kardashian Apps во Лос Анџелес во 2015 година, работев само дење и ноќе и можев да си дозволам само намирници од продавницата „се за 99 центи“, кажував дека сум болна повеќе од еднаш затоа што немав бензин за да доаѓам со кола на работа и ме прекорија кога дознаа дека работам друга работа, напиша Џесика на Твитер. Како што претходно пишуваа странските медиуми, вработените на Ким Кардашијан мора да се придржуваат до строги правила, а некои од нив би ги нарекле бизарни. Забрането будење Вработените на Ким знаат дека основното правило е дека не смеат да ја разбудат што и да се случи, дури и ако децата плачат. Ким истакна дека причината за ова правило е што будењето и го нарушува сонот, а тоа значително влијае на нејзината убавина. Таа сака да биде одморена и свежа секој ден, а за децата одговорни се дадилките. Тоа важи и за нејзините помошници, кои ќе бидат санкционирани доколку доцни летот или ако автомобилот не пристигнал на време. Тоа вклучува сè друго што можете да замислите дека навистина не зависи од нив. Средување гардероба Оваа активност Ким Кардашијан ја бара од своите вработени. И не, тоа не е обично средување. Ким се колне во своето модно царство и не смее да дозволи било кој да го прави тоа. Нејзиното барање е се да биде средено кога ќе се врати од некој настан, а бидејќи менува по десет комбинации на облека дневно, вработените мораат да и ја додадат, облекуваат, средуваат, да ја вратат на место и слично. Исто така, најважно за Ким е што ракавите на одредени модни парчиња се свиткани под конецот. Смути пред зори Кајли Џенер бара секое утро, пред зори да и донесат смути во спалната соба, за што е задолжен нејзиниот асистент. Ако и е малку постудено отколку што треба, Кајли одбива да пие, поради што нејзината асистентка имала голем минус во вршењето на својата работа. Кога еден од нејзините вработени дал отказ, се шпекулираше дека главната причина за таквата одлука е всушност желбата да стане популарна сама на Инстаграм. Тестирање шминка на слугинки Кајли Џенер ги тестира своите кармини на рацете на нејзината слугинка. Во една прилика изјавила дека има исклучително добра рака за тоа, дека е многу фина бидејќи само седнува, молчи и ја остава да прави што сака. Можеби би добила отказ ако го каже спротивното? Тоа не е невозможно. Накитот е строго забранет Никој од вработените не смее да носи обетки, ланчиња, алки. Ким Кардашијан беше ограбена пред неколку години, накитот исчезна и ова правило е поставено од тогаш. Вработените мора да бидат во сенка Бидејќи секој чекор на семејството Кардашијан се прати, тие секогаш се опкружени со бројни папараци. Штом се појават во јавноста, се прават многу фотографии на светските медиуми. Ким бара вработените секогаш да бидат во нејзина сенка, па не смеат да се појавуваат покрај неа или пред неа. Причината за ова правило е дека Ким мора да биде во центарот на вниманието, во преден кадар.

Словенија го евакуираше персоналот на својата Амбасада во Киев

Тале Кристо — Sat, 26 Feb 2022 11:20:12 +0000

Словенија го евакуираше персоналот на својата Амбасада во Киев поради ситуацијата во Украина, но е подготвена да им помогне со оружје на украинските власти. Амбасадорот Томаж Менчин продолжува да ја продолжува дипломатската должност како амбасадор, соопштено е во Љубљана. Министерот за надворешни работи Анже Логар соопшти дека персоналот на амбасадата успешно пристигнал во ЕУ со конвој од дипломатски претставници, како и двајца членови на словенечкиот владин кабинет кои работеле во Киев за да ја подготват посетата на премиерот Јанез Јанша на земјата, но е одложена во меѓувреме. Логар, исто така, во порака на Твитер рече дека повикува пет лица со титула почесни конзули на Русија во Словенија да и ги вратат конзуларните титули на Москва и дека ова го смета за одлука која мора да биде очигледна во сегашната ситуација. Премиерот Јанез Јанша за денеска во 18 часот свика седница на Советот за национална безбедност.

Лоши вести доаѓаат од Манчестер Јунајтед: Неколку фудбалери и дел од персоналот заразени со коронавирусот

Магдалена Андонова — Mon, 13 Dec 2021 10:00:26 +0000

Неколкумина фудбалери и членови на клупскиот персонал на Манчестер Јунјатед се заразени сo коронавирус, објави премиерлигашот. Клубот наведе дека сите заразени се испратени во изолација, а за целата ситуација е известено раководството на Премиер лигата. Остатокот од екипата во неделата тренираше индивидуално. Јунајтед во саботата го победи Норич со 1-0, а сите во екипата кои патуваа на тој гостински натпревар беа негативни на тестирањата. Манчестер Јунјатед во вторник го очекува премиерлигашки натпревар против Брентфорд. (МИА)

Стејт департментот истражува што се случува со својот персонал во Виена

Тале Кристо — Tue, 20 Jul 2021 07:17:57 +0000

Стејт департментот соопшти дека ги истражува извештаите за евентуални необјаснети здравствени проблеми меѓу својот персонал во Виена. Списанието „Њујоркер“ објави дека околу 20 американски разузнавачи, дипломати и други официјални претставници изјавиле дека доживеале мистериозни здравствени проблеми. – Кога станува збор за Виена, во координација со нашите меѓусекторски партнери, ние енергично ги истражуваме извештаите за евентуални неразјаснети здравствени инциденти меѓу американскиот персонал во амбасадата, истакна на прес-конференција портпаролот на Стејт департментот, Нед Прајс.

Вработените во болницата во Демир Хисар обесправени: Трпат закани и неправди и покрај успешната битка против коронавирусот

Ивана Ефремовски — Fri, 15 May 2020 09:49:42 +0000

Вработените во психијатриската болница во Демир Хисар секојдневно водат битка за здравјето на своите пациенти, а истовремено ги трпат бројните неправди со кои се соочуваат и дискримниацијата која се спроведува врз нив. Дел од вработените ја контактираа редакцијата на КУРИР за да нé информираат за состојбата со која се соочуваат. Болничарите кои барале да бидат ставени во помошен медицински персонал биле распределени како помошен технички персонал. Ова барање му го кажале лично на министерот за здравство Венко Филипче, но истото не им било исполнето. Така, тие го загубиле правото кога работат дежурства од 24 часа да идат дополнително платени како за дежурство, како што е тоа всушност низ сите здравствени установи низ државата. Биле принудени да потпишат договори во кои изјавуваат дека нема да бараат да бидат платени како што налага законот. Кога најголем дел од нив одбиле да потпишат, почнале заканите. Како што изјавуваат тие, добивале уцени дека ако не потпишат нема да добијат ништо, а дури им се заканувале дека можат да останат без работното место. Потпишале само неколкумина кои подлегнале над притисокот. Бидејќи почнал да се јавува револт кај вработените, управата сепак најавила дека ќе бидат платени по дежурства како што налага законот. Таа најава не се исполнила, па по првата земена плата каде не е исплатен ниту дополнителен денар за 24-часовни дежуства, вработените реагирал, па еден од нив добил и директна закана за отказ. Како што кажуваат вработените во сведоштвото за КУРИР, најголемиот проблем го прават директорката и стручната директорка во установата. Иако функцијата стручен директор одамна е укината, оваа установа има вработено лице на позицијата откако дојде СДСМ на власт. Според нивните сознанија, стручната директорка е платена со високи 150.000 денари, додека тие работат за ситни суми. Вработените во Демир Хисар беа вклучени и во борбата против коронавирусот. Доктор психијатар беше позитивен на вирусот. Пред да го направи тестот имал симптоми и користел годишен одмор. Но, како што сведочат неговите колеги, тој бил принуден да се врати на работа, а со тоа биле ставени во ризик сите вработени и пациенти. По него, се зарази и една медицинска сестра вработена во болницата. Нашите соговорници велат дека со овие два случаи успешно се справиле, но дека Демир Хисар можел да доживее катастрофа! Успешно ја победија оваа битка, но останаа жртви на неправдите со кои се соочуваат секојдневно. Дополнителен проблем кој го наведуваат се катастрофалните хигиенски услови и условите за работа со своите пациенти. Се надеваат дека здравствените власти конечно ќе покажат слух за проблемите на овие здравствени работници.

„Скај њуз“: Британија го намалува персоналот во амбасадите во Техеран и во Багдад

Тале Кристо — Tue, 07 Jan 2020 08:50:04 +0000

Велика Британија го намали персоналот во амбасадите во Ирак и во Иран на минимум, по убиството на иранскиот генерал Касим Сулејмани во американски воздушен напад, јави „Скај њуз“, повикувајќи се на дипломатски извори. Во извештајот се наведува дека повлекувањето на дипломатите е превентивна мерка и не е последица на заканите. Амбасадорите Роб Макер во Техеран и Стивен Хикеј во Багдад ќе останат на своите места. Портпаролот на Форин офисот изјави дека амбасадите во Багдад и Техеран остануваат отворени, но одби да ги коментира оперативните информации.