пешачка патека – Kurir.mk

Започна со изградба на пешачка патека во Илинден

Ивона Петрова — Sat, 03 Sep 2022 11:17:57 +0000

Во рамки на активностите за подобрување на безбедноста во сообраќајот започна изградба на нова пешачка пaтека во населба Илинден. Пешачката патека ќе биде во должина од над 400 метри и широчина од 1,8 метри која ќе се протега од влезот на новото основно училиште во Илинден по улицата ,,2”, се до раскрсницата на улиците ,,8” и ,,9”. Денеска увид во градежните работи направи градоначалникот на Општина Илинден, Александар Георгиевски кој истакна дека изградбата на оваа пешачка патека е од голема важност за жителите од населеното место Илинден, со што значително ќе се придонесе за поголема безбедност на учесниците во сообраќајот, особено на пешаците и велосипедистите. Дополнително, потребата за изградба на оваа пешачка патека се јави и со отворањето на новото основно училиште кое се наоѓа во овој дел на општина Илинден, каде е зголемена фрекфенцијата на возила и пешаци во сообраќајот, па затоа потребна е дополнителна доза внимателност од страна на сите учесници во сообраќајот. Градоначалникот Георгиевски упати апел до возачите за нивно безбедно движење во сообраќајот, а особено внимателноста треба да биде максимална кога се движат покрај училиште или градинка. Општина Илинден и во наредниот период ќе продолжи да инвестира во безбедноста на сообраќајот и унапредување на истиот, со што ќе бидат изградени пешачки и велосипедски патеки во повеќе населени места.

Реконструирана пешачката патека на булеварот „Гоце Делчев“

Ивана Ефремовски — Thu, 11 Aug 2022 12:05:04 +0000

Екипите на ЈП „Улици и патишта“ деновиве ја реконструираа пешачката и велопатека по должината на булеварот „Гоце Делчев“, на потегот од Стоковната куќа „Мост“ до триаголникот кај мостот „Гоце Делчев“, од страната на катната гаража. Пешачката и велопатека се реконструираше по налог на Град Скопје и е асфалтирана на вкупна површина од 1.800 квадратни метри, во која што површина се вклучени и два пешачки острови. Во текот на градежните работи на овој потег беа отстранети оштетените бекатон плочки и раскршениот асфалт, беше поставен тампонски слој и рабници, беше реконструирана и нивелирана една шахта и беше нанесена нова асфалтна маса. Во наредниот период ќе се работи на обнова на пешачката и велосипедска патека по должината на булеварот „Гоце Делчев“ и од страната на Кале.

Целосно реконструирана пешачката патека од двете страни на улицата „Љубљанска“ во Карпош

Ивона Петрова — Wed, 29 Jun 2022 08:19:12 +0000

Со финалното асфалтирање на пешачката патека на улицата Љубљанска на потегот пред Сити Мол, заврши реконструкцијата на патеката во насока од булеварот Илинден кон булеварот Партизански одреди, на вкупна површина од 1000 квадратни метри. Со реализацијата на овие градежни активности, пешачката патека на улицата Љубљанска е целосно реконструирана од двете страни, на вкупна површина од 2.300 квадратни метри. Екипите на ЈП „Улици и патишта“ во претходниот период целосно ја реконструираа и пешачката патека на улицата Љубљанска во правец од булеварот Партизански одреди кон булеварот Илинден, на вкупна површина од 1.300 квадратни метри. Со цел зголемување на безбедноста за пешаците и спречување на непрописно паркирање возила, на реконструираната пешачката патека досега се поставени 94 заштитни столпчиња, а во наредниот период ќе се постават на целиот потег. Со обновувањето на пешачката патека се олеснува движењето на пешаците на овој потег и се зголемува безбедноста за учесниците во сообраќајот во овој дел од градот.

Реконструирани дел од пешачката и велопатека на улица „16 Македонска бригада“

Магдалена Андонова — Mon, 27 Jun 2022 15:02:20 +0000

ЈП Улици и патишта Скопје по налог на Град Скопје деновиве го реконструираа оштетениот дел на пешачката и на велопатеката на улицата 16 Македонска бригада, односно пред кружниот тек во населба Железара. При реконструкцијата извршен е ископ на оштетениот асфалт на дел од површината, отстранети се и оштетените бекатон плочи, а потоа се поставени рабниците, тампон слој и нова асфалтна маса на површина од 550 квадратни метри. За асфалтирање на овој дел од патеките употребени се 90 тони асфалтна маса. Во текот на реконструкцијата на оваа површина, екипите ги санираа и оштетувањата на пристапната патека кон Паркот на природата Гази Баба со површина од 250 квадратни метри. Со санирањето на оштетените површини се овозможува безбедно движење на пешаците и на велосипедистите во овој дел на градот.

Реконструиран првиот и вториот дел од пешачка патека на Јужен булевар

Магдалена Андонова — Fri, 03 Jun 2022 11:41:40 +0000

Екипите на ЈП Улици и патишта го асфалтираа првиот и вториот дел од пешачката и велопатека на Јужен булевар во површина од 550 квадратни метри, која по налог на Град Скопје од неодамна почна да се реконструира во насока од градилиштето на Лимак до Стара рампа. Градежните активности за реконструкцијата, според планот за работа ќе се одвиваат во неколку фази. Во тек се градежните активности и се врши ископ на земјен материјал, се поставува тампон слојот, рабниците и штом заврши асфалтирањето на еден дел од патеките се преминува на подготовка на теренот за следно асфалтирање. Вкупна површина што ќе се реконструира е 1.480 квадратни метри. Екипите денеска ги поставуваат и новите 43 заштитни столпчиња на деловите каде што е асфалтирана површина и ќе продолжат со поставувањето до крај на потегот со завршувањето на реконструкцијата. Со поставените заштитни столпчиња се спречува непрописното паркирање на возилата од несовесни граѓани, а со реконструкцијата на пешачката и велопатека ќе се овозможи полесно движење и ќе се зголеми безбедноста и на пешаците и на велосипедистите во овој дел од градот.

Со автомобил возел по пешачка патека во Градски парк

Ивона Петрова — Sun, 22 May 2022 13:46:41 +0000

Денеска (22.05.2022) по претходно добиени информации дека околу 12.30 часот автомобил „опел корса“ се движел на патеката за пешаци во Градскиот парк во Скопје, веднаш се преземени мерки од страна на полициски службеници од Одделението за безбедност на патниот сообраќај при СВР Скопје, информира МВР. Лицето е пронајдено и утврдено дека станува збор за П.Л. (20) од Скопје. Против него се преземени мерки согласно Законот за безбедност на патниот сообраќај и изречени му се соодветни санкции.

Па уште и по тартан патеката вози pic.twitter.com/uNIsMKtW04
— TheReal (@Stefan_Tod) May 22, 2022

Продолжува реконструкцијата на пешачката патека на улица Љубљанска во општина Карпош

Магдалена Андонова — Thu, 19 May 2022 12:46:46 +0000

Реконструкцијата на пешачката патека на улицата Љубљанска е во тек, а екипите на ЈП Улици и патишта деновиве го асфалтираа потегот од улицата Волгоградска кон улицата Разловечко востание, на површина од 550 квадратни метри. Пешачката патека се реконструира на вкупна површина од 2300 квадратни метри, во насока од булевар Партизански одреди до булеварот Илинден, а досега се реконструирани и асфалтирани околу 1000 квадратни метри. Во наредниот период, градежните активности продолжуваат на потегот од улицата Разловечко востание до булевар Илинден. Со обновувањето на пешачката патека ќе се олесни движењето на пешаците на овој потег и и ќе се зголеми безбедноста за сите учесници во сообраќајот во овој дел на градот.

Започната санација на пешачка патека на Кеј 13-ти Ноември

Тале Кристо — Wed, 06 Apr 2022 13:35:37 +0000

Екипите на ЈП Улици и патишта Скопје денес по налог на Град Скопје почнаа со санирање на пешачката патека која се наоѓа помеѓу А1 и црквата „Пресвета Богородица“ на Кеј 13-ти Ноември. Патеката е со должина од 40 метри и широчина од 1,70 метри, почетните работни позиции на патеката е отстранување на оштетената површина со бехатон плочи, а потоа површината ќе се тампонира, ќе се поставуваат рабниците и ќе се постават новите бехатон плочи. По уредувањето на оваа пешачка патека екипите продолжуваат со санација и на останатите пешачки патеки на градските сообраќајници согласно планот за работа од Град Скопје, информираат од претпријатието

Се реконструира пешачката патека пред катната гаража „Судска палата“

Ивона Петрова — Tue, 22 Mar 2022 11:47:33 +0000

Екипите на ЈП „Улици и патишта“ деновиве ја реконструираат пешачката патека на булеварот „Гоце Делчев“ пред катната гаража „Судска палата“. Пешачката патека се реконструира во должина од 300 метри и широчина од 4 метри. На вкупна површина од 1200 квадратни метри се отстрануваат старите и оштетени плочки, а потоа овој потег ќе биде целосно асфалтиран. -Изградбата на нови велосипедски и пешачки патеки и обновување на постоечките патеки во Скопје е еден од приоритетите на новата градска администрација, и овие активности продолжуваат со иста динамика и во наредниот период, информираат од Град Скопје.

Се гради пешачка патека Виниче- Црешево

Катерина Бојаџиева — Fri, 18 Feb 2022 13:03:18 +0000

Градоначалникот на општина Гази Баба Бобан Стефковски заедно со претседателот на Советот Дијана Илиевска утрово направија увид на градежните работи на изградбата на пешачката патека Виниче - Црешево. За посетата, градоначалникот Стефковски на својата страна на фејсбук напиша: -Заедно со претседателот на Советот Дијана Илиевска направивме увид на пешачката патека Виниче - Црешево. Патеката е во должина од околу 500 метри. Со оваа патека се зголемува безбедноста на пешаците, а особено на учениците кои побезбедно ќе се движат до основното училиште- напиша Стефковски. Општина Гази Баба и во иднина ќе продолжи со изградбата на пешачки патеки со павер елементи и во останатите населени места.