Почна обележувањето со ладна пластика на пешачките премини во Автокоманда

Ивона Петрова — Tue, 28 Jun 2022 10:33:40 +0000

Во рамките на ноќното обележување на хоризонталната сигнализација ЈП Улици и патишта Скопје започна и обележувањето на пешачките премини со ладна пластика на улиците и булеварите во населба Автокоманда. Екипите изминативе денови ги обележаа пешачките премини на булеварот Александар Македонски на пешачкиот премин кај бензиската станица „Макпетрол“ и започнаа со бележење и на крстосницата булеварот Александар Македонски со улица 16-та Македонска Бригада. Обележувањето на пешачките премини со ладна пластика ќе продолжи во текот на вечерните часови на -истата крстосница, а бидејќи техниката за нанесување на бојата се изведува рачно и е поспецифична за разлика од обичната боја потребно е повеќе време за изведба. Употребата на ладната пластика на пешачките премини е поквалитетна и се нанесува во подебел слој и гарантира поголема трајност на бојата, информираат од претпријатието. По налог на Град Скопје и секторот за Сообраќај предвидено е со ваков квалитет на боја да бидат обележани улиците во Мал и Голем Ринг, но моментално оваа боја да се користи при обележување на најфрекфентните сообраќајници т.н црни точки во градот.

Реконструкција на пешачки патеки, санација и обнова на сообраќајната опрема и ноќно обележување на градските сообраќајници

Магдалена Андонова — Thu, 09 Jun 2022 11:30:25 +0000

Екипите на ЈП Улици и патишта Скопје во текот на изминативе денови покрај тековното одржување на сообраќајниците, светлосната сигнализација преку секојдневни контроли и обиколки, како и на вертикалната сигнализација и сообраќајна опрема активно работеа и на реконструкција на неколку пешачки патеки на градските сообраќајници. Асфалтирана е голем дел од предвидената површина за реконструирање и тоа на Јужен булевар, улица Љубљанска и на пешачките патеки во Градски парк позади Луна паркот. Санирани се оштетените сообраќајни знаци на улица Благоја Стефковски, улица Фрањо Клуз, кружен тек Ѓорче Петров и поставени се нови светлосни столбчиња на булеварот Трета Македонска Бригада. Санирана е оштетената ограда на улица 11ти Октомври како и оштетените заштитни столбови, а санирани се и платоата за смирување на сообраќајот на улицата Радишанска. Со ноќното обележување обновена е хоризонталната сигнализација рачно и машински на булеварот Партизански Одреди, к-ца бул.Климнет Охридски со бул.Мајка Тереза, булевар Трета Македонска Бригада, крстосниците булевар Илинден со улица Наум Наумовски Борче, со улица Аминта Трети, со улица Френклин Рузвелт и со булевар ВМРО, крстосница бул.Јане Сандански со улица Фрањо Клуз, и улицата Ѓорче Петров по целата должина до мостот во Сарај. Продолжи чистењето на кејот на реката Вардар, односно сечењето на обраснатата вегетација на косините од реката, а активно се работи и сеуште е во тек реконструкцијата на бетонските жардињери за средишно зеленило на булеварот Трета Македонска Бригада. Продолжија и активностите за санација и реконструкција на потпорниот ѕид на булеварот Борис Трајковвски во населба Пинтија, како и активностите за реконструкција на пристапната рампа за инвалидизирани лица на пешачкиот мост Сарај. ЈП Улици и патишта ги извршува работните активнсоти по налог на Град Скопје и продолжува со извршување на тековните активностите и во наредниот период.

пешачки премини – Kurir.mk

Почна обележувањето со ладна пластика на пешачките премини во Автокоманда

Реконструкција на пешачки патеки, санација и обнова на сообраќајната опрема и ноќно обележување на градските сообраќајници