пештани – Kurir.mk

Рачна граната пронајдена на брегот на Охридското Езеро кај Пештани

Тале Кристо — Sat, 18 Mar 2023 11:56:42 +0000

На 14.03.2023 година во 08.20 часот, во СВР Охрид е пријавено дека на брегот на Охридското Езеро, кај населбата Пештани, пронајдена е неексплодирана рачна граната, која потекнува од Првата светска војна. Гранатата е безбедно подигната од претставник на Дирекцијата за заштита и спасување за натамошна постапка.

ВИДЕО: Викенд турнејата на Заев и Филипче продолжи и денеска, моторите брмчат низ Пештани

Ивона Петрова — Sun, 11 Apr 2021 12:32:17 +0000

Премиерот Зоран Заев и министерот за здравство Венко Филипче вчера биле на приватна мото- турнеја низ Македонија, која продолжува и денеска. Сред ек на пандемијата со коронавирусот, додека дневниот црн биланс покажува по околу 50 починати лица дневно, а граѓани протестираат пред министерството за здравство, двоецот Заев- Филипче наместо да се ангажираат да обезбедат вакцини, си се возат со мотори низ Крушево. Нивната турнеја продолжи и денеска низ Пештани каде од граѓани се снимени додека поминуваат. Од почетокот на овој месец до сега има над 300 починати лица, болниците се полни со пациенти, а Заев и Филипче уживаат во возењето со скапи мотори и си летаат со хеликоптери. Само вчера во Македонија починаа 32 лица. Пред министерство за здравство вчера се одржа и протест под мотото „Да го измиеме срамот на Филипче“, но ниту ресорниот министер, ниту премиерот ги слушнаа нивните пораки, бидејќи тие викендов си го искористија за нивното луксузно хоби.

Кај Пештани запленети рибарски мрежи

Ивона Петрова — Mon, 04 Jan 2021 11:15:35 +0000

Четири рибарски мрежи со должина од по 50 метри и три рибарски мрежи со должина од по 100 метри, со вкупен улов од 100 парчиња риба охридска белвица и 19 парчиња риба грунец, заплени полицијата вчера наспроти селото Пештани, во близина на брегот на Охридското Езеро. Како што се наведува во денешниот МВР-билтен, акцијата била спроведена вчера, во периодот од 17.00 до 21.00 часот, од страна на полициски службеници од Полициската станица за Граничен надзор „Охридско Езеро“, заедно со претставници од Државниот инспекторат за земјоделство. Риболовниот алат бил однесен во Полициската станица за Граничен надзор „Охридско Езеро“ за понатамошна постапка. Полицијата презема мерки за расчистување на случајот.

Полиција ги запрела, тие излегле од возилото и започнале да бегаат- во автомобилот имало што да се види!

Дарко Андоновски — Wed, 29 Jan 2020 14:40:17 +0000

На 27.01.2020 во 19.45 часот на подрачјето на населбата Пештани, полициски службеници запреле патничко возило „рено“, со охридски регистарски ознаки. Притоа, од возилото излегле две лица и започнале да бегаат, по што фрлиле една вреќа со риболовни мрежи и риба - охридска пастрмка. По преземени мерки, констатирано е дека возилото било управувано од И.Л.(56) од Пештани. Риболовните мрежи и уловената пастрмка биле предадени во Хидробиолошкиот завод. СВР Охрид работи на целосно расчистување на настанот, по што ќе поднесе соодветна пријава, информираат од МВР.