пет лица – Kurir.mk

Поведена постапка против пет лица за нарушување на полицискиот час

Тале Кристо — Wed, 24 Mar 2021 13:12:51 +0000

Основното јавно обвинителство Скопје поднесе предлози за издавање казнен налози против четири лица за кривично дело – Непостапување според здравствените прописи за време на епидемија согласно член 206 став 1 од Кривичниот законик. Обвинетите биле затекнати како се движат на различни локации низ градот за време на полицискиот час, определен како мерка за превенција и сузбивање на ширењето на заразна болест. За четворицата обвинети јавните обвинители му предложија на Основниот кривичен суд Скопје да изрече парични казни од по 10 дневни глоби, со поединечна вредност на дневната глоба од 20 евра во денарска противвредност. За еден скопјанец, пак, Основното јавно обвинителство Скопје поднесе Обвинителен предлог за кривично дело – Фалсификување исправа од член 378 став 1 од Кривичниот законик. Делото било сторено така што обвинетиот на 17 март бил затекнат како се движи на улицата „Цветан Димов“ за време на полицискиот час, при што употребил лажна исправа – дозвола за движење на вработен поради континуитет на работниот процес. Имено, тој во наведеното правно лице извршувал работни активности само во периодот од 08-16 часот.

Предлог казни од по 800 евра за пет лица од Велес за непочитување на полициски час

Тале Кристо — Tue, 19 May 2020 11:19:48 +0000

Основното јавно обвинителство Велес до Основен суд Велес денеска поднесе предлози за издавање казни од по 800 евра против пет лица за непочитување на полициски час. – Обвинетите го прекршиле полицискиот час, односно спротивно на Одлуката за забрана и посебен режим за движење на територијата на Република Македонија, биле затекнати како се движат на различни локации во часовите кога тоа е забрането, се вели во соопштението од ОЈО. Јавното обвинителство предложи на обвинетите да им бидат изречени парични казни во висина од по 40 дневни глоби во износ од по 20 евра, односно по вкупно 800 евра во денарска противвредност. Сите лица се теретат за непостапување според здравствените прописи за време на епидемија од член 206 став 1 од Кривичниот законик.

Постапка за пет лица кои го прекршиле полицискиот час во Гостивар

Тале Кристо — Tue, 05 May 2020 13:25:05 +0000

Гостиварското Jавно обвинителство поведе постапка за пет лица кои го прекршиле полицискиот час. – Обвинетите во одделни кривично правни настани го сториле кривичното дело „непостапување според здравствени прописи за време на епидемија“ од член 206 став 1 од Кривичниот законик. Тие не ги почитувале мерките и одлуките за забрана на движење на населението, па за време на полицискиот час без дозвола, пеш или со возило се движеле низ градот, се вели во соопштението од ОЈО. За обвинетите обвинителството побара од судот да им изрече парични казни во износ од по 100 дневни глоби.

Пет лица повредени во сообраќајка во Скопје

Тале Кристо — Sun, 15 Dec 2019 13:50:35 +0000

Во сообраќајна незгода што се случила вчера на крстосница од булеварот „Александар Македонски“, улица „16-та Македонска Бригада“ и улица „Интернационални Бригади“ едно лице се здобило со тешки, а четворица со телесни повреди. Од МВР информираат дека во сообраќајната незгода учествувале товарно моторно возило, патничко моторно возило „фолксваген туран“ со скопски регистарски ознаки, управувано од А.Д.(25) од Скопје, товарно моторно возило,„митцубиши“ со скопски регистарски ознаки, управувано од Т.З.(27) од Велес, патничко моторно возило „дачија данкер“ со скопски регистарски ознаки, управувано од Д.П.(27) од Скопје, патничко моторно возило „фолксваген пасат“ со скопски регистарски ознаки, управувано од С.А.(44) од скопското село Грушино, патничко моторно возило „опел астра“ со скопски регистарски ознаки, управувано од В.Т.(62) од село Миладиновци, скопско и патничко моторно возило „фолксваген голф“ со скопски регистарски ознаки, управувано од Д.Ц.(30) од село Брњарци, Скопско. Во незгодата со тешки телсени повреди се здобила С.Д.(51) од Скопје, сопатник во патничкото моторно возило „фолксваген туран“, а кај четворица останати учесници во незгодата биле констатирани телесни повреди. Увид на местото на настанот извршила екипа од СВР Скопје.

Најмалку пет лица загинаа во пожар во стан во јужна Германија

Дарко Андоновски — Fri, 08 Feb 2019 06:49:16 +0000