петар арсовски – Kurir.mk

Арсовски: Референдумското прашање на ВМРО-ДПМНЕ беше прецизно

Ивана Ефремовски — Mon, 26 Sep 2022 18:21:45 +0000

Политичкиот аналитичар Петар Арсовски во вечерашното гостување во емисија Само вистина на Канал 5 телевизија, говорејќи за референдумското прашање на ВМРО-ДПМНЕ кое гласи „Дали сте за напуштање на важноста на Законот за ратификација за Договорот за пријателство, добрососедство и соработка меѓу Македонија и Бугарија објавен во ‘Службен весник’ од 18.01.2017?“ вели дека истото било прецизно составено. Посочи дека доколку се прифатило барањето за референдум и истиот би бил успешен тогаш пратениците во македонското собрание императивно би морале да донесат специјален закон со кој би се укинал или поништил важењето на Законот за ратификација за Договорот со Бугарија. -На ВМРО-ДПМНЕ референдумското прашање беше многу прецизно, односно дали сте за да се напушти важноста на тој и тој закон и кога би бил успешен тој референдум тој би ги приморал пратениците императивно да мораат да донесат лекс специјалис со кој се укинува или поништува важењето на тој закон, посочи Арсовски.

Срамни обвинувања од Петар Арсовски од СДСМ кон Павле Трајанов: Не знам дали Владата ќе опстане

Дарко Андоновски — Tue, 23 Feb 2021 10:46:57 +0000

Македонскиот актер Петар Арсовски кој важи за близок до власта со срамни обвинувања кон Павле Трајанов. „Не знам дали владата ќе опстане, но сигурен сум дека Павле пак ќе исплива на површина. Главен советник е, бара правда? Сега?“, стои во неговиот пост на Фејсбук.

И најтврдокорните поддржувачи на Заев го критикуваат зошто ја остави земјата без вакцини

Магдалена Андонова — Mon, 01 Feb 2021 20:39:22 +0000

Петар Арсовски, кој важи за еден од гласноговорниците и поддржувачи на власта смета дека Владата направи многу грешки во справувањето со пандемијата на корона вирусот, како на пример недоволните рестриктивни мерки кои прерано се укинуваа за да им се угоди на одредени економски гранки, како на пример угостителите. Тој во емисијата „Клан дебата“ на телевизија Калн истакна дека како и во сите други области во кои Македонија не се справува добро како на пример борбата против корупцијата, екологијата, справувањето со еконмската криза, на исто ниво за справување е и со пандемијта. Арсовски исто така испрати критики до Владата која не успеа да обезбеди вакцини против Ковид-19, додавајќи дека Владата и минитрите требаше да одат од производител до производител и по секоја цена да обезбедат вакцини, а не да седат во Македонија и да се надеваат дека вакцини ќе добијат преку солидарниот систем. - Многу очекувавме и многу се услонивме на системот на солидарност на меѓународната испорака на вакцина. Ние требаше, специјален закон кој ќе ги прескокнеше административните процедури за увоз на вакцини, да донесеме во октомври. Требаше да ги баталиме овие очекувања од Ковакс, солидарните системи и требаше Владата и министрите да го запалат авионот и да одат од производител до производител и да се обидат да обезбедат вакцини по било која цена, рече Арсовски. Тој посочи дека Владата требаше да предвиди дека на светско ниво ќе биде борва за вакцина и дека солидарноста, како што кажа, ќе отиде по ѓаволите и де ка требаше да се занимава со реална политика. Требаше да сме свени дека единсвениот механизам по кој нарачавме вакцини нема да профункционира на време, додаде Арсовски.

ФОТО: „Независниот“ аналитичар Арсовски на ручек со високи функционери на СДСМ

Магдалена Андонова — Fri, 31 Jul 2020 09:45:49 +0000

„Независниот“ аналитичар Петар Арсовски кој грчевито ги брани политиките на СДСМ и власта на телевизија забележан на ручек на охридското крајбрежје со високи функционери на владеачката партија, објави порталот Инфомакс. На ручекот е фотографиран Арсовски во друштво генералниот секретар на СДСМ, Љупчо Николовски и бившиот советник на Зоран Заев, Маријан Забрчанец, Бојан Маричиќ. Арсовски никако да се тргне од малите екрани, каде со своите ставови очајно се обидува да пго пере мозокот на македонските граѓани во полза на СДСМ. Сега веќе е очигледно од каде тој ги добива своите директиви. Клучната вечер, пред Зоран Заев да ја одржи прес конференцијата во Владата на Република Македонија по дебаклот во Брисел со недобивањето на датум за преговори со Европската Унија сите очи беа свртени кон Владата на Република Македонија. Токму оваа вечер камерата на Инфомакс го сними „независниот“ аналитичар Петар Арсовски како влегува во Владата на Република Македонија на консултации, многу веројатно кај тогашниот премиер Зоран Заев бидејќи тој беше последниот кој ја напушти зградата.

Петар Арсовски: Законот за јазици, ваков каков што е, ќе направи Македонците и Албанците да комуницираме преку преведувач

Ивана Ефремовски — Tue, 14 Jan 2020 15:55:14 +0000

Добро познатиот поддржувач на политиките на актуелната Влада предводена од СДСМ и Зоран Заев, Петар Арсовски, смета дека на крајот, Законот за јазици ќе направи, Македонците и Албанците да комуницираат преку преведувач. -Јас мислам дека ние се уште не сме ја завршиле суштинската дебата, дали сакаме паралелизам или сакаме интеграција. На пример, Законот за јазици, ваков каков што е, ќе направи јас и вие да комуницираме преку преведувач, на крајот. Наместо да не натера да си ги научиме јазиците еден со друг. Дури и по цена на тоа, Македонците да учат албански задолжително. Тоа е исто така прашање на паралелизам или интеграција. Ќе ни овозможи секој да зборуваме на својот јазик во паралелни општества понатака, истакна аналитичарот Арсовски. Гостувајќи во дебатната емисија “Клан дебата“ на телевизија Клан Македонија, на која се дискутираше за предизборната реторика која ќе ја користат политичките партии, Арсовски и неговите соговорници, албански аналитичари разговарајќи и за правата на Албанците во Македонија, се согласија дека во општините со мнозинско албанско население, Македонците се тие кои се дискриминарани.

Арсовски: „Рекет“ може да влијае најмногу на изборните резултати

Ивана Ефремовски — Thu, 14 Nov 2019 21:35:32 +0000

Аналитичарот Петар Арсовски вели дека случајот „Рекет“ може да влијае најмногу врз изворните резултати на пролет. -„Рекет“ по мене е најголемата варијабла која најмногу влијае на рејтингот на сите партии во предизборието. Помалку, според мене, од недобивањето на датум за ЕУ, помалку од која било варијабла бидејќи се сите политички елити вмешани внатре, бидејќи го покажува најлошото лице на македонската правда и тука губитници се сите политички елити, истакна тој во гостувањето на „Клик Плус“.

Арсовски: Ако не се смени начинот на владеење залудно е да се сменат и сите функционери

Ивана Ефремовски — Wed, 26 Jun 2019 08:30:07 +0000

Очекувањата кои ги имаше јавноста, експертите и политичките актери од реализирање на операцијата „Метла“ по објавата на имињата на новиот владин состав не се реализираа целосно. Напротив за дел од решенијата има критики дека се несоодветни кадри, дека дел од министрите се само прераспределни, а најмногу критики има за преземањето на функцијата прв финансиер на државната каса од страна на премиерот Заев кој се нафаќа да го води еден од најкомплицираните владини ресори, анализира порталот Фактор. Со политичкиот аналитичар Петар Арсовски порталот прави рекапитулар на досегашните кадровски решенија, за тоа кои се главните предизвици со кои мора да се соочи премиерот Заев за да обезбеди вистински реформи и промени во начинот на кој функционира власта, а со тоа и владеење на правото и раст на економијата со поддршка на реалниот сектор. Фактор: Познати се имињата на новите владини министри, како и на тие кои добиваат голата или целосно се повлечени од Владата. Дали оваа владина реконструкција ги исполнува очекувањата за најавената метла, што доби и што загуби Заев со ваков список? Арсовски: Реконструкцијата како што е направена не е преголема, такашто за целосна оценка за промените треба да се почекаат сите преименувања, вклучително директори на јавни претпријатија и владини сектори. Сепак, не се имињата најважни, најважно е дали со реконструкцијата ќе се смени и начинот на практикување на власта, односно дали ќе се бараат повеќе резултати од министрите, дали ќе има систем на одговорности и поефикасно спроведување на владините политики. Без таква промена, и сите функционери да се сменат, новите набрзо ќе почнат да се однесуваат како старите, оценува тој. Целото интервју на Петар Арсовски прочитајте го на порталот ФАКТОР.

Арсовски: Владиниот тим не би треба директно да биде вклучен во кампањата на Пендаровски

Предраг Кукиќ — Tue, 02 Apr 2019 09:32:18 +0000

Аналитичарот Петар Арсовски во изјава за емисијата „Отворено на Алфа“ зборуваше за престојните претседателски избори. Имено тој го коментираше и вклучувањето на Марјан Забрчанец во кампњата на кандидатот за претседател од страна на СДСМ, Стево Пендаровски. -Вклчувањето на Забрчанец во кампањата би било етички проблематично. Па прашањето е дали тоа тој го работи во текот на работно време или после тоа и дали за тоа тој добива дополнителна надокнада. Тука има такви нијанси коишто треба да се истражат, меѓутоа секако владиниот тим не би требало директно да биде вклучен во кампањата на Пендаровски, истакна аналитичарот Арсовски. Тој посочи дека треба да се има во предвид дека владините функционери попладне одат во партија, а партијата го кандидира Пендаровски, па така тие не можат да избегаат од невклученост во таа кампања.

Петар Арсовски зажали што влезе во дуел со Бил Николов (ВИДЕО)

Дарко Андоновски — Thu, 21 Jun 2018 14:44:28 +0000

Македонскиот аналитичар Петар Арсовски и претседателот на Македонското меѓународно движење на човекови права беа дел од телевизиското гостување на англискиот сервис на Турската телевизија. Арсовски сигурно зажалил за настапот во емисијата, погледнете.

Арсовски: Македонија е двонационална држава и во општините каде што Mакедонците се малцинство задолжително да учат албански јазик

Ивана Ефремовски — Wed, 14 Mar 2018 12:11:13 +0000

Македонија не е еднонационална држава, Македонија е двонационална држава. Mакедонците кои се малцинство во општините каде што Aлбанците се мнозинство, треба да имаат задолжителна настава на албански јазик до осмо одделение, рече аналитичарот Петар Арсовски кој важи за многу близок со владеачката СДСМ, на дебата за Законот за јазици во емисијата “200“ на Алсат -м телевизија. Тој вели дека како што има јазична политика за македонски јазик, сега треба да се донесе јазична политика за албанскиот јазик. Воведувањето јазична политика за албански јазик не го нарушува правото на Mакедонците да зборуваат сопствениот јазик. - Македонија е држава во која живеет две нации, македонската и албанската. И македонската нација која е дел од македонската држава, го зборува маkедонскиот јазик, Албанците кои што живеат и кои се дел од албанската нација во Македонија, зборуваат албански. Не знам за што се поистоветува нивното право да се обратат кон државата на албански јазик, со загрозување на нацијата, констатираше Арсов. Тој исто така вели што го интересира некој Македонец дали Албанците ќе зборуваат албански, кога тој цел живот ќе може да се обраќа пред било која институција во било која ситуација на македонски јазик. Арсовски смета дека за носењето за Законот за албански јазик нема за што да биде прашан „некојси Трајче (Македонец)„, за тоа требало да бидат прашани исклучиво само Албанците. Според аналитичарот, Македонија е двонационална држава со големо малцинство Албанци, и дека не вреди да се дискутира за идеологијата на Мекедонците и за тоа колку Македонците се чувствуваат навредени од носењето на законот за албански јазик. - Македонија не е еднонационална држава, Македонија е двонационална држава со големо малцинство Албанци, 30%. Тоа е скап систем за одржување и точно е дека носењето на законот за јазиците, ја прави администрацијата поскапа, покомплицирана, поспора. Не вреди да се дискутира околу идеологијата и за тоа колку се навредени Македонците со носењето на еден ваков закон, во емисијата “200“ рече Петар Арсов. Тој исто така смета дека ако на нешто вреди Македонија да потроши пари, тогаш тоа е овој проект за двојазичност.