петар атанасов – Kurir.mk

Атанасов: Ставовите на Мицкоски за неприфаќање на уставните измени по секоја цена се разумни и рационални, за разлика од Ковачевски

Тале Кристо — Mon, 07 Nov 2022 19:17:53 +0000

Европската унија е последен спас, односно последна сламка за спас на владата на СДСМ и Димитар Ковачевски и дека по секоја цена сакат успех на тоа поле и не гледаат други работи, дека има незадоволство дека начинот на тоа кое што го прават не е добар, вели Петар Атанасов, професор на УКИМ во вечерашното гостување во емисијата Топ тема на Ваша страна на ТВ Телма. Второ што мене ужасно ми смета во последно време, повторно се прави една стратешка грешка од страна на високата владина политика, се поистоветува владата, интересите на владата на партијата и на државата. Да се разбереме СДСМ и владата се една работа, државата е друга работа. Значи во ниту еден случај не може тоа да се поистовети. Но еве нека учат од нивните колеги од Софија како се бранат интересите на државата, смета тој. Атанасов го коментираше и ставот на лидерот на опозицијата Христијан Мицкоски во однос на неприфаќање на уставните измени рече дека се рационални и разумни. Морам да кажам дека ми се допаѓаат изјавите на ВМРО-ДПМНЕ Христијан Мицкоски звучат рационално и разумно, до кога ние ќе попуштаме, кому ќе попуштаме, по која цена ќе попуштаме, што е линијата или границата на таа приказна зошто ние постоиме, до каде ќе одиме, изјави Атанасов. Според Атанасов, додека Мицкоски има јасен став за уставните измени, за премиерот Ковачевски смета дека не работи како што треба. Ковачевски не работи како што треба, истакна тој.

Поранешен заменик министер, кадар на СДСМ формираше ново политичко движење

Ивона Петрова — Sun, 06 Nov 2022 14:10:35 +0000

Поранешниот заменик министер за образование, Петар Атанасов кој на позицијата беше поставен како кадар на СДСМ, очигледно не се согласува со политиките на владејачката партија. Атанасов се јавува како еден од основачите на движењето „Македонска модерна“ за кое се вели дека е создадено од неколкумина ентузијасти за подобра иднина на државата, кои не се согласуваат и не можат да се помират со ситуацијата во Македонија. Програмата, идејата и целите на ова ново политичко движење „Македонска модерна“ викендов беа претставени во Ново Село. За потсетување, Атанасов во 2019 година поднесе оставка од функцијата заменик министер поради, како што образложи во отворено писмо до тогашниот премиер Зоран Заев, неспроведување на реформи во секторот.

Атанасов: СДСМ не дозволи преродба во државата, крупните прашања се решаваа во одредени центри на моќ, пример за тоа е приватниот разговор на Заев со Меркел

Катерина Бојаџиева — Thu, 22 Sep 2022 17:52:47 +0000

Што имаше поприродно од тоа јас да бидам министер за образование, со сите ингеренции кога пет години ја работев програмата на СДСМ за образование и имав тим. Дури и јавно го промовирав тимот, и кажав се што измени ќе има, комуницирав со сите, јас бе министер во сенка на образование. Се што требаше да се направи, јас направив. Од моментот кога требаше да ја реализираме програмата преку партијата, преку Владата, Заев правеше некои калкулации кои што не ми беа јасни, тоа беше првиот момент. Секако не ми беше дозволено на мене и на мојот тим да спроведеме тоа што го имавме како амбициозна десетгодишна образовна програма, а не како овие програмчиња и сега што ги нудат реформчиња, истакна Петар Атанасов во гостување во емисијата „Што не е јасно“ на Алфа телевизија. Атанасов додаде дека од тој момент му беше јасно дека нема да има ренесанса, ниту преродба, односно дека нема да има ништо ново. „Луѓе кои што не требаше да дојдат на одредени позиции, дојдоа на одредени позиции. Почнаа бахато да се однесуваат. На младите луѓе на кои им беше дадено шанса, немаа никакво искуство. Се решаваа големи крупни прашања во одредени точки односно центри на моќ. На пример ми остана сликата на Заев со Меркел по еден приватен разговор на тераса. Можам да замислам што таму било разговарано“, рече Атанасов. Тој посочи дека за жал владата на СДСМ не донесе никакви промени во Македонија, за жал ништо не направи од тоа што го ветуваше. „Јас во моментов кога влегов во Извршниот одбор, не само во Централниот одбор на СДСМ, однадвор бев повикан да им помогнам зашто јас не бев нивен член. Јас имав веќе во тоа време преговори со три американски универзитети, но јас тоа го стопирав и влегов во тимот на Зоран Заев за да помогнам за да се направи подобар живот и подобра држава. Замислете колкава била мојата приватна жртва. Значи во Вирџинија и во Пенсилванија имаше три универзитети кои ми имаа испратено покани за меѓународни оддели и за балканските конфликти, а јас тоа го жртвував за да останам тука и за да помогнам. И што се направи? И кога видов дека не се прави тоа што треба да се направи, ден денес ми е многу жал што не се случи тоа и затоа се повлеков“, нагласи тој. Атанасов укажа дека СДСМ не дозволи да го направи тој што имаше предвидено во делот на образованието и се чувствуваше дека ја нема таа сериозност во владата за да смени нешто за подобар живот на граѓаните.

Атанасов: Заради неспособноста, кадровската политика и лошото решавање на националните интереси, Ковачевски и СДСМ како коалиција не заслужуваат веќе да ја водат Македонија

Тале Кристо — Thu, 22 Sep 2022 17:03:00 +0000

„Ковачевски е делигиран човек од еден или од два центри на моќ и без никаков легитимитет мисли дека е премиер на оваа држава и влече потези, дали на некого му се допаѓаат или не. И тој трча зад проблемите како и секој лош лидер и секој лош премиер. Тој трла зад проблемите, не решава проблеми,нема ниту еден проблем решено“, истакна Петар Атанасов во гостување во емисијата „Што не е јасно“ на Алфа телевизија. Атанасов додаде дека Ковачевски и СДСМ не заслужуваат да ја водат Македонија заради лошата и неспособна политика. Оваа гарнитура на власт не разликува што е државен, а што е национален интерес. „Во овој момент Македонија никаде не оди со овој премиер. Веројатно овие кои што му ги пишуваат говорите сега се добри, па убави говори му пишуваат. Но, во вчерашниот говор има политички грешки многу особено за внатрешни интеграции и социјалните елементи“, рече Атанасов. Тој посочи дека не е национален интерес власта да им потпишува на една фрустрирана политичка елита од Софија се што замислила. „Ковачевски и СДСМ како коалиција не заслужуваат веќе да ја водат Македонија! И тоа поради кадровската политика, лошата кадровска политика и заради многуте работи кои што ги направија погрешно. Они не разликуваат државен од национален интерес. Тоа е незамисливо за мене како човек кој што цел живот е со знаење и наука, што пледира да знаеме што правиме, ако сме мала држава. Ти можеш да ги браниш државните интереси во преговорите со Бугарија. Државен интерес е Македонија да преговара веднаш, ама не е национален интерес да разговараме за Гоце Делчев. Не е национален интерес да им потпишувате на една фрустрирана политичка елита од Софија, па да замислува што си замислила и сега ние да им ги исполнуваме желбите. Па не може тоа така“, нагласи Атанасов. „Заради неспособноста, кадровската политика и заради трчање по проблемите, заради лошо решавање на националните интереси, особено во односите со Бугарија оваа Влада не заслужува повеќе да владее“, појасни Атанасов.

Долгогодишниот член на СДСМ, Атанасов потврди дека ќе формира нова партија

Катерина Бојаџиева — Fri, 24 Dec 2021 18:51:41 +0000

Поранешниот заменик-министер за образование и долгогодишен член на СДСМ, Петар Атанасов, ќе формира нова партија, објави Канал 5. Иницијативата за формирање на партијата сè уште е во зачеток, а кога ќе биде официјализирана ќе зависи од составот на новата Владата и компетентноста на кадровските решенија што ќе ги испорачаат органите на СДСМ – вели Атанасов. Според Атанасов дојдено е време за нова политичка сила во државата која би ги обединила незадоволните и од социјалдемократските, но и од политиките на другите партии, како и сите граѓаните кои, како што вели, сакаат подобра иднина.

Атанасов: СДСМ направи катастрофална грешка на локалните избори се определи за кандидати кои лошо котираат, а Димитриевски не го поддржа

Тале Кристо — Wed, 10 Nov 2021 21:38:09 +0000

Јас со Максим Димитриевски се познавам повеќе од 8 години, не знам како СДСМ направи така катастрофална грешка. Кај Максим беше јасно дека високо котира, а СДСМ кандидираше некои кои лошо котираа, рече универзитетскиот професор Петар Атанасов и поранешен заменик министер за образование од редовите на СДСМ. Според него народот мора да излезе и да гласа за да имаме јасна ситуација. -Народот треба да се охрабри кога има избори да излезе и да гласа, не може со бојкотирање и негласање да се менуваат работите на подобри, рече Атанасов. Овој резултат на локалните избори, рече Атанасов, веројатно беше казна за лошите политики на СДСМ. -Ова сега беше казна за СДСМ, посочи Атанасов.

Атанасов: Заев е заложник на СДСМ и ДУИ и „жртва“ на Европската Унија

Тале Кристо — Wed, 10 Nov 2021 20:45:06 +0000

Поранешниот заменик министер за образование и наука, Петар Атанасов во своето гостување во емисијата „24 анализа“ на ТВ24 излезе со две објаснувања зошто сме во оваа ситуација и дека имаме уште една епска битка помеѓу ВМРО-ДПМНЕ и СДСМ што завршува на штета на граѓаните. - Се прави една политичка драма. На локалните избори, СДСМ дожиева голем пораз и наместо мирно да се канализираат резултатите и последиците на ова што се случува, се билда нов конфликт. Секогаш има излез од ситуацијата, а за тоа се одговорни лидерите. Заев сам го констатираше својот политички крај, а потоа пресврт. Тој стана заложник на своето членство и ДУИ и „жртва“ на Европската Унија. - вели Атанасов.

Атанасов: Престанете да не убедувате дека Заев е добар лидер, спасете си ја партијата додека не е доцна- досега се распаѓавте хоризонтално, а сега и вертикално

Катерина Бојаџиева — Sat, 23 Oct 2021 15:16:35 +0000

Престанете да не убедувате дека Зоран Заев е добар лидер! Гледате ли до каде не донесе! Другари спасете си ја партијата додека не е доцна. Досега се распаѓавте хоризонтално, а сега се распаѓате и вертикално..., пишува поранешниот заменик-министер за образование и наука од СДСМ, Петар Атанасов. -Еве за почеток гласајте за Максо. Тоа е најдоброто што го имате!, додава Атанасов.

Раскол во СДСМ: Петар Атанасов и Венко Андоновски со поддршка за Максим Димитриевски

Магдалена Андонова — Mon, 13 Sep 2021 11:33:15 +0000

Расколот во СДСМ не престанува. Откако Максим Димитриевски поднесе независна кандидатура за градоначалник на Куманово почнаа „препукувањата“ со лидерот на неговата матична партија. Македонскиот писател, есеист и критичар Венко Андоновски испрати писмо со поддршка за кандидатурата за градоначалник на независниот кандидат и актуелен „татко“ на општина Куманово Максим Димитриевски. Оваа вест дека Македонскиот писател Венко Андоновски го поддржува Димитриевски на својот Фесјбук профил ја сподели Петар Атанасов, актуелен заменик министер за образование кој исто така доаѓа од СДСМ кој напиша:

„Конечно нешто здраво... за суштината на еден конфликт“

Со ова повеќе од јасно е дека партијата СДСМ се разделува, односно нејзини членови и актуелни функционери се одделуваат од актуелното владеење на Зоран Заев. Да потсетиме, Максим Димитриевски изминатиов период изјаци дека СДСМ е „киднапирана“.

Атанасов до Царовска: Најголем проблем е што вие не разбирате во што е проблемот, нудите концепт за кој образовни институции и соодветни факултети се изјаснуваат негативно

Катерина Бојаџиева — Fri, 05 Feb 2021 19:52:37 +0000

Претходните говорници имаа по 20 минути збор, сега ние имаме само по 10 минути. Тоа е за жал, нема правда. Во 2013-тата година тогаш новото раководство на СДСМ лично ме покани во своите раководни структури, а пред тоа никогаш не сум бил член на партија, за да помогнам во зајакнување на идеологијата на партијата која што очигледно беше крахирана. Ме викнаа да помогнам во креирање на стратегии и политики за изградба на македонското општество, за по евентуалната промена на власта и ова да се реализира. Јас мојот дел го исполнив. СДСМ својот дел не го исполни. Тимот што го изградив во СДСМ од посветени луѓе и добри познавачи на образованието и неколкугодишната моја работа пропаднаа. Останаа на хартија сите наши идеи и проекти кои што требаше да дадат подобро образование, истакна денес на собраниска седница Петар Атанасов, при рагледување и коментирање на новиот концепт на образование. Атанасов додаде дека денес заради неговите отворени критики кон владата и МОН за најавата за промени во образованието го поканиле за да зеде учество. „Нашето образование прави многу слаб производ. И тоа што вреди не се препознава. Повеќето вработени во образовните институции не вложуваат ништо повеќе од секојдневно рутинско работење, а вака не се менува системот. Ние немаме основен модел на основно образование, и од тука започнува падот на квалитетот на образованието. Во најмногутте случаи едвај нешто се постигнува, а некаде е со само 50% ефективност“, појасни Атанасов. Атанасов посочи дека тој бил разочаран како се делат високи позиции во владата. „Мене ми е жал што денес морам да говорам против работата на министерката за образование со која заедно сме се залагале за исти или слични цели. А, денес ја предлага оваа образован реформа. Мила Царовска е вистински човек, во вистинско време, но на погрешно место. Успешен министер во еден сектор труд и социјала, се носи во еден потежок сектор каде промените мора да се подготвуваат со месеци пред да започне нивната имплементација, и тогаш не можете да бидете сигурни дека нешто ќе успее. Не е исто да смените еден закон, да имплементирате еден проект со обидот да го менувате системот без доволно подготовки“, нагласи Атанасов. Атанасов рече дека јавната доверба во Мила Царовска и нејзината работа е на најниско можно ниво, тоа бидејќи нуди концепт кој што не е добро осмислен. „Дури и да ги збуткате овие промени, начинот на кој го правите тоа е повеќе од неуспешен. Не е проблем што има реакции, добро е што има реакции. Проблем е што вие не рабирате во што е проблемот. Каков е тој концепт за кој образовни институции и соодветни факултети се изјаснуваат негативно. Тоа е поразувачки“, кажа Атанасов. Атанасов додаде дека Царовска со нејзини предлози само ја вознемирува образовната база.