Петар Богојески – Kurir.mk

Инфомакс: Бугарчето на Каракачанов, Петар Богојески

Ристе Здравков — Fri, 25 Sep 2020 16:47:31 +0000

Претседателот на партијата со најмалку освоени гласови на последните предвремени парламентарни избори „Македонски концепт“, Петар Богојески, бил двоен државјанин. Освен Македонскиот, Богојески последува и пасош од соседна Бугарија. Според информациите кои пристигнаа до „Инфомакс“, Петар Богојески е и активен гласач во Бугарија, а според избирачкиот список на Бугарија е гласач во 23-та изборна општина во Софија (општина Триадица). Бугарското државјанство Богојески го добил во 2003. година со Указ бр.30 од 27 март. Во информацијата доставена до „Инфомакс“ стои и бугарскиот матичен број на „лидерот“ на Македонски Концепт. Богојески државјанството го добил на основа на декларација за „самоопределвуање како Бугарин со неоспорливи докази за бугарско потекло на баба му и дедо му“. Главен застапник за брзото добивање на бугарскиот пасош, стои во информацијата доставена до „Инфомакс“, бил претседателот на бугарското ВМРО-БНД Красимир Каракачанов, кој според анонимниот доставувач на информацијата е полковник во бугарското разузнавање. Адресата на Петар Богојески во Софија е ул. Искарска 6, во зграда која и официјално е во сопственост на партијата на ВМРО-БНД на Каракачанов. Богојески и магистрирал во Пловдив со стипендија која ја добил од ВМРО на Каракачанов, тврди свиркачот за „Инфомакс“. Освен стипендијата и државјанството, Каракачанов – тврди изворот на „Инфомакс“, бил и главниот финансиер на „Македонски концепт“, а главни поддржувачи на неговата партија пак се Лазар Младенов и Мирослав Ризински од „Бугарскиот културен клуб“ во Скопје – или како што вели изворот на „Инфомакс“ – слуги на Каракачанов. Свиркачот за „Инфомакс“ додава дека состаноците помеѓу Богојески и Каракачанов се одвиваат во Софија во централата на ВМРО-БНД на улица Пиротска 5. Во текот на вчерашниот ден Инфомакс побара потврда од Петар Богојевски за нашите информации, но до овој момент нашата редакција не доби никаков одговор.

Дебакл на своето избирачко место- Петар Богојески не го гласале ниту соседите, освоил само три гласови (ФОТО)

Дарко Андоновски — Sat, 25 Jul 2020 13:34:03 +0000

Петар Богојески од Македонски концепт на изборите кои се одржаа на 15 јули во своето избирачко место во Изборната единица 1 освоил само три гласови. Според резултатите достапни во електронска форма во Изборната единица 1 членот на Македонски концепт освоил само три гласа што е повеќе од смешно за човек кој за време на изборната кампања изјавуваше неповторлив успех и изборни резултати. По овој дебакл на социјалните мрежи се појавија и саркастични коментари дека ниту соседите не го гласале Богојески. Инаку во 2018 година додека беше започната фазата за промена на името Еврокомесарот за проширување и добрососедска политика Јоханес Хан откри дека Петар Богојески гласал на Референдумот за промена на името Република Македонија.

Ставот на Богојески не е став на партијата: Мицкоски се огради од неговите изјави

Катерина Бојаџиева — Thu, 01 Mar 2018 14:01:08 +0000

Ако е тоа изјавено од било кој поединец, без разлика како се вика и без разлика чиј член е, тоа апсолутно не е ставот на партијата. Ставот на партијата беше соопштен, јасно и гласно пренесен на јавноста, дека ВМРО-ДПМНЕ не ги организира тие протести, но ВМРО-ДПМНЕ го почитува елеметнарното и загарантирано со Устав демократско право на граѓаните на Република Македонија, без разлика дали се политички определени или не се политички определени да протестираат. И тука немаме никаква дилема. Ниту ги охрабрува, ниту ги обесхрабрува. Тоа е Уставно загарантирана одлука на секој граѓанин во Р.Македонија, без разлика дали е политички определен или неопределен, изјави лидерот на ВМРО-ДПМНЕ Христијан Мицкоски, оградувајќи се од изјавите на Богојески. Во текот на вчерашниот ден, Петар Богојески, дел од групата реформатори на социјалните мрежи ги навреди граѓаните кои протестираа за одбрана на името дека нанеле штета на државата, за подоцна да ги етикетира како „рубља патриоти“.