петар грашо – Kurir.mk

Петар Грашо не остана рамнодушен на овој македонски бенд, а на сцената се качија и Ламбе, Лозано и Врчак (Видео)

Катерина Бојаџиева — Sat, 14 Oct 2023 13:28:14 +0000

Балканската ѕвезда, Петар Грашо пред неколку дена беше ангажиран да пее на приватна прослава кај еден наш познат бизнисмен, а слободното време го искористи да ужива во преубавиот Охрид и да се дружи со своите пријатели од Македонија. Информациите кои ги имаме велат дека пејачот бил воодушевен од музичкиот состав „Фидбек Бенд“ кој го прател при неговиот настап и изразил желба за понатамошна соработка. Станува збор за музички состав кој е активен на домашната сцена повеќе од 14 години и можат да се пофалат со голем број настани, како свадбени и семејни прослави, настапи низ дискотеките ширум нашата земја, гостувања кај македонските иселеници низ европските земји, како и предгрупа на концертите на Дино Мерлин, Здравко Чолиќ, Аца Лукас, Тони Цетински и многу други. На социјалните мрежи се вртат повеќе фотографии и видео клипови на кои се гледа дека покрај големата балканска ѕвезда Петар Грашо, на сцената се качиле и нашите музички ѕвезди Ламбе Алабаковски, Влатко Лозаноски и Врчак. „Фидбек Бенд“ го сочинуваат 5 музичари во комплетен вокално-инструментален состав и тоа: Јане Славов (вокал), Игор Гудески (тапани), Томислав Димовски (соло гитара), Димитар Стојковски (клавијатура) и Стефан Петрушев (бас гитара).

View this post on Instagram

A post shared by Фидбек Бенд ( FEEDBACK BAND) (@feedback_band_skopje)

Ослепел преку ноќ, се случил сериозен проблем: Петар Грашо откри низ каква голгота поминал со татко му

Ивана Ефремовски — Sat, 23 Sep 2023 13:44:11 +0000

Петар Грашо е познат по тоа што не сака да зборува за својот приватен живот, а ретко открива детали од него во јавноста. Сепак, тој сега сподели низ каков тежок период поминал со својот татко. Имено, тој открил дека неговиот татко пред неколку години имал сериозни проблеми со очите. -Тој практично ослепе преку ноќ. На едно око не гледаше, а другото му беше тешко оштетено од дијабетес, рече Грашо, а потоа додаде: „Во текот на ноќта се будел слеп, поспан и не знаел што се случува“. Како што вели, Грашо веднаш повикал лекар на кој ќе му биде благодарен до крајот на животот. -Буквално преку ноќ му го спаси окото на татко ми. Татко ми гледа денес. Што да кажам? Кога некој ќе ти го спаси видот, му го должиш остатокот од животот, изјави пејачкот.

Петар Грашо ја испеа песната за првиот свадбен танц на Дарко Лазиќ, а еве колку наплатил за тие 10 минути

Ивана Ефремовски — Sat, 02 Sep 2023 08:37:31 +0000

Петар Грашо пред неколку дена беше специјален гостин на свадбата на пејачот Дарко Лазиќ и за првиот танц ја отпеа песната „Јел ти река ко“. Не е невообичаено песните на Петар да се избираат за првиот танц на свадбите, но сега станува сè попопуларно паровите да го направат тој посебен момент уште поромантичен со ангажирање на Грашо да ја изведе песната во живо. Вообичаено Грашо на свадбата останува околу 10 минути, колку што трае отприлика првиот танц. Со оглед на тоа дека Петар Грашо е една од водечките регионални ѕвезди, многумина ги интересираше колку чини ова задоволство. Извор од музичката индустрија за „Слободна Далмација“ наведува дека пејачот не настапува премногу на приватни веселби, а сака да доаѓа на свадби и да им пее една или две песни на младенците по договор. Тој ангажман чини од 2.000 евра па нагоре.

Петар Грашо проговори за Тончи Хуљиќ: Јас сум одличен за него, но тој е очаен за мене

Ивона Петрова — Fri, 28 Jul 2023 12:57:15 +0000

Петар Грашо неодамна одржа концерт во Истра, но овој пат, како што обично се случува, на настапот не го придружуваше неговиот дедо Тончи Хуљиќ. Пејачот по концертот проговори за нивниот однос. -Одличен сум за него, а тој е очаен за мене. Додека готвам ме навредува со коментари дека дефинитивно нема да биде добро јадењето, потоа кога ќе го зготвам, тој јаде се, пие се, тогаш вие проценете кој е добар за кого, се пошегува Петар во интервју за ИнМагазин. Грашо во февруари 2022 година се ожени со ќерката на Тончи, Хана, со која ја добија ќерката Алба. Пејачот додаде дека е навистина многу среќен во животот. „Мислам дека е природен пат на човекот да се стреми да биде среќен. Среќен сум со сето она што го поминав во мојот живот, бидејќи сето она што го поминав во мојот живот ме наведе да бидам среќен сега“. заклучи тој.

Петар Грашо доби слика од обожавателка па и порача: Имаш доживотни карти за моите концерти (ФОТО)

Ивона Петрова — Sun, 25 Jun 2023 16:27:08 +0000

Петар Грашо неодамна се најде во центарот на вниманието поради едно необично видео од концерт, кога бакна за нога обожавателја поради стихот од неговата песна што таа го истетовирала. Долго време ова видео од настапот беше главна тема на која се зборуваше, а сега Граша доби уште една потврда колку е популарен кај понежниот пол. Овој пат го воодушеви девојка од Словенија, а приказната ја раскажа на социјалните мрежи. -Маша го побара мојот потпис на концерт во Марибор и ми рече: „Ќе го истетовирам ова“. Се насмеав мислејќи дека се шегува, и’ и кажав „Прати ми слика“. Не се шегуваше. Драга Маша, имаш доживотни билети за моите концерти. Се надевам дека нема да ти биде тешко да го носиш Грашо на грб, објави пејачот.

View this post on Instagram

A post shared by Petar Grašo (@petargrasoofficial)

Културно лето на Кисела Вода вредно за историја: На концертот на Петар Грашо преку 30 000 луѓе (ФОТО)

Катерина Бојаџиева — Sun, 25 Jun 2023 13:37:59 +0000

Магична вечер која никој нема да ја заборави, се случи синоќа во општина Кисела Вода. Преку 30 000 посетители се собраа во Расадник, на финалето од Културното лето каде концерт одржа Петар Грашо, а вовед во музичката приказна даде Жаре Бербер со “Галама” бенд. Не постои човек кој замина од таму без преубави спомени. До доцна во ноќта во еден глас се пееја силно емотивните хитови на можеби најголемата балканска ѕвезда во моментов. Со неговата најнова „Јел ти река ко“, Петар Грашо го отвори концертот и уште од првата песна ја освои публиката. Речиси два часа публиката собрана во Кисела Вода ги пееше “Ако те питају”, “Срце за водича”, “Уторак”, “Моје злато”... Дел од концертот Грашо му посвети и на Оливер Драгојевиќ преку прекрасна изведба на незаборавните „Цесарица“, „Два пут сам умра“ и многу други. Не изостанаа ни желбите на публиката, а за крај и огномет... Петар Грашо не ја освои само сцената, синоќа тој испиша една од најубавите страници во историјата на културно-забавниот живот на општина Кисела Вода. Секако, голема е заслугата и на Жаре Бербер, кој со својот Галама бенд направи толку добра атмосфера што дури и дождот кој се закануваше на почетокот, не ја спречи реката од народ која пристигна во Расадник да игра, да пее и да ужива. А во публиката имаше и стари и млади, како и многу познати ликови и од естрадата и од општествениот и политичкиот живот. Заокружувањето на настаните ќе се случи во четврток , на 29ти јуни со прославата на 68-иот роденден на Општина Кисела Вода, каде повторно пред салата Расадник, голем концерт ќе одржи групата “Нокаут”, а пред нив ДЈ сет ќе има DJ Mats. Бескрајната приказна на Општина Кисела Вода која станува се’ подобра, во целост го оправда годинешниот слоган и постави пред себе уште повисоки критериуми за следната година.

Продолжува Кулурното лето на Кисела Вода, вечерва ќе пее Петар Грашо

Ивона Петрова — Sat, 24 Jun 2023 09:07:07 +0000

Уште еден концерт од Културното лето на Кисела Вода се одржа синоќа на Три Круши во Драчево. Многубројната публика уживаше во фолк хитовите, маестрално изведени од бардовите на македонската народна музика, Сузана Спасовска и Миле Кузмановски. Ним им претходеше концерт на КУД Китка, фолклорниот ансамбл кој е препознатлив белег на Драчево, но и на цела општина Кисела Вода. Настанот се затвори со голем огномет, а аплаузите не престануваа уште долго потоа. Културното лето продолжува и денес во паркот пред салата Расадник. Од 10 часот започна настан посветен на децата-Игри без граници, дополнет со Маша и Медо, аниматори, забавувачи, детски хорчиња, зумба во природа... Од 21 часот повторно во Расадник, најавуваме одлична забава, најпрво со Жаре Бербер и Галама Бенд, а потоа од 22 часот следува голем концерт на балканската ѕвезда Петар Грашо. Од Општината ги покануваат сите да бидат дел од Бескајната приказна за Кисела Вода која станува се’ подобра!

„Македонка спиеше пред мојата врата“: Популарниот пејач откри необична случка со обожавателка

Катерина Бојаџиева — Sat, 11 Feb 2023 14:28:41 +0000

Познатиот хрватски пејач Петар Грашо за српскиот магазин „Блиц Плус“, открива дека една случка со обожавателка од Македонија ќе ја памети како најнеобична во неговиот живот. Иако се смета за просечен маж без мускули и живот посветен на изгледот, тој сепак е голем миленик на дамите од понежниот пол. -Што се однесува до обожавателките, имаше неколку непријатни ситуации, кои ја поминуваа тенката линија. Девојка од Македонија еднаш дојде и спиеше пред мојата куќа додека бев на турнеја. Соседите ме повикаа да ми кажат дека некој кампува пред мојата куќа. Кога дојдов, на убав начин го решивме тоа. Ја повикав во куќата, и покажав дека сум само човек и дека ја сакам својата приватност. Потоа таа си отиде дома, понекогаш ми пишува, се омажила, има две деца. Ова не е некаква ексклузивна приказна која ја имам во животот. Веројатно повеќето луѓе кои се медиумски експонирани имаат такви ситуации. Меѓутоа, тоа никогаш не влијаеше на стабилноста на мојата врска, вели Грашо.

Шокантен потег на Петар Грашо: ГРИЗНА обожавателка на сцена (ВИДЕО)

Ивана Ефремовски — Sun, 05 Feb 2023 22:02:30 +0000

Хрватскиот поп пејач Петар Грашо, кој неодамна се појави со сопругата Хана Хуљиќ на церемонијата на доделување музички награди во Белград, на концерт гризна обожавателка за нога, а видеото се појави на социјалните мрежи и се прошири брзо. Многумина се шокирани од ваквиот потег на хрватскиот пејач, а на видеото се гледа дека обожавателката стои на бината покрај Грашо кога тој приоѓа и ја гризе за ногата. На некои ова им е смешно, други се чудат.

Petar Grašo! pic.twitter.com/CBRXNHW9sj
— Pluton (@Pluton45873221) February 5, 2023

Со неа беше во врска 24 години, а потоа се ожени со Хана: Петар Грашо призна во какви односи е со Данијела Мартиновиќ

Ивана Ефремовски — Fri, 27 Jan 2023 11:16:00 +0000

Пејачот Петар Грашо конечно проговори за врската со поранешната партнерка Данијела Мартиновиќ со која беше во врска 24 години. -Не сум во кавга со никого. Ние секогаш сме во добри односи – изјави Грашо. Инаку, Грашо неодамна се ожени со Хана Хуљиќ. Тие ретко се појавуваат заедно во јавност, особено откако минатата година ја добија ќерката Алба.