петар колев – Kurir.mk

Македонски Бугари во Брисел на средба со еврокомесарот за проширување, Оливер Вархеји

Ристе Здравков — Mon, 30 Jan 2023 14:05:23 +0000

Претставници на македонските Бугари оваа недела ќе остварат средба со Комесарот за проширување и добрососедство на Европската унија, Оливер Вархеји, јавува БГНЕС. На средбата еврокомесарот одат Петар Колев и Георги Трендафилов од Граѓанско-демократската унија како и Љупчо Георгиевски од бугарското здружение „Ванчо Михајлов“ од Битола. Тие во своето најавно писмо до еврокомесарот се жалат на притисоци врз бугарската заедница во Република Македонија како и немање дијалог со локалната и централната власт. Најавена тема на средбата, според бугарските медиуми, пишуваат институционална омраза и системска дискриминација кон бугарската заедница во државава. „Секојдневната стигматизација на нашата бугарска заедница и неможноста за воспоставување дијалог со локалните и националните власти создаваат предизвици за нашата заедница кои често ги надминуваат нашите индивидуални и колективни можности. Искрено се надеваме дека дијалогот со вас ќе придонесе за намалување на секојдневниот притисок врз нас – граѓаните на РСМ, кои не се плашат, и покрај ризикот од дискриминација и говор на омраза, отворено да го браниме нашето македонско бугарско наследство и идентитет“, се вели во писмото. Најавата за оваа средба доаѓа по инцидентот со охриѓанецот и секретар на бугарскиот клуб „Цар Борис Трети“, Христијан Пендиков. Пред неколку дена бугарскиот претседател Румен Радев во телефонски разговор со Вархеји му порачал дека Европската унија мора да ги гарантира правата и безбедноста на Бугарите во Македонија со истата енергија, според Радев, со која се инсистирало на забрзување на македонските евроинтеграции.

Петар Колев: Северна Македонија бара начин сама да си стави вето на патот кон ЕУ (ВИДЕО)

Ристе Здравков — Mon, 31 Oct 2022 10:46:09 +0000

-Северна Македонија бара начин да стави вето на патот кон ЕУ. Нема да ме чуди многу брзо РСМ да добие жолт картон од Европската комисија, изјави Петар Колев, лидер на Граѓанско демократска унија во Македонија, во интервју за БТВ. Според него, Македонија има лицемерна политика – од една страна ги осудува ваквите настани, од друга страна на овој настан во Благоевград пристигнува секретарот на претседателот. -Ако мислат дека со вакви двојни игри од времето на Југославија ќе ја осигураат европската иднина на македонските граѓани, длабоко се лажат, додаде тој. Тој рече дека бугарската реакција на настаните во Благоевград заслужува високи пофалби – На таков начин достоен народ треба да одговори на таквите намерни провокации.

Колев: Не гледам зошто по секоја цена треба да се оди на избори во Штип

Ивана Ефремовски — Wed, 11 Nov 2020 19:21:03 +0000

Петар Колев од Граѓанско Демократска Унија (ГДУ) во своето гостување во емисијата „Само Вистина“ рече дека нивната партија нема да учествува на локалните избори во Штип кои се закажани за 13 декември. -Немаме кандидат бидејќи изборите во Штип се класичен наместен натпревар во кој што четирите првите партии СДСМ, ВМРО-ДПМЕ, Левица и ГДУ. Реално ВМРО-ДПМНЕ, Левица и ГДУ нема да учествуваме, така да мислам дека е јасно кој ќе победи на престојните избори. Но, прашањето е дали сега точно во овој момент треба да одиме на избори, во овие услови на економска криза, на корона криза и кога опозицијата реално не сака да учествува тоа е автоматска служебна победа за тие кој што и сега се на власт во Штип. Не гледам зошто на секоја цена треба да одиме на избори, рече Колев во своето гостување.

ГДУ нема да учествува на избори во Штип: „Лудост е да има избори кога болниците се преполни“

Магдалена Андонова — Fri, 06 Nov 2020 16:30:34 +0000

Во услови на корона криза кога болниците веќе се преполни, медицинскиот персонал истоштен, да бараш предвремени локални избори во Штип е апсолутна лудост, глупост и неодговорност. ВМРО-ДПМНЕ и ЛЕВИЦА се за одлагање на изборите, кое реално им дава уште неколку месеци власт на СДСМ во Штип. Тоа е апсолутно наместена утакмица, во која ние како ГДУ немаме намера да учествуваме. Каква е логиката тие кои така или инаку ќе се на власт, со в.д.градоначалник, како што е со СДСМ во Штип, да сакаат да одиме на избори?, стои во Фејсбук статусот на Петар Колев. - Ќе потрошиме неколку милиони за кампања, маици, пенкала, глупости изнапишани во предизборни програми, пари кои се од даноците на штипјани и другите граѓани на Македонија, наместо да ги насочиме кон здравството. Ќе создадеме опасност за здравјето и ќе имаме избори со најниска излезност, кои автоматски ќе го компромитираат изборниот процес, пишува тој. - ГДУ како политичка партија која учествуваше на последните парламентарни избори, нема да учествува со свој кандидат на овие избори и ќе поведеме кампања во која ќе им објасниме на граѓаните дека е апсолутна глупост во корона криза, додека политичарите лапаат тендери по Штип, вработуваат партиски војници и лажат кај ќе стигнат, ние да си го ставаме здравјето во ризик одејќи од врата на врата и излегувајќи на избори. Ајде барем еднаш да бидеме над личните и тесните политички интереси и да надвладее разумот! И за моја огромна жал нека ни е „честита“ првата блокада од Бугарија, како што би рекле нашите сограѓани албанци-„ЈА ГА ЧУДИМ“, вели Колев.