Петар Марков – Kurir.mk

Марков: Здравствениот систем во Републик Македонија моментално егзистира единствено врз грбот на здравствените работници, власта ништо не направи за подобрување на условите

Дарко Андоновски — Mon, 22 May 2023 18:55:50 +0000

Здравствениот систем во Републик Македонија моментално егзистира единствено врз грбот на здравствените работници. Тоа е видливо и во разговорите со пациентите, но и од разговорите со сите медицински професионалци независно на кое ниво работат. Моментално, моменталната влада на Македонија нема преземено ниту една мерка независно дали се работи за системска или интервентна да подобри било какви услови во било која болница во било кое населено место, во било кој град во Република Македонија. Сѐ што слушаме моментално од власта во Македонија е тоа дека нешто се спрема, дека нешто се готви, дека нешто само што не дошло, но финалниот резултат никако да го видиме. Нема ниту еден импут кој што ќе биде додадена вредност за да може да се намали јазот на релација лекар пациент, така што и пациентите се оставени без соодветна здравствена услуга, но и лекарите се оставени да работат во лоши услови во кои што недостасуваат и технички и просторен и секаков потенцијал, истакна д-р Петар Марков на денешната трибина на ВМРО-ДПМНЕ на тема „Политики за рестартирање на распаднатиот здравствен систем“. Тој исто така додаде дека пандемијата ги покажа сите нефункционалности на здравствениот систем и докажа дека лоша власт може да биде посмртоносна од било кој инфективен агенс кој што е познат за медицинската јавност. „Самата Ковид пандемија, всушност ги покажа сите нефункционалности на здравствениот систем од преголемиот стрес од инфлуксот на пациенти. Не направи штета на системот кој веќе беше руиниран, туку само покажа сѐ што до моментот се криеше зад прес-конференциите и зад изјавите на челниците на власта во тие моменти, а тоа е уште еден доказ дека лоша влада, лошо здравствено раководство може да биде посмртоносно од било кој инфективен агенс кој што е познат за медицинската јавност“, потенцираше Марков. Тој укажа и на потребата од воведување кариерен план со цел да се мотивираат професионалците да останат да работат во македонскиот здравствен систем и да не зависат од од расположението на номиналните носители на раководните функции на здравствените установи. „Потребно е за да се мотивира секој професионалец да остане да работи во здравствениот систен на државата, воведување на кариерен план во којшто секој поединец нема да зависи од желбата или од расположението на номиналните носители на раководните функции на здравствените установи. Неговиот напредок не треба да зависи само од тие, заради што таквите најчесто спроведуваат партиска политика која што е многу далеку од реалната потреба на самите пациенти. Потребно е воведување на систем во којшто индивидуалниот труд на секој медицински професионалец ќе се валоризира врз основа на неговата стручност, на неговиот научен придонес, но и на квалитетот и обемот на здравствената услуга која што ја дава на пациентите“.

Марков: ВМРО-ДПМНЕ од ОК Ново Село најавува силен отпор кон начинот на кој СДСМ раководи со општината

Тале Кристо — Fri, 25 Jun 2021 19:17:23 +0000

Денеска како претставници на ОК на ВМРО-ДПМНЕ од Ново Село побаравме и реализиравме средба со градоначалникот на општината на која адресиравме голем број прашања кои се однесуваат на се поголемите проблеми кои се јавуваат и насоката во која се движи нашата општина, истакна на денешната пресконференција Петар Марков, претседател на ОК на ВМРО-ДПМНЕ Ново Село. -Имено апелиравме на тоа дека веќе четврта година општинската администрација го троши и времето и парите на граѓаните непродуктивно и дека СДСМ не покажа никаков капацитет за унапредување на условите за живеење. Укажавме на тоа дека општината е инфраструктурно западната и дека не само што нема нови проекти и капитални инвестиции ,туку и она кое беше до сега реализирано е руинирано и е во распаѓање. Повикавме на разум бидејќи наместо општината да работи на остварување на ветувањата за време на изборите се занимава со купување и продавање на службени општински возила. Наместо да донесат програми и мерки за облажување на последиците од пандемијата СДСМ носи промени на урбанистички планови со цел овозможување користење јавни парцели за посеви на марихуана. Еве и од овде, од пред општинската зграда и јавноста, дури и да биде како маркетинг за пред избори, бараме да се реализира барем нешто од проектите ветени на граѓаните. Бидејќи доаѓа време на сериозен отпор а за среќа локалните избори ќе дојдат бргу, а тоа значи доаѓање на ново време, на нови луѓе кои се необременети енергични и способни и кои што можат да погледнат во лицето на правдата но и да побараат правда, рече Марков.

Марков: Кривична одговорност за Филипче, нема вакцини загрозено е здравјето на граѓаните има три илјади починати

Магдалена Андонова — Thu, 04 Feb 2021 18:27:06 +0000

КОВАКС обелодени уште една лага на министерот за здравство Венко Филипче. Додека Филипче оперираше со бројка од околу 800 илјади дози на вакцини од КОВАКС механизмот за Македонија, истиот механизам го демантираше Филипче и соопшти дека во првата половина на годинава ќе има само околу 100 илјади дози, изјави денеска за медиумите,Петар Марков од ВМРО-ДПМНЕ. -Кога ќе стигнат останатите околу 700 илјади дози од КОВАКС? Што направи Филипче со директните преговори за набавка на вакцини на Фајзер? Каде се донациите од соседите кои како што рече министерот ќе ги дале за Македонија? Во месец февруари во сите земји веќе се зборува за примање на втората доза од вакцината, и се брои колку од населението е вакцинирано. Македонија ја нема на ниту една листа, посочи тој. -Во Македонија не се зборува за степен на ефикасност на вакцините заради тоа што вакцини не постојат. Заев и министерот Филипче не направија ништо за да се заштити здравјето на граѓаните во овој период на пандемија. Нивното незнаење и незаинтересираност резултира со тоа да нема ниту дури основни лекови. Заради ваквото загрозување на здравјето на граѓаните е потребна кривична одговорност, додаде Марков.

Комисија за здравство на ВМРО-ДПМНЕ: Младите лекари, здравство базирано на потребите на пациентите, здравствена инфраструктура и вложување во човечкиот капитал ќе биде фокусот на обновата

Магдалена Андонова — Sat, 11 Jul 2020 16:52:27 +0000

На трибината организирана од страна на Комисијата за здравство на ВМРО-ДПМНЕ на која учествуваа доктор Игор Николов член на Извршниот комитет, доктор Синиша Стојаноски, претседател на Комисијата за здравство на ВМРО-ДПМНЕ и кандидат за пратеник во првата Изборна единица, доктор Петар Марков, претседател на Комисијата за здравство на УМС и со вклучување онлајн доктор Хавиер Хуртадо Мира, претседател на Младинската демократска заедница на Европа – DEMYC. Доктор Хавиер Мира со потекло од Шпанија говореше за вклученоста на здравствените работници и младите лекари во политиката, ги пренесе своите меѓународни искуства во врска со справување со коронавирусот. Тој истакна дека е добро запознаен со ситуацијата во Македонија, како и тоа дека господинот Заев не ја извршувал добро својата работа , бидејќи како мала земја, имаме голем број на смртни случаи и многу голем број на заразени. - Политиката на затворени граници не помага сама по себе, мора да прават масовни тестирања и PCR тестови, инаку нема да се контролира фокусот на заразата. Затоа жалосно е што социјалистите во владата во Македонија не соработуваат доволно со вашата партија. Кога вие ќе ја водите владата ќе докажете дека економијата и добрата дигитална агенда ќе му помогне и на здравствениот систем. Очекувам дека следната недела ќе се промени иднината на Македонија на подобро, порача доктор Хуртадо Мира. Доктор Игор Николов истакна дека по статистиката бројот на медицински работници секојдневно се зголемува и тоа е загрижувачки, спроведените политики или недостатокот од истите не го даваат ветениот резултат, па бројката на млади лекари кои се илевуваат се зголемува. -Она што ние го ветуваме е подобрување на условите за работа на младите лекари, зошто претходните две години 250 млади лекари ги заминале од државата, вели Николов. Николов посочи дека се соочуваме со недостаток на здравствени услуги и лоша координација во здравствениот систем, која ќе биде надмината со обновата во првите 100 дена од новата влада, каде е предвидено формирање на тело за Национален Координатор за здравство и регионални координатори за здравство кои ќе ги елиминираат локалните проблеми и на тој начин ќе се намалат проблемите на пациентите, како и многу важно дигитализација на здравството, односно проект Здравство – без хартија за да ја олесниме работата и на лекарите и да ги скратиме административните процедури за пациентите. Доктор Петар Марков истакна дека инволвирањето на младите во политиката е клучно заради воспоставување на нивна вклученост во креирање на јавните политики особено во здравството. -Kако Комисија за здравство при УМС на ВМРО-ДПМНЕ даден е особен придонес во креирање на програмата за обнова на Македонија, каде се предвидени бројни проекти за младите лекари особено со предвидената Стратегија за млади лекари којашто ќе развие методологија и правци за актикулирање на концептите за да се вратат младите или да останат да работат во Македонија, вели Марков. Доктор Синиша Стојаноски посочи дека процесот на издигнување на здравствениот систем во Македонија е двонасочен процес, затоа политиката треба да биде во дослух со здравствените работници, пациентите, младите лекари, специјализантите и младите специјалисти кои се иднината на здравствениот систем мора да бидат интегрирани, зошто малдите луѓе и студентите знаат и моѓат да дадат особен импут во креирање на добри јавни здравствени политики. -Не смееме да застанеме на едно ниво, со обновата мора да работиме на континуирано инвестирање на знаењата на младите лекари, она што го предвидува проектот е обнова е зајакнување на јавното здравство со рамноремен регионален развој, со изградба на нови и реновирање на постоечки Клинички центри, подигнување на квалитетот на услугите, односно здравство базирано на пациентите, порача доктор Стојаноски.

Марков: Казни ќе добијат сите, а докторите ќе горат на клада!?

Дарко Андоновски — Mon, 27 Apr 2020 12:19:59 +0000

Докторот Петар Марков на својот Фејсбук профил сподели статус во кој пишува дека казни ќе добијат сите, а докторите ќе горат на клада. -КАЗНИ ЌЕ ДОБИЈАТ СИТЕ, А ДОКТОРИТЕ ЌЕ ГОРАТ НА КЛАДА!? Според наративот кој го наметнува ПР-от на министерот за здравство по се изгледа сака да ни каже дека најверојатно казнени ќе бидат сите, а медицинските работници можно е да завршат и на клада!? Од сите ликови кои пропарадираа на прес конференциите на министерот, ниту еден не спомена дека како можна причина за заболувањето на медицинските работници може да биде токму необезбедувањето со заштитна опрема. Во денешниот извештај како главни причини за зараза на медицинскиот персонал беа наведени замислете „неносењето на заштитна опрема“ и „погрешното користење на заштитната опрема“ од страна на оние кои ја добиле, и тоа со акцент дека „секој кој не го почитува ова правило ќе биде соодветно казнет“. Замислете зборуваме за НЕКОМПЕТЕНТНОСТ и НЕСТРУЧНОСТ на медицинскиот персонал, тие кои 16 часовни дежурства поминуваа САМО со една хируршка маска! Неколку факти: -90 дена од дијагностицирањето на првиот случај во Македонија болниците низ државата сеуште не беа снабдени со лична заштитна опрема, некои сеуште не се; -Најголем процент од здравствените установи беа снабдени преку донации од млади ентузијасти и граѓани кои почувствувале морална одговорност да помогнат – НЕ од министерството за здравство; -Дел од опремата која се дава има 0% капацитет за заштита од коронавирусна инфекција (маски за повеќекратна употреба направени од текстилен материјал); -Дури на 25.03.2020 година (повеќе од 5 недели по почетокот на кризата) министерот за здравство најави дека на 26.03.2020 година ќе започне онлајн тренинг на 30 медицински сестри и 30 лекари, додека на веб страната на СЗО таков тренинг беше достапен уште пред појавувањето на првиот случај во Македонија; -Глумата дека се вложува напори во решавањето на кризата всушност претставува отварање само теми каде има можност за испумпување финансии од буџетот, додека мерките кои чинат „0“ денари или чинат многу малку остануваат непревземени (поставување тријажни станици пред здравствените установи, лична заштитна опрема на најекспонираниот персонал во амбулантите, лична заштитна опрема за матичните лекари и за стоматолозите; -Оставено е на случајност и на неконтролирана еволуција на заразата што во основа претставува смртна пресуда за „случаен граѓанин“, како што и видовме во случаите каде првин луѓе умираат а потоа се дијагонстицираат; Најверојатно се ќе биде сведено на тоа дека се виновни СИТЕ, освен Владата и министерот за здравство и тие се оние кои ќе ги казнуваат останатите; Од контент анализа може да се заклучи дека пропагандата е структуирана во два правци: -Седидома# има за цел да покаже како граѓаните не се спремни да се сносат со одговорноста и дека подоцна тие сами ќе бидат виновни за кризата. Особено ако дојде до компликации за потреба од настап на МВР; -За сето тоа време, онлајн активистите на власта го туркаат наративот на социјалните мрежи со користење на вокабулар: небањати, глупи, сељаци, неморално и слично, што предизвикува сериозна поделба помеѓу граѓаните и се поизразена нетрпеливост; -На националните телевизии секој ден гостуваат инструирани медицински професионалци (воглавно функционери во власта но за жал и професионални авторитети) кои имаат за цел да ја релативизираат одговорноста министерството; Вториот проект е токму министерот за здравство: -Вклучени се уметници и медиуми, колумнисти и активисти кои направија и прават се за да ја релативизираат одговорноста и скријат пропустите (од плескање раце, преку текстови со воспевање до стикери и рамки со министерот за здравство); -За да се скријат тие пропусти се користат прајм тајм термините на сите национални ТВ пикови па дури и (!) познати пикови за интернет медиуми за да се обрати министерот а од анализа на содржината на тоа што го говори нема ништо направено за здравство и сеуште е на “очекуваме“, “ќе добиеме“, “ќе побараме“, “ќе донесеме“. Држи пресови за право, најавува кривични пријави, преку што психолошки гради страв и директно насочување на вина и меѓусебна недоверба на граѓаните и меѓу медицинскиот персонал. -Во настапите Нема НИТУ ЕДЕН показ на спремност на системот. -Тоа што на матичните лекари кои закажале термин за тестирање за корона вирус им се врти за да го откажат терминот е друга приказна и за тоа се потребни сериозни истраги; Секоја наредна власт МОРА да почне од здравствениот систем како имун систем на Република Македонија. Само ако инвестираме во здравството и капацитетите веднаш - ќе биде полесно и општеството ќе се избори, стои во неговиот пост на Фејсбук. https://www.facebook.com/PetarMMK/posts/10222895333475292

Марков: Ви ги пренесуваме ставовите на СЗО, не како бараме – туку како треба

Дарко Андоновски — Mon, 23 Mar 2020 20:50:20 +0000

Унијата на млади сили на ВМРО-ДПМНЕ сподели видеа од доктор Петар Марков во врска со справувањето од коронавирусот во Македонија. Искрената загриженост за граѓаните во Република Македонија а особено за медицинскиот персонал кој ја води најтешката борба со пандемијата со nCoV, ни наметнува чувство на одговорност кое не можеме и не смееме да го премолчиме. Секојдневната слика за неорганизираноста на здравствените установи на целата територија на Република Македонија не принуди да го изготвиме овој видео водич кој е всушност интерпретација на документ издаден од Светската Здравствена Организација.

Пред да бидеме обвинети за прибирање политички поени, важно е да напоменеме ова не го кажува ниту ВМРО-ДПМНЕ ниту било кој поединец од нашата партија, туку СЗО чии професионалци низ искуството во борбата со оваа зараза дошле до овие заклучоци. Чувствуваме особена одговорност да апелираме до медицинските работници да го прочитаат или ислушаат но и да го применат тоа што е запишано, бидејќ тоа се најнеопходните елементи од кои треба да биде изграден еден систем додека трае борбата со оваа пандемија. Темите кои се опишани во овој водич се: 1. Воспоставување тријажа, рано препознавање и контрола на изворот 2. Воспоставување стандардни мерки на претпазливост за сите пациенти 3. Емпириска имплементација на додатни мерки на претпазливост -Контактни и капкови мерки на претпазливост -Аерокапкови мерки за претпазливост 4. Имплементација на административни контроли 5. Користење инженерски и контроли од самата средина -Траење на контактот и капкови мерки на претпазливост за пациенти со nCoV инфекција -Земање и ракување со лабораториски примероци од пациенти кои се сомнителни за инфекција од nCoV 6. Препораки за амбулантско згрижување Апелираме до медицинските професионалци да бидат одговорни кон своето здравје и здравјето на нивните семејства бидејќи и тие но и сите граѓани во Република Македонија имаат потреба од нивното знаење. Заради тоа, секое поглавје кое ќе биде препознаено како неимплементирано во секојдневната работа на било која здравствена установа, претставува прекин на ланецот на заштита на медицинскиот персонал кој е со најголема експозиција на овој инфективен агенс. Со почит, Републичка комисија за здравство на УМС на ВМРО-ДПМНЕ Извор на информации: Водич на СЗО, 25 јануари 2020 Видео и нарација: Д-р Петар Марков Сите видеа и совети на доктор Петар Марков погледнете ги ТУКА

Марков: Сите т.н. мерки кои власта ги презема за специјализантите се популистички и некомплетни

Катерина Бојаџиева — Thu, 31 Oct 2019 09:44:39 +0000

И премиерот на Република Македонија, Зоран Заев и министерот за здравство Венко Филипче во ниту еден јавен настап на која ја третираат темата здравство не изоставуваат да ги споменат специјализантите како група на која и ги решиле проблемите, истакна Петар Марков од ВМРО-ДПМНЕ. -Тврдењата дека прашањата за специјализантите се затворени се далеку од вистината. Сите т.н. мерки кои власта ги презема се популистички и некомплетни. Имено, една цела група на кофинансирани специјализанти не се опфатени со законските измени со кои се регулира времето на одработување во јавните здравствени установи по завршување на специјализацијата. Како и висината на финансиските средства кои специјализантите треба да ги враќаат доколку дојде до раскинување на договорот, истакна Марков и додаде: „Ваков дискриминирачки третман не заслужува ниту еден лекар кој поминал години интензивно високо образование и бил спремен да остане и да придонесе во развојот на здравството во својата земја. Дали се работи за недостаток на политичка волја или пак свесно оставање простор за манипулација со оваа група специјализанти е помалку важно, она што е суштински застрашувачко е дека заминувањето на младите лекари од Република Македонија до октомври 2019 година е најголемо во историјата од осамостојувањето на нашата држава“. Веќе не се во прашање само ниските плати и лошите услови за работа, подвлекува тој, се повеќе станува збор за одговор на потценувањето на интелигенцијата на младите лекари и секојдневните понижувања кои ги трпи лекарската фела.